ރައީސް އިބްރާހީމް މުހައްމަދު ސޯލިހު ލިއުމެއްގައި ސޮއިކުރައްވަނީ. ގާނޫނު އަސާސީއަށް ގެނައި އިސްލާހު އެމަނިކުފާނު މިއަދު ތަސްދީގުކުރެއްވި. --ފޮޓޯ:ރައީސް އޮފީސް
02 ޖޫން 2020 - 17:24
16 comments
ލޯކަލް ކައުންސިލް އިންތިހާބު ބޭއްވެންދެން މިހާރު ތިބި ކައުންސިލަރުންގެ ދައުރު ދަންމައިލުމަށް ރައްޔިތުންގެ މަޖިލީހުން ގާނޫނު އަސާސީ އަށް ރޭ ގެނައި އިސްލާހު ރައީސް އިބްރާހީމް މުހައްމަދު ސޯލިހު މިއަދު ތަސްދީގުކުރައްވައިފި އެވެ.
ރައްޔިތުންގެ މަޖިލީހުގައި ރޭ ބޭއްވި ޖަލްސާގައި ދަންވަރު ފާސްކުރީ ގާނޫނު އަސާސީގެ 231 ވަނަ މާއްދާ އަށް އަކުރެއް އިތުރުކޮށް، އާ ކައުންސިލްތައް އިންތިޚާބު ކުރެވެންދެން މިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށެވެ. އެކަމަކު އެ މުއްދަތުގައި ކައުންސިލްތަކުގެ ބާރުތައް ބޭނުން ކުރެވޭ ގޮތަށް ވަކި ޚާއްސަ ގާނޫނެއް މަޖިލީހުން ފާސްކުރަން ޖެހޭ ގޮތަށެވެ. އެގޮތުން ހަދަން ޖެހޭ ގާނޫނު ވެސް ރޭ ފާސްކުރި އެވެ.
އެމްޑީޕީގެ ޗެއާޕާސަން އަދި ހެންވޭރު ހުޅަނގު ދާއިރާގެ މެމްބަރު ހަސަން ލަތީފް ހުށަހެޅުއްވި އެ ބިލުގައިވާ ގޮތުން އިންތިހާބު ބޭއްވެންދެން ވަގުތީ ގޮތުން ތިބޭ ކައުންސިލަރުންނަށް، ލާމަރުކަޒީ ގާނޫނުގައި ކައުންސިލަރުންނަށް އޮންނަ ހުރިހާ ބާރެއް ނޯންނާނެ އެވެ.
އެ އިސްލާހު ފާސްކުރީ 74 މެމްބަރުންގެ ވޯޓުންނެވެ. ގާނޫނު އަސާސީ އިސްލާހު ކުރެވެނީ މަދުވެގެން 66 މެމްބަރުންގެ ވޯޓުންނެވެ. އެމްޑީޕީގައި 65 މެމްބަރުން ތިބެ އެވެ.
ކޮވިޑް-19 އާ ގުޅިގެން ކައުންސިލް އިންތިޚާބު ފަސް ކުރިއިރު، މިހާރު އޮތް ކައުންސިލްތަކުގެ ދައުރު އަންގާރަ ދުވަހު ހަމަވާނެ އެވެ. އެހެންވެ، އާ ކައުންސިލްތަކަށް މެމްބަރުން އިންތިޚާބު ކުރެވެންދެން މިހާރު ތިބި ކައުންސިލް މެމްބަރުންގެ ދައުރު ދެމިގެންދާ ގޮތަށް ގާނޫނު އަސާސީއަށް އިސްލާހު ގެންނަން ސަރުކާރުން ބިލެއް ހުށަހެޅީ އެހެންވެ އެވެ.
