އެސްއޯއީ ކޮމިޓީގެ ބައްދަލުވުމެއް
25 ސެޕްޓެމްބަރ 2020 - 19:48
8 comments
ދައުލަތުގެ ކުންފުނިތަކުގައި ހިންގާ ކޮރަޕްޝަން ހުއްޓުވަން ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އިން މަސަައްކަތް ނުކުރާކަމަށް ތުހުމަތުކޮށް އެ ބޯޑްގެ މައްސަލަ ބަލަން ރައްޔިތުންގެ މަޖިލީހަށް މައްސަލައެއް ހުށަހަޅައިފި އެވެ.
ރައްޔިތުުންގެ މަޖިލީހުގެ މެދުދާއިރާގެ އެމްޑީޕީ މެމްބަރު އިބްރާހީމް ރަޝީދު (ބޮންޑޭ) މިރޭ "މިހާރު" އަށް ވިދާޅުވީ ޕީސީބީގެ ބޯޑުން މަސައްކަތް ކުރާ ގޮތް ބަލަން މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ (އެސްްއޯއީ ކޮމިޓީ)އަށް އޭނާ ހުށަހެޅުއްވީ އެބޯޑް އުފެއްދި ގާނޫނުގައި ބުނާ ގަވައިދުތައް އަދިވެސް ނުހަދާ ހުރުމުންނެވެ. އޭނާ ވިދާޅުވިގޮތުގައި އެ ގަވައިދުތައް ނުހަދައި ހުރުމަކީ ސަރުކާރުގެ ކުންފުނިތަކުގައި ކޮރަޕްޝަން ހިންގަން ހުޅުވާލާފައިވާ ދޮރެކެވެ.
"ދެހާސް ތޭރަ ވަނަ އަހަރު އެކުލަވައިލި ގާނޫނުގައި ކަންކަން ނުކޮށްގެން 19 ވަނަ މަޖިލީހުން ޕީސީބީގައި ތިބި ފަރާތްތައް ވަކިކޮށް އަލުން ބޯޑު އެކުލަވައިލީމާ އެ ބޯޑު ވެސްް މިވަނީ އިހުމާލުވެ، ގާނޫނުގައި ބުނާ ގަވައިދުތައް ހެދުމަށް ފަސްޖެހި، ސަަރުކާރުގެ ކުންފުނިތަކުގައި ކޮރަޕްްޝަނަށް ދޮރު ހުޅުވާލައިފައި،" ބޮންޑޭ ވިދާޅުވި އެވެ.
ޕީސީގެ ޒިންމާ އަދާކުރާ ވަރު ބަލަން އޭނާ ހުށަހެޅުއްވި މައްސަލައިގައި ގިނަ ކަންތައްތަކެއް މަޖިލީހުން ބަލަން އެދިވަޑައިގެންނެެވި އެވެ. އެގޮތުން އެބޯޑުން މިހައިތަނަށް ހަދާފައިވާ ގަވައިދުތައް ހަދާފައި ވަނީ ބައިނަލްއަގުވާމީ ބެސްޓްޕްރެޖްޓިސްއާ އެއްގޮތަށްތޯ ބެލުމާއި ހަދަން ޖެހޭ ގަވައިދުތަކުގެ ތެރެއިން ނުހަދާ ހުރީ ކޮންކޮން ގަވައިދުތަކެއްތޯ ބެލުން ހިމެނެ އެވެ. ޕީސީބީ އުފެއްދި ގާނޫނުގައިވާ ގޮތަށް އެބޯޑުން ސަރުކާރުގެ ކުންފުނިތައް މޮނިޓާ ކުރަމުންދޭ ތޯ ނުވަތަ ނޫންތޯ ބަލަން ވެސް އޭނާ ހުށަހެޅުއްވި މައްސަލައިގައި އެދިވަޑައިގެންނެވި އެވެ.
ޕީސީބީއަށް އާ މެމްބަރުން އައްޔަންކުރީ މި އަހަރު ކުރީކޮޅު އެވެ. އޭގެ ކުރިން ތިއްބެވި މެމްބަރުން ވަކިކުރީ އެބޭފުޅުންނަށް ރުހުން ހޯދަން ކުރީގެ ސަރުކާރުން ރައްޔިތުންގެ މަޖިލީހަށް ހުށަހަޅާފައި ނުވާތީއާއި ބޯޑުގެ ޒިންމާ އަދާ ނުކުރާ ކަމަށް މަޖިލީހަށް ގަބޫލުކުރެވިގެން، އެކަ ރައީސް އިބްރާހީމް މުހައްމަދު ސޯލިހަށް ހުށަހެޅުމުންނެވެ.
