މައުމޫން ފެކްޝަންގެ ޖަލްސާ ބާއްވަން އުޅުނު ސަރަހައްދު ފުލުހުން މިރޭ ބަންދުކޮށްފައި..- ފޮޓޯ: މުހައްމަދު ޝަރުހާން/ މިހާރު
28 އޮކްޓޯބަރ 2016 - 01:11
ޕީޕީއެމްގެ މައި އޮފީހަށް އެއްވެސް މީހަކަށް ނުވަދެވޭ ގޮތަށް ބަޔަކު މިރޭ ތަޅު އަޅުވައިފި އެވެ. އަދި އެ ޕާޓީގެ ނަމުގައި ނަގާފައިވާ ފޯނު ނަމްބަރުތަކުގެ ހިދުމަތް ވެސް ވަނީ ކަނޑާލައިފަ އެވެ.
ހ. ތެމާގައި ހުންނަ ޕީޕީއެމް އޮފީހުގައި އެ ޕާޓީގެ ރައީސް މައުމޫން އަބްދުލްގައްޔޫމްގެ ފެކްޝަނުން ބާއްވަން އުޅުނު ޕީޕީއެމްގެ ފަސްވަނަ އަހަރީ ދުވަހުގެ ޖަލްސާ އަށް ފުލުހުން ހުރަސް އަޅައި އެ ތަނުގައި ފޯރިމަރަމުން ދަނިކޮށް ތަޅު އެޅުވީ ސީދާ ކޮން ބައެއް ކަމެއް ނޭނގެ އެވެ.
އެކަމަކު، މަންޒަރު ދުށް ބައެއް މީހުން ބުނާ ގޮތުގައި ޕީޕީއެމްގެ ޒިންމާތައް އެ ޕާޓީގެ މުސްތަޝާރު ރައީސް އަބްދުﷲ ޔާމީނާ ހަވާލުކުރުން ރަނގަޅު ކަމަށް ސުޕްރީމް ކޯޓުން މިއަދު ނިންމި ނިންމުން ހިފައިގެން ގޮސް ތަޅު އެޅުވީ ރައީސް ޔާމީން ފެކްޝަނުގެ ތިން ބޭފުޅެކެވެ.
މައުމޫން ފެކްޝަނުގެ އޮފިޝަލަކު ވިދާޅުވީ އޮފީހުގައި ތަޅު އެޅުވީ ސުޕްރީމް ކޯޓުގެ ނިންމުން ފުލުހުންނަށް ދެއްކުމަށް ފަހު ކަމަށް މައުލޫމާތު ލިބިފައިވާ ކަމަށެވެ.
"ތަޅު އަޅުވައި ފޯނު ލައިންތައް ވެސް ކަނޑާލައިފި،" އޮފިޝަލް ވިދާޅުވި އެވެ.
ޕީޕީއެމްގައި މައުމޫން އަދާކުރައްވާ ޒިންމާތައް ކޯޓުން ވަނީ ރައީސް ޔާމީނާ ހަވާލުކޮށްފަ އެވެ. މި ނިންމުން ޕާޓީގެ އަސާސީ ގަވާއިދާ ހިލާފު ކަމަށް ވިދާޅުވެ ޕާޓީ ދޫކޮށްލައްވަން މައުމޫން ބޭނުންފުޅެއް ނުވެ އެވެ.
ޕީޕީއެމްގެ އަހަރީ ޖަލްސާ އަަށް ހުރަސް އެޅުމުން ޝީ ބިލްޑިންގުގައި ބޭއްވި ރަސްމިއްޔާތެއްގައި މައުމޫން ވަނީ ޕާޓީގެ އާއްމު މެމްބަރުންނަށް ޕާޓީ ތެރޭގައި އުފެދިފައިވާ މައްސަލަ ތަފްސީލްކޮށް ވިދާޅުވެ ދެއްވައިފަ އެވެ. އަދި ސަރުކާރު ހިންގާ ގޮތާ މެދު ފާޑުވިދާޅުވެ، ރައީސް ޔާމީނަށް ކުރައްވާ ތާއީދު ވެސް މައުމޫން މިރޭ ވަނީ އަނބުރާ ގެންދަވައިފަ އެވެ.
