ވިޔަފާރިވެރިއަކު ހުޅުމާލޭގައި ހެދި ޕްރީ ސްކޫލު: މިތަން ހަވާލުކުރިތާ ތިން އަހަރު ވާން އުޅޭ އިރު ވެސް އަދި ހިންގާކަށް ނުފެށޭ
09 ޖެނުއަރީ 2020 - 16:15
27 comments
ހުޅުމާލޭގައި އާންމު މީހަކު ބޮޑު ހޭދައެއް ކޮށްގެން ޕްރީ ސްކޫލެއް ހަދާ، އެޗުޑީސީއާ ހަވާލުކުރީ އެންމެ ކަމަކަށް ޝަރުތުކޮށްފަ އެވެ: އޭނާގެ ބައްޕަގެ ނަން ބޭނުންކުރުމެވެ.
އެ ސްކޫލްގެ ނަމަކީ މުހައްމަދު ގާސިމް ޕްރީ ސްކޫލް ކަމަށް، މިހާރުގެ އެޑިޔުކޭޝަން މިނިސްޓްރީން ވަނީ އިއުލާންކޮށްފަ އެވެ. އެކަމަކު ސްކޫލް ހަވާލުކުރާނެ ފަރާތެއް ހޯދަން ހަތަރު ފަހަރު އިއުލާން ކުރުމުން ވެސް ގޮތެއް ނުނިމިގެން އުޅޭ ސަބަބެއް، އެޑިޔުކޭޝަން މިނިސްޓްރީން ހާމައެއް ނުކުރެ އެވެ.
ކުރީގެ ރައީސް އަބްދުﷲ ޔާމީންގެ ވެރިކަމުގައި އެ ސްކޫލް ބޭނުންކުރީ ހުޅުމާލޭގައި ހުރި އެމަނިކުފާނުގެ ރިޔާސީ ކެމްޕޭންގެ މައި ޖަގަހައިގެ ގޮތުގަ އެވެ. އެއީ އާންމު މީހަކު، ސިޔާސީ އެއްވެސް ވިސްނުމެއް ނެތި ތައުލީމަށް ހަދިޔާކުރި ތަނަކަށް ވިޔަސް، ޕީޕީއެމްގެ ކެމްޕޭން ޖަގަހަޔަކަށް ހެދުނީ އޭރުގެ އެޗުޑީސީގެ މެނޭޖްމަންޓުން އަޑިއަޑިން ހިންގި މުއާމަލާތެއްގެ ސަބަބުން ކަމަށް، ބެލެވެ އެވެ.
ސީދާ ޕީޕީއެމަށް ތަން ދިނުމުން ފާޑުކިއުންތަކެއް ކުރިމަތިވެދާނެތީ އެ ސްކޫލް ދިން ކަމަށް ވަނީ ހުޅުމާލޭގައި ފިހާރައެއް ހިންގާ ޕީޕީއެމަށް ސަޕޯޓްކުރާ ވިޔަފާރިވެރިއަކަށެވެ. ޕީޕީއެމަށް ތަން ދޫކުރީ އޭނާ އެވެ.
ޔާމީން ސަރުކާރު ނިމި ރައީސް އިބްރާހިމް މުހައްމަދު ސޯލިހުގެ ސަރުކާރަށް އަހަރެއް ވެގެންދިޔަ އިރު ވެސް ސްކޫލް ހުރީ ފަޅަށެވެ. އެހެންކަމުން އާންމު ރައްޔިތުންނަށް ބައެއް ވިޔަފާރިވެރިން ދޭ އެހީ ބޭނުންކުރުމުގައި ސަރުކާރުތަކުން ސަމާލުކަން ދޭ މިންވަރާ މެދު ވެސް މި ވަނީ ސުވާލު އުފެދިފަ އެވެ.
"މިހާރު"އަށް އެނގިފައިވާ ގޮތުގައި ސްކޫލް ނިންމައި، އެޗްޑީސީއާ އެތަން ހަވާލުކުރީ 2017 ގެ ފަހުކޮޅެވެ. އެޗުޑީސީން އެ ސްކޫލް އެޑިޔުކޭޝަން މިނިސްޓްރީއާ ހަވާލުކުރީ މިދިއަ އަހަރުގެ ޖެނުއަރީ މަހު އެވެ.
މިހާތަނަށް އެޑިޔުކޭޝަނަށް ކުރެވުނު ކަމަކީ ސްކޫލް ހިންގާނެ ބަޔަކު ހޯދަން ހަތަރު ފަހަރު އިއުލާންކުރުމެވެ. އެކަމަކު ތަން ދޭނެ ބަޔަކު ކަނޑައެޅޭ ގޮތެއް ނުވި އެވެ.
