ޚަބަރު / ސުޕްރީމް ކޯޓް

ސުޕްރީމް ކޯޓަށް ޑރ. މުހައްމަދު އިބްރާހިމާއި އަލީ ރަޝީދު އައްޔަން ކުރައްވައިފި

ޑރ. މުހައްމަދު އިބްރާހިމާއި އަލީ ރަޝީދު ފަނޑިޔާރު ކަމުގެ ހުވާ ކުރައްވަނީ -- ފޮޓޯ/ރައީސް އޮފީސް

މުއިއްޒު އިބްރާހިމް، މިހާރު

08 ސެޕްޓެމްބަރ 2020 - 15:50

5 comments

ސުޕްރީމް ކޯޓުގެ ފަނޑިޔާރުކަމަށް ޑރ. މުހައްމަދު އިބްރާހިިމާއި އަލީ ރަޝީދު ހުސައިން މިއަދު އައްޔަން ކުރައްވައިފި އެވެ.

އެ ކޯޓުގެ ފަނޑިޔާރުންގެ ބެންޗުން ހުސްވެފައި އޮތް ދެ މަގާމަށް ޑރ. މުހައްމަދު އިބްރާހިމާއި ކްރިމިނަލް ކޯޓު ހިންގުމާ ހަވާލުވެ ހުންނެވި ގާޒީ އަލީ ރަޝީދު އައްޔަން ކުރަން ރައްޔިތުންގެ މަޖިލީހުން މިދިޔަ އާދިއްތަ ދުވަހު ވަނީ ރުހުން ދީފަ އެވެ. އޭގެ ކުރިން އެ ބޭފުޅުންގެ ނަންފުޅާ މެދު ޖުޑީޝަލް ސާވިސް ކޮމިޝަން (ޖޭއެސްސީ) ގެ ލަފައަކަށް އެދުމުން އެ ކޮމިޝަނުން އޮތީ އެ މަގާމަށް ގާބިލް ކަމަށް ނިންމައިފަ އެވެ.

ޑރ. މުހައްމަދު އިބްރާހިމާއި އަލީ ރަޝީދު ސުޕްރީމް ކޯޓުގެ ފަނޑިޔާރު ކަމަށް އައްޔަން ކުރެއްވީ ރައީސް އޮފީހުުގައި މިއަދު ބޭއްވި ރަސްމިއްޔާތެއްގަ އެވެ. އެ ދެ ބޭފުޅުންނަށް މަގާމުގެ ހުވާ ލައި ދެއްވީ އުއްތަމަ ފަނޑިޔާރު އަހުމަދު މުއުތަސިމް އަދުނާނެވެ.

ޑރ. މުހައްމަދު އިބްރާހިމަކީ 16 އަހަރު ވަންދެން ގާނޫނީ ދާއިރާގައި މަސައްކަތް ކުރެއްވި ބޭފުޅެކެވެ. އަލީ ރަޝީދު، ޖިނާއީ ކޯޓުގެ ގާޒީ ކަމާއި ސިވިލް ކޯޓުގެ އިސް ގާޒީ ކަމާއި ޑްރަގް ކޯޓުގެ ގާޒީ ކަން ކުރެއްވި ބޭފުޅެކެވެ. އޭނާއަކީ ރައީސް އަބްދުﷲ ޔާމީންގެ މައްޗަށް ކްރިމިނަލް ކޯޓުން ޖަލު ހުކުމް އިއްވި ފަސް ފަނޑިޔާރުންގެ ބެންޗުގެ ރިޔާސަތު ބެލެހެއްޓެވި ގާޒީ އެވެ.

އެ ދެ ބޭފުޅުން ސުޕްރީމް ކޯޓަށް އައްޔަން ކުރުމާ އެކު އެ ކޯޓުގެ ބެންޗް އެއްކޮށް ހަމަވީ އެވެ.

ފަނޑިޔާރުން ސުޕްރީމް ކޯޓް ފަނޑިޔާރުން އައްޔަންކުރުން ގާޒީ އަލީ ރަޝީދު ޖުޑީޝަރީ

5 ކޮމެންޓް, 30 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޖަޒީރާމަނިކު

09 September 2020

ޔާމީނުގެ އިސްތިއުނާފު މައްސަލަ ބަލާ ނިމުނީމާ މިފަހަރުވެސް ހުކުމްކުރަން އަލީ ރަޝީދު. ދެން ތިޔަ މައްސަލާގެ ހުކުމް އަންނާނެގޮތް ވަރަށް ސާފު. ދަށުކޯޓްގައި ތިމާ ކުރިހުކުމް ރަނަގަޅުތޯ ބަލަން ހަމަތިމާ. ދެންއިންސާފުވެރިވާނެ ވަރު ހީކޮށްލާ. ދަށުކޯޓްގެހުކުމް ގޯސްކަމަށް ސްޕްރީމްކޯޓުން ނިންމައިފިނަމަ ސްޕްރީމް ކޯޓްގެ ފަނޑިޔާރުން ގެ އަގުވެއްޓުނީ. ހުކުމްކުރިމީހާ ސްޕްރީމްކޯޓްގެ ފަނޑިޔާރު ކަމުގައި ހުރީތީ އެއީގޯސް ހުކުމެއް ކަމަށް ކަނޑައެޅޭކަށްވެސްނެތް. ސުލޫކީ މައްސ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

08 September 2020

އަލީ ރަަޝީދު ލުމަކީ އެމްޑީޕީގެ ތަސައްވުރު ހަނޑިވެ ހަރާބުވާނެ ކަމެއް. އަދުލުއިންސާފު ހަރުދަނާ ކުރަން ވައުދުވެގެން އައިސް ޔާމީނަށް ހުކުމް އިއްވި ފަނޑިޔާރު ސުޕްރީމްކޯޓަށް ލުމަކީ އިތުބާރުގެއްލޭފަދަ އަމަލެއް.