Copyright © 2024 Mihaaru · Terms and Conditions · Privacy Policy
ކޮމެންޓްތައް
އަލީޝާކިރު
28 October 2016
ޔާމީނު ކީއްވެތަ ތިހެން ތިހަދަނީ ޕާޓީއެއް ހަދާލާފަ ގަޓުދައްކާޅާފަ ހުޅުމާލެ ގުޅީފަޅު ތިލަފަޅު ހިއްކާލާފަ ރާއްޖޭގެ ހުރިހާ ރައްޔިތުންނައް ބިންހޯދުމައް ފުރުސަތު ދީބަލަ ވޯޓުލިބޭނެ ވާވަރައް
އަހްމދު
28 October 2016
ާތަޅު އެޅުވިމީހުންއިގޭނީ އެޅުވި ބަޔަކަށް މިއީވާބއެއް. މިކަމުންވެސް ރައްޔިތުން އިބްރަތެއްލި ހޭއަރަންވެއްޖެ. މިފަހަރުގެ ކައުންސިލް އިންތިޚާބުގައި އެކަންރައްޔިތުން ތިޔަ ޕިންކޭމަނަށް އަންގާލަދީބަލަ. ހެޔޮނުވާނެ.
ނަމެއްނެތި
28 October 2016
ޜައީސް މައުމޫންވެސް ކޯޓް އަމުރަށް ތަބަޢަ ނުވުމުބް ވާގޮތްގޮތް މީ.
ާަަާއަބްދުﷲނާފިޒު
28 October 2016
ޕޕމ އޮފީސް ޔާނުއާ ހަވާލުކުރަން ހުކުމް ކުރީ ކޮންތާކު ހުރި ކޯޓަކުންބާ!
ލޯބިވާ ކޮށްކޮ
28 October 2016
ފަހުތަޅަ ލުންގަޑުބާ؟؟ މައްސަލައަކީ ފިލުމަތަކާއި ހިލާފަށް ތަޅާލުންގަޑު ނުނިމެނީސް ޕޮލިސްއަންނާތީ.
ފަޅުވެރިން
28 October 2016
ތެޅުމެއް ނެތޭ ކޮއިފުޅާ! 85 އަހަރުގެ މުސްކުޅިއަކާއި، 57 އަހަރުގެ ޒުވާނަކާ ތަޅާނީ ކިހިނަކުން؟
ރަންރީނދޫ ޓްވިޓަރޭ
28 October 2016
57 އަހަރު ވީމާ ޒުވާނެކޭ ނުކިޔޭނެ... ކެކެކެ
ދޮންދީނި
28 October 2016
މި ވެރިކަމުގެ ފަހު ޗެޕްޓަރ އަށް އިންތިޒާރު ކުރަމެވެ..
ަަެއަާމިނާބީ
28 October 2016
އަދި ކިރިޔާ އެއްނުން ފިލްމް ގެ ފަހު ތަޅާލުން މި ފެށުނީ؟
މަވާ ސަލާމް
28 October 2016
ވަޑައިގަންނަވާ ކޮންމެ ރަށަކުން ރައްޔިތުންނާ ބައްދަލު ކޮއްފަ " ތިޔަރައްޔިތުން ތިމަން މަނިކްފާނު އަދި އެއްދައުރަށް ހޮއްވަވާ ދެއއވާފިއްޔާ " ބަލަގަ އަޅުގަނޑުމެން ނޫޅެމޭ މަނިކްފާނު ހޮއްވަވާކަށް، ކޯޓުން މަނިކްފާނާ ހަވާލުކުރަންޖެހޭނީ ވެރިކަން، އަޅުގަނޑުމެން މަނިކްފާނަށް ވޯޓެއްނުލާނަން ޝަހާދެއް
ފާނަކޮށި
28 October 2016
ނެވަރ އެންޑިންގ ސްޓޮރީއެއް......
ޝުގާ
28 October 2016
ޝީ ބިލްޑިންގު ކުށްވެރިވީ ތިޔަ، ލޮލް!!! ޙެހެހެހެ!!
އަހަންމާ
28 October 2016
ޕާޓީގެމެމްބަރުންހޮވި ޕާޓީގެރައީސް ހޯދަން މެމްބަރުންމާލެ އައުމައްގޮވާލަން މެމްބަރުން ހޮވިރައީސް ވަކިކުރުމަކީ ކޯޓައްކުރެވޭނެކަމެއްނޫން އަވަހައްމާލެއަންނައްގޮވާލަން