ކޮވިޑް-19 އާ ގުޅޭ މައުލޫމާތު ދިނުމަށް ރޭ ބޭއްވި ނިއުސް ބްރީފިންގައި ހެލްތު މިނިސްޓަރު އަމީން ވާހަކަ ދައްކަވަނީ.---ފޮޓޯ: އަހުމަދު އަވްޝަން/މިހާރު
07 މާޗް 2020 - 16:04
37 comments
ވ. ތިނަދު އަށް ގޮސް އުޅެނިކޮށް، ކޮވިޑް-19 އަށް ޝައްކު ކުރެވިގެން ކަރަންޓީނުކޮށް، އެ ވައިރަހަށް ޓެސްޓުކުރި އިޓަލީގެ ޓޫރިސްޓު މީހާ އެ ޓެސްޓަށް ނެގެޓިވް ވެފައިވާ ކަމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ދެންމެ ބުނެފި އެވެ.
އެކަމަކު، އެ ބައްޔަށް ޝައްކު ކުރެވޭ އަލާމާތްތަކެއް އޭނާގެ ގައިގައި އަދިވެސް ހުރުމުން، 24 ގަޑިއިރު ފަހުން އަނެއްކާ ވެސް ކޮވިޑް-19 އަށް ޓެސްޓު ކުރާނެ ކަމަށް އެޗްޕީއޭ އިން ބުންޏެވެ.
އޭނާގެ ޓެސްޓުގެ ނަތީޖާ ނެގެޓިވްވުމާ ގުޅިގެން، ތިނަދޫ އަށް އަރައިފޭބުން މިހާރު ވަނީ ހުއްދަ ކޮށްފަ އެވެ. އެޗްޕީއޭ އިން ބުނިގޮތުގައި، ކަރަންޓީނުން ތިނަދޫ ދޫކޮށްލީ "ކޮންޓެކްޓް ޓްރޭސިން" ހަދައި ބަލަންޖެހޭ އެހެނިހެން ކަންކަން ބެލުމަށް ފަހު އެވެ.
އެ ވައިރަހާ ގުޅޭ މައުލޫމާތު ދިނުމަށް ރޭ ބޭއްވި ނިއުސް ކޮންފަރެންސްގައި ޓޫރިޒަމް މިނިސްޓަރު އަލީ ވަހީދު ވިދާޅުވީ ތިނަދުއަށް އަރައި ފޭބުން ރޭ މަނާކުރީ ޓެސްޓުތަކުގެ ނަތީޖާ ލިބެންދެން ކަމަށެވެ. އޭގެ އިތުރުން ޅ. ކުރެއްދޫ ރިސޯޓާއި ސަމަ އައިލެންޑް ރިސޯޓަށް ވެސް އަރައި ފޭބުން ވަނީ މަނާކޮށްފަ އެވެ.
ކުރެއްދޫގައި ޗުއްޓީ ހޭދަކޮށްފައި އެނބުރި ގައުމަށް ދިޔަ އިޓަލީ މީހެއް ކޮވިޑަށް ޕޮޒިޓިވް ވެފައިވާކަން ވަނީ އަންގައިފަ އެވެ. އެ ރިސޯޓުން ޝައްކުވާ ޑޮކްޓަރު ވެސް، ފަރުކޮޅުފުށީގައި ގާއިމްކޮށްފައިވާ ކަރަންޓީން ފެސިލިޓީއަށް ވަނީ ގެންގޮސްފަ އެވެ. އެ ޑޮކްޓަރުގެ ޓެސްޓުތައް އަންނަނީ ހަދަމުންނެވެ.
ސަމަ އައިލެންޑުގައި ތިބި، ފްރާންސްގެ ދެ ޓޫރިސްޓެއްގެ ގައިން، ކޮވިޑް-19 އަށް ޝައްކުރެވޭ އަލާމާތްތަކެއް ފެނުމާ ގުޅިގެން އެ ދެ މީހުން ކަރަންޓީނުކުރުމުގެ މަސައްކަތް ވަނީ ފަށައިފަ އެވެ.
