މަޖިލީހުގެ ޖަލްސާއެއް: ކައުންސިލް މެމްބަރުންގެ ދައުރު އިތުރުކުރަން ގާނޫނު އަސާސީއަށް އިސްލާހު ގެންނަން ސަރުކާރުން ހުށަހެޅި ބިލް ވަނީ އެޖެންޑާ ކޮށްފައި -- ފޮޓޯ/މަޖިލިސް
16 މެއި 2020 - 20:50
10 comments
މިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށް ގާނޫނު އަސާސީ އަށް އިސްލާހު ގެންނަން ސަރުކާރުން ރައްޔިތުންގެ މަޖިލީހަށް ހުށަހެޅި ބިލް އެޖެންޑާކޮށްފި އެވެ.
ކޮވިޑް-19 ގެ ސަބަބުން ކައުންސިލް އިންތިޚާބު ފަސްކުރަން ޖެހުމުން އާ ކައުންސިލް މެމްބަރުންގެ ހުވާ ކުރެވެންދެން މިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށް ސަރުކާރުން ގާނޫނު އަސާސީއަށް އިސްލާހު ހުށަހަޅާފައި ވަނިކޮށް ގާނޫނު އަސާސީ އިސްލާހު ކުރުމުގެ ބަދަލުގައި ޚާއްސަ ގާނޫނެއް އެކަމަށް ފާސްކުރުމުގެ ބިލެއް ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ވަނީ މަޖިލީހަށް ހުށަހަޅުއްވައިފަ އެވެ. އެކަމަކު ގާނޫނު އަސާސީ އިސްލާހު ނުކޮށް، އާންމު ގާނޫނަކުން އެ ބަދަލު ނުގެނެވޭނެ ކަމަށް ބުނެ ފާޑުކިޔުންތައް އޮތީ އެކަމަށް އަމާޒުވެފަ އެވެ.
ސަރުކާރުގެ ފަރާތުން ބިލެތްދޫ ދާއިރާގެ މެމްބަރު އަހުމަދު ހަލީމް ހުށަހެޅުއްވި އެ ބިލްގެ ފުރަތަމަ ކިޔުން އަންނަ ހޯމަ ދުވަހުގެ ޖަލްސާ އަށް މިހާރު ވަނީ އެޖެންޑާކޮށްފަ އެވެ.
ސަރުކާރުން ހުށަހެޅި ބިލް އެޖެންޑާ ކުރިއިރު، ހަސަން ހުށަހެޅުއްވި ބިލް މަޖިލީހުގެ ލާ މަރުކަޒީ ކޮމެޓީން މިހާރު އަންނަނީ ދިރާސާ ކުރަމުންނެވެ. އެކަމަކު ގާނޫނު އަސާސީގައި ކައުންސިލް މެމްބަރުންގެ ދައުރު ކަނޑައަޅާފައި ވަނިކޮށް، ގާނޫނު އަސާސީ އިސްލާހު ކުރުމެއް ނެތި، އާންމު ގާނޫނަކުން އެ ބަދަލު ނުގެނެވޭނެ ކަމަށް ބަންޑާރަ ނައިބު އިބްރާހިމް ރިފްއަތާއި މަޖިލީހުގެ ކައުންސެލާ ޖެނެރަލް ފާތިމަތު ފިލްޒާ ވެސް އޮތީ ލަފާ ދެއްވައިފަ އެވެ.
ކޮވިޑް-19 އާ ގުޅިގެން ކައުންސިލް އިންތިޚާބު އެއް އަހަރަށް ފަސް ކުރުމުގެ ގާނޫނު ރައީސް އިބްރާހިމް މުހައްމަދު ސޯލިހް ދާދިފަހުން ވަނީ ތަސްދީގު ކުރައްވައިފަ އެވެ. އެކަމަކު މިހާރު ތިބި ކައުންސިިލް މެމްބަރުންގެ ދައުރު އަންނަ މަހު ހަމަވުމުގެ ކުރިން އެ މަގާމުތަކާ މެދު ގޮތެއް ނިންމަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އޮނަރަބްލް އަފީފު ދީދީ
17 May 2020
80 މީހުންއުޅޭރަށްރަށުގައި ކައުންސިލްހަދައި ރާއްޖެ 186 ވަރަކަށްރަށުގެ ގޮތުގައި ލާމަރުކަޒުކޮށްހިންގުމަކީ ޙަރަދުގެގޮތުން ކުރާންހެޔޮވާވަރުކަމެއްނޫން. # ޤާނޫނުގައި މަޖިލިސްމެންބަރުން ބެހިފައިވާގޮތް އަދި ލާމަރުކަޒީ ޤާނޫނުއިސްލާޙްކޮށް ރާއްޖެ އިދާރީ ޤާނޫނީ 3 ސަރަހައްދަކަށްހިންގުމަށްޓަކާ މަޖިލީހަށް މިއިންކޮންމެސަރަހައްދެއްގެ ރަށްވެހިންގެތެރެއިން 30 މެންބަރުންއިންތިޙާބުކޮށް ސަރަހައްދުތަކަށް ޤަވަރުނަރާއި ނައިބެއް ހަމައެގޮތަށްއިންތިޙާބުކުރަން ރައްޔަތުނަށް ފުރުސަތުދެއްވާ.
