07 މެއި 2020 - 01:20
11 comments
ކުރު މުއްދަތަކަށް މާލެ އައިސް ރަށަށް ނުދެވިފައި ތިބި މީހުންގެ ތެރެއިން ރަށަށް ދާން ބޭނުންވާ 42 މީހަކު ކަރަންޓީން ކޮށްފައިވާ ކަމަށް އެންއީއޯސީން ބުނެފި އެވެ.
ކޮވިޑް-19އާ ގުޅިގެން މިރޭ ބޭއްވި ނޫސްވެރިންގެ ބައްދަލުވުމުގައި ކޮވިޑް-19 އަށް ހާއްސަ ތަރުޖަމާން މަބްރޫކް އަޒީޒް ވިދާޅުވީ ކުރު މުއްދަތަކަށް މާލެ އައިސް ރަށަށް ނުދެވި މާލޭގައި ތާށިވެފައި ތިބި މީހުންގެ ތެރެއިން ޖުމްލަ 42 މީހުން މިހާތަނަށް ކަރަންޓީން ފެސިލިޓީތަކަށް ގެންގޮސްފައިވާ ކަމަށެވެ. އަދި އެމީހުން ރަށަށް ފޮނުވާނީ ކަރަންޓީނުގައި 14 ދުވަސް ހަމަކުރުމަށް ފަހު ކަމަށް މަބްރޫކް ވިދާޅުވި އެވެ.
މަބްރޫކް ވިދާޅުވީ މިގޮތަށް އަމަލުކުރަނީ ރަށްރަށުގައި މީހުން ކަރަންޓީން ކުރުމަކީ ވެސް ފަސޭހަ ކަމަކަށް ނުވާނެތީ ކަމަށެވެ. އަދި ރަށްރަށަށް މީހުން ފޮނުވުމުގައި އެންމެ އިސްކަމެއް ދެނީ ކުރު މުއްދަތަށް އައިސް ތިބި މީހުން ކަމަށާއި އެއީ އެމީހުން އަތުން ދުވާލެއްގެ މައްޗަށް ބޮޑެތި ހަރަދުތަކެއް ހިނގާނެތީ ކަމަށް ވިދާޅުވި އެވެ.
މާލެ އިން ކޮވިޑް-19 ފެނި ކޮމިއުނިޓީ ސްޕްރެޑެއް ފެށުމުން މާލެ ވަނީ ލޮކްޑައުން ކޮށްފަ އެވެ. އަދި ކޮންމެހެން ކުރަން ޖެހޭ ދަތުރުތައް ނޫނީ ކުރުން އޮތީ މަނާކޮށްފަ އެވެ. މިކަމުގެ ސަބަބުން މާލެ އައިސް ތިބި ގިނަ ބަޔަކު ތާށިވެފައިވާއިރު އޭގެ ތެރެއިން ބައެއް މީހުން އަތުން ފައިސާ ހުސްވެ މަގުމަތިވެގެން ސަރުކާރުން އެހީވެސްވެފައި ވެއެވެ.
މިކަމަށް ހައްލެއް ހޯދައި އަތޮޅުތެރެއަށް މީހުންނަށް ފުރޭނެ އުސޫލެއް ކަނޑައަޅައި އިއްޔެ ވަނީ އާންމުކޮށްފަ އެވެ. އެ އުސޫލުގައިވާ ގޮތުން އެންމެ ފުރަތަމަ އިސްކަން ދޭނީ އާސަންދަ އާއި އެންސްޕާގެ އެހީގައި ބޭސްފަރުވާ އަށް މާލެ އައިސް އެނބުރި ރަށަށް ދެވޭނެ ގޮތެއް ނެތިފައި ތިބި މީހުންނަށެވެ.
މި ކަންކަމަށް ފަހު ދެ ވަނަ ކެޓަގަރީއެއްގައި ދެން ހިމެނެނީ ބޭސްފަރުވާ ނޫން ކަންކަމުގައި މާލެ އައިސް ނުދެވިފައި ތިބި މީހުންނަށެވެ. އެ މީހުން ފޮނުވުމުގައި އެންމެ ފުރަތަމަ އިސްކަން ދޭނީ ރަށަށް ދާން މިދިޔަ މަހުގެ 15-20 އާ ދެމެދަށް ޓިކެޓް ނަގާފައިވާ މީހުންނަށެވެ. ދެން ރާއްޖެ އިން ބޭރުން އައިސް، 14 ދުވަހުގެ ކަރަންޓީނު ފުރިހަމަކޮށް ރަށަށް ނުދެވިފައި ތިބި ކިޔަވާ ކުދިންނާއި އެ ކުދިންގެ އާއިލާގެ މީހުންނަށެވެ. އަދި އޭގެ ފަހުން ވަޒީފާ އަދާކުރަމުން ދިޔަ ރިސޯޓް ބަންދުކުރުމުން ނުވަތަ ރިސޯޓް ވަގުތީ ގޮތުން ބަންދުކުރުމުން ރަށަށް ދާން މާލެ އައިސް ތިބި މީހުންނަށެވެ.
