ގިނަ އަދަދެއްގެ ދިވެހި ރުފިޔާތަކެއް: ދެ ލައްކަ ރުފިޔާ ނުދެއްކުމުން ޖޫރިމަނާގެ ގޮތުގައި 286 މިލިއަން ދައްކަން ކުރި ހުކުމެއް ވަނީ ބާތިލް ކޮށްފައި --- ފޮޓޯ/މިހާރު
22 ޖެނުއަރީ 2021 - 14:59
11 comments
ދެ ލައްކަ ރުފިޔާ ނުދެއްކުމުން ޖޫރިމަނާގެ ގޮތުގައި 286 މިލިއަން ރުފިޔާ ދައްކަން ކުރި ހުކުމް ހައި ކޯޓުން އިއްޔެ ބާތިލްކޮށްފި އެވެ.
ވަކި ފަރުދުންތަކެއްގެ މެދުގައި ހެދި މަދަނީ އެއްބަސްވުމެއްގެ ދަށުން ދައްކަންޖެހޭ 227،000ރ. ނުދެއްކުމުން ޖޫރިމަނާގެ ގޮތުގައި 286 މިލިއަން ރުފިޔާ ދައްކަން ސިވިލް ކޯޓުން 2016 ވަނަ އަހަރު ކުރި ހުކުމަކީ ރާއްޖޭގައި މިހާތަނަށް ޖޫރިމަނާގެ ގޮތުގައި ނަގައިދިން އެންމެ ބޮޑު އަދަދެވެ. ސިވިލް ކޯޓުން އޭރު އަންގާފައި އޮތީ އެ ފައިސާ ދެއްކުމުގެ ގޮތުން މަހަކު މަދުވެގެން 20،000ރ. ދައްކަމުން ދިއުމަށެވެ. އެގޮތަށް ދައްކާ ނަމަ، އެ ދަރަނި އަދާކުރަން 1،000 އެތައް އަހަރެއް ނަގަ އެވެ.
ޖޫރިމަނާގެ އަދަދު އެ މައްސަލާގައި އެހާ ބޮޑުވީ ފައިސާ ނުދައްކާ ހޭދަވާ ކޮންމެ ދުވަހަކަށް 80 ޕަސެންޓްގެ ރޭޓުން ޖޫރިމަނާ އަރާނެ ކަމަށް އެއްބަސްވުމުގައި އޮތުމުންނެވެ. ސިވިލް ކޯޓުން އެ މައްސަލަ ނިމުނުއިރު ފައިސާ ނުދައްކާ ހަތަރު އަހަރަށް ވުރެ ގިނަ ދުވަސް އޮތީ ވެފަ އެވެ.
ފައިސާ ދައްކަން ޖެހުނު ދެ މީހުންގެ ފަރާތުން އެ މައްސަލަ ހައި ކޯޓުގައި އިސްތިއުނާފް ކުރުމުން އެ ކޯޓުން އިއްޔެ ކުރި ހުކުމުގައިވަނީ މަދަނީ އެއްބަސްވުންތަކުގެ ދަށުން ނަގައިދޭ ޖޫރިމަނާގެ އަދަދު މާ ބޮޑުވެގެން ނުވާނެ ކަމަށެވެ. އަދި ޖޫރިމަނާ ނެގުމަކީ އިސްލާމީ ޝަރީއަތާއި ގާނޫނުތަކުން ހުއްދަކުރާ ކަމަށް ވިޔަސް، ޖޫރިމަނާގެ މިންވަރު މާ ބޮޑުވާ ނަމަ، ކޯޓުތަކުން އެ އަދަދު ދަށް ކުރެވިދާނެ ކަމަށް ބައިނަލްއަގްވާމީ ފިގުހު އެކަޑަމީގެ ގަރާރެއްގައި ބުނެފައިވާ ކަމަށް އެ ހުކުމުގައިވެ އެވެ.
