ރައީސް ޔާމީން، ރައީސްކަމުގެ ހުވާކުރަން ބޭއްވި ރަސްމިއްޔާތުގައި ކުރީގެ ރައީސް އަދި ޕީޕީއެމްގެ ރައީސް މައުމޫން ބައިވެރިވެވަޑައިގަންނަވަނީ.-- ފޮޓޯ: ރައީސް އޮފީސް
25 އޮކްޓޯބަރ 2016 - 17:38
32 comments
ޕީޕީއެމްގެ މެމްބަރުންނާއި ރައްޔިތުންގެ މަސްލަހަތަށްޓަކައި އެ ޕާޓީގެ މެމްބަރުންގެ އިންތިހާބީ ހައްގުތައް ރައްކާތެރިކޮށްދެއްވުމަށް ކުރީގެ ރައީސް އަދި ޕީޕީއެމްގެ ރައީސް މައުމޫން އަބްދުލް ގައްޔޫމް، ހިއުމަން ރައިޓްސް ކޮމިޝަންގައި އިއްޔެ އެދިވަޑައިގެންފި އެވެ.
އެޗްއާރުސީއެމްގެ ރައީސާ އާމިނަތު އީނާޒަށް ފޮނުއްވި ސިޓީގައި މައުމޫން ވިދާޅުވީ ޕީޕީއެމްގެ ހިންގުން އެ ޕާޓީގެ މުސްތަޝާރު، ރައީސް އަބްދުﷲ ޔާމީނާ ހަވާލުކުރަން ސިވިލް ކޯޓުން ހުކުމް ކުރިއިރު އެއީ ޕީޕީއެމްގެ އަސާސީ ގަވާއިދާ ހިލާފަށް ދެއްވި ފަރުވާއެއް ކަމަށެވެ. އަދި ޕާޓީގެ މެމްބަރުން އިންތިހާބުކޮށްފައިވާ ރައީސް ވަނީ، މެމްބަރުންގެ ރުހުމަކާ ނުލައި ވަކިކުރައްވާފައިވާކަމަށް އެ ސިޓީފުޅުގައި މައުމޫން ވިދާޅުވި އެވެ.
"...ޕާޓީގެ ރައީސް މަގާމުން އަޒުލުކުރެވިފައި ވަނީ ޕާޓީގެ އަސާސީ ގަވާއިދާ ރާއްޖޭގެ ސިޔާސީ ޕާޓީތަކުގެ ގާނޫނާ ހިލާފަށް ކަމުގައިވާތީވެ، އަދި ޕާޓީގެ މެމްބަރުންގެ ކަނޑައަޅާފައިވާ އެ މެމްބަރުންގެ އިންތިހާބީ ހައްގުތަކާ ހިލާފަށް ކަމުގައިވާތީވެ، މިކަމާ ގުޅޭގޮތުން، ޕްރޮގްރެސިވް ޕާޓީ އޮފް މޯލްޑިވްސްގެ މެމްބަރުންނާއި ރައްޔިތުންގެ މަސްލަހަތަށްޓަކައި ތިޔަ ކޮމިޝަނަށް އަދާކުރެވިދާނެ ދައުރެއް އޮތްކަމަށް ގަބޫލުކުރެވޭތީވެ، ޕީޕީއެމްގެ މެމްބަރުންނާއި ރައްޔިތުންގެ މަސްލަހަތަށްޓަކައި ޕީޕީއެމްގެ މެމްބަރުންގެ އިންތިހާބީ ހައްގުތައް ރައްކާތެރިކޮށްދެއްވުމަށް ފިޔަވަޅު އަޅުއްވައި ދެއްވުން އެދި ދެންނެވީމެވެ،" މައުމޫން ފޮނުއްވި ސިޓީފުޅުގައި ވިދާޅުވި އެވެ.