އޯޓިޒަމް ސެންޓަރު ކައިރީގައި ހުންނަ މުހައްމަދު ގާސިމް ޕްރީ ސްކޫލް ހިންގަން، އެންމެ ފަހުން އިއުލާންކުރުމުން، ހަތަަރު ފަރާތަކުން ޝައުގުވެރިކަން ފާޅުކުރި އެވެ. އެއީ ބިލަބޮންގް ހިންގަމުން އަންނަ އައިލެންޑާސް އެޑިއުކޭޝަނާއި ހުޅުމާލޭގައި ބްރައިޓްވޭ އިންޓަނޭޝަނަލް ސްކޫލް ހިންގާ ކޮލިޓޭޓް އެޑިއުކޭޝަނާއި އިލްމު އެޑިއުކޭޝަންގެ އިތުރުން އިރުސިޔާދު އިންޓަނޭޝަނަލެވެ.
މީގެ ތެރެއިން އިލްމު އެޑިއުކޭޝަނަކީ އަލަށް އުފެއްދި ކުންފުންޏެކެވެ.
— އާސިމާ ނިޒާރު (@AasiKaleyfaan) January 9, 2020
ސްކޫލް އިމާރަތްކުރި ފަރާތުން މީޑިއާއާ ވާހަކަ ދައްކާކަށް ބޭނުމެއް ނުވެ އެވެ. އެކަމަކު އެ ސްކޫލްގެ މަސައްކަތް ކުރިއަށް ދިޔަ ގޮތުގެ މައުލޫމާތު ހުރި މީހަކު، ނަން ނުޖަހާ ގޮތަށް، ބުނީ އެތަން ހަދަން ގާތްގަނޑަކަށް 15 މިލިއަން ރުފިޔާ ހޭދަވާނެ ކަމަށެވެ.
"އެތަން ހެދީ އަޅުގަނޑު ނަމަ ޔަގީންނުން ވެސް ވަރަށް ހިތްހަމަނުޖެހޭނެ މިވާ ގޮތުން،" އޭނާ ބުންޏެވެ
"ކުރީ ސަރުކާރުން އެތަން ބޭނުންކުރީ ވަރަށް ދެރަވަރު ގޮތަކަށް. އެތަނުގައި ސިޔާސީ ހަރަކާތްތައް ހިންގިގެންނުވާނެ. މިހާރު މި އުޅެނީ އެތަން ދޭނެ ގޮތެއް ނޭނގިގެން. ވަރަށް ދެރަ."
އެޑިޔުކޭޝަން މިނިސްޓްރީން ކުރިން ބުނީ މި އަހަރުގެ ދިރާސީ އާ އަހަރާ އެކު އެ ޕްރީ ސްކޫލުގައި ވެސް ކިޔެވުން ފަށާނެ ކަމަށެވެ. ނަމަވެސް މިހާރު ހަމަޖައްސާފައި ވަނީ ދެ ވަނަ ޓާމުގައި ކިޔަވައިދޭން ފަށާ ގޮތަށެވެ.
ކޮމްޕިއުޓަ ރޫމަކާއި ހޯލަކާއި ސްޓާފް ރޫމެއް ވެސް ހިމެނޭ ގޮތަށް ހެދި ޕްރީ ސްކޫލު ބަޔަކާ ހަވާލުކުރުމުގެ މަސައްކަތް މިހާރު ގޮސްފައިވާ ހިސާބާ ގުޅޭ އެއްވެސް މައުލޫމާތެއް އެޑިޔުކޭޝަނަކުން އަދި ނުދެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އަހުމަދުބޭ
11 January 2020
މިއީ ވަރަށް ދެރަވަރުގެ ކަމެއް، އަވަހަށް ތިޔަސުކޫލްގެ ކަންކަން ގޮސްފައިއޮތްގޮތް އެޑިއުކޭސަނާ އެޗްޑީސީން ރައްޔިތުންނަށް ސާފް ކޮއްދެއްވީނޫންތޯ، މާގިނަ ވާހަކަ ދެއްކުމުން ހައްތާ ކަންކަން ދާނީ ގޯހުން
މޫސާ ފުޅު
11 January 2020
މިއިން ފެންނަނީ ރައީސް އިބޫ ޞާލިހުގ ސަރުކާރުގެ ކޮރަޕްޝަންގެ ޒީރޯ ޓޮލަރެންސް އެވެ. ވަކި މީހަކަށް ނޫނީ އެތަން ހަވާލު ނުކުރާން ހިފަހައްޓާމަންޒަރެކެވެ. ކޮރަޕްޝަނަށް ވާގިވެރިވާ އެންމެން ސަރުކާރުން ބޭރުކުރުމަށް ގޮވާލަން. ތިމައްސަލަ ރަަނގަޅަށް ތަޙްޤީޤު ކޮށްފިނަމަ އެޑިޔުކޭޝަންގެ މަތި ފަޑިން ގިނަ ބަޔަކު ބުރައިގެން ދާނެ! ވަޒީރުވެސް ސަލާމަތް ވިއްޔާ ރަނގަޅު.
