ރައްޔިތުންގެ މަޖިލީހުގެ ޖަލްސާއެއްގައި މެމްބަރު އިބްރާހިމް ރަޝީދު ވާހަކަ ދައްކަވަނީ.އޭނާ މިއަދު ވިދާޅުވީ ދައުލަތުގެ ކުންފުނިތައް ހުރީ ވައްކަމަށް ހުޅުވިފައި ކަމަށް---ފޮޓޯ: މަޖިލިސް
04 ނޮވެމްބަރ 2020 - 13:27
19 comments
ދައުލަތުގެ ކުންފުނިތައް އަދިވެސް ހުރީ ވައްކަމަށް ހުޅުވިފައި ކަމަށާއި އެކަން ހުއްޓުވަން ހަދަން ޖެހޭ ގަަވައިދުތައް ހުރީ ނުހަދައި ކަމަށް މާފަންނު މެދު ދާއިރާގެ އެމްޑީޕީގެ މެމްބަރު އިބްރާހީމް ރަޝީދު (ބޮންޑޭ) މިއަދު ވިދާލުވެއްޖެ އެވެ.
ސަރުކާރުގެ ފަރާތުން ކިނބިދޫ ދާއިރާގެ އެމްޑީޕީގެ މެމްބަރު މުހައްމަދު ނާޝިޒު ހުށަހެޅުއްވި އިންޝުއަރެންސާ ބެހޭ ބިލުގެ ބަހުސްގައި ބޮންޑޭ ވިދާޅުވީ، ދައުލަތުގެ ކުންފުނިތައް ރެގިއުލޭޓްކުރުމަށްޓަކައި ހަދަން ޖެހޭ ގަވައިދުތައް ނުހަަދައި ތިބޭތާ ހަތް އަަހަރު ވެފައިވާ ކަަމަށާއި ވައްކަަމަށް ދޮރު ހުޅުވިފައި އޮތީ އެހެންވެ ކަމަށެވެ. ކުންފުނިތަކުގެ ކަންތައްތައް ބަލަހައްޓަން އޮންނަ ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ) އުފެއްދި ގާނޫނުގައި ލާޒިމުކޮށްފައިވާ ގަވައިދުތައް އެ ގާނޫނަށް ޢަމަލުކުރަންވީ ފަަށާތާ ހަތަރު މަހުގެ ތެރޭގައި ހަދަން ޖެހޭ ކަމަށް ވެސް އޭނާ ވިދާޅުވި އެވެ.
ގައުމަށް ބަލާނީ. ރައްޔިތުންގެ މުދަލަށް ބަލާނީ އިއްޒަތްތެރި ރައީސް، މިމަޖިލީހުން. އެއީ އަޅުގަނޑުމެން ކުރާނެ ކަމަކީ. ޕާޓީވެގެންނެއް އަދި އަޅުގަނޑުމެން ދުލެއް ނުކުރާނަން އިއްޒަތްތެރި ރައީސް. ބްރޯ ބްރޯއަކަށް އަޅުގަނޑުމެން ޖެހިލުމެއް ނުވާނެ---ބޮންޑޭ
"ވަހީދު ވެރިކަން ނިމިއްޖެ. ޔާމީނުގެ ވެރިކަން ނިމިއްޖެ. މި ވެރިކަމުގެ ދެ އަހަރު ނިމިއްޖެ، [ގަވައިދުތައް] ނުހަދާ އަދިވެސް،" ބޮންޑޭ ވިދާޅުވި އެވެ.
އޭނާ ވިދާޅުވީ ގަވައިދުތައް ހަދަން ރައްޔިތުންގެ މަޖިލީހުގެ ސްޓޭޓް އޯންޑް އެންޓަޕްރައިޒް ކޮމިޓީ ( އެސްއޯއީ ކޮމިޓީ) އިން ތަކުރާރުކޮށް ބާރު އަޅަމުން އަންނަ ކަމަށާއި އެހެން ނަމަވެސް ގަވައިދު ނުހަދަނީ ވައްކަން ކުރަން ވެގެން ކަަމަށެވެ. އެގޮތަށް ކަންތައް ކުރަނީ ކުރިން ތިބި "ބަޣާވާތުގެ މީހުންނާއި" މިހާރުގެ މީހުންނާ އެކުވެެގެން ކަމަށް ވެސް ވިދާޅުވި އެވެ. އެގޮތަށް ކަންތައްކުރާ މީހުން މިހާރު ޖަލަށް ނުދިޔަޔަސް މިވެރިކަން ނިމުނީމާ އެބަޔަކު ޖެހޭނީ ޖަލަށްދާން ކަމަށް ވެސް ބޮންޑޭ ވިދާޅުވި އެވެ. އެކަަމާ ބެހޭ ރިޕޯޓްތައް އެކުލަވައިލައްވާނެ ކަަމަށާއި އެކަމުގައި ޕާޓީ އަށް ނުބައްލަވާނެ ކަމަށް ވެސް އޭނާ ވިދާޅުވި އެވެ.
