މީގެ ކުރިން ބޭއްވި ރަސްމިއްޔާތެއްގައި އޭޑީކޭ ހޮސްޕިޓަލްގެ މެނޭޖިން ޑިރެކްޓަރު އަފްއާލް ބައިވެރިވެވަޑައިގަންނަވަނީ---.ފޮޓޯ: ހުސައިން ވަހީދު/މިހާރު
14 މާޗް 2020 - 18:59
35 comments
ރާއްޖޭގައި ފުރަތަމަ ފަހަރަށް ސިއްހީ ކުއްލި ނުރައްކަލުގެ ހާލަތު އިއުލާނުކޮށްފައިވާ މި ދަނޑިވަޅުގައި، ވަޒީފާ އަދާނުކޮށް ގޭގައި ތިބި ސިއްހީ ފަންނުވެރިން، ދަރުމަވެރިންގެ ގޮތުގައި ނުކުމެ ޚިދުމަތްކުރުން ވަރަށް މުހިއްމު ކަމަށް އޭޑީކޭ ހޮސްޕިޓަލްގެ މެނޭޖިން ޑިރެކްޓަރު އަހުމަދު އަފްއާލް ވިދާޅުވެއްޖެ އެވެ.
އޭނާ "މިހާރު" އަށް ވިދާޅުވީ، ސިއްހީ އެކި ދާއިރާތަކުން މަތީ ތައުލީމު ހާސިލްކޮށްގެން ތިބި މީހުން، އެކި ސަބަބުތަކާ ހެދި ގޭގައި އެބަ ތިބޭ ކަމަށެވެ. މަތީ ތައުލީމާއި ފަންނީ ތަމްރީން ހޯދާފައިވާ ޑޮކްޓަރުންނާއި ނަރުހުން އަދި ހެލްތު ވޯކަރުންގެ އެހީތެރިކަން މިފަދަ ހާލަތެއްގައި ވަރަށް މުހިއްމު ކަމަށް އޭނާ ވިދާޅުވި އެވެ.
ރާއްޖޭގެ ސިއްހީ ދާއިރާއަށް އަބަދު ވެސް ބާރު ބޮޑު ކަމަށާއި އެކަމަކު މިފަދަ ހާލަތެއްގައި، އެ އެންމެންގެ އެހީތެރިކަން ވަރަށް ބޮޑަށް ބޭނުންވާނެ ކަމަށް ވިދާޅުވި އެވެ.
އަފްއާލް ވިދާޅުވީ ކޮވިޑް-19 ގައި ރާއްޖެ އޮތް ހާލަތު އިތުރަށް ސީރިއަސް ނުވަނީސް، ސިއްހީ ދާއިރާއިން ރިޓަޔާކޮށްފައި ނުވަތަ ވަޒީފާއިން ވަކިވެފައި ތިބި މީހުން ހޯދައި އެމީހުންގެ މައުލޫމާތު ހޯދަންޖެހޭނެ ކަމަށެވެ.
"ސިއްހީ ނިޒާމު ބޭރުގައި ފަންނީ ކިހާ މީހުންނެއްތޯ. އެމީހުންގެ އަދަދު އެނގެން ޖެހޭ ގައުމީ ލެވެލްވައި މަސައްކަތްކުރާ ބަޔަކަށް. ލަސް ނުވަނީސް އެކްސެސްވާންޖެހޭ އެމީހުންނަށް. ސިއްހީ ހިދުމަތްދޭ ހުރިހާ ތަންތަން ސްޓްރެޗްވުގެ ކުރިން ވޮލިންޓިއާކޮށް މަސައްކަތަށް ނުކުންނަ މީހުން ނޭޝަނަލް އެމަޖެންސީ އޮޕަރޭޝަން ސެންޓަރަށް ހޯދަން ޖެހޭނެ،" ހެލްތު މިނިސްޓްރީގައި ވެސް މަސައްކަތް ކުރެއްވި އަފްއާލް ވިދާޅުވި އެވެ.
#ކޯވިޑް19 ވަރަށް ގިނަ ޞިއްޙީ ފަންނުވެރިން ވަޒީފާ އަދާ ނުކޮށް އެކިސަބަބުތަކަށްޓަކައި ގޭގައި ތިބޭ. ގައުމުގައި ފުރަތމަ ފަހަރަށް އާއްމު ޞިއްޙަތުގެ ކުއްލި ނުރައްކާ އިއުލާނު ކޮށްފައިވާ މިދަނޑިވަޅުގައި އެފަދަ ފަރާތްތަކުން ދަރުމަވެރިންގެ ގޮތުގައި ނުކުތުން ވަރަށް މުހިންމު.
