ޓޫރިޒަމް އަލުން ފަށާ ދުވަސް ރައީސް މިއަދު އިއުލާން ކުރައްވަނީ

ކޮވިޑް-19 އާ ގުޅިގެން މެދުކަނޑާލާފައިވާ ރާއްޖޭގެ ޓޫރިޒަމް އަލުން ފަށާނެ ތާރީޚެއް ރައީސް އިބްރާހިމް މުހައްމަދު ސޯލިހު މިއަދު އިއުލާން ކުރައްވާނެ ކަމަށް ޓޫރިޒަމް މިނިސްޓަރު އަލީ ވަހީދު ރައްޔިތުންގެ މަޖިލީހުގެ ކަމާ ގުޅޭ ކޮމިޓީގައި ދެންމެ ވިދާޅުވެއްޖެ އެވެ.

ރައީސް އިބްރާހިމް މުހައްމަދު ސޯލިހު، ވަރަށް އަވަހަށް ގައުމާ މުޚާތަބު ކުރައްވާނެ ކަމަށް އެނގިފައިވެ އެވެ. އެހެންވެ، އަލީ ވަހީދުގެ ވާހަކައިން ބޮޑަށް ދޭހަވަނީ މިއަދުގެ ވަގުތެއްގައި ރައީސް ގައުމާ މުޚާތަބު ކުރައްވައި، ރާއްޖޭގެ އިގްތިސާދީ ހަރަކާތްތަކުގެ ސްޕީޑް އަވަސް ކުރުމަށްޓަކައި ޓޫރިޒަމް އަލުން ފަށާނެ ދުވަސް އިއުލާން ކުރައްވާނެ ކަމަށެވެ.

ސަރުކާރުން ކުރިން ނިންމާފައިވާ ގޮތުން، މިދިޔަ މާޗް 27 ގައި މެދުކަނޑާލާފައިވާ ރާއްޖޭގެ ޓޫރިޒަމް އަލުން ފަށާނީ އަންނަ މަހެވެ. އެކަމަކު، މިހާތަނަށް ވެސް ވަކި ތާރީޚެއް ކަނޑައެެއް ނާޅަ އެވެ.

ނަމަވެސް ރައްޔިތުންގެ މަޖިލީހުގެ އިއްޔެގެ ޖަލްސާގައި މަޖިލީހުގެ ރައީސް މުހައްމަދު ނަޝީދު ވިދާޅުވީ، އަންނަ މަހުގެ 16 ގައި ރާއްޖޭގެ ބޯޑަރު ހުޅުވަން ސަރުކާރުން މަޝްވަރާ ކޮށްފައިވާކަން އެނގިވަޑައިގެންފައިވާ ކަމަށެވެ.

ރާއްޖޭގެ ޓޫރިޒަމަށް މީގެ ކުރިން އެންމެ ބޮޑެތި ގެއްލުންތައް ލިބުނު ކަމަށް ރެކޯޑްތަކުން ފެންނަން އޮތީ އަލީ ވަހީދު ވިދާޅުވި ގޮތުގައި، ޑިސެމްބަރު 26، 2004 ގެ ސުނާމީ އާއި 2009 ގައި މުޅި ދުނިޔެ އަށް ކުރިމަތިވި ފައިނޭންޝަލް ކްރައިސިސްގަ އެވެ. އެކަމަކު، އެއިން ކޮންމެ ފަަހަރަކު ވެސް ވަރަށް އަވަހަަށް ހާލަތު ރަނގަޅުވި ކަމަށް އޭނާ ވިދާޅުވި އެވެ.

ރައްޔިތުންގެ މަޖިލީހުގެ ޕެޓިޝަން ކޮމިޓީން މިހާރު ކުރިއަށް ގެންދާ ބައްދަލުވުމުގައި މިނިސްޓަރު އަލީ ވަހީދު ވިދާޅުވީ، ޓޫރިޒަމް އަލުން ހުޅުވައިލުމަށް ވާންޖެހޭ ހުރިހާ ތައްޔާރީތަކެއް ވަނީ ނިމިފައި ކަަމަށެވެ.

"އަޅުގަނޑު ގަބޫލުކުރާ ގޮތުގައި މިއަދުގެ ވަގުތެއްގައި ރައީސުލްޖުމްހޫރިއްޔާ ގައުމާ މުހާތަބުކުރައްވައި، މިކަމާ އަލި އަޅުވައިލައްވާނެ. މި ދެންނެވީ ރާއްޖޭގެ ފަތުރުވެރިކަން އަލުން ހުޅުވައިލާނެ ތާރީޚެއް އިއުލާނު ކުރައްވާނެ ކަމަށް މި ބެލެވެނީ،" މިނިސްޓަރު ވިދާޅުވި އެވެ.