ޔޫރަޕްގައި އެންމެ ހަލުވި ކަމާއެކު ކޮވިޑް-19 ފެތުރެމުން ދަނީ އިޓަލީގަ އެވެ. އެ ގައުމުން މިހާތަނަށް 4،600 މީހަކަށް ބަލި ޖެހިފައި ވާއިރު އޭގެ ތެރެއިން 200 މީހަކު ވަނީ މަރުވެފަ އެވެ.
ހަލުވިކަމާ އެކު ކޮވިޑް-19 ފެތުރެމުންދާ އިޓަލީން މީހުން ރާއްޖެ އައުން މިރެއިން ފެށިގެން މަނާ ކުރަން ސަރުކާރުން ވަނީ ނިންމައިފި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޒަފަރު
08 March 2020
ދޮގު ހަބަރުތައް ހާދަ ގިނަވެއްޖޭ. މީހުން ބުންޏޭ ކިޔާފަ ޖަހާ ހެޑްލައިންތައްވެސް. ވަކި ބަަކު ވެރިކަމުން ވެއްޓުނީމަ އަބަދުވެސް ވާގޮތެއް މީ
ކަރާ ވަހީދު
07 March 2020
އަމީނުގެ މަސައްކަތްތަށް ހަޖަމު ނުވަަނީ ސިޔާސީ ހަތުރުވެރިންނަށް. އެކަމަކު އެ ގޮތަށް އެކަން ކުރިޔަސް ރައްޔިތުންނަށް އެނގޭ ހަގީގީ މާނައިގައި މަސައްކަތްކުރާ ވެރިން. ޝުކުރިއްޔާ އަމީނު
ޝާން
07 March 2020
ކޮރޯނާ ވައިރަސްއާ ބެހޭ ރަނގަޅު މައުލޫމާތު އޮޅުން ފިލުވާފަ ސޯޝަލް މީޑިއާގަ ޝެއަރ ކުރުން އެދެން. ތޯތޯ ވާހައަކީ ކޮރޯނާ ވައިރަސްއަށް ވުރެ ބާރު ސްޕީޑުގަ ފެތުރޭ އަދި އެހާމެ ނުރައްކާތެރި ކަމެއް. މިދުވަސްވަރު ސޯޝަލް މީޑިއާގަ ތެދަށްވުރެ ގިނަވާނީ ދޮގު މައުލޫމާތު ވީމަ ކަމުގެ ހަގީގަތް ނުބަލާ އެކިއެކި ވާހަކަތައް ނުފަތުރަންވީނު..!
ޒޯއީ
07 March 2020
ނަމާދު ކޮށް ދުޢާ ކުރުން ދެން އޮތީ ﷲ ގެ ޙަޒުތަށް
އެހެންތަ
07 March 2020
ސިއްހަތާބެހޭ ވަޒީރުގެ މަސައްކަށް އިޚުލާސްތެރި ޝުކުރެއް. މީގަ މަށަށް ވިސްނޭގޮތުން އަމީންގެ މަސައްކަތް ރައްޔިތުން ބަލައިގަންނާތީ އެކަމާ ހަސަދަވެރިވާ ބަޔަކު އަމީންގެ ދުވަސް ދުއްވާލަން (މަގާމުން އިސްތިއުފާ ދިނުމަށް މަޖުބޫރު ކުރުންފަދަ) ކަމެއް ކުރުމަކީ މާޒީގެ ސަފުހާތަކަށް ބަލާއިރު ވުން ގާތްކަމެއް. މިސާލަކަށް ކާނަލް ނާޒިމް. ކިތަންމެ ހަސަދަވެރި ވިޔަސް އަމީނަކީ ކެބިނެޓުގަ ތިބި ވަޒީރުންގެ ތެރެއިން އެންމެ ހިންގުންތެރި އަދި ރައްޔިތުން ބަލައިގަންނަ ވަޒީރު..