އެ ސިޓީގައި މައުމޫން ވިދާޅުވީ ޕާޓީ ހިންގުމަކީ ރަމްޒީ މަގާމެއް ކަމަށް ވިޔަސް އެއީ ޕާޓީގެ އަސާސީ ގަވާއިދާ ހިލާފު ކަމެއް ކަމަށެވެ. އަދި ރައީސަކު ނެތް ހާލަތެއްގައި، ޕާޓީގެ ކައުންސިލްގެ ރިޔާސަތު ބަލަހައްޓާނެ ފަރާތްތައް ވަރަށް ސާފުކޮށް ކައުންސިލް ހިންގާ ގަވާއިދު ކަނޑައަޅާފައިވާކަމަށް ވެސް ބުނެފައި ވެ އެވެ.
ޕީޕީއެމް ކައުންސިލް މެމްބަރުންގެ މެދުގައި ހިޔާލު ތަފާތުވުން އުފެދެން މެދުވެރި މައިގަނޑު ސަބަބަކީ އެ ސިޓީގައި މައުމޫން ފާހަގަކުރެއްވި ގޮތުގައި ޕްރައިމަރީއަކާ ނުލައި ރައީސް ޔާމީނަށް ރިޔާސީ ޓިކެޓު ދިނުމުގެ މައްސަލަ އެވެ. ނަމަވެސް އެކަމަކީ ބައެއް މެމްބަރުން ދެކެވަޑައިގަންނަވާ ގޮތުގައި ޕާޓީގެ އަސާސީ ގަވާއިދާ ހިލާފުކަމެއް ކަމަށް މައުމޫން ވިދާޅުވި އެވެ.
ޕީޕީއެމްގެ ތެރޭގައި ހިޔާލު ތަފާތުވުން އުފެދި، ރައީސް އަބްދުﷲ ޔާމީނަށް ތާއީދުކުރާ ފެކްޝަނަކާއި ރައީސް މައުމޫނަށް ތާއީދުކުރާ ފެކްޝަނެއް އުފެދި ކޮންމެ ފެކްޝަނަކުން ވެސް ދަނީ ޕާޓީގެ ކަންކަމުގައި އެކި ކަންކަން ނިންމަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
އައްޑޫ އަހައްމަދާ
26 October 2016
ޕޕމ ނުފެނިގެން ވާނުވާނޭގި ތިއްބާ ހޭވެރިކަން އައިސްގެން ބަލާއިރު ރައްޔިތުން އެދޭފަދައިން ކައުންސިލްގެ ހުރިހާ ގޮޑިތައް ސަރުކާރާ ދިމާ އިދިކޮޅުމީހުން ގެންގޮސްފި. ހޭވެރިކަން އައީ އަދި ކިރިޔާމު. ދެންކުރާނެ ހަމައެއްކަމެއްވެސްނެތް. ތަރައްޤީ...... ތަރައްޤީ......ހަހަހަހަހަހަ!
ކުލީގެ އަޅުން
26 October 2016
ތިތާވެސް އުޅޭނީ ވިކިފައި ތިބި ބައެއް. ނުވިކި ކިރިޔާވެސް ހުންނާނީ މާލޭގެ ކުލީގެ މަޅީގައި ނުޖެހި ހުރި މީހެއް ހުރިއްޔާ. ވަޒީފާއެއްނެތި މާލެއަކު ނުއުޅެވޭނެ. އެހެންވީމަ މާލޭގައި އުޅޭ އަމިއްލަ ގެއެއް ނެތް ކޮންމެ މީހަކުވެސް ފުރަތަމަ ބަލާނީ ވަޒީފާގަނޑު ސަލާމަތްކުރެވޭތޯ.
ދދދ
26 October 2016
އެންމެ ފުރަތަމަ އައީ ނަޝީދަށެވެ. އަހަރެމެން އަޅައެއް ނުލަމެވެ. ދެން އައީ ނާޒިމަށެވެ. އަހަރެމެން އަޅައެއް ނުލަމެވެ. ދެން އައީ އިމްރާނަށެވެ. އަހަރެމެން އަޅައެއް ނުލަމެވެ. ދެން އައީ މާބަޑު އަންހެނަކާ ޒުވާން ކުދިބަޔަކަށެވެ. އަހަރެމެން އަޅައެއް ނުލަމެވެ މިއަދު އަންނާނީ އަހަރެމެންނަށް ނޫންކަމެއްވެސް ނޭގެއެވެ. އެކަމަކު އެންމެން ގެންދަމުން ގެންދަމުން ގޮސް އަހަރެމެންގެ ހައްގުގައި ތެދުވާނެ މީހަކު ނެތެވެ. ކިތަންމެ ރުޅިއަޔަސް ނަޔަސް ނަޝީދު ގައިގައި ނުހައްގުން ރޭގަޑު ދަންވަރު އައްލި ދުވަހު އަހަރެމެންނަށް ތެދުވެވުނުނަމަ....
