ތައުލީމާ ގުޅޭ ދެ ބިލު އާންމުންގެ ޚިޔާލަށް ހުޅުވާލައިފި

މަޖިލީހުގެ ޖަލްސާއެއް: ތައުލީމާ ގުޅޭ ދެ ބިލް އާންމުންގެ ޚިޔާލަށް ވަނީ ހުޅުވާލާފައި -- ފޮޓޯ/މަޖިލިސް

މުއިއްޒު އިބްރާހިމް، މިހާރު

12 ޖޫން 2020 - 20:16

ރައްޔިތުންގެ މަޖިލީހަށް ހުށަހަޅާފައިވާ ތައުލީމުގެ ބިލާއި މަތީ ތައުލީމުގެ ބިލް އާންމުންގެ ޚިޔާލަށް މަޖިލީހުން ހުޅުވާލައިފި އެވެ.

ސަރުކާރުގެ ފަރާތުގެ ވެލިދޫ ދާއިރާގެ މެމްބަރު މުހައްމަދު އަބްދުﷲ ޝަފީގް ހުށަހަޅުއްވާފައިވާ މަތީ ތައުލީމުގެ ބިލާއި ސަރުކާރުގެ ފަރާތން ފުވައްމުލަކު ދެކުނު ދާއިރާގެ މެމްބަރު މުހައްމަދު މުމްތާޒް ހުށަހަޅުއްވާފައިވާ ތައުލީމުގެ ބިލް މަޖިލީހުގެ ގައުމީ ތަރައްގީ އާއި ތަރިކައިގެ ކޮމެޓީން މިހާރު ދަނީ ދިރާސާ ކުރަމުންނެވެ.

މަޖިލީހުގެ އިދާރާއިން ކުރި އިއުލާނެއްގައިވަނީ އެ ދެ ބިލާ މެދު އާންމުންގެ އެއްވެސް ޚިޔާލެއް އޮތް ނަމަ، ޚިޔާލު ހުށަހެޅުމުގެ ފުރުސަތު އަންނަ ބުރާސްފަތި ދުވަހުގެ ނިިޔަލަށް ހުޅުވާލާފައިވާ ކަމަށެވެ. އެގޮތުން އީމެއިލް ނުވަތަ ލިޔުމުން ވެސް އެ ދެ ބިިލަށް ޚިޔާލު ހުށަހެޅޭނެ ކަމަށް އެ އިއުލާނުގައިވެ އެވެ.

މަތީ ތައުލީމުގެ ބިލަކީ ރާއްޖޭގައި މަތީ ތައުލީމު ދޭ މަރުކަޒުތައް ހިންގުމާއި އެފަދަ ތަންތަން މޮނީޓާކޮށް، ފެންވަރު ހިފެހެއްޓުމުގެ އުސޫލުތައް ކަނޑައަޅާ ބިލެކެވެ. ތައުލީމުގެ ބިލަކީ ތައުލީމް ހާސިލް ކުރުމުގައި ދަރިވަރުންގެ ހައްގުތަކާއި ބެލެނިވެރިންނާއި ދައުލަތުގެ ޒިންމާތައް ކަނޑައެޅުމާ ބެހޭ ބިލެކެވެ.

މީގެކުރިން ވެސް މަޖިލީހުން ވަނީ ބައެއް ބިލްތައް އާންމުންގެ ޚިޔާލަށް ހުޅުވާލައިފަ އެވެ.

ތައުލީމް ރައްޔިތުންގެ މަޖިލިސް މަތީ ތައުލީމު ހަޔާ އެޑިއުކޭޝަން ޑިޕާޓްމަންޓް

5 ކޮމެންޓް, 7 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މިވަރެއްނެތް

13 June 2020

ރާއްޖޭގެ ކޮންމެ މިނިސްޓަރަކުވެސް ދެކޭގޮތުގައި އެ ދާއިރާ ކުރިއެރުވުމަކީ 1. ބޮޑު ގާނޫނެއް ހެދުން 2.މިނިސްޓަރު ގެ ކޮޓަރިކޮޅު ރީފަރބިޝްކުރުން 3.މުވައްޒަފުންގެ މުސާރައާއި އިނާޔަތް އިތުރުކުރުން 4. އޮފީހުގެ ހައިބަތު އިތުރުކުރުން 5.ހަފްލާތައް ބޭއްވުން 6.ކަމެއްނުކޮށް ޚަބަރުން ޖާގަހޯދުން. 7.ތަންތަނުގެ ރިބަން ކެނޑުން! މިއީ ފެންވަރު ނުހުންނަ ތަޞައްވުރެއް/ވިޝަނެއް ނެތް މީހުން ކަންކަން ކޮށްއުޅޭ އުސޫލު.