ރަސްދޫ: އެޗްޕީއޭގެ ހުއްދަ ނުހޯދާ ރަސްދޫއަށް ދިޔަ މީހަކު ހައްޔަރު ކުރީ އިއްޔެ --ފޮޓޯ/ބަޖެޓްހޮލިޑޭސް
07 މެއި 2020 - 12:28
3 comments
ހުޅުމާލެ އަށް މަސްކިރަން ދިޔަ ދޯންޏެއްގެ ފަޅުވެރިޔަކު ހުޅުމާލޭގައި އާއިލާގެ މީހުންގެ ގޭގައި އެއް ރޭ މަޑުކުރުމަށް ފަހު އެޗްޕީއޭގެ ހުއްދަ ނުހޯދާ އއ. ރަސްދު އަށް އަނބުރާ ދިއުމުން ހައްޔަރުކޮށްފި އެވެ.
ފުލުހުން ބުނީ ދިވެހި މި ފިރިހެން މީހާ ފުރައިގެން ދިޔައީ އެޗްޕީއޭ އަދި ރަސްދޫ ޓާސްކްފޯހުގެ ހުއްދަ ވެސް ނުހޯދާ ކަމަށެވެ. މި މައްސަލާގައި އެ މީހާ ހައްޔަރުކުރީ އިއްޔެ އެވެ.
ދުނިޔޭގައި ހަލުވިކަމާ އެކު ފެތުރެމުންދާ ކޮވިޑް-19 ރާއްޖޭގައި ވެސް ފެތުރެން ފެށުމުން، ރައްކާތެރިކަމުގެ ފިޔަވަޅެއްގެ ގޮތުން މާލެ ސަރަހައްދުގެ އިތުރުން ބައެއް އެހެން ރަށްރަށް ވެސް ވަނީ ލޮކްޑައުންކޮށްފަ އެވެ. މާލެ، ވިލިމާލެ، ހުޅުމާލެ، ގުޅިފަޅު އަދި ތިލަފުށިން ފުރޭނީ އެކަމަށް އެޗްޕީއޭ އިން ހުއްދަ ދިނުމުންނެވެ.
ހުއްދަ ނެތި އެއްރަށުން އަނެއް ރަށަށް ދަތުރުކުރުން ވެސް މިހާރު ވަނީ މަނާކޮށްފަ އެވެ. މި އެންގުމާ ހިލާފަށް ރަށްރަށް ދިޔަ އެތައް ބަޔަކު ވަނީ ހައްޔަރުކޮށް ފިޔަވަޅު އަޅައިފަ އެވެ.
ރާއްޖެއިން މިހާތަނަށް 618 މީހަކު ކޮވިޑް-19 އަށް ޕޮޒިޓިވްވެފައި ވެ އެވެ. އޭގެ ތެރެއިން ގިނައީ ތޮއްޖެހިފައިވާ ތަންތަނުގައި ދިރިއުޅޭ ބިދޭސީންނެވެ. މި ބަލި ޖެހިފަިއވާ ދެ މީހަކު މިހާތަނަށް މަރުވެފައިވެ އެވެ. އެއީ ދިވެއްސަކާއި ބިދޭސީއެކެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފަރުދީ
07 May 2020
ސާބަހޭ. ދެން ބުނޭ މިވެސް އެޗްޕީއޭއަށް ނުވާތީއޭ. ކޮންމެ ދުވަހަކު މިފަދަ އެތައް ހަބަރެއް ސުރުހީން ފެނޭ. ބަސްއެހުމެއް ނެތް، އެޗްޕީއޭ ބޮލަށް ހުރިހާ ކަމެއް ކެނޑީމަ ނިމުނީ.
ސްވީޓްރޯސް
07 May 2020
ރަސްދޫ މީހުންނަކީ ވަރަށް ކެރޭ ބައެއް. އެރަށަކަށް ނޭރޭނެ ހުއްދަ ނުހޯދައެއް. އެރަށު މީހުން ތިބޭނީ ގޮތުގަ.
އައއއލުކި
07 May 2020
އެއްވެސް މީހަކަށް ގާނޫނަށްވުރެ މަތީގައުޅެވިގެން ނުވާނެ މިގައުމުގާ ގާނޫނަށްވުރެ މަތީގާ އުޅެވޭނީ ހަމައެކަނި ބަގުލަދޭސް މީހުނަށް އެމީހުނަށް ހުއްދަވާނެ ފިލަގެންއުޅުންވެސް އެމީހުނަށް ކޮންމެ ރަށަކަށްގޮސް ކޮންމެ މަސައްކަތެްވެސް ކުރެވޭ ގައުމެއް މީ