— Afaal🇲🇻 (@ahmedafaal) March 13, 2020
ދުނިޔޭގައި ހަލުވިކަމާއެކު ފެތުރެމުންދާ ކޮވިޑް-19 އަށް ރާއްޖެއިން 10 މީހަކު ޕޮޒިޓިވްވެފައި ވެ އެވެ. އެ އެންމެންނަށް ވެސް އަންނަނީ ފަރުވާ ދެމުންނެވެ.
އަފްއާލް ވިދާޅުވިގޮތުގައި، އެ ބަލި ޖެހިފައިވާ މީހުންނަށް ފަރުވާ ދެމުން އަންނަ ސިއްހީ ހިދުމަތްތެރިން ކަރަންޓީން ކުރުމުގެ ފުރުސަތު އޮވެދާނެ ކަމަށެވެ. އޭރުން ސީދާ މަސައްކަތަށް ބޭނުންވާ މީހުން މަދުވެގެންދާނެކަމަށް ވިދާޅުވި އެވެ. ނަމަވެސް މިހާރު ހިދުމަތުގައި ތިބި މީހުންނާ ބައިވެރިވެގެން، ވޮލެންޓިއާ ކޮށްފިނަމަ އާއްމުންގެ އިތުބާރު ބޮޑުވާނެކަން ފާހަގަކުރެއްވި އެވެ.
"އަމިއްލަ ތަންތަންގެ އެހީތެރިކަމުގެ އިތުރުން، ސިއްހީ ފަންނުވެރިން ކޮންމެ ވެސް އެއް ޕޮއިންޓެއްގައި މި އެންމެންގެ އެހީތެރިކަން ދިނުން ވަރަށް މުހިއްމު،" އަފްއާލް ވިދާޅުވި އެވެ.
ރިޓަޔާކޮށްފައި ނުވަތަ ސިއްހީ ދާއިރާއިން ވަކިވެފައި ފުދޭވަރަކަށް މީހުން ތިބޭނެކަމަށް ވިދާޅުވި އެވެ.
މީގެ ކުރިން، 1982 ވަނަ އަހަރު ރާއްޖޭގައި ޝިގެއްލާ ފެތުރިގެން އުޅުނުއިރު ޚިދުމަތުގައި ތިބި ބައެއް މީހުން މިހާރު ވެސް ތިބޭނެ ކަމަށާއި އެ ހިދުމަތްތެރިންގެ އެހީތެރިކަން، ކޮންމެ ވެސް ސިފައެއްގައި ހޯދޭނެކަމަށް ވިދާޅުވި އެވެ.
"މިފަދަ ކަމަކަށް ވިސްފާއި މަސައްކަތް ކޮށްފިނަމަ ވަރަށް ޕޮޒިޓިވް އައުޓްކަމެއް ލިބޭނެ އެމީހުން ވޮލެންޓިއާ ކޮށްފާނެ. ވިސްނަންޖެހޭނީ [ސިއްހީ ދާއިރާ] ސްޓްރެޗްވާނެ ކަމަށް. އިތުރަށް ގޯސްވެއްޖެނަމަ އެންމެ ބޮޑަށް ދައްޗަށް ވާނީ ވޯކް ފޯހަށް ބޭނުންވާ މީހުން،" އަފްއާލް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1982
15 March 2020
ޝިގެއްލާ ދުވަސްވަރު އެކަމެއް ކޮންޓްރޯލްކުރި ބަޔަކަށް އިހްތިރާމްކުރުމާއެކު ބުނެވޭނީ މިއަދުގެ ހާލަތު ކިހާބޮޑުތަނަކުން ތަފާތުނޫންތޯއޭ. މިހާރުގެ ހާލަތަށް ކަމުދާނީ ކަންކަން ކިޔަަވައިގެން ތިބި ފަހުގެ މީހުން. މިއަދުހުރި ގޮންޖެހުންތައް މާތަފާތު އޭރާ ބަލާފަ ގިނަކަންކަން ފަސޭހަނަމަވެސް. މިހާލަތުގައި އެންމެ ރަގަޅުވާނީ މިބައްޔާ ހަނގުރާމަކޮށް އެކަމުން އަރައިގަންނަން އެތައް ކަމެއްކުރި ޗައިނާމީހުންގެ ތަޖުރިބާގެ މައްޗަށް ބުރަވެގެން އެމީހުންގެ އެހީހޯދުމުން.
