ގަލޮޅު ދެކުނު ދާއިރާގެ އެމްޑީޕީގެ މެމްބަރު މީކާއިލް އަހުމަދު ނަސީމް، ކޮންޖެޝަން ޗާޖް މިވަގުތު ނަގަން އޭނާ ދެކޮޅު. --- ފޮޓޯ: ހުސެއިން ވަހީދު/ މިހާރު
18 ނޮވެމްބަރ 2020 - 14:06
18 comments
"ކޮންޖެޝަން ޗާޖް"ގެ ނަމުގައި އާ ފީއެއް ނަގަން ސަރުކާރުން ބަޖެޓްގައި ހިމަނާފައިވާ ގޮތަށް އެ ފީ މިހާރު ތައާރަފްކުރުމަކީ ޒިންމާދާރު ގޮތެއް ނޫން ކަމަށް ރައްޔިތުންގެ މަޖިލީހުގެ ގަލޮޅުދެކުނު ދާއިރާގެ އެ އެމްޑީޕީ މެމްބަރު މީކާއީލް އަހުމަދު ނަސީމް މިއަދު ވިދާޅުވެއްޖެ އެވެ.
އަންނަ އަަހަރަށް ލަފާކުރާ ދައުލަތުގެ ބަޖެޓަށް ބަހުސްކުރައްވަމުން މަޖިލީހުގެ މިއަދުގެ ޖަލްސާގައި މީކާއީލް ވިދާޅުވީ ކޮންޖެޝަން ޓެކްސް އަކީ ވެހިކަލްތަކުގެ އަދަދު މަދުކުރުމުގެ މަގުސަދުގައި ނަގާ ޓެކްސްއަކަށް ވާއިރު އެ މަގުސަދު ރާއްޖޭގައި ހާސިލުވާން ނެތް ކަމަށެވެ. އޭނާ ވިދާޅުވީ ދުނިޔޭގެ އެހެން ގައުމުތަކުގައި ކޮންޖެޝަން ޓެކްސް ނަގަނީ ޕަަބްލިކް ޓްރާންސްޕޯޓްގެ ރަނގަޅު ނިޒާމެއް ގާއިމްކުރުމަށް ފަހުގައި ކަމަށެވެ.
"މިކަންކަން ތައާރަފްކުރުމުގެ ތަރުތީބެއް ކޮންމެ ދައުލަތަކުން ވެސް ގެންގުޅޭ އެހެން ނަމަވެސް [ރާއްޖޭގައި] މިކަންކަން މި އަންނަނީ، ފަހަށް އޮންނަންވާ ކަން ކުރިއަށް، ކުރިއަށް އޮންނަންވާ ކަން ފަހަށް،" މީކާއީލް ވިދާޅުވި އެވެ.
އޭނާ ވިދާޅުވިގޮތުގައި ދައުލަތަށް އާމްދަނީ ހޯދޭނީ އޭގެ ބަދަލުގައި ޓެކްސް ނިޒާމު މިހާރަށް ވުރެ އަދުލުވެރިކޮށް އިސްލާހުކޮށްގެންނެވެ. އިންސާފުވެރި ޓެކްސް ރިފޯމަކަށް އެބަދާން ޖެހޭ ކަމަށާއި ބައެއް ޓެކްސްތައް މިހާރު ރާއްޖޭގައި ނަގަނީ އިންސާފުވެރިކޮށް ނޫން ކަމަށް ވެސް މީކާއީލް ވިދާޅުވި އެވެ. އޭގެ މިސާލެއްގެ ގޮތުގައި އޭނާ ދެއްކެވީ ޕްރޮޕަޓީ ޓެކްސްގެ ނަމުގައި ނަގާ ޓެކްސް އެވެ. އެގޮތުން އުމުރު ދުވަހު ކުރާ މަސައްކަތުން އާދައިގެ ތަނެއް ގަންނަ މީހާއާއި ބޮޑެތި ވިޔަފާރިވެރިންނާ ވެސް އެ ޓެކްސް މާފުވުމުގައި އޮންނަނީ އެއް ހަމައެއް ކަމަށް އޭނާ ވިދާޅުވި އެވެ.
"ދިވެހިރާއްްޖޭޭގެ ޓެކްސްް ރިފޯމް މިހާރަށް ވުރެ ހަރުދަނާ ގޮތެއްގައި ކުރިއަށްދާން އެބަ ޖެހޭ" އޭނާ ވިދާޅުވި އެވެ.
