ރައީސް އިބްރާހިމް މުހައްމަދު ސޯލިހު ވާހަކަފުޅު ދައްކަވަނީ. --ފޮޓޯ: ރައީސް އޮފީސް
11 ޑިސެމްބަރ 2019 - 18:10
28 comments
މަނީ ލޯންޑްރިންގެ ކުށުގައި ކުރީގެ ރައީސް އަބްދުﷲ ޔާމީން ފަސް އަހަރަށް ޖަލަށްލުމަށް ކްރިމިނަލް ކޯޓުން ކުރި ހުކުމާ ގުޅިގެން އިދިކޮޅު ޕީޕީއެމް/ޕީއެންސީގެ ލީޑަޝިޕްގެ އިސް ބައެއް ބޭފުޅުން ރައީސް އިބްރާހިމް މުހައްމަދު ސޯލިހާ އެކު ކުރެއްވި މަޝްވަރާތައް ހާމަކުރަން ދެކޮޅު ހަދައިފި އެވެ.
ޔާމީން، ޖަލުގައި ހުކުމް ތަންފީޒު ކުރައްވަން ފެއްޓެވުމާ އެކު، ޕީޕީއެމާއި ޕީއެންސީން ގެންދަނީ އެމަނިކުފާނު ގެ އަށް ބަދަލުކުރެވޭތޯ މަސައްކަތް ކުރަމުންނެވެ. އެ ދެ ޕާޓީން ބުނާ ގޮތުގައި ޔާާމީން ޖަލަށް ލީ "ސިޔާސީ ދައުވާއެއް"ގަ އެވެ. ޔާމީން ޖަލުން ނެރެވޭތޯ ބޭރުގެ ޑިޕްލޮމެންޓުންނާ ވެސް ޕީޕީއެމާއި ޕީއެންސީގެ އިސްވެރިން ވަނީ ވާހަކަ ދައްކަން ފަށައިފަ އެވެ.
ރައީސް އިބްރާހިމް މުހައްމަދު ސޯލިހާ އެކު، ޕީޕީއެމް/ޕީއެންސީން ރައީސް އޮފީހުގައި މިދިޔަ އާދިއްތަ ދުވަހު ބައްދަލުވުމެއް ބޭއްވި އިރު، އެ ބައްދަލުވުމުގައި ކުރި މަޝްވަރާތަކެއް އަދިވެސް ނޭނގެ އެވެ. އިދިކޮޅު ފަރާތްތަކުން ބުނަމުން ދަނީ އެކަމާ ގުޅޭ ގޮތުން ވާހަކައެއް ދައްކަން ބޭނުން ނުވާ ކަމަށެވެ.
އެކަމަކު، "މިހާރު" އަށް އެނގިފައިވާ ގޮތުގައި އެ ބައްދަލުވުމުގައި ޔާމީންގެ ސިއްހީ ހާލަތާ މެދުގައި ކަންބޮޑުވުން ފާޅުކޮށް، އެކަމުގެ ތަފްސީލްތައް ލީޑަޝިޕްގެ ބޭފުޅުން ރައީސަށް ހުށަހެޅުއްވި އެވެ. އަދި ޔާމީނަށް ލުއި ގޮތްތަކެއް ހޯދައި ދިނުމާ ބެހޭ ގޮތުން މަޝްވަރާ ކުރެވުނު ކަން އެނގިފައިވެ އެވެ.
އިދިކޮޅު ފަރާތްތަކުން ރައީސާ ބައްދަލު ކުރެއްވުމަށް ރައީސް އޮފީސް ދޮށުގައި-- ފޮޓޯ: ސޯޝަލް މީޑިއާ
ޔާމީންގެ މައްޗަށް މަނީ ލޯންޑްރިންގެ ދައުވާ ކުރީ އެމްއެމްޕީއާރުސީގެ ޚިޔާނާތުގެ ފައިސާ ވަން އެސްއޯއެފްގެ އެކައުންޓަކުން އެމަނިކުފާނަށް އެއް މިލިއަން ޑޮލަރު ޖަމާކުރި މައްސަލައިގަ އެވެ. މި ދައުވާގައި، ފަސް އަހަރުގެ ޖަލު ހުކުމެއްގެ އިތުރުން ފަސް މިލިއަން ޑޮލަރުން ޔާމީން ވަނީ ޖޫރިމަނާ ކޮށްފަ އެވެ. ޔާމީންގެ މައްޗަށް އިއްވި ހުކުމް، ހައި ކޯޓުގައި މިހާރު ވަނީ އިސްތިއުނާފްކޮށްފަ އެވެ. އެކަމަކު، އަދި ހައި ކޯޓުގައި އިސްތިއުނާފުގެ އަޑުއެހުންތައް ނުފަށަ އެވެ.
