ވެމްކޯގެ މުވައްޒަފަކު ކުނިއުކުމުގައި. ކުނި ބަންދުކުރަން ކުރިއަށް ވުރެ ގިނައިން ކޮތަޅު ބޭނުންވާތީ ކޮތަޅު ހުސްވެދާނެ- ފޮޓޯ: އަހުމަދު އަވްޝަން /މިހާރު
06 މެއި 2020 - 16:58
17 comments
އުކާލުމަށް ޓަކައި ކުނި ބަންދުކުރުމުގައި ވެމްކޯއިން އިރުޝާދު ދީފައިވާވަރަށް ކޮތަޅު ބޭނުންކުރާ ނަމަ ރާއްޖެއަށް މިހާރު އެތެރެކޮށްފައިވާ ކޮތަޅުތައް މުޅިން ހުސްވެދާނެ ކަމަށް ކަސްޓަމްސް އިން މިއަދު ބުނެފި އެވެ.
ނެޝަނަލް އިމަޖެންސީ އޮޕަރޭޝަން ސެންޓަރުގައި މިއަދު ބޭއްވި ޕްރެސް ބްރީފިންގައި ޑެޕިއުޓީ ކަމިޝަނާ އޮފް ކަސްޓަމްސް އަބްދުﷲ ޝަރީފް ވިދާޅުވީ ހުރިހާ ލަންޗްބޮކްސް އާއި ޕްލާސްޓިމް ކޮތަޅު ރާއްޖޭން މަދުވެފައި ވާތީ އިކޮނޮމިކް މިނިސްޓްރީއާ ގުޅިގެން އެކަމަށް ހައްލެއް ހޯދަން މަސަައްކަތް ކުރަމުން އަންނަ ކަމަށެވެ.
ލަންްޗްބޮކްސް އާއި ޕްލާސްޓިކް ކޮތަޅަކީ ތިިމާވެއްޓަށް ގެއްލުން ހުރ ބާވަތްތަކަށް ވާތީ އެ ބާވަތްތަކުގެ އިމްޕޯޓް ޑިއުޓީ ރާއްްޖޭގައި އޮންނަނީ ބޮޑުކޮށްފަ އެވެ. ޝަރީފް ވިދާޅުވީ އެބާވަތްތަކުގެ ޑިއުޓީ މިވަގުތަށް ލުއިކޮށްދެއްވާތޯ ކަސްޓަމްސް އާއި އިކޮނޮމިކް މިނިސްޓްރީ ގުޅިގެން ރައީސް އިބްރާހީމް މުހައްމަދު ސޯލިހަށް ހުށަހަޅުއްވާނެ ކަމަށެވެ.
ޗީފް ކަސްޓަމްސް އޮފިސަރު އަލީ ޒުބައިރު(ވ) ޑެޕިއުޓީ ކަމިޝަނާ އޮފް ކަސްޓަމްސް އަބްދުﷲ ޝަރީފް(މ) އަދި އެސިސްޓެންޓް ކަމިޝަނާ އިސްމާއީލް ނާޝިދު މިއަދުގެ ޕްރެސް ބްރީފިންގައި ބައިވެރިވެވަޑައިގަންނަވަނީ.
"އެހެންވީމާ އަޅުގަނޑުމެންނާ އެމްއީޑީއާ [މިނިސްޓްރީ އޮފް އިކޮނޮމިކް ޑިވެލޮޕްމެންޓް]އާ އެކީ މަސައްކަތް ކޮށްގެން ރައީސަށް ހުށަހަޅަންް މިއުޅެނީ އަސްލު މި ހާލަތުގައި އެކަން ކުރެވޭނެ ބަޔަކަށް އެ ފުރުސަތު ދީފިއްޔާ، މިސާލަކަށް ކޮވިޑްގެ މި ދެމިގެންދާ މުއްދަތަށް ޑިއުޓީގެ ރިލީފެއް ލިބިއްޖެެއްޔާ، އެ އިތުރަށް އިމްޕޯޓް ކުރުމުގެ ފުރުސަތު އަމިއްލަ ފަރާތްތަަކަށް ވެސް އެ ހުޅުވައި ދެވުނީ،" ޝަރީފް ވިދާޅުވި އެވެ.
ލަންޗްބޮކްސް އާއި ކޮތަޅު މަދުވަނީ، އޭނާ ވިދާޅުވި ގޮތުގައި ކަރަންޓީނު ފެސިލިޓީތަކަށް ގިނަ އަދަދެއްގެ ލަންޗްބޮކްސްތައް ބޭނުންވުމާއި ކުނި އުކައިލުމަށް ގިނަ އަދަދެއްގެ ކޮތަޅު ބޭނުންވާތީ އެވެ. އެގޮތުން ތަފާސްހިސާބުތައް ބަލައި، ރާއްޖެ އަށް ކޮތަޅު އެތެރެކޮށްފައިވާ އަދަދު ކަސްޓަމްސް އިން ބެލި އިރު ކޮތަޅު ހުސްވެދާނެ ކަމަށް ފެންނަ ކަމަށެވެ.