ސަރުކާރުން މަޖިލީހަށް ހުށަހަޅާފައިވާ އަންނަ އަހަރުގެ ބަޖެޓުގައި އަންނަ އަހަރު އާމްދަނީ ހޯދާނެ ގޮތްތަކުގެ ތެރޭގައި ކޮންޖެޝަން ޗާޖުގެ އިތުރުން ކާރު ޕާކްކުރާނެ ތަންތަން ހަދައި ޕާކިން ފީއެއް ނަގަން ވެސް ހިމަނާފައި ވެ އެވެ.
ސަރުކާރުން ހުށަހަޅާފައިވާ ގޮތަށް މަޖިލީހުން ބަޖެޓް ފާސްކޮށްފިނަމަ، މާލެ އާއި ހުޅުމާލެ އަދި ވިލިމާލޭގައި ދުއްވާ ހުރިހާ ވެހިކަލަކުން ކޮންޖެޝަން ފީ ނަގާނެ އެވެ. އެއީ އެ އުޅަނދެއްގެ އަހަރީ ފީ އާ އެއްވަރުގެ އަދަދެކެވެ. ސަރުކާރުގެ އެހުށަހެޅުމާ މެދު އާއްމުން ގެންދަނީ ނުރުހުން ފާޅުކުރަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހަނު ހުންނަ މީހާ
18 November 2020
ރައްޔިތުން އަތުން ޓެކްސްނަގާފަ ބަހައްޓާ، މިހާރުވެސް މާގިނައިން ލިބޭތީ މި އުޅެނީ އެއްއިރު ކާފަ އަނެތް އިރު ނުކައި. ސަރުކާރު ހަރަދުގަ ކައިގެން ބޮއިގެން ބޮޑުމުސާރަ ނަގާ މީހުންނަށް ޓެކްސްތައް އޯކޭވާނެ. ރައްޔިތުން ފެލުމުގަ ވޭދުވެދިޔަ ސަރުކާރެކޭ މިސަރުކާރެކޭ ތަފާތެއް ނެތް. އޯގާތެރީ އިންތިހާއަށް. ވަރަށް ވެދުން. ވޯޓްދޭންޖެހޭ ވަރު އެއްވެސް ބަޔަކު ނެތުމުން މީގެ ފަހުން ވޯޓްލާން ނުދާނަން
މުހަންމާ
18 November 2020
މައްސަލައަކީ ކަންކުރާނެ އެއްވެސް ތަޖުރިބާއެއްވެސް ނެތީ އަދި ހުސް އަނގަ ތަޅަނީ. "ރައްޔިތުމީހާ" މިހެން ކިޔަން ހަމައެކަނި އެގެނީ. ރައްޔިތުމީހާ ބޮޑުއަގުގައި ގަނެފައިވާ ވެހިކަލް ރަޖިސްޓްރީ ކުރެވޭނެ އެއްވެސް މަގެއްނެތި ހަލާކުވަމުންދަނީ. ދެން ކޮން ރައްޔިތުމީހާއެއް، ކޮބާ ޓްރާންސްޕޯޓް މިނިސްޓަރގެ ވާޖިބު؟. ދެންވެސް ތިބަލަނީ އަދިވެސް ރައްޔިތުމީހާ އަތުން އިތުރު އެއްޗެއް ނެގޭތޯ.
ގުއިދައިތަ
18 November 2020
އަގު ވެއްޓުނީމަ މެޑެލް ޖަހާލަނީ ދޯ؟
1828
18 November 2020
ސިޔާސީ ސްޓަންޓެއް މިއީ
އަލިފުޅުދެވަނަ
18 November 2020
"ކޮންޖެޝަން ޗާޖް" ގެ ނަމުހަ ފީ ނުނަގާނަމަ ހުޅުމާލެ މާލެ އަށް ބްރިޖްމަތިން ދަތުރުކުރާ މީހުން އަތުން ފީނަގާ! މުޅިރާޖޭގެ ރައިޔިތުން ހިމެނޭގޮތުން ލޯނުނަގައިގެން މާލޭގަ 400 މިލިއަނުން 800 މލިއަުން ހިންގާ ކަންކަމުން މުޅިދައުލަތް ބަގުރޫޓްވެ އެކަން މުޅިރާޖޭގެ ރައިޔިތުންނަށް ބުރައަކަށް ވެގެން ނުވާނެ. އެޚިދްމަތެއްގެ ފަސޭހަ ލިބިގަންނަބަޔަކު އެޚިދްމްތަކަށް އަގުދައްކުން އެއީ އިންސާފުން އެއްކިބާ ވަނީކަމުގަ ދެކިގެން ނުވާނެ.
