އަލްހާން: އޭނާ ވިދާޅުވީ ހައިލަމަށް 200،000 ރުފިޔާ ދިނީ އަނބުރާ ދައްކާ ގޮތަށް ކަމަށް.
06 ނޮވެމްބަރ 2019 - 21:08
51 comments
ކްރިމިނަލް ކޯޓުގެ އިސް ގާޒީ އަހްމަދު ހައިލަމް އަށް 200،000ރ. ދެއްވި ކަމަށާއި އެއީ އަނބުރާ ދައްކާ ގޮތަށް އޭނާ ނެންގެވި ލޯނެއް ކަމަށް ރައްޔިތުންގެ މަޖިލީހުގެ ކުރީގެ މެމްބަރު އަލްހާން ފަހުމީ މިރޭ ވިދާޅުވެއްޖެ އެވެ.
އަލްހާން މިގޮތަށް ވިދާޅުވީ އޭނާގެ އަތުން ހައިލަމަށް ފައިސާ ލިބުނު މައްސަލައެއް ޖުޑީޝަލް ސާވިސް ކޮމިޝަން (ޖޭއެސްސީ) އިން ތަހުގީގު ކުރަން ފެށުމުން ހިތްހަމަނުޖެހުންފާޅުކުރައްވައި އެކަން ސާފުކޮށްދެއްވަން ކުރެއްވި ޓުވީޓެއްގަ އެވެ.
އަލްހާން ވިދާޅުވީ އަދިވެސް ހައިލަމަށް ފައިސާ ދެއްވާނެ ކަމަށެވެ. އެކަމުގައި ޖޭއެސްސީ އަށް ކުރެވޭނީ ކޮން ކަމެއްތޯ އޭނާ އެއްސެވި އެވެ.
ހައިލަމް އަށް އަޅުގަނޑު ދެލައްކަ ރުފިޔާ ދިނިން!
— A L H A N F A H M Y (@AlhanFahmy) November 6, 2019
ދިނިއްޔާ ކީއްކުރެވޭނީ؟؟
. އަދިވެސް ދޭނަން! @M_Hameedh @MohamedNasheed @ibusolih pic.twitter.com/NLqprwQfVo
އަލްހާން ވިދާޅުވި ގޮތުގައި ހައިލަމަށް ތުހުމަތުކުރާ 200،000ރ. އަކީ ފަހުން އަނބުރާ ދޭ ގޮތަށް އޭނާ އަތުން ނެގި ލޯނެކެވެ. ދެ މީހުންނަކީ ކުރީއްސުރެން ގާތް ރަހުމަތްތެރިން ކަމަށާއި އެ ފައިސާ ހައިލަމަށް ޓްރާންސްފާކޮށްފައި ވާނީ އޭނާގެ އެކައުންޓުން ކަމަށް ވެސް އަލްހާން ވިދާޅުވި އެވެ.
ކްރިމިނަލް ކޯޓުގައި އޭނާ އަދި އާއިލާގެ އެއްވެސް މީހެއްގެ މައްސަލަ ވެސް ހައިލަމް ކުރިއަަކަށް ނުގެންދަވާ ކަމަށް ވިދާޅުވެ، ޖޭއެސްސީން އަމަލުކުރަމުންދާ ގޮތާ މެދު އަލްހާން ނުރުހުންފާޅުކުރެއްވި އެވެ.
ޝަރުއީ ދާއިރާ މިނިވަންކުރުމާއި ހަރުދަނާކުރުމާ ގުޅޭގޮތުން ބޭއްވި ސެމިނާއެއް ފެށުމުގެ ރަސްމިއްޔާތުގައި ފަނޑިޔާރު ހައިލަމް ބައިވެރިވެވަޑައިގަންނަވަނީ---. ފޮޓޯ: ހުސައިން ވަހީދު/މިހާރު
ހައިލަމަށް ތުހުމަތުކުރެވޭ ފައިސާގެ މައްސަލައެއް ޖޭއެސްސީން ބަލަން ފެށީ، އޭނާ ސަސްޕެންޑްކުރުމަށް ފަހު އެވެ. ކުރީގެ ރައީސް އަބްދުﷲ ޔާމީންގެ މައްޗަށް އުފުލާފައިވާ ދައުވާގައި ހުކުމް އިއްވަން އޮތް ދުވަހު، ހައިލަމަށް ފިޔަވަޅު އެޅީ، ނަސްރުގެ ދުވަހާ ދިމާކޮށް އޭނާ ވައިބާ ގްރޫޕަކަށް ފޮނުއްވި މެސެޖަކާ ހެދި އެވެ.