ގާނޫނު އަސާސީ އިސްލާހު ކުރުމާ މެދު މެމްބަރުންގެ މެދުގައި ޚިޔާލު ތަފާތުވުން އުފެދި، ސުޕްރީމް ކޯޓުގެ ލަފައަށް އެދުމުން އެ ކޯޓުން ވެސް ލަފާ ދިނީ އެ ބަދަލު ގެނެވޭނީ ގާނޫނު އަސާސީ އިސްލާހު ކޮށްގެން ކަމަށެވެ. އެ ހިސާބަށް ދިޔަ އިރު، ކައުންސިލަރުންގެ ދައުރު ހަމަވާން ވަގުތު ކުޑަތަންވެފައި އޮތުމުން އިސްލާހު ފާސްކުރުމަށް ޖަލްސާ ބޭއްވީ ރޭ މެންދަމުން އަލިވެ 1:30 ގައި ފަށައިގެންނެވެ. އިސްލާހު ފާސްކުރީ ރޭ ގާތްގަނޑަކަށް 2:45 އެހާކަށް ހާއިރު އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އިބޯ
03 June 2020
ދެކޮޅުބަލާ
އިބު
03 June 2020
ހަމައިނދެފަ އެއްޗެހިތަކެއް ލިއުނަކަސް ކަމަކު ނުުދޭދޯ، އެހާރާއި މިހާރު އަދި އެކޮޅާއި މިކކޮޅު ސާފު ވާން އެބަޖެހޭ އަދި މަސްލަހަތު އިސްކުރަން ދަސްކުރަންވީ.
ކަކުނިބޯ
02 June 2020
ރައީސްވަހީދު ވެރިކަ މުގައި ރައީސްޔާ މިނަށް ވެރިކަންހަވާލުކުރީ ނޮވެ މްބަރ 11 ގެ މާފަހުން އެހެނެއްކަ މަކު ޤާނޫނު އަސާސީ އިސްލާހެއްނުކުރޭ ދެން މިހާރު ކިހިނެއްވެގެން މިއުޅެނީ
ނަން
03 June 2020
ބޭނުމަކީ ރިޔާސީ ދައުރު އަދި މަޖިލިސް ދައުރު ދަންމާލާނެ ގޮތެއް ހޯދުން. ރައްުިތުންގެ ވޯޓަކުން ހޮވި ބައެއް ރައްޔިތުންގެ ވޯޓެއް ނެތި ނުބޭތިއްބޭނެ. ބާރު އޮތީމާ ކޮންމެ ކަމެއް ކުރެވިދާނެ. އެއީ ހިނދުކޮޅެއް. ﷲގެ ޢަޛާބާ ކުރިމަތިލާންޖެހޭ ދުވަސް އެބައޮތް. ކޮންމެ މީހަކުވެސް ޖަވާބުދާރީވާންޖެހޭ އެދުވަހުން ޕާޓީއަށް ނުވަތަ މީހަކު ރުއްސަން ކުރިކަމެއް ކަމަށް ބުނެ ރެކި ނުގަނެވޭނެ ދުވަހެއް
ހުރިހާ މައްސަލަތްކެއް
02 June 2020
ތަކެތީގެ އަގާއި ޚިދުމަތުގެ އަގު އަދި އިޖްތިމާއީގިނަ މައްލަތައް ގުޅިފައިވަނީ ކުލީގެ އަގާ. ސައިލާ މޮބައިލްފޯނުގެ އަގުވެސް އޭގެޒާތުގައި ކުޑަވެގެންދާނެ، ވިސްނާލީމަ އިގޭކަންކަންމީ. ކުލީގެ އަގުގުޅެނީ ކުއްޔައް ދިރިއުޅޭމީހުންނާއެކަނިއެއްނޫން. މި މައްސަލަޔަކީ ދިވެހި ހުރިހާ ރައްޔިތުން ހޯދާ ހުރިހާ ހިދުމަތަކާ ގަންނަ ތަކެތީގެ އަގާއި ގުޅިފަިވާ މައްސަލައެއް. މިއީ ގައުމީ މައްސަލައެއް މިކަން ހައްލުކުރާނެ އިޚްލާތެރިބަޔަކުބޭނުމީ.
ނާނާ ކޮއްކޯ
02 June 2020
ނަށީދު ވެރިކަން ނުލިބިގެން ބޮޑާހާކަނީ' ރައީސް ހަމަޖެހިލާގެން ގޭގަ ކަރޯކޭ ޖައްސަނީ' ނަށީދު ރޭދަންވަރު ގަހުގަ..
boys rule
02 June 2020
ސޮއި ކުރެވެނީ ކޮއްޗެއްކަން އެނގި ގެން ކުރާތިި.