ކަތީބާ
07 March 2020
މިނިސްޓަރު އަމީންގެ ވާހަކަތައް ހުންނަ ޚަބަރުތަކުގައި އާދަޔާ ޚިލާފަށް އަމީނަށް ތައުރީފުކޮށްފަ ކޮމެންޓް ޖަހާކަން ފާހަގަވޭ އެބަ. ނޫންތަ؟
ހަސަދަގޯނި
07 March 2020
ފާރުބުޑުން ދަންޏާ ހަސަނަށް ހީވާނެ ކެޔޮގަނޑު ކަނޑާލާނެޔޭ.. ހަސަދަވެރިނުވޭ
ކަންނުވެނަން
07 March 2020
އެހެން ހީވާނެ އޭނާ ބޭޒާރުކޮށް ނެތިމޮށި އެނާގެ އަގު ވައްޓާލަން ރައްޔިތުންނަށް ދަޅަ ދައްކަމުންދާ ބަޔަކަށް . ތި ތިބެނީ ހަމަ ފާރަލައިގެން ރައްޔިތުން އޭނާއަށް ދެރަ ބަހެއް ބުނޭތޯ.. އެކަމަކު ރައްޔިތުން ލޮލޮގައި އަނދުނެއް ނޭޅުވޭނެ.. ރައްޔިތުން ދަސްކޮށްފި އެމީހުންގެ ހައްގުގައި އިހްލާސްތެރި މަސައްކަތް ކޮށްދޭ މީހުން
އިސްގީ
07 March 2020
މަށަށްވެސް ފާހަގަކުރެވޭ. ހަމަ ރައްޔިތުން އުފާވާގޮތަށް އުޅުމާއި ސުލޫކާއި ހިންގުންތެރިކަން ހުންނަ މީހުންދެކެ ރައްޔިތުން ލޯބިވަނީ.
މަގޭތަރި
07 March 2020
އަޅުގަނޑަށް ވަރަށް ޗާލުވެސް މީހެއް އަމީނުއަކީ. މިހާރުވެސް ބަލާބަލަ އެހެރަ ޗާލު ފޮޓޯއެއް.
ލަޓޯޔާ
07 March 2020
ސަމާރ އައިލެންޑް ކޭސް ވަރަށް ރަނގަޅައް މޮނީޓާރ ކުރަންޖެހޭ.. އެ ރިސޯޓަކީ މާލޭ އަތޮޅު، މާލެއައް ޑައިރެކްޓް ފެރީ އޮންނަ ތަނެއް
ޝުކުރު
07 March 2020
އަލްހަމްދު ލިﷲ. އަޅަމެން މި ފަދަބަލިތަކުން ރައްކާތެރިކުރައްވާން ދޭވެ. އާމީން.
އުއްމީދު
07 March 2020
ހެލްތު މިނިސްޓަރުގެ މަސައްކަތުގައި ﷲ ބަރަކާތް ލައްވާށި. އަދި މިރާއްޖޭ މީހުން މި ބަލިމަޑުކަމުން ސަލާމަތްކުރައްވާށި. އަދި އަލީ ވަހީދެކޭ އެއްގޮތަށް ދޮގު މައުލޫމާތު ފަތުރާ މީހުންގެ އަބުރު ކަތިލާ މީހުންގެ ހަގީގަތްވެސް ހާމަކުރައްވާށި.
ސަނަދު
07 March 2020
މިހާރު މާ ބޮޑު ކިޔެވުމެއް ކިޔަވާ އިލްމެއް އުނގެނޭކަށް ނުޖެހޭ. ސޯޝަލް މީޑިޔާގައި ދެ އަކުރު ލިޔެގެން ހީރޯ ވީމަ އެތިބީ އަރާ ބޮންތީގައި. ދެން އެފަދަ ގޮތަކަށް މޮޅުވެގެން އުޅޭ ބަޔަކަށް ކިހިނެއްތޯ ދޭހަވާނީ މިނިސްޓަރަކު ކަމެއް ނިންމާއިރު ކޮންސަލްޓު ކުރަހާ ފަރާތްތަކާއި އަދި އެ ނިންމުމަކާ ހަމަޔަށް އަންނަން އޭނާ ހޯދާ މައުލޫމާތުތަކާ ބައްދަލުކުރާ ފަންނީ މީހުން. ފަރުދާގެ ފުރަގަހުންވާކަންކަން ވިސްނޭނީ މިފަދަ ގޮތަކަށް އިލްމުގެ އަލީގައި ބުއްދިކުރާ މީޙުންނަށް