ނަސްރުގެ ދުވަހުގެ ތަހުނިޔާ ވިދާޅުވާން ފޮނުއްވި ކުރެހުމުން ފެންނަނީ ރައީސް އިބްރާހިމް މުހައްމަދު ސޯލިހާއި ރައްޔިތުންގެ މަޖިލީހުގެ ރައީސް މުހައްމަދު ނަޝީދުގެ ކަރުގައި ޗޭނު ޖަހައި ގަންހިންގުވާ މަންޒަރެވެ. އެ މެސެޖް ފޮނުވީ އެ ކުރެހުގައި ތިއްބެވީ ކޮން ބޭފުޅުންނެއް ކަން އެނގިވަޑައިގެން ނޫން ކަމަށް ވިދާޅުވެ ހައިލަމް މާފަށް ވެސް އެދިވަޑައިގަތެވެ.
ޖޭއެސްސީން ބުނެފައިވާ ގޮތުގައި އިސް ގާޒީ ހައިލަމާ އެކު އަލްހާން މިދިޔަ މެއި މަހުގެ ތެރޭގައި ދެ ލައްކަ ރުފިޔާގެ މުއާމަލާތެއް ހިންގިކަން ފާހަގަ ކުރެވޭ ކަމަށް ބުނެ ފުލުހުން ކޮމިޝަނަށް ސިޓީ ފޮނުވީ އިއްޔެ އެވެ. އަދި އެއީ ސީރިއަސް މައްސަލައެއް ކަމަށްވާތީ އެ މައްސަލަ ބަލަން އެ ކޮމިޝަނުން މިއަދު ނިންމާފައިވާ ކަމަށް އެ ބަޔާނުގައިވެ އެވެ.
އެ ބަޔާނުގައިވާ ގޮތުން އެކަމުގެ މައުލޫމާތު މިދިޔަ ޖުލައި މަހު މޯލްޑިވްސް މަނިޓަރީ އޮތޯރިޓީ (އެމްއެމްއޭ) އިން ފުލުހުންގެ ސަމާލު ކަމަށް އޮތީ ގެނެސްފަ އެވެ. އެކަމަކު އިއްޔެއާ ހަމައަށް ފުލުހުން އެކަން އެ ކޮމިޝަނަށް އަންގާފައި ނުވާތީ އެކަމުގައި ފުލުހުން އެކަށީގެންވާ ފިޔަވަޅު އަޅާފައިނުވާ ކަމަށް ގަބޫލު ކުރެވޭ ކަމަށާއި އެހެންވެ، އެކަން ބެލުމަށް މަޖިލީހާއި ރައީސްގެ އިތުރުން ނޭޝަނަލް އިންޓަގްރިޓީ ކޮމިޝަންގައި އެދުމަށް ވެސް ޖޭއެސްސީން ނިންމާފައިވާ ކަމަށް އެ ބަޔާނުގައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ީައައި،ކިޔު ގޮޑި 100000
08 November 2019
އައި،ކިޔު،އޮޕްސަން އެގޭތަ
ކަކުނިބޯ
08 November 2019
