މައުސޫމަށް ރުހުންދޭން މަޖިލީހުގެ ޗުއްޓީ ފަސްކޮށްފި

ސިންގަޕޫރަށް ރާއްޖޭން ކަނޑައަޅާފައި ހުންނަވާ ސަފީރުކަމުގެ ފަތްކޮޅު މައުސޫމަށް ދެއްވި ދުވަހުގެ ފޮޓޯއެއް. އޭނާއަށް ރުހުންދޭން މަޖިލީހުގެ ދައުރު މިއަދު ދަންމައިލި

މުހައްމަދު ނަސީމް، މިހާރު

31 އޯގަސްޓް 2020 - 19:16

4 comments

ޓޫރިޒަމް މިނިސްޓަރު ޑރ. އަބްދުﷲ މައުސޫމަށް ރުހުން ދިނުމުގެ މައްސަލަ ނުނިންމައި ރައްޔިތުންގެ މަޖިލިސް ޗުއްޓީ އަށް ނުދިއުމަށް، މަޖިލީހުގެ މި އަހަރުގެ ދެވަނަ ދައުރު އަންނަ ހޯމަ ދުވަހާ ހިސާބަށް ދަންމައިލަން ނިންމައިފި އެވެ.

މައުސޫމަށް ރުހުން ދިނުމުގެ ކަންތަކުގައި ގޮތެއް ނުނިންމައި އެއް މަސްދުވަހުގެ ޗުއްޓީއަކަށް ނުދާން މިހާރު ކުރިއަށްދާ ޖަލްސާގައި ހުށަހެޅުއްވީ ރިޔާސަތުން މަޖިލީހުގެ ނައިބުރައީސް އީވާ އަބްދުﷲ އެވެ. އީވާ ވިދާޅުވީ ކޮވިޑް-19 ފެތުރޭތީ ރާއްޖޭގެ ޓޫރިޒަމަށް ބޮޑެތި މައްސަލަތަކެއް ދިމާވެފައިވާ މި ދުވަސްވަރު މިނިސްޓަރަށް ރުހުންދިނުމުގެ ކަންތައް ނުނިންމައި ބޭއްވުމަކީ ރަނގަޅު ގޮތެއް ކަމަށް ގަބޫލުނުކުރެއްވޭ ކަމަށެވެ.

މަޖިލީހުގެ މި އަހަރުގެ ދެވަނަ ދައުރު ނިންމައި މެމްބަރުން ޗުއްޓީ އަށް ދާން ކުރިން އޮތީ މިދިޔަ ބުދަ ދުވަހު އެވެ. އެކަމަކު އެ ދުވަހު ރިޔާސަތުން ނިންމީ މިއަދާ ހިސާބަށް ޗުއްޓީ ލަސްކުރުމަށެވެ. މިއަދުގެ ޖަލްސާ ހެނދުނުން ފެށިގެން އަދިވެސް ދަނީ ކުރިއަށެވެ.

ޓޫރިޒަމް މިނިސްޓަރަށް ރުހުން ދިނުމުގެ މައްސަލަ މިދިޔަ ބުދަ ދުވަހަށް އެޖެންޑާ ކުރި އެވެ. އެކަމަކު ސަރުކާރުގެ މަސްއޫލިއްޔަތު އަދާކުރާ މިންވަރު ބަލާ ކޮމިޓީން އެކަމާ ގުޅޭ ގޮތުން އެކުލަވައިލާ ތަޅުމަށް ފޮނުވި ރިޕޯޓް އަނބުރާ ފޮނުވައިލީ މައުސޫމް ހުވާ ކުރެއްވި އިރު ކުންފުންޏެއްގެ އިސް މަގާމުގައި އޭނާ ހުންނެވި ކަން އެނގިގެންނެވެ. އެ މަގާމުން އޭނާ ވަކިވިކަމަށް އިކޮނޮމިކް މިނިސްޓްރީން އެންގީ އޭގެ ފަހުންނެވެ.

ރިޕޯޓް ކޮމިޓީއަށް އަނބުރާ ފޮނުވާލުމުން ކޮމިޓީން ނިންމީ މައުސޫމް އަލުން ހުވަކުރެއްވުމަށް ލަފާދިނުމަށެވެ. އެ ލަފަޔާ އެއްގޮތަށް އޭނާ ވަނީ ފަހުން ހުވާކުރައްވައިފަ އެވެ.

އެމްޑީޕީ ދިވެހި ސަރުކާރު ރައްޔިތުންގެ މަޖިލިސް ޓޫރިޒަމް މިނިސްޓަރު ޑރ. އަބްދުﷲ މައުސޫމް (ޓޫރިޒަމް މިނިސްޓަރު)

4 ކޮމެންޓް, 11 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހުސެނ

01 September 2020

ޑްރާމާ ކުޅެނީ ހަމަ... ރުހުންދީފަ ނިންމާލިނަމަ.... ހާދަ ތުއިވާ ބަޔެކޭ މި

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސުމުއްވުލް

01 September 2020

ރުހުން ދީފަ ނިންމާލިނަމަ ކީއްތަވާނީ. ތިމާމެންގެ ބާރުހުރިވަރު ދައްކަން ނަހަދާ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަރުވާލި އާދަނުގެ ސިޔާސީ ހާސަރު

31 August 2020

"ސޯލިހުންނާއި މައުސޫމް ބޭފުޅުން ހާދިމުން ގޮތުގައި ރައްްޔިތުންނަށް ހިދުމަތްކުރުން ފޯރި ގަދަ އުފާ ފާގަތި ތަހުޒީބް އާއި ތަމައްދުން މި ލޮބުވެތި ވަތަން ދެކެނީ ހިނިތުންވަމުން " މަރުހަބާ ( ޑރ.މައުސޫމް ) މަރުހަބާ ( ރައީސް އިބޫ )