ރިލެކްސް ސްޕީޑްގެ ލޯންޗެއް.
26 އޯގަސްޓް 2020 - 12:21
60 comments
ބޭސް ފަރުވާ އަށް އައްޑު އަށް ދާން ބޭނުންވާ ހުވަދު އަތޮޅާއި ފުވައްމުލަކުގެ މީހުންނަށް ހާއްސަކޮށްގެން އަމިއްލަ ފަރާތަކުން ފެރީގެ ހިދުމަތް ދޭން ފަށައިފި އެވެ.
މުޅިއެކު، 60 މީހުންގެ ޖާގަ ހިމެނޭ ލޯންޗެއްގައި މި ހިދުމަތް ފެށީ އއ. ތޮއްޑޫގެ ކުންފުންޏެއް ކަމަށްވާ ރިލެކްސް ސްޕީޑުންނެވެ.
އެ ކުންފުނިން ކޮންމެ ހަފުތާއެއްގެ ހޯމަ އާއި ބުރާސްފަތި ދުވަހު އައްޑު އަށް ދަތުރުތައް ބާއްވާ ގޮތަށް ވަނީ ހަމަޖައްސައިފަ އެވެ. މި ދަތުރުތައް ރާވާފައި ވަނީ ހުވަދު އަތޮޅުގެ ރަށްތަކުގެ ތެރެއިން ތިނަދޫ، މަޑަވެލި، ނަޑެއްލާ، ރަތަފަންތޫ ފިޔޯރީ، ފަރެސްމާތޮޑާ އަދި ވާދޫ ރޫޓުގެ ތެރެއިންނެވެ.
މި ރަށްތަކުން އައްޑު އަށް ކުރާ ދަތުރުތަކުގައި ކޮޅަކަށް ނަގަނީ 400-800ރ. އާ ދެމެދުގެ އަގުތަކެވެ. ފުވައްމުލައް/އައްޑޫ ދަތުރަކަށް ކޮޅަކަށް ނަގަނީ 300ރ. އެވެ.
ރިލެކްސް ސްޕީޑްގެ ވެރިޔާ އަލީ ރިސާން މިއަދު ވިދާޅުވީ، ދަތުރުތަކަށް މިހާރު ބޮޑު ތަރުހީބެއް ލިބެމުން އަންނަ ކަމަށެވެ. އޭނާ ވިދާޅުވީ ހުވަދު އާއި ފުވައްމުލައް ހިމެނޭ ގޮތަށް އައްޑު އަށް ފެރީ ދަތުރުތަކެއް ބާއްވަން ނިންމި މައިގަނޑު ސަބަބަކީ އައްޑޫގައި މިހާރު ޓާޝަރީ ހޮސްޕިޓަލެއް ހުންނާތީ، އެ ސަރަހައްދުތަން ފަރުވާ އަށް މީހުން ދާން ބޭނުންވާތީ އެކަމަށް ފަސޭހަކޮށް ދިނުމަށް ކަމަށެވެ..
"ވަރަށް ގިނަ ބަޔަކު މިހާރު އައްޑު އަށް ބޭސްފަރުވާ އަށް ދާން ބޭނުންވާތީ އެކަމަށް މިހާރަށް ވުރެ ފަސޭހަ ގޮތެއް ހޯދައި ދިނުން އަހަރެމެންގެ ބޭނުމަކަށްވީ،" ރާއްޖޭގެ އެހެން ސަރަހައްދުތަކަށް ވެސް ފެރީގެ ހިދުމަތް ދޭ ކުންފުންޏާ ބެހޭ ގޮތުން ރިސާން ވިދާޅުވި އެވެ.
"ދަތުރުތައް ފެށުމާ އެކު އާންމުންގެ ފީޑްބެކް ވެސް ވަރަށް ޕޮޒިޓިވްކޮށް އަންނަނީ. އަހަރެމެންގެ ދަތުރުތަކަށް އައްޑޫގައި ބޭނުންކުރަނީ މަރަދޫ ބަނދަރު."
