ކޮވިޑް-19 ގެ މައުލޫމާތު ދިނުމަށް ބޭއްވި ނިއުސް ކޮންފަރެންސްގައި.---ފޮޓޯ އަހުމަދު އަވްޝަން/މިހާރު
05 މެއި 2020 - 21:25
20 comments
ކޮވިޑް-19 އާ ގުޅިގެން މާލީ ގޮތުން ދަތިތަކާ ކުރިމަތިވެފައިވާ އާންމު ފަރުދުންނާއި، ވިޔަފާރިތަކަށް އަމާޒުކޮށްގެން ސަރުކާރުން ގާއިމްކޮށްފައިވާ ރިލީފް ފަންޑުން ބޭންކް އޮފް މޯލްޑިވްސް (ބީއެމްއެލް) މެދުވެރިކޮށް 34 ވިޔަފާރިއަކަށް 45 މިލިއަން ރުފިޔާ ދީފި އެވެ.
ބީއެމްއެލުން ބުނީ، ބޭންކުން އެހީ ދީފައި ވަނީ ރިސޯޓުތަކާއި އަހަރެއްގެ މައްޗަށް އާމްދަނީގެ ގޮތުގައި 10 މިލިއަނަށް ވުރެ މަތީ އަދަދެއް ހޯދާ ވިޔަފާރިތަކަށް ކަމަށެވެ. މިހާތަނަށް 63 ވިޔަފާރިއަކަށް ލޯނު ދިނުމަށްޓަކައި އެޕްރޫވް ކޮށްފައިވާ ކަމަށް ވެސް ބޭންކުން ބުނެ އެވެ. މީގެ ތެރެއިން ފައިސާ ދޫކޮށްފައި ވަނީ 34 ވިޔަފާރިއަކަށެވެ.
ލޯނަށް ފައިސާ ދޫކުރުމުގެ މަރުހަލާ ނިމޭނީ ކަސްޓަމަރުން ބޭންކަށް އަނބުރާ ފޮނުވަންޖެހޭ ލިޔުންތައް ލިބުމުން ކަމަށް ވުމާ އެކު، ކަސްޓަމަރުން ވީހާ ވެސް އަވަހަކަށް މި ލިޔުންތައް ފޮނުވުމަކީ ވެސް ބޭންކުގެ އިލްތިމާސެކެވެ.
މިއީ އެއްވެސް ރަހުނަކާ ނުލައި، އަހަރަކު ހަ ޕަސެންޓް އިންޓަރެސްޓްގައި ދޫކުރާ ފައިނޭންސިން ފެސިލިޓީ އެކެވެ. މި ފައިނޭންސިން އަނބުރާ ދެއްކުމަށް ހަ މަހުގެ ގްރޭސް ޕީރިއަޑެއް ލިބޭނެ އެވެ. އަދި ފައިސާ އެއްކޮށް ދެއްކުމަށް ތިން އަހަރުގެ މުއްދަތެއް ލިބޭނެ އެވެ. މި ގްރޭސް ޕީރިއަޑްގައި އިންޓްރެސްޓް އަދި ޕްރިންސިޕަލް ޕޭމަންޓް ދައްކާކަށް ނުޖެހޭނެ އެވެ.
ކޮވިޑް-19 އާ ގުޅިގެން ވިޔަފާރިތަކަށް ދޫކުރާ ހާއްސަ ލޯނުތަކުގެ އިތުރުން އާންމު އުސޫލުން، ކުރިއެކޭ އެއްގޮތަށް ލޯނާއި ފައިނޭންސިން ފެސިލިޓީތައް ބޭންކުން އަންނަނީ ދޫކުރަމުންނެވެ.