ޔާމީނަށް ކުރި ހުކުމް ޕީޕީއެމް/ޕީއެންސީން ގަބޫލެއް ނުކުރެ އެވެ. އިދިކޮޅު ފަރާތްތަކުން ދެކޭ ގޮތުގައި އެއީ އިންސާފުން ބޭރުން، ސިޔާސީ މަގްސަދެއްގައި ކުރި ހުކުމެކެވެ. އެހެންވެ، އެ ހުކުމް ބާތިލްކޮށް، ޔާމީން ވަގުތުން މިނިވަން ކުރަން ޖެހޭނެ ކަމަށް އިދިކޮޅުން ދެކެ އެވެ.
މާފުށީ ޖަލުގައި ހުކުމް ތަންފީޒު ކުރަމުންދާ ޔާމީން މިނިވަން ކުރުމަށް ގޮވާލައި، އިދިކޮޅު ސަޕޯޓަރުން ކޮންމެ ރެއަކު ދަނީ މާލޭގައި މުޒާހަރާ ކުރަމުންނެވެ. އެމަނިކުފާނު ހުންނަވަނީ މާފުށީ ޖަލުގެ ސްޕެޝަޕް ޕްރޮޓެކްޝަން ޔުނިޓް (އެސްޕީޔޫ)ގަ އެވެ. އެއީ، ޔާމީންގެ ވެރިކަމުގައި ކޯޓުތަކުން ހުކުމް އިއްވި ސިޔާސީ ބޭފުޅުން ބައިތިއްބަން ހާއްސަކޮށް ހެދި ތަނެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރަޓުމީހާ
12 December 2019
ޔާމީނަކީ ޤައުމަށް ވަރަށްބޮޑު ތަރައްޤީއެއް ގެނެސް ދެއްވި ބޭފުޅުކަށްވާތީ އަލުގަނޑަށް ފެންނަނީ ޝަރުޠު ތަކަކާއިއެކު ޔާމީނު ގެއަށް ބަދަލުކޮށް ދެއްވުމެވެ. އޭގެ ކުރިން ޔާމީނު ދައުލަތަށް ދައްކަންޖެހިފައިވާ ހުރިހައި ފައިސާއެއް ދައްކާ ޚަލާޞް ކުރުމެވެ. ގޭބަންދަކީވެސް ބައެއް ފަރާތްތަކަށް ކުޑައަދަބަކަށް ނުވާނެއެވެ.
ހަސަދު
12 December 2019
އަންނި ރައީސް އަށް ޔާމީނު ހަދާ ދިން ގޮޅީގައި މިހާރު ޔާމީނު. ދެން ކާކުބާ!!!
ގުއި ކަލޯ
12 December 2019
ތާސްބައެއްތަ ދޭންވީ..... ކެރަމް ބޯޑުވެސް ބެހެއްޓެނެ ދޯ ..ޗުއްޓީ ހޭދަކުރަނީ ދޯ
ކަމަނަމާމަ
12 December 2019
"އަދީބަކީ ބޭނުން ކޮންމެ ގައުމަކުން ރާއްޖެއަށް ޑޮކްޓަރެއް ގެނެސްގެން ބޭސްކުރެވޭ ވަރުގެ ބޭފުޅެއް" މިއީ ކާކު ބުނި އެއްޗެއް؟ އަދީބަށް އެކަން ވަންޏާ ޔާމީނަށް އަދި މާ ބޮޑަށް ކުރެވޭނެ.