"ގައުމަށް ބަލާނީ. ރައްޔިތުންގެ މުދަލަށް ބަލާނީ އިއްޒަތްތެރި ރައީސް، މިމަޖިލީހުން. އެއީ އަޅުގަނޑުމެން ކުރާނެ ކަމަކީ. ޕާޓީވެގެންނެއް އަދި އަޅުގަނޑުމެން ދުލެއް ނުކުރާނަން އިއްޒަތްތެރި ރައީސް. ބްރޯ ބްރޯއަކަށް އަޅުގަނޑުމެން ޖެހިލުމެއް ނުވާނެ،" ބޮންޑޭ ވިދާޅުވި އެވެ.
އޭނާ ވިދާޅުވިގޮތުގައި ވައްކަން ހުއްޓުވުމަށްޓަކައި މަޖިލީހުން ކުރަން ޖެހޭ މަސައްކަތް އެއީ މިނިސްޓަރަކަށް އަމާޒުވާ މަސައްކަތަކަށް ވިޔަސް އެ މަސައްކަތް ކުރާނެ ކަމަށެވެ. ވަކިން ހާއްސަކޮށް ވިދާޅުވީ "އެއީ ފިނޭންސް މިނިސްޓަރަށް ވިޔަސް" ނުބައްލަވާނެ ކަމަށެވެ.
ޕީސީބީގެ ބޯޑަށް އަވަހަށް ރައީސަކު އައްޔަންކުރަން ރައީސް އިބްރާހީމް މުހައްމަދު ސޯލިހަށް އޭނާ ތަކުރާރުކޮށް އިލްތިމާސް ކުރެއްވި އެވެެ. އެ ބޯޑަށް ރައީސަކު އައްޔަން ނުކޮށް ހޭދަވާ ކޮންމެ ދުވަހަކީ ވައްކަންކުރާނެ ދުވަހެއް ކަމަށް ވެސް ވިދާޅުވި އެވެ.
އެސްއޯއީ ކޮމިޓީގައި ވެސް އިންނަވާ މެމްބަރު ބޮންޑޭ މި މޭރުމުން ވާހަކަ ދެއްކެވި އިރު ދައުލަތުގެ ކުންފުނިތަކުގެ ގިނަ މައްސަަލަތަކެއް އެކޮމިޓީން ވަނީ ބަލައިފަ އެވެ. އެގޮތުން ބެލި ބެލުމުން ބައެއް ކުންފުނިތަކުގެ ބޮޑެތި މައްސަލަތައް ފެންމަތިވެފައި ވެސް ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހައްވާޅު ގޯތި
04 November 2020
ރައްޔިތުން ގެ މަޖިލީހުން ފާސްކުރާ ގާނޫނުތައް ތަންފީޒު ކުރަން މަތިކޮށްފައިވާ ފަރާތްތަކުން ތަންފީޒް ނުކުރާ މައްސަލަ ނުވަތަ އިހުމާލު މައްސަލަ އަކީ ގާނޫނީ ކުށެއް !
މޫސަ ގޯތި އާދަނު
04 November 2020
ދައުލަތުގެ ކުންފުނިތައް ހަމަމަގަށް އަޅުވަން ކެނޑިނޭޅި މަސަތްކަތް ކުރާން ޖެއެވެ ! ސާފުކޮށް ކަންހިނގާގޮތް ކެރިގެން ހާމަކުރާ މެމްބަރެއް !
