ައައްޑޫ އިކުއަޓޯރިއަލް ހޮސްޕިޓަލް: ކޮވިޑް-19 ގެ އަލާމާތެއް ހުރެގެން، އައްޑޫ ހިތަދޫގެ ކުޑަކުއްޖެއްގެ ޓެސްޓު ހެދުމަށް ވަނީ ނިންމާފައި،
17 މާޗް 2020 - 20:09
10 comments
ކޮވިޑް-19 އަށް ޝައްކު ކުރެވިގެން އައްޑޫ ހިތަދޫގެ ކުޑަކުއްޖެއްގެ ޓެސްޓެއް ހެދުމަށް ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ނިންމައިފި އެވެ.
އުމުރުން 7-8 އަހަރާ ދެމެދުގެ އެ ކުއްޖާގެ ސާމްޕަލް ނެގުމުގެ ކަންކަން ކުރިއަށް ގެންދަން އެޗްޕީއޭ އިން އައްޑޫ އީކުއެޓޯރިއަލް ހޮސްޕިޓަލަށް އަންގާފައިވާ ކަމަށް އައްޑޫ މޭޔަރު އަބްދުﷲ ސޯދިގް (ސޯބެ) "މިހާރު" އަށް ވިދާޅުވި އެވެ.
ޓެސްޓް ހަދާނީ މާލޭގެ އައިޖީއެމްއެޗުންނެވެ.
ސޯބެ ވިދާޅުވި ގޮތުގައި، އިންޑިއާގެ ކޮޗިން އިން އައްޑު އަށް އިއްޔެ ދިޔަ އެ ކުއްޖާގެ ޓެސްޓް ކުރިއަށް ގެންދާތީ، ކުއްޖާ ދިރިއުޅޭގެ 14 ދުވަހަށް "ބަންދު" ކޮށްފައިވާކަން ކަން އެޗްޕީއޭ އިން ވަނީ އަންގައިފަ އެވެ. އެ ކުއްޖާ ކޮޗިން އިން އައްޑު އަށް ދިޔައީ ވެލާނާ އިންޓަނޭޝަނަލް އެއާޕޯޓުގައި މަޑުކުރުމަށް ފަހު ކަމަށް ވެ އެވެ.
އެޗްޕީއޭގެ އެންގުމުގައި ވަނީ ސިއްހީ ގޮތުން އިތުރަށް ބަލަންޖެހޭ ކަންކަން ބަލައި، އެހެން އެންގުމެއް އަންގަންދެން، އާންމު ސިއްހަތު ރައްކާތެރިކުރުމުގެ ގާނޫނުގެ ދަށުން، ހިތަދޫ އެ ގެ 14 ދުވަހުގެ މުއްދަތަށް "ބަންދު" ކޮށްފައިވާ ކަމަށެވެ. އެހެންވެ، އެ ގޭގައި ތިބި ބަޔަކަށް އިތުރު އެއްވެސް ކަމެއް އަންގަން ދެން އެ ގެއިން ބޭރަށް ދިއުމާއި އެޗްޕީއޭގެ ހުއްދަ ނެތި އެއްވެސް ބަޔަކު އެ ގެ އަށް ވަނުން މަނާކޮށްފައިވާ ކަމަށް ވެސް އެންގުމުގައި ވެ އެވެ.
ރާއްޖެ އިން ކޮރޯނާވައިރަސް ޖެހިފައިވާ 13 މީހަކު ފެނިފައިވާއިރު، އޭގެ ތެރޭގައި އެއްވެސް ދިވެއްސަކު އަދި ނުހިމެނެ އެވެ. ރާއްޖެ އިން މި ބައްޔަށް ޕޮޒިޓިވް ވެފައި ވަނީ ކުރެއްދޫ އައިލެންޑް ރިސޯޓުގައި މަސައްކަތް ކުރާ ދެ ބިދޭސީއަކާއި 11 ޓޫރިސްޓެކެވެ. އެ މީހުން ނިސްބަތް ވަނީ އިޓަލީ އާއި ޖަރުމަނާއި އިނގިރޭސި ވިލާތާއި ސައުތު ކޮރެއާ އަދި ތުރުކީ އަށެވެ. އޭގެ ތެރޭގައި އެންމެ ގިނައީ އިޓަލީގެ މީހުންނެވެ. އެ ގައުމުގެ ނުވަ މީހެއްގެ ގައިން ކޮވިޑް ބަލި ފެނިފައިވާ ކަމަށް އެޗްޕީއޭ އިން ބުނެފައި ވެ އެވެ.
