ގާޒީ ބާރީ، މާލީ ބަޔާނަށް މަކަރު ހެދި ކަމަށް ބުނާ މައްސަލައެއް ބަލަނީ

ގާޒީ ބާރީ

13 ޖުލައި 2020 - 23:08

ޖުވެނައިލް ކޯޓުގެ ގާޒީ އަބްދުލްބާރީ ޔޫސުފް، މާލީ ބަޔާނަށް މަކަރު ހެއްދެވި ކަމުގެ ތުހުމަތު ކުރެވޭ މައްސަލައެއް ބަލަން ޖޭއެސްސީން ނިންމައިފި އެވެ.

އެ ކޮމިޝަނުން މިރޭ ނެރުނު ބަޔާނެއްގައި ބުނީ، ވިޔަފާރި ކުރުމުގައި ގާޒީ ބާރީ އަމަލީ ގޮތުން ބައިވެރިވެވަޑައިގަތުމާއި އެ ވިޔަފާރިން މަންފާ ލިބިވަޑައިގެންނެވި ނަމަވެސް މާލީ ބަޔާނުގައި އެކަން ހާމަކުރައްވާފައި ނުވާ މައްސަލައެއް ތަހުގީގު ކުރަން ނިންމާފައިވާ ކަމަށެވެ. އެގޮތަށް ޖޭއެސްސީން ނިންމީ ބަޔާނުގައިވާ ގޮތުން މިދިޔަ ބުދަ ދުވަހުގެ ބައްދަލުވުމުގަ އެވެ.

މޯލްޑިވްސް މާކެޓިން އެންޑް ޕަބްލިކް ރިލޭޝަންސް ކޯޕަރޭޝަން (އެމްއެމްޕީއާރުސީ) ގެ ޚިޔާނާތުގެ ފައިސާ އިން މަންފާ ލިބުނު ކަމަށް ގާޒީ ބާރީގެ މައްޗަށް ތުހުމަތު ކުރެވޭތީ، މިދިޔަ އަހަރުގެ ޑިސެމްބަރު 12 ން ފެށިގެން އޭނާ ވަނީ ގާޒީ ކަމުން ސަސްޕެންޑު ކޮށްފަ އެވެ. އޭނާ ސަސްޕެންޑް ކުރީ ފުލުހުން އެ މައްސަލަ ތަހުގީގު ކުރާތީ އެވެ.

ކްރިމިނަލް ކޯޓުގެ އިސް ގާޒީކަން ވެސް ކުރިން ކުރެއްވި ގާޒީ ބާރީއަކީ އެ ކޯޓުގައި މަޝްހޫރު ބޮޑެތި މައްސަލަތަކެއް ބެއްލެވި ބޭފުޅެކެވެ. އޭރު އިދިކޮޅު ސިޔާސީ ގިނަ ބޭފުޅުންގެ މައްސަލަތަކެއް ވެސް އޭނާ ބެއްލެވި އެވެ.

އޭނާ ޖުވެނައިލް ކޯޓަށް ކުއްލި ގޮތަކަށް ބަދަލުކުރީ 2017 ގަ އެވެ.

ޖުޑީޝަލް ސާވިސް ކޮމިޝަން ޖުޑީޝަރީ ފަނޑިޔާރުން ފަނޑިޔާރު އަބުދުލް ބާރީ މާލީ ބަޔާން

18 ކޮމެންޓް, 35 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ފެންސު

14 July 2020

(ގާޒީ ބާރީ، މާލީ) ވަރަށް ވަޒަނަށް ބަނޑުވަށް އަކުރާއި ކާފިޔާ ވަރަށް ދިމާވޭ. އެހެންވީމާ ތިބޭފުޅާއާއި ތިކަންތަކާއި ވެސް ގުޅުން އޮވެދާނެހެން ހީވޭ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަލި ނޫރު