ކޮވިޑް-19 އާ ގުޅިގެން ބޭންކުން އަންނަނީ އަމިއްލަ ފަރުދުންނާއި ވިޔަފާރިތަކަށް ދިމާވާ ދަތިތަކުން އަރައިގަތުމަށް އެހީވުމަށް ހިދުމަތްތަކަށް ބަދަލުތައް ގެންނަމުންނެވެ. އެގޮތުން ބީއެމްއެލް މެދުވެރިކޮށް ނަގާފައިވާ ލޯނުތައް ހަ މަސް ދުވަހަށް ފަސްކޮށްދިނުމާއި، ރާއްޖޭ އިން ބޭރުގައި ދަތިތަކާ ދިމާވެފައިވާ ދިވެހިންނަށް ފައިސާގެ މުއާމަލާތްކުރުމުގައި ލުއިތަކެއް ހޯދައި ދިނުމުގެ ގޮތުން އޭޓީއެމުން ފައިސާ ނެގޭ އަދަދު އިތުރުކޮށްފައިވެ އެވެ.
މީގެ އިތުރުން ދިވެހި ރުފިޔާ އެކައުންޓް މެދުވެރިކޮށް ފައިސާ ފޮނުވޭ ގޮތް ވެސް ވަނީ މަގުފަހިކޮށްދީފަ އެވެ. އަދި ފަރުދުންނާއި ވިޔަފާރިތަކަށް ފައިސާ ޖަމާ ކުރުމަށް ދިމާވާ ދަތިތައް ހައްލުކޮށްދިނުމުގެ ގޮތުން އޭޓީއެމް މެދުވެރިކޮށް ފައިސާ ޖަމާކުރެވޭނެ އަދަދުވެސް ބޭންކުން އިތުރުކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ކެޔޮޅުބޭ
06 May 2020
މިގޮތަށް ސަރުކާރުގެ އެހީ އެއްވެސް ފޮރިން ނުވަތަ ބިދޭސީ ކުންފުނިތަކުން ރާއްޖޭގަ ހިންގާ ރިސޯޓަކަށް ނުވަތަ ވިޔަފާރި އަކަށް ދެވިފަވޭތޯ ނުވަތަ ދޭން ގަސްދު ކުރޭތޯ ބަލަން އެބަޖެހޭ. ސަރުކާރުގެ ރިލީފް ފަންޑުން އަމިއްލަ މަސައްކަތް ކުރާ މީހުންނަށް އެހީވާނެ ފައިސާ ނެތް އިރު ބޭރުގެ އިންވެސްޓަރުން ހިންގާ ރިސޯޓުތަކަށް ސަރުކާރުގެ ރިލީފް ފަންޑުން ފައިސާ ދޭކަށް ނުޖެހޭނެ. އެފަދަ ފަރާތްތަކުން މުއައްޒިފުންގެ ޚަރަދުތަށް އަމިއްލަޔަށް ބަލަހައްޓަންވާނެ.
ފިނިވައި
06 May 2020
ކޮބާތަ އެ ކިޔާ ޓުރާންސްޕޭރަންޓެއް މިހާރު
ބޭބެަ
06 May 2020
ދޭންދޭ ކިޔާލަކިޔާލަ ތިބޭ! މިހާރު ވިޔަފާރިތަކަށް ވާނެ އެއްޗެއްވެ ކިމިއްޖެ! ހުރިހާކަމެއްގައި ބަރަވެލި ސުޕީޑް
ލލލލ
06 May 2020
އެފައިސާވެސް ވަގުންނަށްދީ ހުސްކުރޭ
އެއްލޭ ހޫރޭ
06 May 2020
ތިޔައިން އެތިކޮޅެއް ވިލާއަށް ލިބުނުބާ؟؟ ތީތިކޮޅުގެ އުއްމީދުގައި މުއައްޒަފުންނަށް ފިސާރި ކުޅިދައްކާ އެބަ.
ބޮޑުމީހާ
06 May 2020
އަހަރެއްގެ މައްޗަށް 10 މިލިއަން ފައިސާ ހޯދާބަޔަކަށް ތި ލޯނާއި ނުލާވެސް އުޅެވޭނެ. މިދައްކަނީ އާދައިގެ ރައްޔިތުމީހާ ގެކުލި ނުދެއްކިގެން ގެއިން ނެރެލާ ވާހަކަ. އަދިވެސް ވިޔަފާރިތަކަށް މޮޅުގޮތް.