އޭނާ ވިދާޅުވި ގޮތުގައި، ޓޫރިޒަމަށް އަލުން ހުޅުވައިލުމަށްޓަކައި ޓޫރިޒަމް މިނިސްޓްރީ އާއި ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ވާން ޖެހޭ ތައްޔާރީތައް ވެސް މިހާރު ވަނީ ނިމިފަ އެވެ.

ރާއްޖޭގެ ޓޫރިޒަމް މިހާރު އޮތް ހާލަތުގެ ތަފްސީލް ދެއްވަމުން އަލީ ވަހީދު ވިދާޅުވީ، ތާރީޚުގައި ވެސް މިވަރުގެ ބޮޑު ގެއްލުމަކާ ކުރިމަތި ނުވާ ކަމަށެވެ. ރާއްޖޭގެ ޓޫރިޒަމަށް މީގެ ކުރިން އެންމެ ބޮޑެތި ގެއްލުންތައް ލިބުނު ކަމަށް ރެކޯޑްތަކުން ފެންނަން އޮތީ އޭނާ ވިދާޅުވި ގޮތުގައި، ޑިސެމްބަރު 26، 2004 ގެ ސުނާމީ އާއި 2009 ގައި މުޅި ދުނިޔެ އަށް ކުރިމަތިވި ފައިނޭންޝަލް ކްރައިސިސްގަ އެވެ. އެކަމަކު، އެއިން ކޮންމެ ފަަހަރަކު ވެސް ވަރަށް އަވަހަަށް ހާލަތު ރަނގަޅުވި ކަމަށް އަލީ ވަހީދު ވިދާޅުވި އެވެ.

"އަޅުގަނޑު ގަބޫލުކުރާ ގޮތުގައި މިއަދުގެ ވަގުތެއްގައި ރައީސުލްޖުމްހޫރިއްޔާ ގައުމާ މުހާތަބުކުރައްވައި، މިކަމާ އަލި އަޅުވައިލައްވާނެ. މި ދެންނެވީ ރާއްޖޭގެ ފަތުރުވެރިކަން އަލުން ހުޅުވައިލާނެ ތާރީޚެއް އިއުލާނު ކުރައްވާނެ ކަމަށް މި ބެލެވެނީ،" ---އަލީ ވަހީދު

"އަދި މެދުކެނޑުމެއް ނެތި ފަތުރުވެރިކަން ހިންގިފައިވޭ. އެހެން ނަމަވެސް މި ފަހަރު އެހެން ފަަހަރުފަހަރާ ތަފާތު. މުޅި ބޯޑަރު ބަންދުވެ ފަތުރުވެރިކަން ހުއްޓިފައި މިވަނީ،" އޭނާ ވިދާޅުވި އެވެ.

ރާއްޖޭގެ ޓޫރިޒަމް އަލުން ފެށުމަށްޓަކައި ރައްކާތެރިކަމުގެ ފިޔަވަޅުތަކާ އެެކު، ވެލާނާ އިންޓަނޭޝަނަލް އެއާޕޯޓް ހުޅުވުމަށް ވާންޖެހޭ ހުރިހާ ތައްޔާރީތަކެއް ނިމިފައިވާ ކަމަށް އެ އެއާޕޯޓު ހިންފާ އެމްއޭސީއެލް އިން ކުރިން ވަނީ ބުނެފަ އެވެ. އެ ކުންފުނިން ބުނެފައިވާ ގޮތުގައި ރާއްޖެ އަށް އަލުން ދަތުރު ފަށަން 10 އެއާ ލައިނަކުން މިހާރު ވެސް އޮތީ ހުށަހަޅައިފަ އެވެ.

ސަރަހައްދީ ބައެއް އެއާޕޯޓުތަަކަށް ޕްރައިވެޓް ޖެޓުތައް ޖެއްސުމުގެ ހުއްދަ ދޭން ވެސް ސަރުކާރުން އަންނަނީ މަސައްކަތް ކުރަމުން ކަމަށް ޓްރާންސްޕޯޓު މިނިސްޓްރީން ވެސް ކުރިން ބުނެފައި ވެ އެވެ