ކޮވިޑް ބަލިން އިތުރަށް ފެތުރުނަނުދިނުމަށްޓަކައި ސަރުކާރުން މިދިޔަ ބުރާސްފަތި ދުވަހު ވަނީ ރާއްޖޭގައި ސިއްހީ ކުއްލި ނުރައްކަލުގެ ހާލަތު އިއުލާންކޮށް، ވަރުގަދަ ފިޔަވަޅުތަކެއް އަޅަން ފަށައިފަ އެވެ. އޭގެ ތެރޭގައި ރިސޯޓުތަކަށް އަރައިފޭބުން ވަކި މުއްދަތަކަށް މަނާކުރުމާއި ގެސްޓް ހައުސްތަކަށް ޓޫރިސްޓުން ގެންދިއުން މަނާކުރުން ހިމެނެ އެވެ. އަދި ސްކޫލްތަކުގެ ކިޔެވުން ދެ ހަފުތާ އަށް މެދުކަނޑާލުމާއި ކިޔަވައިދޭ އެހެނިހެން ތަންތަން މިވަގުތަށް ބަންދުކުރުމާއި ސަރުކާރުގެ އޮފީސްތައް އަންނަ ބުރާސްފަތި ދުވަހުން ފެށިގެން އަންނަ ހަފުތާގެ ބުރާސްފައްޗާ ހަމައަށް ބަންދުކުރުން ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަލުއާދަނު
18 March 2020
އެއާޕޯޓުން ތިޔަ ކުއްޖާ ޗެކް ނުކުރީ ކީއްވެބާ؟ އިހުމާލެއްނޫންބާ؟ ފުރަތަމަ މިބަލި ޖެހުނުމީހާއާމެދުވެސް އިހުމާލުވީކަމަށްބުނެ ތަހުގީގެއް ފެށިވާހަކައިވޭ . ރައީސްސޯލިހާއި ޓޫރިޒަމް މިނިސްޓރު އަލީވަހީދު ޒިންމާވާންޖެހޭތީ ތަހުގީގު ދިޔައީ ފޮއްބެ ދަނޑަށް.
ޚަންދު
17 March 2020
ކުޑަކުއްޖެއްކަން އެގިތިބެމެ ބައެއް މީޑިއާތަކުން ކުއްޖާގެ ވަނަވަރު ހާމަކުރާތީ ހިތާމަ ކުރަން. ޢެކުއްޖާގެ އައިޑެންޓިޓީ ހާމަވެގެން ދިއުމަކީ ކުއްޖާއަށް އިތުރު ތަކުލީފުތަކެއް ކުރިމަތިވާނެކަމެއް.
އޮނަރަބްލް އަފީފު ދީދީ
17 March 2020
ﷲ ގެ އިރާދަ ފުޅާއިއެކު ކުއްޖާ ބައްޔަށް ޕޮޒިޓިވް ނުވުމަށް ދުއާކުރަން. އުމުރުން 9 އަހަރުން ދަށުގެ ކުދިންނަށް ބަލިޖެހުގެ ފުރުސަތު ކިތަންމެ ހަނިކަމަށް ސިއްޙީދާއިރާގެ ބޭފުޅުން ވިދާޅުވިޔަސް މައިންބަފައިން ކުދިންގެ ރައްކާތެރިކަމަށް އިސްކަން ދޭންވާނެ.
މާލޭމީހާ
17 March 2020
ލޮކްޑައުން ކުރަންވެސް ނުކެރޭ ނާގާބިލު ސަރުކާރެއްވިއްޔާ ހޮވާފަމިއޮތީ!އައްޑޫމީހުން ގައިގަ ރީނދޫ އުނގުޅައިގެން އުޅެންޏާ ސަރކާރުގެ ގޯހެއްނުފެންނާނެ
ވިސްްނާ
17 March 2020
ގެއާހަމައަށް ނުދަނީސް ސީދާ އެއާޕޯޓުން ކީއްވެތޯ ނުހިފެހެއްޓީ!މިހާރު އެތައްބަޔަކު މިވަނީ ބިރުވެރިކަމެއްގެތެރޭގަ
ގަރުދިޔަ
17 March 2020
އަދި ވެސް ސްކޫލް ބަންދު ވާ އިރަށް ތަންތަނައް ޗުއްޓީ ހަދަން ދޭ ދިވެހިން މީ މޮޔަބަޔެއް
ޝާން
17 March 2020
އިރާދަކުރެއްވިއްޔާ ތިކުއްޖާ ކޮވިޑް އަށް ނެގެޓިވް ވާނެ.
ޢަލީ ރިޒާ
17 March 2020
އެ ކުއްޖާ ދިރިއުޅޭ ގެ "ބަންދު" ކުރަން އެނގި އެންގުމަށް ޢާއިލީ އަދި ރަށުތެރޭ މީހުން ޢަމަލުކުރުން ވަރަށް މުހިއްމު. އުނދަގޫވެސް ވާނެ، ދެރަވެސް ވާނެ، ބިރުވެސް ގަންނާނެ، "ތާކުން ތާކު ނުޖެހޭ" އެންގުމެކޭވެސް ހިތައް އަރާފާނެ... ނަމަވެސް އެންމެންގެ ރައްކާތެރިކަމައްޓަކައި ފަރުވާތެރިވުން ވަރަށް މުހިންމު!
އައްޑޫ ހިތަދޫ ކުއްޖާ
17 March 2020
ޢަދިވެސް އިންޑިއާ އިން އައިސްގޮސް ވުން ބަންދުކުރާކަށް ނުވޭ؟ ރައްޔިތުންނަށްވުރެ އިންޑިއާ އަދިވެސް މުހިއްމީ؟
ަސަލީމް
17 March 2020
ޔާ ﷲ އަޅަމެން މި ބަލިން ރައްކާތެރިކުރައްވަފާދޭވެ!