"ގެނެވިފައި ހުރި އަަދަދުތަކަށް ބަލާއިރު ހަމަ ކޮތަޅުތައް ހުސްވެގެން ދިއުމުގެ ފުރުސަތު އޮތް ކަމަށް ވާތީވެ އެވެސް ހަމަ މިހަލަ ދުވަސްވަރެއްގައި މަގުމައްޗަށް ކުނިއެޅުމާ މިކަހަލަ އެންވަޔަރްމެންޓަލް އިޝޫސްތަކެއް ނުކުމެދާނެތީ އެކަމަށް ރިއާޔަތްކޮށް، އަޅުގަނޑުމެން ސްޓަޑީކޮށް އަޅުގަނޑުމެންނާ އެމްއީޑީއާ ކުރެވެމުންދާ މަސައްކަތެއް،" އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަސަންދީ
07 May 2020
ކޮވިޑް19 އިން ސަލާމަތްވުމައް ބޭނުންކުރާ ގައުނުގެ ތެރޭގަ ހިމެނޭ ޕްލާސްޓިކްވެސް. ކޮވިޑް19 އައް އެއްމެ ރައްކާތެރި އެއްޗަކީ ޕްލާސްޓިކް. މައްސަލައަކީ އަޅުގަނޑުމެން ކޮންމެ އެއްޗެއްވިޔަސް އެބޭނުންހިފުމައްފަހު އަމަލުކުރާގޮތް.
Dhen
06 May 2020
ގައު މަށް ފައިދާވާނި ބޭރުން އެތެރެކުރުންތޯ ނޫނީ އަ މިއްލަ ގައު މުގައި އުފެއްދުންތޯ؟؟؟
Mamedaa
06 May 2020
ރާއްޖެއަށް އެތެރެކޮށްފައިވާ ކޮތަޅުތައް ހުސްވުމުން ކޮތަޅުުަ އުފެއްދޭނެވަރުގެ މަތީފެންވަރުގެ ފެކްޓަރީއެއް ރާއްޖޭގައި އެބަހުރި. ކަސްޓަމްސައް އެނގިފައިވަނީ ބަޔަކު ކޮތަޅު އެތެރެކޮށްފަ އަދި އެކޮތަޅުތައް ހުސްވާކަން އެކަނިތޯ؟؟؟؟؟ ރާއްޖޭގައި ކޮތަޅު އެފައްދާ ފެކްޓްރީ އެއް ހުރިކަން ހަމަ ކަސްޓަމްސައް ނޭނގެނީތޯ!!؟ ގައިމު ކަސްޓަމްސްއިން ފާސްކޮށްފަ ޑޮކިއުމެންޓުތައް ދޫކުރަނީ...... ވަޓް އަ ޖޯކް!!!!!
ސިމްޕަލް
06 May 2020
ހައިރާންވެއްޖެ. މިހާލަތުގައި އެންމެ އަވަހަށް ހުސްވެދާނެ އެއްޗަކަށް މިވީ ޕްލާސްޓިކް ކޮތަޅު! އަދި އެތަކެތި ހުސްވެދާނެކަމުގެ އިންޒާރުވެސް މިދެނީ ކަސްޓަމްސް އިން. ތީގެ ޑިއުޓީ ކުޑަ ނުކުރިއަސް ތި އިމްޕޯޓް ކުރާ މީހުން ބޭނުންވަރަކަށް ރާއްޖެ ގެނެވޭނެހެން ހީވޭ.
ނަން
06 May 2020
ރާއްޖެއަކީ ޕްލާސްޓިކް ކޮތަޅު އެތެރެކުރުން މަނާކުރަން ޖެހޭ ތަނެއް ގޮނޑުދޮށް ވިއްކައިގެން ކައިބޮއި އުޅޭ ބަޔަކު މޫދަށް ކޮތަޅުތައް އުކާ ފަރުގެ ދިރުންތަކާ މަސަމަހާ މެހި ހަލާކުރުން ހުއްދަ ނުކުރެވޭނެ ޕްލާސްޓިކް ކޮތަޅު އެތެރެކުރުން ހުއްޓުވާ
އޮރިޖިނަލް މޮހަނު
07 May 2020
ގޮނޑުދޮށްތައް ވިއްކައިގެން އަބަދަށް ތިބެވޭނެ ކަމަށް ހީކުރީމާ މިއަދު ލަނޑުލިބިގެން މިއުޅެނީ. ދެންވީ ތިމާވެއްޓަށް ރީޒަނަބަލް ވަރަކަށް ބެލުމަށްފަހު އިންޑަސްޓްރީތައް ފުޅާކުރަން.
ކޮތަޅު
06 May 2020
ސަރުކާރުން ބޭނުމެއް ނުވޭ ދިވެހިން ކުރި އަރުވާކަށް.. މި ޤައުމުގަވެސް ކޮތަޅު ހަދާ ފެކްޓްރީ އެއް އެބަހުރި.. އެމީހުންނަށް މި ގައުމަށް ބޭނުންވާ ވަރަށް ކޮތަޅު ހެދޭނެ.