ވެރިރަށް މާލެ ސަރަހައްދުން ބޭރުގައި ހިންގާ ރާއްޖޭގެ ފުރަތަމަ ޓާޝަރީ ހޮސްޕިޓަލަކީ މި އަހަރުގެ ޖެނުއަރީ މަހުގެ 15 އިން ފެށިގެން ހިދުމަތް ދެމުން އަންނަ އައްޑޫ އިކްއަޓޯރިއަލް ހޮސްޕިޓަލް (އޭއީއެޗް) އެވެ.
ރިސާން ވިދާޅުވީ އައްޑު އަށް ބޭސް ފަރުވާ އަށް ދާން ބޭނުންވާ މީހުން ދަތުރުތައް ހަމަޖެއްސުމަށް ދެ ފޯނު ނަމްބަރެއް ހާއްސަކޮށްފައިވާ ކަމަށެވެ. އެއީ 7731759 އަދި 7582665 އެވެ.
އަމިއްލަ ބަޔަކު ރާއްޖޭގެ އެންމެ ދެކުނު ގުޅައިލެވޭ ގޮތަށް ފެރީގެ ހިދުމަތް ފެށި އިރު މޯލްޑިވްސް ޕޯޓްސް ލިމިޓެޑް (އެމްޕީއެލް) ގެ ދަށުން ވެސް އައްޑު އާއި ފުވައްމުލަކަށް ފެރީގެ ހިދުމަތް ދެ އެވެ. އައްޑޫން ހުވަދު އަށް ވެސް ކުރިން ދަތުރުތަކެއް ބޭއްވި ނަމަވެސް އެ ދަތުރުތައް މިހާރު އޮތީ މެދުކަނޑާލައިފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަނާބ
28 August 2020
ގައިމު ބަޔަކަށް ނރިޒޯޓެއް ނުދީ ހަމަ ފެރީގެ ހިދުމަތް ދޯ މިދެވެނީ..
ޖޭމާދޮންތީ ގެ ސާރީ ބޯލޯ
27 August 2020
ނަމުން ޓާޝަރީ ހޮސްޕިޓަލެއް. ކަމުން ސިއްޙީ މަރުކަޒެއް. މާ ގިނަ ޚިދުމަތްތަކެއް ނުލިބޭ
ޙިނި
27 August 2020
މަސައްކަތެއް ކޮއްގެން ތަނެއްރަންގަޅުވްނީ، ފަންޑެއް ހުޅުވަބަލަ، މުއްސަންދިން އަތުން ޑޯނޭޝަން ހޯދަބަލަ ފެކަލްޓީތައް ހަދަން. އިންޓަނޭޝަނަލް ޑޯނާސް ހޯދަބަލަ، ގައިމު އިންގިރޭސި އާރުއޭއެފް ސިފައިންގެ ވެޓްރަންސް ވެސް އެހީވާނެ. ސަރުކާރައް ބަރޯސާނުވެ އަމިއްލަޔައް ކަންކުރުން މާ ބުއްދިވެރި އަދި އަވަސްވާނެ.