ޕީސީބީއަށް މެމްބަރުން އައްޔަން ކުރައްވާނީ ރައީސެވެ. އެކަމަކު ރައީސް އައްޔަންކުރައްވާ މެމްބަރުންނަށް ރުހުން ހޯދަން މަޖިލީހަށް ހުށަހަޅަން ޖެހެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހުސެނ
26 September 2020
ފޯރިގަޑެއެް އަރުވާލާފަ 7 ދުވަސް ތެރޭ ތި ހުރިހާކަމެއް ނިމޭނެ...ކޮބާ މިހާރު ގްރޭޓަރ މާލޭ ކަންތައް؟.... ހަމަ އަގަތަޅުވަނީ ....
ލަރޭ
26 September 2020
މިރާއްޖެއަށް ލިބުނު އާގާނޫނުއަސާސީގެ ދަށުން އުފައްދާފައިވާ މިނވަން މުއައްސަސާތައް ނުވަތަ ރެގިއުލޭޓް ބޮޑީސްތައް ފަންކްޝަން ނުކުރާތީ މިހާ ބޮޑަށް ސަރުކާރު ދޯހޮޅިވެގެން މިއުޅެނީ.
ކަންނާޑި
26 September 2020
މިނަން ކިޔާ ބޯޑެއް އޮންނަކަން އަދި މި އެނގުނީ !
މުދިމު ކަތީބު
26 September 2020
ސަރުކާރު ކުންފުނިތަކަށް ގަންނަ މުދަލާ ހިދުމަތްތައް ހޯދުމަށް އެކުލަވާލަން ޖެހޭ ޕްރޮކިއުމަންޓް ސިޔާސަތުތައް އެކުލަވާލާ މިހާތަނަށް ކުންފުނިތަކަށް ފޮނުވާފައެއްނުވޭ ބޯޑަށް އަހަރުވެގެންދާއިރު ސަރުކާރު ކުންފުނިތައް އޮތީ ވައްކަމަށް ހުޅުވާފައި . !
ފިރުމާ
25 September 2020
ދެންވަކިކޮށްފައި ރީދޫގަނޑެއްލާ މުޅި ހުރިހާމުއައްސިސާއެއް ހަލާކުކޮށްފި.
މާކުން
25 September 2020
އާސަންދައިން ރައްޔިތުންނަށް ތަފާތުކޮށް ކަންތައް ކުރާ މައްސަލަ ވެސް ބަލަން އެބަ ޖެހޭ، ބައެއް މީހުނަށް ޓްރިވަންޑްރަމް ނުވަތަ ކޮޗިން އިން ނުލިބޭ ފަރުވާ އަނެއް ބަޔަކަށް ލިބެނީ ކީއްވެގެންތޯ؟
އޮނަރަބްލް އަފީފު ދީދީ
25 September 2020
މީހާގެ ގައިގަ އުނިކަމެއް ހުއްޓަސް އޭނާ ދައްކާ ހުރިހާ ވާހަކަ ގޯސްނުވެދާނެ. # ބޮންޑާގެ މިވާހަކައަށް ތާއީދު، ދައުލަތާއި ރައްޔަށް ޙިއްސާވާ ދައުލަތުގެ ބައެއް ކުންފުނިތަކުގެ ބޯޑް ހިސޯރުކޮށް އެއީ ވަކިބައެއްގެ އާއިލާ ތަރިކައެއް ކަމަށް ހަދައިގެން ތިބި ތިބުމަށްވެސް ނިމުން ގެންނާންޖެހޭ. # މިގޮތުން ބީއެމްއެލް، މޯލްޑިވިއަން، އެމްއޭސީ ފަދަ ކުންފުނިތައް ފާހަނގަކޮށްލަން. އަދި މިފަދަބޯޑްގައި ޗެއަރމަނަކަށް އިންނަމީހާގެ މުވައްޒަފުން ސަރުކާރުންވެސް އައްޔަންކޮށްފައި އެބަތިބި.
ސީޒާ ސާކިރު
25 September 2020
ބީއެމްއެލް ދޯ؟ އައި ހޭވް ބީން ޓޯކިން އެބައުޓް ތިސް ފޯ ސޯ ލޯންގް ، ސަރ!