އިސްކަންދޭ ތަރުތީބުގެ ދަށުން، ރަށަށް ފޮނުމުގައި އެންމެ ފުރަތަމަ ބަލާނީ މިދިޔަ މަހުގެ 1 ވަނަ ދުވަހު ނުވަތަ އޭގެ ފަހުން އެކި ބޭނުންތަކުގައި މާލެ އައިސް ރަށަށް ނުދެވި ތިބި މީހުންނަށް ކަމަށް ސަރުކާރުން ހާމަކޮށްފައިވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރިސޯޓު ބޯއީ
07 May 2020
ރިސޯޓުން ފޮނުވާލީމަ އެއްމަހު މުސާރަހިފަގެން މާލެއައީ ރަށަށްދާން' މިހާރު މުސާރަކޮޅު ކުއްޔަށްދީގެން މިހުރީ ރަށަށްގެންދުން ލަސްވާނަމަ މާގިނަދުވަހެއްނުވެ މަގުމަތިވާނެ މަދާނި ސިފައިންގެ ދޮރުމަށްޗަށް ދަބަސްގަޑު ހިފައިގެން ފަހަރުގަ ޖަލުގޮޅިޔަކުން ޖާގަ ލިބިދާނެތާ؟
ސާލިހު
07 May 2020
އިސްތިއުފާދޭންވީ ސަރުކާރުގެ ހުރިހާވެރިން ކަލޭމެން ތިމަގާމުތަކަށް ކުފޫހަމައެއްނޫން!!!!!!!
އަލީ ބަލީ ބަނޑަށްބަލީ
07 May 2020
އިސްތިއުފާ ދީފައި ދެން ދޭންވީ ބިލިއަނުން ވައްކަން ކުރި ގުރޫޕަށްތަ؟ އޭރުން ވަރަށް ތާހިރުވާނެ.
އޮނަރަބްލް އަފީފު ދީދީ
07 May 2020
ނޫސް ކޮންފަރެންސް ބޮޑު ބޮލިރިހުމަކަށް ވަނީ ބަދަލުވެފަ. ހީވަނީ ރިޔާސީ އިންތިޙާބްގެ ވޯޓް ގުނުން ކުރިއަށް ގެންދާ ވަގުތު ޓީވީން ލައިވް ކުރަނީހެން. ތިއަށްވުރެން ޒަމާނަށް ފެތޭ ގޮތަށް ތިކަން ކޮށްބަލަ. # މަބްރޫކު ތިކިޔާދޭ ކުރުވާހަކަ ނުކިޔާ ތި ޙަބަރުތައް މީޑިއާއާއި ލިއުމުން ޙިއްސަކޮށްލާފަ ނޫސްވެރިންނަށް ސުވާލު ކުރާން ވަގުތު އިތުރަށް ދީބަލަ.
ބޯގޯސް އަފީފު ދީދީ
07 May 2020
ކަލޭ ބޮލުގައި ނުރިހޭކަމެއް އެބައޮތްތަ؟ ހިތް ހަމަޖެހޭކަމެއް އެބައޮތްތަ؟ ހުރިހާ އާޓިކަލަށް ކޮމެންޓު ކުރާއިރުވެސް ނެގަޓިވެ އެއްޗެއް ނޫނީ ބުނެލަން ނޭންގޭ.
ސާލިހުއަލީ
07 May 2020
ހުސްވިމަހު15ވަނަ ދުވަހުން ފެށިގެން އެއްވެސް ލާރިއެއް އަތުގާނެތި ސަލާންޖަހާގެން އުޅެމުންދާއިރުވެސް ސަރުކާރުގެ ހުރިހާނަމްބަރަކަށް ގުޅާގެންވެސް އަޅާލާނެމީހެއްވެސް އަދިސަރުކާރެއްވެސްނެތް އެކަމަކު މާދަމާވެސް ވޯޓް ލާންވެޖެއްޔާ ވަރަށްބާރަށް އަންނާނެ ވޯޓުހޯދަން އަހަރެން އަޖާއިބުވަނީ އެއްވެސްމީހަކަށް ތަފާތެއްނުކުރާނަމޭ ބުނިމީހަކުވެސް މިހާރަކުނެތް??????