ވަން
27 August 2020
އެއްދޮރު ބަންދުވުމުން އަނެއްދޮރު ހުޅުވޭނެ. ކޮވިޑްގައި މާލެއާ ނުލާ ކަންކަން ކުރަން ދަސްކުރަންޖެހޭއިރު މިއީ ވިޔަފާރިވެރިންނަށްވެސް ރަނުގެ ފުރުސަތެއް. މާލެ ނޫން ސަރަހައްދުތަކަށް އާކަންކަމާ ވިޔަފާރިތަކާ ފަށަން. މާލެ ނާދެވޭ އެތައް ބަޔަކު އެކަންކަމުގައި ދާނެ ތަންތަން އަމިއްލަ ވިޔަފާރިވެރިންނަށް ތަރައްގީކުރެވިދާނެ. ބޭނުމީ ކުޑަ ހިތްވަރެއް. ބިދޭސީން ލާރި ހޯދާ ގޮތަށް ދިވެހިންނަށް ކުދި މަސައްކަތްކޮށްގެން ލާރިވެސް ހޯދޭނެ. އެމީހުން ކުރަން ހަޑި މަސައްކަތެއނޯވ
ނަތީޖާ
27 August 2020
މިލިއުމުން ދޭހަވީ އައްޑޫ މަހުޖަނަކަށް މިވަރުގެ ކަމަކަށް އިސްނަގަން ނުކެރުނުކަން. ތިބެގެން އިނގިރޭސިންނޭ ކިޔައިގެން ސަރުކާރަށް ޕުރެޝަރު ކުރާނީ.
ފަވާލި19
26 August 2020
ތިޔަކަމަކީ ދާއިމީ ކަމަކަށްނުވާނެ ސަބަބަކީ ރާއްޖޭގެ ރަށްރަށުން ބޭސްފަރުވާއަށާ އެހެނިހެން ޒަރޫރީ ބޭނުންތަކަށް މާލެނުދާކަމައް ވާނަމަ މާލޭ މީނުން ބަނޑައްޖެހިދާނެ އެހެންވީމާ ދިވެހިދައުލަތަކުން މާލެނޫން އެހެންތަނެއްގަ ބޭސްފަރުވާގެ ރަނގަޅު ހިދުމަތެއް ލިބޭނެ މަގެއް ފަހިނުކުރާނެ ގަބޫލުކުރިޔަސް ނުކުރިޔަސް މީހަގީގަތަކީ
ދުންމާރި
27 August 2020
ތެދުވާހަކައެއް.
ލުނބޯ
27 August 2020
ތިޔަ ކޮމެންޓްގެ ތިރީގަ "ޑޮނޭށަން" ބަޓަންއެއް ހުރުނަމަ ސަތޭކައިން ޑޮނޭޓްކުރީމްސް... ވަރަށް ބޮޑު ޙަޤީގަތަކަށްވީތީވެ
ލަވް ނަރުދޫ
27 August 2020
ޑޮނޭޝަން ލިޔާއިރު އޮންނާނީ ށަވިޔަނިއެއް ނޫން.
ލުނބޯ
27 August 2020
ޑޮނޭށަން އެއީ ޢަރަބި ބަހެއްނަމަ "ޝ" ލިޔެވިދާނެ... އެކަމަކު އެއީ އިނގިރޭސި ބަސް ވީމަ "ށ" ލިޔެވިދާނެ.. ޝުކުރިއްޔާ ތިބޭފުޅާ ދެކޭގޮތަށްވެސް ރެސްޕެކްޓްކުރަން..
ލުނބޯ
27 August 2020
"ޝ" އެއީ އަސްލު ދިވެހި އަކުރެއްވެސް ނޫން... އެއީ ދިވެހި ބަހަށްވަން ބަލަތުކާރީ އަކުރެއް... އެކަމަކުވެސް އަރަބި ބަހަށް އޮތް ލޯތްބެއްގެ ބޮޑުކަމުން އެއަކުރު ދިވެހި ބަހަށް ވަދެފައޮތުން އެއީވެސް ހިތްހަމަ ޖެހުމެއް
އިސްމާލި
27 August 2020
މިހާރުވެސް ދަތުރުތައް ފެށުނީ ކޮންމެހެން ސަރުކާރުން ނުވަތަ "މާލޭ ބޭފުޅުން" އެކަމަށް ހުއްދަދީ ހިތްވަރު ދީގެނެއް ނޫން. އެކަމަށް އޮތް ޑިމާންޑެއް އަމިއްލަ ބަޔަކަށް ފެނި ބިޒްނަސް އޮޕޮރޗޫނިޓީގެ ބޭނުން ކުރީމައި. މީގެ ކުރިން ނެތީ އެކަމަށް ޑިމާންޑު ނެތީމަ. ކޮންމެ ކަމަކީވެސް ޑިމާންޑް އޮތް ކަމެއްނަމަ އަމިއްްލަ ޒާތުގައި ފެށޭނެ ކަންކަން. ޑިމާންޑު ވެއްްޓޭ އިރަށް ހުއްޓޭނެ. ކޮންމެހެން ސަރުކާރާ މާލެ މީހުން ބޮލުގަ އަޅުވާނެ ކަމެއް ނެތް.