ހިބަރުވަދު
17 May 2020
ޤާނޫނުއަސާސީ އިޞްލާޙުކުރަންޖެހެނީ ހަމައެކަނި މިޙާލަތާ ގުޅިގެންނެއްނޫނެވެ. އަދި މިކަން ނިމުމުން އަނެއްކާވެސް އެގެނެވުނު އިޞްލާހު ބަދަލުކުރުމަކީ ރަނގަޅުގޮތެއްނޫނެވެ. އެހެންކަމުން ޤާނޫނުއަސާސީ އިޞްލާހުކުރަންވީ މިފަދަ ޙާލަތެއް މެދުވެރިވެއްޖެނަމަ ކަންކުރަންޖެހޭގޮތް ބަޔާންކޮށެވެ. މިހާލަތު މާދަމާ ބަދަލުވާއިރު، އެނެއްދުވަހު ހަމަ މިފަދަ އެހެން ޙާލަތެއް އައުމަކީވެސް އެކަށީގެންވާކަމެކެވެ.
އޮނަރަބްލް އަފީފު ދީދީ
17 May 2020
މިހާރުއޮތް ލާމަރުކަޒީ ނިޒާމުން ރައްޔަތުން ބޭނުންވި ނަތީޖާ ޙަސިލްނުވި. އަދި މިއީ އިންތިޙާބަށް ބޮޑު ހޭދައެއްކުރާންޖެހޭ އިދާރީ ހިންގުން އުދަގޫ ގޮތަކަށް ޙަޤީގީ ތަރައްޤީއާއި ދުރު އެއްފަސްކުރުމުގެ ވިސްނުމާއި ފުށުއަރާ ގޮތަށް އޮތް ނިޒާމެއް. # މީގެބަދަލުގައި އިދާރީ ޤާނޫނީ 3 ސަރަހައްދެއް ކަޑައަޅާ ޤަވަރުނަރާއި އޭނާގެ ނައިބް އިންތިޙާބުކޮށް ސަރަހައްދުތަށްހިންގުމަށް މުނިސިޕަލް އޮފީސްތަކެއް ޤާއިމް ކުރައްވާ އޮފީސްތަކުން ވަޒީފާގެ ފުރުސަތުދީ ސަރަހައްދުތައް ބާރުވެރިކުރައްވާ.
ނަން
16 May 2020
ވަރަށްބޮޑު ގޯހެެއް ތިގޮތަށް ތިކަން ކުރުންވެސް ފެން ފެންނާނީ ކޯވިޑް ނަމުގައި އަޅުވާފަ ރައީސްގެ ދައުރާއި މަޖިލީހުގެ ދައުރު އިތުރު ކުރާތަން. ރައްޔިތުން އަދިވެސް ނިދިން ހޭލާކަށްނުވޭތޯ. ޤައުމަށް ރައްޔިތުންނަށް ހެޔޮއއމެދޭ ބަޔަކާނޫން ޤައުމު ޙަވާލުކުރެވިފައި މިއޮތީ. ކައުންސިލަރުން ދައުރު ހަމަވުމުން ރައީސް ޢައްޔަންކުރާ ބައެއްގެ ގޮތުގައި ހަ މަ އެ ކައުންސިލަރުންތަބޭތިއްބިދާނެ
ކޮރަލް
16 May 2020
މަޖްލިސް ދަނީ ވ ލަހުންނެވެ. ކޮމިޓީތައް ގިނަ އެވެ . ބޮޑަށް ވިސްނާކަމަށް ބެލެވެނީ މުސާރަ އަދި ކޮމެޓީ އެލަވަންސް ގިބަ ދުވަހު ނަގާށެވެ.
ނިރު
16 May 2020
ކިތަންމެ ހާވެސް ރަގަޅު މި ސަރުކާރު ރައީސް ސޯލިހް ވެރިކަން ވައުދު ފުދާށޭ ކިޔާފަ އިތުރު ދަައުރަކަށް ދިގު ދަންމާ ނުލާފިއްޔާ.. ފީ އިލޮށި ބުރިއެއް ބިމަށް ހަރާ ނުލެވި ހުއްޓާ ކޮވިޑު19 ބޯމަށްޗަށް މިވެއްޓުނީ
ނަޖުމުއްދީން
16 May 2020
ތިތަން އުވާލާ. ކޮވިޑު ޕޭޝަންޓުން ބަހައްޓާ ކޮވިޑްޚާނާއަކަށް ހަދާ.
މަރޭމިތުރް
16 May 2020
މި ދައުރުގެ މަޖިލީހަކީ އުވާލަންޖެހޭ ތަނެއް! އެޖެންޑާ19 ވެއްޖެ ހިތި ބޭހަކަށް!
ޝާޑު
16 May 2020
މަރޭމިތުރު އެނބުރި އައީތޯ؟
ކެޔޮޅު
16 May 2020
މެންބަރު ހަސަންލަތީފު ގާނޫނުއަސާސީޔާހިލާފު ބިލެއްލާގެން ލާގެން މެޑަލުޖަހަން އުޅެގެންތިޔޮތީ ބައިކޮޅަށް ގޯލުޖެހިފަ