14 July 2020

ޖޭއެއްސީ އަދި ސުޕްރީމް ކޯޓުގައި ތިއްބެވި ބޭފުޅުންވެސް މަގާމާ ހަވާލުވާންވީމަ އާއިލާ މީހަކަށް ޝެއަރ ބަދަލުކޮއްލީ! ދެން ދަތް ހުރި ދުވަހު ކާށިކެވޭނީ! ބާރު އޮތް ދުވަހު ހަތުރުން ދުއްވާލެވޭނީ! ހައްގުތަކާ އިންސާފުގެ ވާހަކަ ދައްކާނީ އަނެއްކާވެސް ވެރިކަން ވެއްޓުނީމަ! ދުނިޔެ ހިނގާނީ ތޮށަލި ދުޅައަށް!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ބަދޫރާއްތަ

14 July 2020

އަންމަ ކާރިބުނާތި އަދިވެސް އިބޫދާއިރައް މާފަތި އަޅުވަން ނުކުންނައްޗޭ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޕަރސަން

14 July 2020

އަދީބު މައްސަލަ ނުބަލަންޏާ ވަކި ބާރީގެ މައްސަލަވެސް ބަލަނީ ކީތްކުރަންށޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަހުދު

14 July 2020

މިދިޔަ ހަފްތާގައި އެއްޣާޒީ ދުއްވާލައިފި. މި ހަފްތާގައި އަނެއް ޣާޒީ ފަހަތުން. ކުޅިބައި މި އަތުރަނީ ކޮންފަދަ ބޮޑު ޖަރީމާއެއް ހިންގަން ބާ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ވިޔަފާރި

14 July 2020

ވިޔަފާރި ނުކުރަނީ މަދު ގާޒީ އަކު. ތިމާ ނަމުގަ ރަޖިސްޓްރީ ނެތީމަ އެނިމުނީ. ސަޅި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދުރުމި

14 July 2020

މާލިއްޔަތު ގާނޫނާ ހިލާފަށް މަޖިލި ހުން އަމިއްލަ ބޭނުމަށް ފައިސާނެގި ބޭފުޅާގެ މައްސަލަ ބަލަން މާތާ ހިރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އައްޔު

14 July 2020

އެކިއެކި ފަރާތްތަކުން މިހާ ހިސާބަށް ހުށަހެޅި މާލީ ބަޔާންތަކަކީ ހަމަ ނަމެއްގައި ކަމެއްކޮށްލުން، "ބޮކްސް ޓިކް" ކޮށްލުން، ޔާމީނަކީ ހަމައެކަނި ރެންޓަލް އިންކަމް ލިބޭ މީހެކޯ، އެކަމަކު އެކައުންޓްގައި އެންމެ ބޮޑު ވިޔާފާރިކުރާ މީހާއަށްވުރެ ފައިސާގިނަ 100މ ރ. ނަހުލާގެ މާލީބަޔާނުން އެނގުނީ 2000ރ އޮތްކަމަށްބުނި، އެކަމަކު ރިސޯރޓް އޯނަރަކަށްވެސް ވި. މިއީ ފަށްކާ ޤައުމެއް، މިޤައުމުގެ މުގުލުގައި އަބަދުވެސް ތިބެނީ ބޭސިކް އެތިކަލް މިންގަޑެއްވެސް ނެތް ބައެއް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަރުހާދު

14 July 2020

އެންމެ ފުރަތަމަ ސަސްޕެންޑު ކުރީ އެހެން ކަމަކު. އެކަން ބަލާފައެއްނުވޭ. ދެން އެތައް ދުވަހެއް ފަހުން، ހާވަހާވައިގެން ކަމެއް އޮތްތޯ ބަލައިގެން ފިޔަވަޅު އަޅަނީ އެހެން ކަމެއްގަ. ދީ ސީދާ ވަކި ބަޔަކު ސިލެކްޓިވް ކޮށް ނިޒާމުން ގެއްލުވާލަން ކުރާ ކަމެއް. ކުރިޔެކޭ މިހާރެކޭ ޖޭއެސްސީގައި އޮތީ ކޮން ތަފާތެއް.