ޕްރޮސިކިއުޓާ ޖެނެރަލް އައިޝަތު ބިޝާމް، ރައްޔިތުންގެ މަޖިލީހުގެ ޖުޑީޝަރީ ކޮމިޓީގައި: އޭނާ މަގާމުން ވަކިކުރުމުގެ މަސައްކަތް އަލުން ފަށަން ވަނީ ނިންމާފައި. -- ފޮޓޯ: ހުސެން ވަހީދު/މިހާރު
19 ނޮވެމްބަރ 2019 - 14:56
15 comments
ޕްރޮސިކިއުޓަ ޖެނެރަލް އައިޝަތު ބިޝާމް މަގާމުން ވަކިކުރުމުގެ މަސައްކަތް އަލުން ފަށަން ރައްޔިތުންގެ މަޖިލީހުގެ ޖުޑިޝަރީ ކޮމިޓީން މިއަދު ނިންމައިފި އެވެ.
ބިޝާމް ވަކިކުރަން މިދިޔަ އޮކްޓޯބަރު މަހުގެ ތެރޭގައި ވެސް މަސައްކަތް ފެށި އެވެ. ވެރިކަން ކުރާ ކޯލިޝަންގެ މައި ޕާޓީ އެމްޑީޕީގެ ބޮޑު އަޣުލަބިއްޔަތެއް އޮންނަ ޖުޑިޝަރީ ކޮމިޓީން އެގޮތަށް ފާސްކުރުމަށް ފަހު ޖެހިގެން އައި ދުވަހު އެ ނިންމުން ބާތިލްކުރީ އެވެ.
އެއީ، ރައްޔިތުންގެ މަޖިލީހުގެ ބޮޑު އަޣުލަބިއްޔަތެއް އޮންނަ އެމްޑީޕީން އެފަދަ ކަންކަމުގައި އަމަލުކުރާ އުސޫލުތަކާ ޚިލާފަށް، ބިޝާމް ވަކިކުރަން ހުށަހަޅާފައި އޮތުމާއި ކޮމިޓީގައި މަދުން މެމްބަރުން ތިއްބެވި ވަގުތެއްގައި އެ ނިންމުން ނިންމާފައި ވާތީ ކަމަށް ބުނެ އެވެ.
ބިޝާމްގެ މައްސަލަ އަލުން ކުރިއަށް ގެންދަން މި ފަހަރު ހުށަހެޅުއްވީ މަތިވެރި ދާއިރާގެ އެމްޑީޕީގެ މެމްބަރު ހަސަން ޒަރީރެވެ. ތާއީދު ކުރެއްވީ ހެންވޭރު ހުޅަނގު ދާއިރާގެ އެމްޑީޕީގެ މެމްބަރު ހަސަން ލަތީފާއި ވިލިނގިލީ ދާއިރާގެ މެމްބަރު ސައުދު ހުސެއިނެވެ. ސައުދަކީ، ސިޔާސީ ގޮތުން ކުރީގެ ރައީސް މައުމޫން އަބްދުލްގައްޔޫމްގެ ފަޅީގެ ބޭފުޅެކެވެ.
"ކޮމިޓީގެ އަޣުލަބިއްޔަތުން މި ނިންމުން ފާސްވީ،" މެމްބަރަކު ވިދާޅުވި އެވެ.
ބިޝާމަށް ތުހުމަތު ކުރެވޭ ކަންކަމާ ގުޅިގެން އޭނާ މަޖިލީހުގެ ކޮމިޓީ އަށް ހާޒިރުކޮށް، ކުރިން ސުވާލު ވެސް ކޮށްފައިވެ އެެވެ. އެ ބައްދަލުވުމުގައި، ކުރީގެ ރައީސް އަބްދުﷲ ޔާމީންގެ ސަރުކާރުން ރައްޔިތުންނަށް ދިން އަނިޔާތަކުގައި، ޕީޖީގެ އިހުމާލު މެމްބަރުން ދެއްކެވި އެވެ. ޒިންމާ އަދާނުކުރެއްވި ބައެއް ކަންކަމުން މިސާލު ނެންގެވި އެވެ. ގާނޫނާ ޚިލާފަށް ސަރުކާރުން ހިންގަން ބޭނުންވި ކަންކަމަށް އެހީތެރިވެ ވަޑައިގަތް ކަމުގެ ތުހުމަތު ކުރެއްވި އެވެ. އިދިކޮޅު ލީޑަރުންނާއި އޭރުގެ ސަރުކާރާ ދެކޮޅަށް ހަރަކާތްތެރިކޮށް އުޅުނު އެންމެންނަކީ "ޓެރަރިސްޓުން" ގެ ގޮތުގައި ދައުވާ އުފުލީ ގޯސްކޮށް ކަމަށް މެމްބަރުން ވިދާޅުވި އެވެ. އަދި ވެރިކަން ބަދަލުވުމުން އެ ދައުވާތައް އަނބުރާ ނެގި ސަބަބާ މެދު ވެސް މެމްބަރުން ސުވާލު އުފެއްދެވި އެވެ.