1.މެއި މަހުން ފެށިގެން މިހާތަަނަށް ކިހާ ވަރެއް އަބުރާ ދައްކާފި އެކަމުގެ ހެއްކެއް ބޭންކްއެކައުންޓުނ އެގެން އެބައޮތްތަ 2. މީގެ ކުރިން ކިތަށްފަހަރު އަލްހާނު ބޭންކުން ލޯނުދީފަ ވޭ މީނަޔަށް އަދި އެލޯނުތަށް އަބުރާދެއްކުން ހުރީ ކިހިނެއް އެއްވެސް ރިކޯޑެއް ބޭންކުގައި އެބަހުރިތަ 3. އަލްހާނު މީނަޔަށް ބޮޑެތި އަދަދު ތަކުނ ލޯނުދޭންފެށީ ކޮތާރީހަކުން ފެށިގެން އަދި ވަޒީފާއާއި ކިހާގުޅުމެއްހުރީ 4. ދެމީހުންގެ ބޭންކްއެކައުންޓް ކޮރޮސްމެޗްކުރުންވެސް ބުއްދިވެރި
ހެޔޮއެދޭބެ
07 November 2019
އެއްބަސްވުމެއް އެބައޮތްބާ؟ ނެތްނަމަ، ޤަބޫލުކުރަންދަތިވާނެ. ނަޒާހަތްތެރި ފަނޑިޔާރަކު މިފަދަކަމެއްކުރާނަމަ ލިޔެކިއުމުން ހެކިދެއްކޭވަރުގެ އެއްބަސްވުމެއް ހަދާނެހެންހީވޭ! ރަޙުމަތްތެރިކަމާއި، ތިމާގެކަމާއި ގާތްކަމުން ކުރާނެކަންތަކާއި ނުކުރާނެކަންތަކާއި، ކުރަންވާނެ ކަންތަކާއި ނުކުރަންވާނެކަންތައް ހުންނާނެެއެވެ. މިއަދު އިބޫ ޞާލިޙަށާއި ނަޝީދަށް ޓެގުކޮށް ޓުވީޓުކުރެވިދާނެއެވެ. އެކަމަކު ޖަވާބުދޭންޖެހޭދުވަހު ތިބޮޑާކަމާއި ނޭއްގާނީކަން ދެއްކިދާނެބާވައެވެ؟
ހަބީބް
07 November 2019
މީހެއްގެއަތުން ލޯނުގެ ގޮތުގައި ގާޒީއަކައް ފައިސާ ނުނެގޭނެ ކަމައް އޮންނަ ގާނޫނެއް ނުވަތަ ގަވާއުދެއް ނުވާހިނދު މިކަންވާނީ ސައްހަ މުއާމަލާތަކައް. ދެން ހަމަ ތިމާމެން ބޭނުން ވާގޮތައް ކަމެއްނުނިންމާ ކޮންމެމީހަކީ ކުއްވެރިއެއްކަމުގާ ހަދާނަމަ ކޮބާ ހަމަޔަކީ؟ ކުށެއްކޮއްފިކަމުގައި ހީވެއްޖެހިނދު މައްސަލަ ބަލަނީ، ދެން މިއޮންނަނީ ހެކިހުށައަޅާ އެމީހަކު ކުށެއްކުރިކަން ޔަގީން ކޮއްދިނުން، ނުކޮއްދެވިއްޖެނަމަ އޭނާ ގާނޫނު ކުރިމަތީ ކުށެއްނުކުރޭ. ހިތްގަބޫލް ނުކުރިޔަސް.
އުމަރުމަނިކު
07 November 2019
އަލްހާނު ކޮން ވަޒީފާއެއް އަދާކޮށްގެން ހޯދި ފައިސާއެއްތޯ އެބަޖެހޭ ބަލަން؟ އުމުރުދުވަހު މަސައްކަތް ކޮށްގެން ވެސް މީހަކަށް ދޭނެ -/1000 ރުފިޔާ ނުލިބިގެން މިއުޅެނީ؟؟؟
ހައްސާނު
07 November 2019
ކެފޭ އެއްގެންގުޅެ، އަމިއްލަ ވިޔަފާރި ވެސް ކުރޭ، ލޯފާމެއްވެސް ހިންގާ.