މުމްތާޒު
15 March 2020
ރައްކާތެރިކަމުގެ ފިޔަވަޅުތައް ނާޅައި، ވޮލެންޓިޔަރުން ނުކުތީމަ ވާނީ ހައްތަހާވެސް ގޯސް.... ހޮސްޕިޓަލުން ދެނީ ޝިފްޓެއްގަ ނަރުހަކަށް އެއް މާސްކު، އޭނަ އެކީ މީހުނަށް ފަރުވާދޭނެ، ނަމާދުކޮށް، ކައި ބޮއި ހަދާ އެހެނިހެން ކަންކަމަށް މާސްކު ނަގަންޖެހޭ ހާލަތުވެސް އަންނާނެ ޑޮކްޓަރުން އިރުޝާދުދެނީ މާސްކު ނަގައިފިނަމަ ނައްތާލާފަ އާ މާސްކެއް އަޅަން އެކަމު މިޖެހެނީ ހަމަ ނެގި މާސްކު އަލުން އަޅަން 10 ގަޑިއިރުގެ ޝިފްޓަކަށް އެއް މާސްކު ދިނީމަ ކޮބާ ރައްކާތެރިކަން
ވިލޫ
15 March 2020
މަހައްދޭ
މޫސާ މިނިކް
15 March 2020
ނުވާނެތިކަމެއް
އެޑްމުންޑޯ
15 March 2020
ވަރަށް ރަގަޅު ވާހަކައެއް އައްފާލު ތިވިދާޅުވީ ، ކޮވިޑް 19 ގެ ނުރައްކާތެރިކަން އަދިވެސް ބައެއްދިވެހިންނަށް ލަފާކުރަން ދަތިވޭ
އަލީ އަސްފާގު
15 March 2020
ސިއްހީ ދާއިރާގަ ދިވެހިރާއްޖޭގަ ތިބި މިފަދަ ކަންކަމުގެ ތަޖުރިބާހުރި ގާބިލު މީހުން މިދާއިރާ އާއި ދުރަށްދާން މަޖުބޫރު ކުރީ އެމްޑީޕީގެ ފިކުރާއި އެފިކުރުގަ ތިބި މަޖިލީހުގެ މެންބަރުން.
ލމއއ
15 March 2020
ޙަހަހަހަ. ހަާދަ އިނގެޔޭ. އޭ +
ގަޑުބަޑު
15 March 2020
ލަދެއް ވެސް ނުގަނޭ ފާޑު ފާދު ވާހަކަ ދައްކަން
ޖަމްޕް ދަ ގަން
15 March 2020
ކިތައް ކޭސް ފެނިގެންތޯ ވޮލަންޓިރުން ނިކުންނަން ޖެހިގެ މި އުޅެނީ؟ 10؟ މިހާރު ތިބި މީހުންނަށް 10 ކޭސް އޮބި އޮންނަވަރު ނުވީ؟
ޖަމްޕް ދަ ބަޑި
15 March 2020
މީހަކު ރަނގަޅަށް އެއްޗެކޭ ބުންޔަސް ތަނެއް ދޮރެއް ބަލައިނުލާ ވާނެ ކޮންމެސް އެއްޗެކޭ ކިޔައިން އަނގަ ކޮށްޕާލަން!
ސޯލިހް
15 March 2020
ނުކުންނާކައްނުޖެހޭ
ެަސައީދު
15 March 2020
ސަދަގާތް ކުރު މަކީ ބަލިތަކުގެ ޝިފާއެެއް ..ހަދީސް
ޙަކީމް ބެ
15 March 2020
މިގައުމުގައި ތިޔަފަދަ ރޯގާ ތަކާކުރިމަތިލުމުގެ ތަޖުރިބާ އާއި އިލްމުލިބިފައިވާ ގާބިލް މީހުން ތިބިކަމާމެދު ޝައްކެއްނެތް!ސިވިލް ސާވިސް އުފައްދާ އެފަދަ މީހުން ހެލްތްސިސްޓަމުން ބޭރުކޮށް މަސައްކަތުން އެކަހެރިކުރި ވެރިން މިގައުމުގެ މަތިފަޑިގައި އެތިބީ! ޢެކަން އިހުސާސްވަނީ ފޫކޮޅުގައި ރޯވީމާ!