ޢަހޫ
26 August 2020
ޥ ހަބޭސް ކަމެއް! ޣުޑް ޕައިނިއަރިން އެފަޓް.. އައްޑޫ އެއޮއްހާ ވިޔަފާރި ވެރިން ތިއްބަކަސް ތި ވަރު ކަމެއް ވެސ އަތޮޅަށް ނުވަތަ ރަށަށް ކޮށްދެވިފަ ނެތް! މާ ދުރު އަތޮޅަކުން ތި ހިދުމަތް ދޭން ފެށި ކަމީ ވ މިސާލެއް ފަދަ ކަމެއް.. ތ އިން ފަށްން ފެނޭ! ތ އިން ފެށިގެން އައްޑު އަށް ހަދަން ފެނޭ! ތ އަތޮޅު މީހުން ވެސް ކަލެ އަށް ކިޔަނީ 'ތަ' އައްޑު މީހުން ވެސް 'ތަ' ކިޔަނީ.. ތ އިން ފެށިގެން އައްޑު އަށް ދަތުރު ފަށަމާ ހިނގާ ..ލޯންޗު ސަޅި
ލޮބުވެތި ރައީސް އަށް
26 August 2020
ފަށްފަށުން ޝުކުރިއްޔާ ރައީސް ޔާމީނަށް.
އޮނަރަބްލް ކުޑަ ސިއްތި
26 August 2020
އޮނަރަބްލް އަފީފުދީދީ ފޯރިއެއް އެބަހުރި، އަނެއްކާ ބައެއް އެޅެނީ ތޯއްޗެއް، ވިޔަފާރި ކުރެވޭނީ ވިޔަފާރިވެރިން ރަށްރަޝުގައި ތިބެގެން އެތަންތަނަށް އިންވެސްޓްކޮށްގެން
މޮޑްރިޗް
26 August 2020
ސަރުކާރު ލަދުގަންނަންޖެހޭ....އަމިއްލަ ބަޔަކު މިފަދަ ކަމެއް ކުރިއިރު ދައުލަތަށް ކޮށްނުދެވުނު ކަމެއްމިއީ..މިކަން ނުހުއްޓުވިއްޔާ ކިތަންމެހާވެސް ރަނގަޅު...ދެކުނަށް ތަރައްގީ އަންނަން މާލެ ސަރުކާރު ބޭނުމެއްނުވާނެ ދުވަހަކު...ސްރީލަންކަން ހުއްޓާލަންޖެހުނީވެސް ސަރުކާރު ފޭލްވުމުން...
ޙިނި
26 August 2020
2 ހަފްތާޔައް އައްޑޫއައް ދާ ދަތުރެއް ވިއްޔާ 8000 ނޫނީ 10000 ހަރަދު ކޮއްފަ އަންނަނީ، އަދި 1 ދުވަހައް ކާށިދޫ އައް ދިޔައަސް 1500 އެއްހާ ރުފިޔާ ހަރަދުކުރަން. ރުރާކުނުން އަޑުއައް ދަތުރުކުރެވޭ އަގުހެޔޮ ފެރީނިޒާމެއް ތިޔަ ކުންފުނިން ގާއިމް ކޮއްދީބަލަ. ޢޭރުން ލޯކަލް އިކޮނަމިވެސް ދިރޭނެ