falcon_autho
06 May 2020
ރަނގަޅަށް ވިއްޔާ ތިޔަ ފައިސާވެސް ދޫކޮށްފައިވާނީ މުވައްޒަފުން ވަކިކޮށް މުސާރަ ކުޑަކުރި އަދި ބޭންކުގެ ރަހްމަތްތެރިންނަށް. ކުދި ވިޔަފާރިތަކަށް މިސަރުކާރުގެ އަޅާލުމެއް ހަމަނެތީ. ދެން މިހެން ބުނީމާ އެމީހުންނަށްވެސް ހުޅުވާލާފާ ޝަރުތުކުރާނެ 5 އަހަރު ވިޔަފާރި ކުރުމާއި މަހެއްގެ މައްޗަށް 5 ލައްކަ ރުފިޔާގެ ވިޔަފާރި ހިންގުމާއި ބައިނަލްއަގްވާމީ އޮޑިޓްފާމަކުން އެއަހަރުތަކުގައި އޮޑިޓްކޮށްފައިވާ ވިޔަފާރިތަކަށް ވާންޖެހޭނޭ ކަމަށް.
މާ
06 May 2020
ޔިޔަފައިސާ ދިނީ ކޮންކޮން ކުންފުނިތަކަކަށް ޢާމުންނާ ހަމަޔަށް ނޫސްވެރިން ތިލަކޮށް ދެވުން ކޮންމެހެން މުހިންމު.
ޖުޑީ
06 May 2020
ތި ލާރިދިން ފަރާތްތަކުގެ ނަންތައް ހާމަ ކުރަންޖެހޭ. އަހަރުން މިތިބީ ރިސޯޓުން ވަޒީފާއިން ވަކިކޮށް ގެޔަށް ފޮނުވާލާފަ. އެމީހުންނަށް ތިލާރި ލިބުންތޯ ނޫންތޯ ބަލަން ބޭނުން. އަނެއްކާ ޖޮބް ސެންޓަރ ޔަށް ރިޕޯޓް ކޮށްގެން މަހަކަށް ވުރެން ގިނަ ދުވަސް ވީއިރު ހަބަރެއްނުވޭ. ވަޒީފާއިން ވަކި ކުރީމަ ކުރި ފަރާތަށް އަޅަން ބުނި ފިޔަވަޅު ނާޅާ އެތަނުގެ ކުލި މާފުކޮށްދީފަ ކަރަންޓީން ފެސިލިޓީއަކަށް ހަދާފަ އަދިވެސް އެމީހުންނަށް ލާރިދެނީ.
ޝޮކްތެރަޕީ
06 May 2020
މިސަރުކާރު ވެރިކަމަ އެރީ ރާއްޖެ ފުޑާލަން.
މަޒް
06 May 2020
މިސަރުކާރު ވެރިކަމަށް އެރި އިރު ރާއްޖެ ފުނޑިފަ އޮތްވަރު ނުފެނޭތަ؟ ބަލަ ދަރަނީގެ މައްޗަށް ދަރަނި އަރާ ޗައިނާއިން މިގައުމު ހިފާ ހިސާބުގަ އޮތީ.. އަނެއްކާ ތިޖޫރި އިންތަން އިން ގޮތް އިނގޭނީ ހަމަ އުމަރު ނަސީރަށް
އޭނަ މީނަ
06 May 2020
މިސަރުކާރުން ވެރިކަމަށް އެރިއިރު ރާއްޖެ އޮތީ މުޅިން ބޮއްސުންލާފަ. ދަރަނިގެ މަތިން ދަރަނިވެފަ. މަނީ ލޯންޑާކޮށްގެން އެތައް ބިލިޔަން ޑޮލަރެއް ކާލި. އަދި ދެން ސަރުކާރަށް ޖެއްސުންކުރަންވެގެން ބަދަލުތައް ހޯދުމަށް ކޮންޓްރެކްޓްތައް އުވާލާފައިއޮތީ. މިހުރިހާ ކަމަކާ ކުރިމަތިލާންޖެހުނީ މިސަރުކާރުން. މިކަމުން އަރައިނުގަނެވެނީސް ދެން ލައްވާލީ ސިއްޙީ ކާރިސާޔަކީ.