މިލިއަން
12 December 2019
ޔާމީނަށް އެކަން ނުކުރެވޭނެކަން ގައުމުގެ އެންމެން ދަންނާނެ. މިހާރު ޔާމީނަކީ ފަގީރެއް. އަންނަ އަހަރުގެ ބަޖެޓަށް ބޭނުންވާ ހުރިހާ މިލިއަންތައް ޔާމީން އަތުން 6 މަސް ތެރޭ ދައްކަން އަންގާފަ ކޯޓުން އެއޮތީ. ޔާމީނަށް އެންމެން ފަންޑު ޖަމާކޮށްދީގެން ދެން އެއްކަމެއްވެސް ވާނީ.
ހުދުހުދު
12 December 2019
ޢެބޭފުޅާ ވެރިކަމުގަ އަދުލެއް، އިންސާފެއް ބެލުމެއްނެތި އަނިޔާވެރި ހުކުމްތައް ކަޑަމުން ގެންދިޔައިރު ހިތަކަށްނާރާ އެ ވެރިކަން ވެއްޓި އިންސާފުގެކުރިމައްއްޗަށް ގެނެވޭނެކަމެއް. ރަން 30 އަހަރުގަވެސް ފިލާހުރެ ކިތައް މީހުންގެ ވިޔަފާރި ފުޑާލާ ދުނިޔެ ނޫޅެވޭވަރު ކޮޢްލީ ތިޔަ ޒަމީރުމެން ކަތިވަޅިއަކަށް ބޭނުން ކޮށްގެން.
އިޤާބު
12 December 2019
ރައީސް ޔާމީނަކީވެސް އިންސާނެއް. އެމްޑީޕީމީހުން ވެސް ޖަލުގައި އުޅެފައި ތަންތާ ރިހޭތީ، ޑޮކްޓަރަށް ދައްކަންޖެހޭތީ ބޭރަށް ގޮސް ފިލައިފައި އެބަހުރި. އެހެންވީމާ ޔާމީންވެސް އެ ރެކޯޑްގައި ޖެހެން ޖެހޭނެތާ. އަސްލުވެސް ބަލި. އެހެންވީމާ ދޫކޮށްލައްވާ. ނޫނީ އޮތީ ބިރުވެރި ދުވަސްތަކެއްކަންނޭނގެ.
އެދުރު ރަހީމު
11 December 2019
ޔާމީނުގެ ހަރަދުގައި ޑޮކުޓަރަކާއި ފާމަސީއެއް ޖަލުގައި ހުޅުވާފަ ބަހައްޓާ. އެއިރުން ތިކަންތަށް ހައްލުވީ.
ކެދުރު
12 December 2019
ޔާމީން ޚަރަދުކުރަންވީ ފައިސާކޮޅު ދައުލަތުން ހިފަހައްޓާފައި އަދި ދައްކަންނުޖެހޭ އެތައް މިލިއަނެއް ދައްކަން ހުކުމްކޮށްފައި ވަރަށް ވާހަކަ އެބަހުއްޓެއްނު..
ސަޅި
11 December 2019
އަމިއްލަ މީހާ ހެދި ޖަލަށް އަމިއްލަ މީހާވަނުން،... ރަދީފުން އަލަށް އުފެދުނު ހަރުބަސް.
1828
11 December 2019
ސިޔާސީ މީހުން ހަދާ ޑީލް ދިވެހި ރައްޔިތުން އިނގެން ބޭންވޭ. ތިޔަ ހެދި ޑީލް ރައްޔިތުންނަށް ހާމަ ކުރުމަށް ގޮވާލަން.
ވަންނަ
11 December 2019
ތިގޮތަށް ޔާމީން މައްސަލައިގައި ރައީސް އަރިއަހަށް އިދިކޮޅަށް ތިޔަހާ ފަސޭހައިން ދެވެންޔާ ކީއްވެތޯ އެހެން ކުށްވެރިންގެ ޢާއިލާ ނުވަތަ ރަށްޓެހިންނަށް ރައީސް އާއި ބައްދަލު ނުކުރެވެންވީ! ޔާމިން އަކީ މިހާރު ހުރަގޭގައި ބަންދު ކުރެވިފައި ހުރި ޢާންމު ރައްޔިތެއް! ވަކި ތަފާތެެއް ގެންގުޅެގެން ނުވާނެ! މައްސަލަ އަކީ އަޑިން ގޮތް ނޭނގޭ ޑީލް ހެދުން! ޑިމޮކުރެސީ އަކީ އެއީ!