އެހެ
18 November 2020
މ ރައީސް ހަދާ ކޮންމެ ދޮގަކަށް ބޮޑު އަދަދަކުން ޗާޖްކުރެވޭނަމަ ދައުލަތަށް ފުދޭވަރަކަށް ލިބޭނެ.
ޑޮކްޓާރ. ބަނާނާ
18 November 2020
މަޖިލިސްގެ މަގުސަދު ހާސިލްކުރެވޭނީ ތައުލީމާއި ތަރުބިއްޔަތު ލިބިފައި ތިބޭ ދުރު ވިސްނުން ހުރި މިފަދަ މެމްބަރުން މަޖިލިސްގައި ތިއްބަވައިގެން. ސާބަސް މީކާއިލް. ޑރ ބަނާނާ
އަލްފާ
18 November 2020
އެއުޅެނީ މަލީހުއާއި އިދިކޮޅަށް އެއްޗެއްބުނީމަ އާއްމުން ރުޅިއައީމަ ކޮންމެވެސް ގޮތަކުން އާންމުންގެ ރުހުންހޯދަން.
ބޮޑުމީހާ
18 November 2020
ރައްޔިތުން ފެލާލައިގެން އުޅޭ ސަރުކާރެއް. ސިޔާސީ މީހުންގެ މުސާރަ ކުޑަކޮށްބަލަ.
އަލި
18 November 2020
ކޮން ކޮންޖެންޝަން ފީ އެއް ނަގާކަށް. ރާއްޖޭގެ ބޮޑުބައެއް މިއުޅެނީ މާލޭގަ. މިތަން މިއޮތީ ހުރިހާ ގޮތަކުންވެސް ކޮންޖެސްޓްވެފައި. ރައްޔިތުމީހާއަށް ލިބޭ ލާރިކޮޅު އެކި ނަންނަމުގައި އަތުލުމަކީ ރައްޔިތުމީހާއަށް ދެވޭ އަނިޔާއެއް. މިހާރުވެސް އެކިއެކި ފީ ތައް ނުދެއްކި މިތިބީ ބިކަވެފައި.
މަހުޖާނު
18 November 2020
ދައުލަތާއި ރައްޔިތުންގެ ފައިސާއިން މަހުޖަނުން އެއްކޮށްފައި ހުރި މުދަލުން ވެލްތު ޓެކްސް ނަގަން ފަށާ. އެއް ބިމަށް ވުރެ ގިނަ ބިން މިލްކުވެރިކަމުގައި ހުރި މީހުން އަތުން ބިމުގެ ސައިޒަށް ބަލައި ކޮންމެ އަހަރަކު ޓެކްސްއެއް ނަގާ. އެއް ބިމަށްވުރެ ގިނަވީމައި އެއީ ވިޔަފާރި މުދާ. ލަގްޒަރީ ކާރުފަހަރާއި ސަފާރީ ފަހަރުން ވެލްތު ޓެކްސް ނަގާ. އެކައުންޓު ޑިޕޮސިޓުން ވަކި އަދަދަކަށްވުރެ މަތިއްޔާ ވެލްތު ޓެކްސް ނަގާ. ނިކަމެތިން ބަނގުރޫޓު ކުރުން ހުއްޓާލާ
އަލިފުޅުދެވަނަ
18 November 2020
ވަރަށް ތާއީދު! ޕުރޮޕަޓީ ޓެކުސް ނެގުން މާބޮޑަށްވެސް ލަސްވެއްޖެ. އެކަމކު މިކަން ކުރަން ކެރޭނެ ބަޔަކު ތިބިހެނެއް. ބިމުން އެކަނި ޓެކުސް ނެގިޔަސް ބޯހިޔާވަހިކަން ފަސޭހައިން ފޯރުކޯށް ދެވޭނެ. ބަންޑާރަ ތިން ހަތަރުބިން އެންމެމީހެއްގެނަމުގަ އޮވެގެން ނުވާނެ. ޓެކުސް ނުދައްކާގޮތަށް މީހަކަށް ދެވެންވީ ބަކިވަރެއްގެ ބިން.