ައަފުރާސިޔާބު
11 January 2020
ފުރަތަމަ ކަމަކީ ތިބުނާ މީހަކަށް ތަން ދެވުނު ޙައިސިއްޔަތަކީ ކޮބައިތޯ ބެލުން. އަހަރެންގެ ވިސްނުމުންވިސްނާނަމަ ހުޅުމާލޭ ބިމެއް އެއްވެސް ވިޔަފާރި ވެރިއަކު ރައްޔިތަކަށް ހަދިޔާ ނުކުރާނޭކަން. އެފަދަ ބިންބިމަކީ ވިޔަފާރިވެރިޔާ ބިލިއަނަރަކަށް ހަދާދޭނޭ ތަންތަން ކަމަށްވީހިނދު ތިތަން އޭނާއަށް ދެވުނު ގޮތެއް ބަލައި ޙައްގު ގޮތުގައި ލިބިފައިވާ(އާންމުކޮށް ބިންވިއްކަން އިއުލާންކުރުމުން ގަވާއިދުން ލިބިފައިވާ) ތަނެއްނަމަ އޭނާގެ މަގްޞަދާއެއްގޮތަށް ދާންވީ.
މުރަނާ
11 January 2020
މި ފެންނަނީ ރައްޔިތުންގެ މުދަލާ ފައިސާއަށް ÷ާޓީ ކުލަތަކުގެ ނިވަލުގައި ތިބި ޚާއިނުން ވަމުންދާ ޚިޔާނާތުގެ ޖަރީމާގެ ކުޑަ މިންވަރެއް ކަމުގައި ނޫނީ ނުވެއެވެ.
އިބުރަތް
11 January 2020
ތެދުވެރިޔާ ވެރިކަމުގަ އެތަން ބޭނުން ކުރީ ކެމްޕޭނުގެ ހުޅުމާލޭގެ މައި ޖަގަހައަަކަށް.. އެއްވެސް އަގެއް ނެތި ދަޢުލަތުގެ މުދާ ބޭނުންކޮށްފަވަނީ. ހުރިހާކަމަކުންވެސް ކުރީ ވައްކަން. އެހަކަލަ ހަރާން މުޑުދާރު ކަންކަމާހެދި ނާޖާމިޔާބުވެ ބަލިވެ ޖަލުގޮޅީގަ އެއޮތީ.. ދެންވެސް އިބުރަތްހާސިލުކުރޭ
ޔޮގަ
10 January 2020
މިއޯގާތެރި ސަރުކާރުން ކީއްވެތަ އެތަން ނުހިންގަނީ. ކުރީސަރުކާރު ކިޔާލަ ކިޔާލާ މިހަާރު ނޫހުންވެސް ޔާމީނުގެ ނަން ބޭނުން ނުކޮށް ހަބަރެއް ފުރިހަމަނުވޭ
ޝޮކްތެރަޕީ
10 January 2020
ސަރުކާރުން ހޮޅުވަން ވެއްޖެނުން މިހާރު.
ގިޔާސް
10 January 2020
"ސީދާ ޕީޕީއެމަށް ތަން ދިނުމުން ފާޑުކިއުންތަކެއް ކުރިމަތިވެދާނެތީ އެ ސްކޫލް ދިން ކަމަށް ވަނީ ހުޅުމާލޭގައި ފިހާރައެއް ހިންގާ ޕީޕީއެމަށް ސަޕޯޓްކުރާ ވިޔަފާރިވެރިއަކަށެވެ". އެއީ ޕްރީސްކޫލެއް ހިންގަންބާ!؟ ޖަރީމާ ނުހިންގާ އެއްވެސް ދިމާލެއް ހަމަ ނެތިއްޔޭ.
އުމަރުބެ
09 January 2020
ދޭނެ މީހަކު ނެއެނގިގެން
ޢަލބެ
09 January 2020
ތިޔަތަންވެސް މިތަނުގަވިއްޔާ.ކީއްތަވާނީ ރާއްޖެތެރޭ ރަށެއްގަ ހެދިއްޔާ
ޙަސަން.
11 January 2020
ކާކުތަ ދަނީ؟
ރަދީފުގެދަރި ކުމާރު
09 January 2020
ތިޔަވަރުތަނެއް ހުޅުމާލެއިން ނުލިބޭނެ 20،000 މިކޮޅަކުން. ޓިއިޝަންކުލާހެއް ހުޅުވިޔަސް ހަމަ 15، 20 ހާހުގެ މިކޮޅަކުން ނުލިބޭނެ. އެހެންވީމާ ތިޔަ ކުލިތަކަށް ބަލާލީމާ ހަމަ ހިނިއައިންނޫންގޮތެއް ނެތް.