ކަކުނިބޯ
08 November 2019
އައި ކިޔޫ މަރކެޓްކިޔާ ގޭމްއެއްވެސް ކުޅެޔޭބޔނާތީވެ އަޑުއިވވޭ ވަރަށް ޑޮލަރު ނަގަޔޯއޭގެން
މޮޔަ ހަސަނު
07 November 2019
މާލޭ އާއި ކުޅުދުއްފުއްޓާ ދޭތެރޭ ދުއްވާ ބޯޓަކީ ބަހާދަރު، ރައީސް ޔާމިން އާއި ހައިލަމާ ދެމެދު ދުއްވަނީ އަލްހާން. ވަރަށް ވާހަކަ
ޙިލް
07 November 2019
އަލްހާނު ޔާނުގެ މައްސަލަ ބަލާތީ ލާރިއެއް ނުދޭނެ. ޢެކަމަކު، އެހާގިނަ މައްސަލަ ބަލައި ބުރަކޮށް މަސައްކަތް ކުރާތީ، ލާރިކޮޅެއް ދިނީ. ޢެއީ އެމީހުންނަށް. ޙިތްވަރު ދިނިމުގެ އިނާމެއްވެސް ދެނީކީ ނޫންވިއްޔާ.
ހައްޤުބަސް
07 November 2019
ދެ ލައްކަ ރުފިޔާ އެއީ ރިޝްވަތުގެ ފައިސާނަމަ ބޭންކުން ޓްރާންސްފަރއެއްވެސް ނުކުރާނެދޯ. ދެލައްކަ ރުފިޔާ އަކީ މިއަދުގެ މިންގަނޑުންބަލާއިރު ޤާޒީއަކު ވިކެންވާނެ އަދަދެއްކަމުގައި ނުބެލެވޭ. މައްސަލައަކަށްވާނީ އަލްހާންގެ މަސްލަހަތު ފުށުއަރާ މައްސަލައެއް ޤާޒީ ބެއްލެވިނަމަ. ރައްޓެހިންނާއި ތިމާގެ މީހުންނާއި އަދި އެކެއްގެ ފަރާތުން އަނެކާއަށް އެހީ ލިބޭ މީހުން މި މުޖުތަމައުގަ އުޅޭނީ މުޅިންވެސް. ޤާޒީ އަށް ތުހުމަތު ކުރަންވާނީ އަލްހާނުގެ މައްސަލައެއް ބެލިނަމަ.
އެމްސް
07 November 2019
އަލްހާނަކީ ފައުންޑޭޝަނެއް ހަދައިގެން މީހުނަށް އެހީވާ މީހެއްބާ! ރިޝްވަތަކީ ޢަމަލެއް، ފައިސާއެއް ނޫން!
ކޯމަސްސް
07 November 2019
ކަލޭ ގަމާރީހެއްޔެވެ؟ ނޫނީ ގަމާރުކަމަށް ހެދިގެންއުޅެނީހެއޔެވެ؟ އަލްހާނުގެ ލޯ ފާމަކީ ޑާންސް ގްރޫޕެއް ހިންގާތަނެއްނޫނެވެ. ގެޓެއްނުވި ދޯއެވެ.
ބަބުރުކުއްޖާ
07 November 2019
ފަނޑިޔާރަކަށް ރިޝްވަތު ދިން ކަމުގެ ތުހުމަތުގައި އަދި އޭނަގެ ދުލުން އެކަމަށް އިޙުތިރާފު ވެފައި ވާތީ މިކަލޭގެ ހިފާ ހައްޔަރު ކޮއް މިކަލޭގެ މައްޗަށް ދަޢުވާ ކުރަންފެނޭ.
ނެޑް
07 November 2019
ފަނޑިޔާރުން އަމިއްލަ ފަރުދުންގެ އަތުން ފައިސާ ނެގުމަކީ އަދި ފަނޑިޔާރުންނަށް ފައިސާ ފޯރުކޮއްދިނުމަކީ ކޮންކަހަލަ ކަމެއްކަން ލޯފާރމެއް ހިންގާ އަލްހާނަށް ނޭނގެނީތަ ނޫނީ އަދިވެސް ފުއްޕަނީތަ؟
މުހައްމާފުތާ
07 November 2019
އަލްހާނު ގެ ފެންވަރު ވަރަށް ރަނގަޅަށް އޭނާގެ ޓްވީޓުން އެބަ އެނގޭ. ލަދު ހަޔާތުގެ ކަންފުޅެއްވެސް ނެތީ!
ޏަމި
07 November 2019
ޥައަކަން މިގައުމުގަ ކުރަނީ ފާޅުގަައި ނުހަނު ފަހުރުވެރިކަމާއކު އަދި އަމުދުން ގާޒީންނަނީ ނުހަނުބފަގީރު ބައެއް