ލޯނު ދައްކަން ސިޔާމަށް ސަރުކާރުން އެހީވި ކަމުގެ ތުހުމަތު!

ވިޔަފާރިވެރިޔާ އަދި ރައްޔިތުންގެ މަޖިލީހުގެ މީދޫ ދާއިރާގެ މެންބަރު އަހުމަދު ސިޔާމަށް ސަރުކާރުން ސަވަރިން ގެރެންޓީ ދީގެން ޗައިނާގެ އެގްޒިމް ބޭންކުން ނަގާފައިވާ ލޯނަށް ސުންގަނޑި ހަމަވުމުގެ ކުރިން ނުދެއްކުނު ފައިސާ ދައްކައިދިނީ ސަރުކާރުން އެހީތެރިކަން ދީގެން ކަމަށް ވިދާޅުވެ ރައްޔިތުންގެ މަޖިލީހުގެ މާފަންނު މެދު ދާއިރާގެ އެމްޑީޕީ މެމްބަރު އިބްރާހީމް ރަޝީދު (ބޮންޑޭ) މިއަދު ކަންބޮޑުވުން ފާޅުކުރައްވައިފި އެވެ.

ބޮންޑޭ "މިހާރު" އަށް ވިދާޅުވީ ސިޔާމުގެ ލޯނު ދައްކަން ބޭންކް އޮފް މޯލްޑިވްސް އިން މީގެ ދެ ދުވަސް ކުރިން ލޯނެއް ދޫކޮށްފައިވާކަމުގެ މައުލޫމާތު ލިބިވަޑައިގެންފައިވާ ކަމަށާއި އެގޮތަށް އެކަން ކުރެވޭނީ މިނިސްޓަރުންތަކެއް މެދުވެރިވެގެން ކަމަށެވެ.

Siyam ge kunfunin mi vaguthu dheynjehey jehey faisaa dhakkaifi: Finance

The most trusted news source in the Maldives

Mihaaru

"މައުލޫމާތު ލިބޭ ގޮތުގައި ދަރަނި މައްޗަށް ދަރަންޏެއްގެ ގޮތުގައި މީގެ ދެ ދުވަސް ކުރިން ސިޔާމަށް އެކަން ހަމަޖައްސައިދީފި. ވަޒީރުންތަކެއް މެދުވެެރި ނުވެ މިފަަދަ ކަމެއް މިހާލަތުގައި [އިގުތިސާދީ ގޮތުން ދަތި ދުވަސްވަރެއްގައި] ނުކުރެވޭނެ،" އޭނާ ވިދާޅުވި އެވެ.

އޭނާ ވިދާޅުވި ގޮތުގައި ދައުލަތުން ސަވަރިން ގެރެންޓީ ދީގެން ލޯނެއް ނަގާ ހާލަތުގައި އެ ލޯނު ދައްކާނެ ފަައިސާ ސަރުކާރާއި ލޯނު ނަގާ ފަރާތުގެ އެސްކްރޯ އެކައުންޓެއް ހުޅުވައި އެ އެކައުންޓަށް ޖަމާކުރަމުން ދާން ޖެހޭނެ އެވެ. އެއީ ދައުލަތުން ގެރެންޓީ ދީގެން ނެގި ލޯނު ދެއްކޭކަން ކަށަވަރު ކުރުމަށް ޓަކަ އެވެ. އެގޮތަށް ނަގާ ލޯނު ދައްކަމުންދޭތޯ ސަރުކާރުން މޮނިޓާ ވެސްް ކުރަން ޖެހޭނެ ކަމަށް އޭނާ ވިދާޅުވި އެވެ.

"ކުރިއަށް އޮތް ތަނުގައި ގެރެންޓީ ދޭން ޖެހޭނީ މަޖިލީހުން ފާސްކޮށްގެން، އެގޮތަށް ފާސްކުރަން މަޖިލީހަށް ހުށަހަޅާނަން،" ބޮންޑޭ ވިދާޅުވި އެވެ.

ސިޔާމުގެ ލޯނު ދައްކަން ސަރުކާރުން އެހީތެރިކަން ދިން ގޮތާ މެދު ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް މިއަދު ވަނީ ނުސީދާ ގޮތެއްގައި ކަންބޮޑުވުން ފާޅުކުރައްވައިފަ އެވެ. އެ މަނިކުފާނު ކުރެއްވި ޓްވީޓެއްގައި ވިދާޅުވީ ދައުލަަތުން ގެރެންޓީ ދީފައިވާ ފަރާތަކުން ފައިސާ ނުދައްކައިފި ނަމަ އަމަލުކުރާނެ ގޮތް މާލިއްޔަތު ގަވައިދުގައި ވަރަށް ސާފުކޮށް ބަޔާންކޮށްފައިވާ ކަމަށެވެ.

"މި ނޫން ގޮތަކަށް މިނިސްޓަރު އަމަލުކުރައްވާނެ ކަމަކަށް އަޅުގަނޑު ނުދެކެން،" ޓްވީޓްގައި ނަޝީދު ވިދާޅުވި އެވެ.

ސިޔާމްގެ ކުންފުނި، އަހުމަދު ސިޔާމް ހޯލްޑިން (އޭއެސްއެޗް) އިން 2017 ވަނަ އަހަރު ޗައިނާގެ އެގްޒިމް ބޭންކުން ނެގި 127 މިލިއަން ޑޮލަރުގެ ލޯނަށް ސަރުކާރުން ވަނީ ގެރެންޓީ ދީފަ އެވެ. އެއީ ދައުލަތުގެ ނަމުގައި ގެރެންޓީ ދޫކުރުމުގެ އުސޫލުގެ ދަށުން ނ. ދިގުރަށުގައި އިރުފެން ރިސޯޓު ތަރައްގީ ކުރުމަށެވެ. މި ލޯނުގެ ދަށުން ޗައިނީސް އެގްޒިމް ބޭންކަށް ލޯނު ދެއްކުމުގައި މި އަހަރުގެ ޖެނުއަރީ މަހުގެ ނިޔަލަށް އެ ކުންފުނިން ދިޔައިީ ބަރާބަރަށް ފައިސާ ދައްކަމުންނެވެ.

ނަމަވެސް ޖުލައި މަހުގެ ކުރިން އެ ކުންފުނިން އެގްޒިމް ބޭންކަށް ދައްކަން ޖެހޭ ފައިސާ ނުދެއްކުމުގެ ސަބަބުން ލޯނުގެ ޕްރިންސިޕަލް އަދަދާއި އިންޓްރެސްޓް އަދި އެހެނިހެން ފީތައް ދެއްކުމަށް ގެރެންޓާގެ ހައިސިއްޔަތުން މިދިޔަ މަހުގެ 22 ވަނަ ދުވަހު ޗައިނާގެ އެގްޒިމް ބޭންކުން ސަރުކާރަށް އެންގި އެވެ

ސިޔާމްގެ ކުންފުނިން ދެއްކީ ކިހާ ފައިސާއެއް ކަމެއް ހާމަކޮށްފައެއް ނުވެ އެވެ. އެކަމަކު އެނގިފައިވާ ގޮތުގައި 10 މިލިއަން ޑޮލަރު (154 މިލިއަން ރުފިޔާ) ދައްކަންޖެހެ އެވެ.