ކިރިކޭހާ
02 June 2020
އަންނިޔާ އިބޫގެ ފިނިހަނގުރާމަ އަދިވެސް ކުރިޔައް ބާރައް
އާދަނު2
02 June 2020
އެއީ ކަލޭމެން ބޭނުންވާގޮތް؟!
ގެދާނޯމޮސް
02 June 2020
މިފެންނަނީ ކޮންކަމެއް : ! މީހަކު އަވަސްއަރުވާ ލައިގެން : ! ބޭނުން ހާ އެއްޗެއް މަކަރުން ހަދާނަގަމުން ގޮސް އެންމެ ފަހުން ' ފައްޅިޔާ ' ހިސަބުންވެސް ތިޔަށް ބަދަލު ގެންނާނެ ކަމާމެދު އެއްވެސް ސުވާލެއް ނެތެވެ.
ގެދާނޯމޮސް
02 June 2020
ކުލީގެ ތެރަޔަށް އެޑްވާންސް ވަދެ 3 މަސް 2 މަސް ނަގާފަ އެފައިސާ ނުދީ ނެރެލާއިރު ހުރިހާ މަރާމާތެއް ކޮށްފަ އޮންނަނީ ގިނަފަހަރަށް ކުށްޔައް ހިފިފަރާތުންނެވެ 20000 ރ ގެ އެޑްވާސް 3 މަހަށް 60000 ރ ނުލިބި ދާންޖެހުމުން ވާނެގޮޮތް ނިކަން މެންބަރުން ވިސްނަވާ : ތިމާމެންގެ ޚިޔާލަށްވެސް މިކަންކަން ނުގެނެވެއެވެ. އަސަރެއް ނުކުރޭ ހެއްޔެވެ. !؟
ގާނޫނީ ހުރިހާބާރެއް އަތުގައި
02 June 2020
އިޚްލާސްތެރިކަމާއިކު ރައްޔިތުންނައް ކަމެއްކޮއްދެއްވަންޏާ މާލޭގެ ކުލި ކޮންޓްރޯލްކޮއްދެއްވާ! މުޅިދިވެހިރާއްޖޭގައި ބޭނުންކުރާ އެންމެޒަރޫރީ ތަކެތީގެ އަގުންފެށިފެންގޮސް ހުރިހާ ޚިދުމަތްތަކެއްގެ އަގުވެސް ގުޅިފައިވަނީ މާލޭސަރަހައްދުގެ ކުލީގެއަގާ. ކުލިކޮންޓްރޯލްކޮއް ކުޑަކޮއްފިނަމަ ހުރިހާމުދަލަކާއި ޚިދުމަތެއްގެ އަގުތައްހެޔޮވެގެންދާނެ. އަގުތައްހެޔޮވުމަކީ މާލޭގެ ރައްވެހިކަމުގައި ކުދިތަންތަންކޮޅުގައި ދިރިއުޅޭ މާލޭރައްޔިތުންނައްވެސް ހަމަނޭވާލެވޭނެކަމެއް
މީހުންގެތަންތާނޫޅޭ
02 June 2020
އިހްލާސްތެރިކަމާ އެކު ކަމެއް ކޮށްދެންޏާ ސައިކަލާ އައިފޯނުގެ އަގު ކޮންޓްރޯލްކޮށްދެއްވާ. އަޅުގަޑު އެންމެ ބޭނުން އެއްޗެހި އެއީ.
ރަންބުސްތާންއަހައްމަދު
02 June 2020
ސަރުކާރުން އަމިއްލަ މީހުން ބޮޑެތި ލޯނު ނަގައިގެން 13% އިންޓްރެސްޓް ބޭންކަން ދައްކަމުންދާއިރު ކުލި ކުޑަކުރާނީ ކިހިނެއް؟ ފުރަތަމަވީނު ލޯނު އިންޓްރެސްޓް ކުޑަކުރަން އަދި އެއީ މިސަރުކާރުގެ ވައުދެއްވެސްމެ، ވާހަކައެއް ހަމަދައްކާލިޔަކަސް ނުފުދޭނެ ހައްލުހޯދާނެ ފޯމިއުލާވެސް އެބަޖެހޭ އެނގެން.