ބަސްފުޅު
26 October 2016
ދެވިދާނެތޯ ހައްޤެއް އަލުން ބަނދެވިގެން އަތާފައި، އެތަނެއްގައި ނެތި އިންސާފަށް ބަލާނެ ހަމަ ލޮލެއް. ބޭބެގެ ތިޔަ މަސައްކަތަށް އަލިމަގެއް ދައްކަވާށި. އާމީން.
އަޑޭ
26 October 2016
ތިޔަހެން ކިތަންމެ ޓަކިޖެހިޔަކަސް ރޮއިރޮއިފަ އާދޭސް ކުރިޔަކަސް އަޑުވެސް އަހާނެ މީހެއްނެތޭ ދެންވެސްއޮތީ ހަމަ ރޯލުމޭ......
ނަތަން
26 October 2016
މިހ/ަރު ނަޝީދާއި، އަދި އިނގިރޭސި ވިލާތުގަތިބި މީހުން ހާދަ ވަރަކަށް ހޭނެޔޭ.....
ޕޯޓަބަލް
26 October 2016
މަޑުމަޑުން ރައީސް މައުމޫން ގެންދަވަނީ މިނިވަން މުއައްސަސާ ތަކާއި ކޯޓުތަކުގެ މިނިވަންކަން ޕީޕީއެމް ކުދިންނަށް ސާފުކޮށްދެއްވަމުން.
ދނ
26 October 2016
ކޮބާ! އަޅެ ފަހެ ހިންޏެއް ނާދޭތަ؟ ދުނިޔޭގައި ތިބިބަޔަކަށް ޢިބުރަތެއްދޯ؟
އަހްމދު
26 October 2016
ލޯބިވާ ބޭބެފުޅުގ ތިޔް ސަކުވާ ހުއްޓާލައްވާ. ކެނެރީގެ ނަސީދުގެ ވެރިކަން ވައްޓާލައިފިން ގުޅިގެނ. . މިހާރު މިއޮތީ ވެރިކަން އަމިއްލަވެފައި . ދެން ބޭބެފުޅުގެ ސަކުވާ އަޑު އަހާނެ ވަޤތެއްނެތް .
އިބޫ
26 October 2016
ހުރިހާ މުައައްސަސާ އެއް ފެިލްވެފައިވާ ކަމަށް އެމްޑީޕިން ގޮވަމުން ދިޔައިރު، ހިނި އަންނަ ަމަށް ވިދާޅުވަމުން ދިޔަ ޒައީމް މިހަރު ތިޔަދަނީ، އެކަން ތަޖުރިބާ ކުރައްވަމުން..... ހަމަ ދަންނަވާލީ
ނަތަންޔާހޫ
26 October 2016
މިހާރު އަހަރުމެން ހިނި އަންނަނީ
ހައްސާ222
26 October 2016
އަޅުގަނޑު މެން ހިންޏެއްނާދޭ. އަޅުގަނޑު މެން ނަށް ފެންނަމުން މިދަނީ މާތް ﷲ ގެ ކުޅަދުންވަންތަކަން. ކެނެރީގޭ ނަޝީދު ހާލުގަ ޖައްސާ ނަޝީދު ގެ ވެރިކަން ވައްޓާލި އެންމެނަށް ދުނިޔެމަތިން އޭގެ ހިތި ރަހަ ލިބެމުންދާތަނާއި ދިރިތިބީންނަށް މިކަން އިބުރަތަކަށް ވެގެންދާތަން.