އައްޑޫގެ ވިއްސާރައިގައި ގެއްލުންވި ގެތަކުގެ އަދަދު 161 އަށް

އަހުމަދު އަދްޝަން، މިހާރު

16 މެއި 2020 - 09:24

މިދިޔަ ބުރާސްފަތި ދުވަހު އައްޑު އަށް ބޯކޮށް ވާރޭ ވެހި ފެންބޮޑުވެ، 161 ގެ އަކަށް ބޮޑެތި ގެއްލުންތަކެއް ލިބުނު ކަމަށް އެމްއެންޑީއެފް ސަދަން އޭރިއާ އިން ބުނެފި އެވެ.

ސަދަން އޭރިއާގެ ކޮމާންޑަރު ކާނަލް އިބްރާހީމް ރަޝީދު އެމްޑީއެފްގެ ޔޫޓިއުބް ޗެނެލްގައި ވިދާޅުވީ، ވިއްސާރައިގައި އެންމެ ބޮޑު ގެއްލުމެއްވީ ފޭދު އަށް ކަމަށެވެ. އެގޮތުން ފޭދޫގެ 97 ގެއަކަށް ފެން ވަދެ ގެއްލުންވެފައިވާ ކަމަށް އޭނާ ވިދާޅުވި އެވެ.

Addu City ah kuramundhaa vissaaraigai MNDF-SA in kuriah gendhaa operation aa gulhey gothun MNDF-SA ge commander Col Ibrahim Rasheed dhevvi interview.
https://t.co/284mxfiMSX via @YouTube
— Maldives National Defence Force (@MNDF_Official) May 15, 2020

ކޮމާންޑަރު ވިދާޅުވި ގޮތުގައި، އައްޑޫން އެންމެ ބޮޑެތި ގެއްލުންތައް ލިބުނީ ގުޅިފައިވާ އަވަށްތަކަށެވެ. އެގޮތުން ހިތަދޫން 28 ގެއަކަށް، މަރަދޫފޭދޫން 24 ގެއަކަށް އަދި މަރަދޫން 12 ގެއަކަށް ގެއްލުންވެގެން މައުލޫމާތު ދިން ކަމަށް ވިދާޅުވިި އެވެ.

މި ވިއްސާރައާ ގުޅިގެން، ފެން ހިންދުން ފަދަ މަސައްކަތްތައް އައްޑޫގައި ކުރީ ސިފައިންނެވެ.

އައްޑޫ ސިޓީ ކައުންސިލުން ވެސް ވަނީ ގެއްލުން ލިބުނު ގެތަކުގެ މައުލޫމާތު ނަގައި، ޑިޒާސްޓާ މެނޭޖްމަންޓް ސެންޓަރާ ހިއްސާ ކޮށްފަ އެވެ. އެތަނުގެ އޮފިޝަލަކު ވިދާޅުވީ ގެއްލުން ލިބުނު ގެތަކާ ބެހޭ މައުލޫމާތު އިތުރަށް އެސެސް ކުރަމުން އަންނަ ކަމަށެވެ. އައްޑު އަށް މީގެ ކުރިން ވެސް ވިއްސާރަކޮށް، ފެންބޮޑުވި ހާދިސާތަކުގައި ސަރުކާރުން މާލީ އެހީ ދީފައިވެ އެވެ.

ވިއްސާރައިގައި ފެންބޮޑުވެ މި ފަހަރު ވެސް ގެތަކަށް ފެން ވަދެ، ގޭގޭގައި ހުރި ފަރުނީޗަރުތަކާއި ކަރަންޓް ސާމާނު ފަދަ އަގުބޮޑު ތަކެތި ވަރަށް ބޮޑަށް ހަލާކުވެފައިވެ އެވެ. އަދި ބައެއް ގޭގެ ފުރާޅު ވެސް ހަލާކުވި އެވެ.

ސ. ފޭދޫ ސ. ހިތަދޫ އައްޑޫ ސ. މަރަދޫ މޫސުން އައްޑޫ ސިޓީ ކައުންސިލް ވާރޭ ޑިޒާސްޓަ މެނެޖްމެންޓް ސެންޓަރު އެމްއެންޑީއެފް ސަދަން ކޮމާންޑް ސ. މަރަދޫ ފޭދޫ

3 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ކީކޭ

16 May 2020

ހާސްނުވޭ ތިބޭފުޅުންގެ ސަރުކާރުން އުސްކޮންލާފަ މިފަރުގެބަޖެޓުން ހަމަޔަކައްއަޅުވާލާނެ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލިފުތާ

16 May 2020

ގޯތި ބިނާކުރި މީހުން ކަންކުރީ މިކަން ދަނެގެން. އެހެންވިޔަސް ފެންބޮޑުވާ ކޮންމެ ފަހަރަކު މަގަށް އައިސް ދޮންވެލި ފުނި އަޅާތާ މިވީ ވިއްސަކަށް އަހަރު ތެރޭ ގޯތިތައް މިތިބީ މަގަށްވުރެ އެތައް ފޫޓެއް ތިރިވެފައި. ކުރީ ޒަމާނުގައިވެސް ފުދުންތެރި މީހުން ގެބިނާކުރީ އެތައްފޫޓެއް އުސްކޮށް. އެހެން ކަމުން މިގޭގެއަށް އަދިވެސް ފެން ނުވަދޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕިކްސް

16 May 2020

ރާއްޖޭގެ ރައްްރަށަކީ ތިރި ރަށްތަކެއް. އެހެންކަމުން ގެދޮރު ބިނާކުރާއިރު ބިންގަނޑަށް ވުރެ ދެތިންފޫޓަށް އުސްކޮށް ގޯތިގެދޮރު ބިނާކުރަންވީ. އޭރުން ފެނަވަނުންފަދަ ކަންކަމުން ސަލާމަތްވާނެ.