އެއިން އެއްވެސް ތުހުމަތެއްގައި ހަގީގަތެއް ނެތް ކަމަށް ބިޝާމް ވަނީ ވިދާޅުވެފަ އެވެ. އަދި ދައުވާތައް އުފުލީ އޮންނަ އުސޫލުގެ ތެރެއިން ނުފޫޒެއް ނެތި ކަމަށް ވެސް ވިދާޅުވެފައިވެ އެވެ.
މި ވެރިކަން ނޮވެމްބަރު، 17، 2018 ގައި ފެށުމާ އެކު އެންމެ ފުރަތަމަ މަޖިލީހަށް ވެއްދި އެއް މައްސަލައަކީ ބިޝާމް މަގާމުން ވަކިކުރުމެވެ. އެކަމަކު އެ މައްސަލަ ކުރިއަށް ނުގެންދިއުމުން އަނބުރާ ގެންދިއުމަށް ފަހު އަލުން ހުށަހެޅުމުން ވެސް އެކަން ކުރިއަކަށް ނުގެންދިޔަ އެވެ.
އޭރު އެކަން ހިނގައި ނުގަނެ، ލަސްވި ސަބަބާ ގުޅިފައި ވަނީ، މަޖިލީހުގެ ކުރީގެ ބައެއް މެމްބަރުން ތުހުމަތު ކުރެއްވި ގޮތުގައި، ވެރިކަން ކުރާ ކޯލިޝަންގައި ހިމެނިވަޑައިގަންނަވާ ސިޔާސީ ލީޑަރުންތަކެއްގެ މަސްލަހަތެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަޖްވާ
20 November 2019
ބިޝާމުގެ ބޮޑު ދައިތަ އާނު ޤާސިމު އިނދެގެން އުޅެނީ! މި ބުނީ ދޮށީ އަނބީގެ ވާހަކަ!
އުމުރުގެފަންތި
19 November 2019
އެތައްބަޔަކަށް އަނިޔާ ދިން ލީގަލް ސެކްރެޓަރީ
ހެލްދަންޑަ
19 November 2019
ކަމަކަށް އެއްބަސްކުރުވަނީތަ؟
އަރުވާލި އާދަނުގެ ސިޔާސީ ހާސަރު
19 November 2019
ތިޔައީ ލަންކާގެ ޖޭ.އާރް ޖަޔަވަރދަނާގެ ސަރުކާރުން ފެއްޓެވި ( މަހަވެލި ) ޕްރޮޖެކްޓް ޒާތު ޕްރޮޖެކްޓް އެށް ތޯއެވެ. * : ޒީރޯ ޓޮލެރެންސް އާއި ދިމާ ނުވެގެން ފަށާ ހުއްޓާ - ހުއްޓާ ފަށާ ހަލުވަމުން ހަލުވަމުން ގޮސް މި ޕްރޮޖެކްޓް ނިންމާ ޑޭމް ހުޅުއްވާދެއްވީ ސިރިސޭނާގެ ފަހު އަހަރުގައެވެ. ވީމާ ބިޝާމް ޕްރޮޖެކްޓް ބިޝަމް ވިކި ކުރާ ޕްޖެކްޓް ފޭސް ތަކަކަށް ބަހާލައްވައިގެން މިހާރު ދެން ތިޔައީ ބިޝާމް ޕްރޮޖެކްޓް ފޭސް ކިތަކެއްތޯއެވެ.
ނަޖްވާ
20 November 2019
ކައެ ތީ ކާކުތަ ދެން ތިމާ ވަރު މީހަކު ނެތިގެން ފޮޓޯލައިގެން މި ތެޅީ ބާލަނީ!