ގަޑުބަޑު
06 May 2020
އެއްކަމެއް ހައްލު ކުރާއިރަށް އަނެއް ކަމެއް.. ކުޑަ ކަމެއް ހައްލުވާ އިރަށް ބޮޑު ކަމެއް ފާޅުވެ އެވެ.
ހަސަންދީ
06 May 2020
ރާއްޖޭގަ ހުރި ކޮތަޅުހަދާ ފެކްޓީ އަކީ 2006 ވަނަ އަހަރުން ފެށިގެ ކޮތަޅުހެދުމާއި ޕްލާސްޓިކް ރިސައިކަލްކުރަމުން އަންނަ ފެކްޓްރީއެއް. އަދި2006 ވަނައަހަރުން ފެޝިގެން ކެނަޑާގެ އީޕީއައިގެ އެޕްރޫވަލް އާއި ރާއްޖޭގެ އެންވަޔަރ މިނިސްޓްރީގެ ހުއްދަލިބިގެން ބަޔޯޑީގްރޭޑެބްލް ކޮތަޅުއުފައްދަމުން އަންނަ މި ސަރަހައްދުގެ މަތީފެންވަރުގެ ފެކްޓްރީ އެއްކަން އެގިތިބެމެ ދީފައިވާ ދޮގު މައުލޭމާތުތަކެއް. މިފަދަކަންތައްތައް މިގައުމުން ހުއްޓޭނެ ދުވަހެއް އަންނާނެބާއޭ ހިތަންއަރާ.
ހުސްނާދު
06 May 2020
މަގޭވެސް ހިތަށް އަރައިފި ކޮބާބާއޭ ރާއްޖޭގައި ގާއިމުކޮއްފައިވާ ފެކްޓްރީތައް.. އެއްޗެކޭ ކިޔާފަ ދަނޑިވަޅުގެ ބޭނުން ހިފައިގެން ސަރުކާރުގެ ކޮންމެވެސް ލެވެލްއެއްގަ ތިބި ބަޔަކު ގިނަ އަދަދަކަށް ކޮތަޅު ޑިއުޓީ ކުޑަކޮށް ނުވަތަ ޑިއުޓީއަކާ ނުލާ އެތެރެ ކުރަން ތި އުޅެނީ.. ނޫސްތަކުން މިކަން ރަނގަޅަށް ބަލާ މިކަމާ ބެހޭ ރިޕޯޓެއް އަވަހަށް ހަދަންވީ.. ނޫނީ ރާއްޖޭގައި މި ވިޔަފާރި ކުރަމުންދާ ދިވެހި މަދު ކުންފުނިތަކަށް މިލިއަނުން ގެއްލުން ވާނެ.
މަވެސް ސަލާމް
06 May 2020
ރާއްޖެއިން ޕްލާސްޓިކް ކޮތަޅުހުސްވާނެ ކަމައް ކަސްޓަމްސް ބޭފުޅުންވިދާޅުވީ ހަމަ އެބޭފުޅުންނައް ރާއްޖޭގައި ޕްލާސްޓިކްކޮތަޅު އުފައްދާކަން ހަމަނޭގިތިބެތޯ. އެބޭފުޅުން ކޮންމެމަހަކު އެފާސްކޮއްފަ ދޫކުރާ ޑޮކިއުމެންޓްތަކުން ހަމަނޭގެނީތޯ. ނޫނީ ކޮންމެވެސްބަޔަކައް ބޮޑު ނާޖާއިޒް ފައިދާއެއް ކޮއްދިނުމުގެ މަގުސަދުގަ ނޫންބާއޭ ހިތަންއަރާ. މިހާރުވެސް އެމްޕީ އެލްގެ އެބައިން އެފެކްޓްރީގެ 40 ފޫޓްގެ 2 ކޮންޓެއިނާއި އަދި 20 ފޫޓްގެ 1 ކޮންޓެއިނާ. އޯޑަރ ކޮއްފަ ވެއްޖެ 6 ކޮންޓެއިނާ
އޮނަރަބްލް އަފީފު ދީދީ
06 May 2020
ރައީސަށް ދަންނަވަން ޕްލާސްޓިކް ކޮތަޅުގެޑިއުޓީ މައާފް ކޮށްނުދެއްވަން. އަދި ކަސްޓަމްސް އޮތޯރިޓީން މިކަމަށް ހިތްވަރުދީގެންނުވާނެ. # ފަތުރުވެރިކަމުގެ ބައެއްމަންޒިލް ތަކުން އެމީހުންގެ ފަރުތައް ރައްކާތެރިކުރަން ކުރާ މަސައްކަތުގެ ތެރެއިން ބީޗަށް ފައިބާ ގެސްޓުން ސަންލޯޝަން ބޭނުން ކުރުން މަނާކޮށް އަދި އެސަރަހައްދު ތަކަށް ނުވަތަ އެ ޤައުމުތަކަށް ސަންލޯޝަން އެތެރެކުރުންވެސް ހުއްޓުވާން މަސައްކަތްކުރާއިރު އަހަރުމެން ޕްލާސްޓިކަށް ފުރުސަތުދީގެން ނުވާނެ. މިގޯސް ނަހައްދަވާ.