ޢަހާ
04 November 2020
ސްޓެލްކޯ، ފެނަކަ، އެ މްޕީއެލް އެސްޓީއޯ، އެ މް ޓީސީސީ,، އެ މްޑަބްލިޔުއެސްސީ،، އެޗްޑީސީއަކީ ކޮރަޕްޝަން ހާލިތައް. އެތަނުގެ މުވައްޒަފުން އެތަންތަނަށް ތަކެތި ވިއްކަނީ. ސްޓެލްކޯ ތަންތަނުން ފެންނަނީ ބޭރުގެ ސަޕްލަޔަރުންއަތުން ބޮޑުއަގުގައި ތަކެތިގަނެގެން ވެރިން ކަޓްނަގަން ބޭރަށްދުވާތަން
Ali Gasim
04 November 2020
ވައްކަމަށްހުޅުވި މަގުތައް 2 އަހަރުވީއިރުވެސް ބަންދުނުކުރެވުނީމާ ތިޔަދައްކަވާ ވާހަކަތަކުގައި އިޚްލާޞްތެރިކަމެއްނެތްކަން އެނގޭ އެހެނެއްނޫން ކޮންމެދުވަހަކު ހޮޅިވާހަކަދައްކާ ހެޑްލައިން މޭކްކުރުން އެއީއަދި އެހެންކަމެއް މިސަރުކާރު ބޮޑަށް ސިފަވަނީ ވައިއަނގަތަޅާ ކަމެއް ނުކުރެވޭ ނަތީޖާ ނުނެރެވޭ ސަރުކާރެއްގެތޮތުގައި
އެހެ
04 November 2020
ޔާމީން ފެއްޓިކަމެއްވީމަ ވައްކަންވެސް ތިމަންނަމެން ކުރުން ކުރިއަށް ގެންދަނީއޭ ކިޔާނަމަ ތަންކޮޅެއް އޮޅުންފިލާނެ ރައްޔިތުންނަށް ވާނުވާ.
The މުއުތާސިމް
04 November 2020
އެސްޓިއޯގެ ތެއޮ ބޯޓު ލަންކާ ޑޮކަށް ދިއައިރު މާލޭން ދަވާދު ގަނެގެން ދިއައީ ބޮންތީގެ މީހުންނަށް ކޮވިޑް ޖެހުމުން ބޯޓުން ބާލާފަ ބޭތިއްބީ އެތަނުގަ އުޅޭ އަޒީގެ ގެސްޓް ހައުސްގަ 105 ޔޫއެސް ޑޮލަރަށް ދުވާލަކަށް ކުންފުނިން ޕޭކުރާ ގޮތަށް
ބީތާވެދާނެ
04 November 2020
މޮޅުވާހަކަ ދައްކާއިގެން މައްސޫރު ވާހިތުން އުޅޭމީހެއް ކަމައް ބެލެވެނީ ދައްކާ ވާހަކައިން ފައިދާ އެއްކުރާ ވަހަކަޔަކައްވުރެ ހުސް އަނގަ. އަމަލުން ކަންކަން ކުރެވިފަކަ ނެތް ބޮންޑޭ އަކީ ފައްކާ ބޮޑަނަ އެއް
އަރުވާލި އާދަނުގެ ސިޔާސީ ހާސަރު
04 November 2020
މިސަރުކާރަކުން ވައްކަމެއް ނުކުރާނެ. ވައްކަމަކަށް ތަރުހީބެއް ނުދޭނެ. ފައިނޭންސް މިނިސްޓްރީގެ ވެބްސައިޓް މިހާރުވެސް ދައްކާ ބޯޑު ތަކުގެ ވަނަވަރު. ބޯޑު ތަކުގައި ހުސްކޮށް ހުރި ސްލޮޓްތަށް ފެނޭ. މަދެއްނޫން. ރައީސް ފައިނޭންސް މިނިސްޓަރ އަށް ފޯނުކޮށްގެން ބަލާކަށް ނުޖެހެ ދެއްތޮ އެސްއޯއީ ތަކުގައި މެމްބަރުން ހަމަތޯ؟ ރައީސް ވަރު ވަރުން ޒިންމާދާރު ވެރިން އައްޔަކުރެއްވީމާ އެވެރިންގެ ކަމެއްދެއްތޮ ތިޔަ ކަން ކަން ރައީސް އާ ހަމައިން ނިންމުމަކީ. ދެއްތޮ
ފިރާހް
04 November 2020
ރައްޔިތުންވެސް ގޮވަނީ ހަމަތިހެން.. މިމީހުން ތަންތަނަށް ވެއްދިމީހުން ވެރިންނަށްތިބީ...ރައްޔިތުން ނުކުމެ ކަންފަތުގައި ހިފާ ނުނެރެވޭނެ..ތިބުނާ ބަޔަކު ބޭރުކޮށްބަލަ ފަލަސުރުޚީތަކާއި ޓްވީޓް ކޮށްލަކޮށްލަ ތިބެނީ...
ޒާހިރުވަހީދު
04 November 2020
ޕިސީޕި ރައިސްނެތި އެތައްމަހެއް ރީޖަނަލް އެއަރޕޯޓް ކޮމްޕެނި އެމްޑި ބޯޑްމެންބަރުންނެއް ނެތް- މޯލްޑިވިސް ގޭސް އެމްޑީ ސަސްޕެންޑުގަ 1 އަހަރު. ޜައިސް ސޯލިހު ސުލޯކަމަށް ބުނަނީ ގިނަސަބަބުތައް ހުރެގެން