ޢައްޔޫ
19 November 2019
ދައުލަތުގެ ސްޕްރީމް ކޯޓްގެ އުއްތަމަ ފަނޑިޔާރު ނުކުރާ ކުށަކަށް ތަހުޤީޤްކުރުވާ، ޝަރީޢަތްކޮށް، ފޭކް އެވިޑެންސްދީ ޖަލަށް ހުކުމްކޮށް ހިންގި ޖަރީމާގައި ބިޝާމް ޔާމީނާ ބައިވެރިވެ، ޓިނު ޕްރޮޖެކްޓް ކުރިއަށް ގެންދިޔައީ، ގެޓް އައުޓް
އަލީނެޕީ
19 November 2019
ހައްގަކާ ނުލާ އެތައް ބަޔަކު ޓެރަރިސްޓުންނަށް ހެދި ޕީޖީއެއް ތިއީ. މީނާގެ ޕީޖީ ކަމުގައި ޔާމީނަށް ހުކުމް ކުރުމަކީ ނިކަން ރީތި ކަމަކަށް ވާނެ. ޖިނާއީ އަދުލުގެ ނިޒާމު އިސްލާހް ކުރާނަމަ ކޮންމެހެން ވަކި ކުރަންޖެހޭ މީހެއް ތިއީ.
ސދސދސދސދސދެފތއެ4
19 November 2019
މި ފަހަރު ގޮނޑީގަ ހުރި މީހާގެ ރުހުން އެބައޮތް ބާ؟ ނޫނީ އަނެއްކާ ބާތިލް ކުރުންބާ
އޮނަރަބްލް އަފީފު ދީދީ
19 November 2019
އަނިޔާވެރިކަމަށް ދިވެހިން ނޫނެކޭބުނެ ޔާމީން ނަގާ އެއްލާލި. އަދި ޔާމީންގެ ސަރުކާރުން "އަނިޔާވެރިކަން އިސްކުރިމަށް ބާރުވެރިވި ފަރާތްތައް މަޤާމް ތަކުން ދުރުކުރުމުގެ މަޤުސަދައްޓަކާ" ރައްޔިތުން ވަނީ ޤާނޫނުހަދާ މަޖިލީހަށް އިސްލާޙީ ބޮޑު ބަދަލުތަކެއްގެނެސް ސީދާ ރައްޔިތުންގެ ބާރުވެރިކަން ފުޅާކޮށްފައި. އެކަމަކު އަދިވެސް އޭރުގެ ޕީޖީ، އޭޖީ، ސީޕީ، ޗީފް އޮފް ސްޓާފް އަދި މަޖިލިސް ރައީސް ފަދަ ބޭފުޅުން ޖަވާބުދާރީ ކުރިތަނެއް ޒިންމާ ނޫފުލީ ކީއްވެތޯވެސް އަހާނުލާ؟!
ޝަހީދު
19 November 2019
ބިޝާމު ބޭނުން ކޮށްގެން ރައީސް ޢަބްދުﷲ ޔާމީން ޖަލަށް ލާން މި ސަރުކާރުން ކުރި ހުރިހާ މަސައްކަތެއް ފެއިންލް ވެއްޖެ ކަން އިހުސާސް ކުރެއްވުނީމަ ޕާޓީގެ ޢާންމު މެންބަރުން ހިތްހަމަ ޖައްސަން ކުރާ ކަމެއް ކަން ޔަޤީނެވެ.
ލައި
19 November 2019
ބަލަ ކަލޭމެންނެއް ނޫންތަ ބިޝާމު ބޭރުލުރަން ހޭބޯ ނާރާ ގޮވީ އަދި މަސްދުވަސް ނުވޭ އެހާއަވަހަށް ހަނދާން ނެތުނީ.. ބިޝާމު ލައްވާ ކުރުވަން ބޭނުން ކަންތައް އެއޮތީ ކޮށްފަ ދަޢުވާ އުފުލާފަ.. ހުލުމަކީ ބިޝާމުގެ ބާރު ހިނގާނެކަމެއް ނޫން އެއީ ފަނޑިޔާރުން ނިންމާކަމެއް.. ގަމާރުވިޔަސް ފުކެއް ބޮޑުވަރު ތިޔައީ
މޫސަސްސިރާޖް
19 November 2019
ތިކަމަނާ މަޤާމުން ވަކިކުރުމުގެ މައްސަލާގައި ކަންހިނގަމުންދާ ގޮތަކީ މަޖިލިސް 19 ގައި ޖެހުނު ކަޅު ލައްގަނޑެއް. ޚާއްސަކޮށް މަޖިލިސް 19 ގެ ސްޕަރމެޖޯރިޓީ އޮތް އެމްޑީޕީއަށް ލިބޭ ބޮޑު ހުތުރެއް. ރައްޔިތުންގެ އިތުބާރު ގެއްލިގެންދާ ކަމެއް. ޕާޓީއަށް ލިބޭ ޑެމޭޖް އިންތިހާއަށް ނުދަނީސް ތިކަމުން ސަލާމަތްވާންޖެހޭ.