ފުވައްމުލަކު ތުނޑިއަށް ގިނަ ބަޔަކު ޖަމާވެގެން: އެ ރަށުގައި ހޯމް ކަރަންޓީނުގައި ހުރި މީހަކު އިއްޔެ ވަނީ ޕޮޒިޓިވްވެފައި
05 އޯގަސްޓް 2020 - 17:03
15 comments
ފުވައްމުލަކުގައި ހޯމް ކަރަންޓީނުގައި ހުރި މީހަކު ކޮވިޑް-19އަށް ޕޮޒިޓިވް ވެއްޖެ އެވެ.
މާލެއިން ގޮސް ހުރި އެ މީހާ ޕޮޒިޓިވްވީ، ފުވައްމުލަކު ހޮސްޕިޓަލުން ބުނިގޮތުގައި ކަރަންޓީނުގެ 14 ދުވަސް ހަމަވެގެން އިއްޔެ ޓެސްޓު ކުރުމުންނެވެ. އޭނާއާ އެކު އެ ރަށުން އިތުރު ބަޔަކު ޕޮޒިޓިވްވި ކަމެއް އެނގިފައެއް ނުވެ އެވެ. އެކަމަކު އެ ރަށުން ނެގި ބައެއް ސާމްޕަލްތަކުގެ ނަތީޖާ އަދި ނުލިބެ އެވެ.
ފުވައްމުލަކުން އިއްޔެ ޕޮޒިޓިވްވެފައި ވަނީ 36 އަހަރުގެ އަންހެނެކެވެ.
މާލެ އިން ރަށްރަށަށް ދާ މީހުން 14 ދުވަސް ވަންދެން ކަރަންޓީނުގައި ތިބެން ޖެހޭއިރު، ބައެއް ރަށްރަށުގައި ކަރަންޓީނުގައި ތިބި މީހުން ވަނީ ޕޮޒިޓިވްވެފަ އެވެ. ގިނަ މީހުން ޕޮޒިޓިވްވެފައިވަނީ ކަރަންޓީނުގެ މުއްދަތު ހަމަވެގެން ދޫކޮށްލަން ހަދާ ޓެސްޓުންނެވެ.
މާލޭގައި ހަލުއި ކަމާއެކު ކޮވިޑް-19 މިހާރު ފެތުރެމުން ދާއިރު، މާލެއިން ރަށްރަށަށް ދިޔުމުގައި ވެސް ވަނީ އުސޫލުތައް ހަރުކަށިކޮށްފަ އެވެ. އެގޮތުން ޒަރޫރީ ބޭނުމެއްގައި ނޫނީ މިހާރު ރަށްރަށަކަށް ނުދެވެ އެވެ. އަދި ރަށްރަށުގައި ވެސް ބޭރަށް ނިކުމެ އުޅޭއިރު މާސްކް އެޅުމަށް ހެލްތު ޕްރޮޓެކްޝަން އެޖެންސީން ވަނީ އެދިފަ އެވެ.
މިހާރު ބައްޔަށް ޕޮޒިޓިވްވާ މީހުންގެ އަދަދު އުޅެނީ 100އިން މަތީގަ އެވެ. އެއާއެކު ރޭގަނޑު ދިހަ އަކުން ފަތިހު ފަހެއް ޖަހަންދެން މާލޭގައި ވަނީ ކާފިއު އިއުލާންކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުބުލާ އަބްދުﷲ ޖަމީލް ކުރެންދޫ
06 August 2020
ހުބޫގެ ފުރެންޑް އެއް ހުންނާނެ ފުވައްމުލަކު ދޫޑިގަމުގައި. އެހެންވެ ހުބޫ އަދި މި އުޅުނީ އީސްޓްލައިޓް ހޮލިޑޭ ހޯމަށް ޗުއްޓީއަކަށް ދާން. މިވީގޮތުން ދެން އެކަންވެސް މި ނިމުނީ. ދެން ކޮވިޑް ރަންގަޅުވީމަ ހުބޫ ދާނަން ފުވައްމުލަކު ތުނޑިވަރަށް ރީތިވާނެޔޯ ހުބޫގެ ފުރެންޑް ޢަބްދުﷲ ވެސް ބުނި. ވަރަށް މަޖާވާނެ އިރާދަކުރެއްވިއްޔާ ކޮވިޑްދިޔައިމަ ދާނީދެން ފުވައްމުލަކަށް
މުލޭ
06 August 2020
ތިމީހާގެ ކޮންޓްކެޓް 200 އަށް އަރާކަމަށް ބުނަނީ. އެކަމަކު ހޯމްކަރަންޓީނުގަޔޯ ހުރީ.