ނަޖުމުއްދީން
07 May 2020
ދިވެހިރައްޔިތުމީހާ މިއަދު ވަރުގަދައަށް އަޒުމުކަނޑައަޅާންވީ އަމިއްލަ ރަށް ތަައްގީކުރާން. ނުބުނޭ ރަށުގާ އެކައްޗެއްވެސްނެތޭ..... އެބައެއްގެ ހާލަތު ބަދަލުކޮށްފުމަށްދާންދެން އެބައިމީހުންގެ ހާލަތު ބަަލެއްނުވާނެ.
އަލީ ބަލީ ބަނޑަށްބަލީ
07 May 2020
ރައްޔިތުމީހާ ޚާއްސަކޮށް ޒުވާން ޖީލު މިނައްވުރެ ކަންނެތް ވީމައި މިހެން މިހެން ވެގެން މިއުޅެނީ.
ބޮޑުމީހާ
07 May 2020
މާލޭގައި ކުއްޔަށް އުޅޭ ރާއްޖެތެރޭ މީހާ ރަށަށް ދާންވީމަ ކެޓަގަރީގައި ޖެހެންޖެހޭ. ބަލަ ނުލިބޭ ލާރިއަކަށް ކިހިނެއް 25000 ކުލީގެ ގޮތުގައި ދައްކާނީ. ދޮން ޓޫރިސްޓުންނާއި، މިގައުމުގެ ވިޔަފާރިވެރިންގެ ބިދޭސީ މަސައްކަތްތެރިން ދައުލަތުގެ ހަރަދުގައި ކަރަންޓީނުކުރެވޭ. ނުވިތާކަށް ރާއްޖެއިން ބޭރުގެ ތިބި މީހުން ގެނެސް ރިސޯޓުތަކުގައި ކަރަންޓީނު އެބަކުރޭ. މާލެދޫކޮށްފަ ދާންބޭނުންވާ މީހާއަށް އޮތް ޗޮއިސްއަކީ ކޮބާ؟ ބިދޭސީ މީހާއަށްވުރެ ދިވެހިމީހާ ނިކަމެތިވީތަ!
ފަށްރޯނުން
07 May 2020
ދިވެހިންގެ ކަންކަން ނުހިންގާ މިމީހުން އުޅެނީ މިމީހުންގެ ބައިލިބޭ ބަންގާޅުން އެއްހާޔަށްލާ އަނެއް ހާއްޔަށް ލާން އަވަދިނެތި ދިވެހިންގެ އެތައް ބަޔަކު ރަށަށް ނުދެވި ރިސޯރޓުން ކަނޑާލީމަ ކުލި ނުދެއްކިގެން އަމިއްލަ ވަޒަނަށް ދާން ބޭނުންވެ އެކަމަުގެ އިންތިޒާމެން ޔައުނީ ބަންދުގަ ދާން ހުއްދަނުލިބިގެން އެކަމާ ވާހަކަ ދައްކާތާ ބަންދުގަ ވީހާ ދުވަހެއް މިވީ އެކަމަުގެ ވާހަކަވެސް ނުދައްކާ ރިޕޯރޓަރުން ސުވާލުކުރީމަ ބުނަނީ ވަގުތު ނަގަަނެ ވާހަކަ އެދެވޭ ޖަވާބެއް ނުދޭ
@ފަށް
07 May 2020
ރަށަށް ނުދެވިފަ ތިބީ އެންމެ 40 މީހުންނެއް ނޫން ތިޔައީ އެ ޙަޅަތު ދިމާވެފަ ތިބި އެންމެ ރަށަކަށް ބަލާއިރުވެސް ބައިކުޅަ ބައި މިހާރު ތިވާގިތަކީ ބަންގާޅުން އައި ނަވަކަށް އޭގެ ދޮޅަކހަކަށް މީހުން ލާފަ ފޮނުވާލެވުނީމަ އެދެން ނިމުނީކަމަށް ބަލާހެން ތިވަނީ ބަލަ 50 ހާސް ބަންގާޅުން އަތުގަ އެއްވެސް ކަރުދާހެއް ނެތި ތިއްބާ ދޮޅަހަކަށް މީހުން ފޮނުވާލަެވުނީމަ ކަމެއް ނުކުރެވޭ މިގައުމު ނުހިންގޭ ނޫސް ކޮން ފަރެންސް ބާއްވާފަ ތަގށް ހިސާބާ ޕައިޗާޓު ދެއްކިމަ ނުނިމޭ