މުހްމަދުބެ
05 August 2020
މީކީ އީދުޗުއްޓީއަން ދިޔަ ބައެން ނޫނޭ! މީ ބޭސްވެރިކަމުގަ މާލެ ދިޔަ ބައެކޭ
މުހައްމަދުބެ
05 August 2020
މީކީ ބަލައި ގަނެވޭ ކަހަލަ ޕޮޒްޓިވް އެއްނޫން އެކުގަ އުޅެނީ4މައިން އެއްތަނެއްގަ އުޅޭތާވެސް އެތަން ދުވަހެއް ކޮއްފަ ރަށަން ގޮސްވެސް އެއްތަނެއްގަ 14ދުވަސް ދެންތިބި 3މައިން ޕޮޒްޓިވް ނުވެ 1މީހަކު ޕޮޒްޓިވް ކިހާ ހެއްވާ. ވަޓް އަޖޯކް! މީތިވައްތަރީ ސަރުކާރުން ޕްލޭން ކޮއްގެން ކުޅޭ ކުޅިގަޑަކާ!
ކަންވީގޮތް އެގޭ ރަށު މީހާ
05 August 2020
ކަރަންޓީން ވާން އައީ އެކަމަކު ގެއިން ބޭރަށް ނިކުމެ އަޗާ ތަޅާފަ އައިސް މަ މިހުރީ ކަރަންޓީން ގައޭ ބުނުމަކުން ނުފުދޭ. ގޭގަ އެތައް ސަތޭކަ ބަޔަކަށް ޕާޓީ ދީ ބާބަކިއު ޖައްސާ ހެދީމަ ކިޔަނީ ކަރަންޓީނު ވުމޭތަ. އެތަނައް އެއްވިހާ މީހުނައް ނޭގިދާނެޔޯ އެކަމަކު ކޮންމެވެސް މިންވަރަކަށް ކޮންމެވެސް ބަޔަކަށް އެނގޭނެ ދޯ ޕާޓީ ގެ ހޯސްޓް މި ވަޑައިންނެވީ ކަރަންޓީނަށް ކަން. އެހެންވީމަ ހޭބުރާންތި އަރައިން އަމިއްލަ ނަފްސާ ރަށު ރައްޔިތުން ބޮޑު ގެއްލުމާ ހަލާކެއްގެ ތެރެއައް ވައްޓާލީކީ ނޫންތަ. ސިކުޑި އޮތީ ނަމަކު. އޭގެ ބޭނުން ކުރަން ނޭގޭ ނާ ތަހުޒީބު މީހުންގެ ލަގަބު ލިބޭ ވަރު މަދީ ތޯއްޗެއް.
ހާސަރު
05 August 2020
ރަށްރަށަށް ބަލިފެތުރެނީ އެޗްޕީގެ ސަބަބަކުންނެކޭ ނޫން މިބުނަނީ. ތަފާތު ފިއްތުންތަކާހެދި ރަށްރަށަށް ކޮންމެވެސް އެއްޗެކޭކިޔާފަ އީދުބަންދަށް ދިޔަދިނީމަ ފެތުރުނީ. އީދާދިމާކޮށް ދިޔަހާ ބަޔަކު ދިޔައީ ޒަރޫރީ ބޭނުމަކުނޫން ދެއްތޯ. އެޗްޕީއޭން ދޫނުދޭށޭ މިބުނަނީ.
ޙުސެން ޑީޕީ
05 August 2020
އިސްތިއުފާ. ޙެލްތް ފެއިލް
ކުރަފި
05 August 2020
ކޮބާ، ހެލްތް މިނިސްޓަރު އީދު ޗުއްޓީގައި ގޭގައި މަޑުކުރާށޭ ބުނީމަދޯ ބާރަށް ދުއްވައިގަތީ ރަށްރަށަށް؟ ރީތިވެއްޖެ؟ ދެން ބުނޭ އެޗްޕީއޭ ފެއިލްވެއްޖޭ! އޭރުން އަދި ރަނގަޅުވާނީ!
އިސްރޯ
05 August 2020
އިތުރު ބަޔަކު ޕޮޒިޓިވް ނުވުމަކީ އަހަރުމެންގެ ދުޢާ. شفاها الله عاجلا
ހާސަރު
05 August 2020
އީދު ބަންދާދިމާކޮށް އެތައް ހާސްބައެއް ރަށްރަށަށް ދާން ހުއްދަ ދޭންފެށީމަ ވެސް މިހެންވެދާނެކަމަށް އެތައް ބަޔަކު ދިޔައީ ބުނަމުން. މިއަދު މިއޮތީ މުޅިރާއްޖެއަށް ފެތުރެން ފަށާފަ.
ޙާސަރު އާދަނު
05 August 2020
ހުޅުވާލީ ހަަމައެކަނި ޒަރޫރީ ބޭނުމަށް ދާ މީހުންނަށް. ދެން ޒަރޫރީ ބޭނުމޭ ކިޔާ އަމިއްލައަށް އަރައި ފުރައިގެން ގޮސް ވެސް އެހެން މީހުންގަ ކުށްވެރި ކުރަނީ؟ އަޖައިބެއް ހަމަ!