ހުކުމުގައިވާ ގޮތުން އެއްބަސްވުމުގެ ދަށުން ދައްކަންޖެހޭ ޕްރިންސިޕަލް އަދަދަށް ވުރެ ޖޫރިމަނާގެ މިންވަރު ބޮޑުވެގެން ނުވާނެ އެވެ. އަދި އެއަށް ވުރެ ބޮޑު އަދަދެއް ޖޫރިމަނާގެ ގޮތުގައި ނެގޭނީ ޕްރިންސިޕަލް އަދަދު ނުދެއްކުމުން އެއަށް ވުރެ ބޮޑު ގެއްލުމެއް ލިބުނު ކަން ސާބިތުކޮށް ދެވޭ ހާލަތުގައި ކަމަށާއި މި މައްސަލާގައި ޕްރިންސިޕަލް އަދަދަށް ވުރެ އެތައް ހާސް ގުނައެއް ބޮޑު އަދަދެއް ކަމަށްވާ، 286 މިލިއަން ރުފިޔާގެ ގެއްލުން ފައިސާ ލިބެންޖެހޭ މީހާއަށް ލިބުނު ކަން ސާބިތުނުވާ ކަމަށް އެ ހުކުމުގައިވެ އެވެ.
އެ މައްސަލަ ބެލި ތިން ފަނޑިޔާރުންގެ އިއްތިފާގުން ނިންމާފައިވަނީ ޖޫރިމަނާގެ ގޮތުގައި 286 މިލިއަން ރުފިޔާ ދައްކަން އެންގި ބައި ބާތިލް ކުރުމަށެވެ. އަދި ޖޫރިމަނާގެ ގޮތުގައި އެ މައްސަލާގައި ދައްކަން ޖެހޭނީ ޕްރިންސިޕަލް އަދަދާ އެއްވަރަށް، 227،000ރ. ކަމަށާއި އެ ފައިސާ އެއް މަސް ތެރޭގައި ކޯޓަށް ދައްކަން އަންގާ ކަމަށް އެ ހުކުމުގައިވެ އެވެ.
އެ މައްސަލަ ބެއްލެވީ ފަނޑިޔާރު ޝުއައިބު ހުސައިން ޒަކަރިއްޔާ އާއި ފަނޑިޔާރު މުހައްމަދު ނިޔާޒް އަދި ފަނޑިޔާރު މުހައްމަދު ފައިސަލް އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ެޖޭމްސް
23 January 2021
ދަރަނި ނުދައްކައިގެން ކުރާ ޖޫރިމަނާ ވަކި ޢަދަދަކުން ލިމިޓުކުރިޔަސް، ފައިސާ އެއް ނުދިނުމުގެ ސަބަބުން، ގެއްލުމެއް ވެފައިވާކަން ސާބިތުކޮށްދެވޭނަމަ ބަދަލު ދޭންނުޖޭނެކަމަކަށް މި ޙުކުމުގައެއް ނުބުނޭ.. އެއާ ޚިލާފަށް ބުނެފައިވަނީ، އެފަދަ ގެއްލުން ސާބިތުކޮށްދީގެން ބަދަލު ހޯދިދާނެކަމަށް..
ޝަފީރު
23 January 2021
ދެމިލިޔަން ރުފިޔާގެ ޖޫރިމާނާއަށް 384 މިލިޔަން ހޯދައިދޭން ވަކާލާތު ކުރި މީހުން ހުކުމް ކުރާ ފަނޑިޔާރުންނަށް ބަދަލުވީމާ އެވަރު ދޭން ނޫޖެހޭކަމަށް ހުކުމްކުރަން. މީ ކޯންކަހަލަ ވިފާރިއެއްތަ އަޅެ. އެކަމަކު މަވެސް ހަމަ އެއްބަސް ޖޫރިމާނާ ގެ ބޮޑުވާނެ މިންވަރެއް އޮންނަންވާނެ.
ޝަފީރު
23 January 2021
ސަރުކާރު ކޮޅުން ދެމިލިޔަން ޖޫރިމާނާއަށް ތިންސަތޭކަ އައްޑިހި މިލިދޭން ޖެހޭކަމަށް ކުރާ ހުކުމްތައް ބަރާބަރުވެ މުޅިން އޯކޭވާނީ ކޮން ރައުޔަކުގެ ޤަރާރުތަކަކަށް.
ގޯސް
23 January 2021
ތިޔަހުކުމް ދައުލަތުން ކުންފުނިތަކަށް ބަދަލު ދޭއިރު ނުއިއްވަނީ ކީއްވެ? މިހާރުވެސް އިބުރާ އެއުޅެނީ ދައުލަތުގެ ބޮޑު އިމާރާތެއް ދައުލަތުން ނެގިޔޭ ކިޔާފަ އެތައް މިލިއަނެއްހޯދާފަ އިމާރާތްވެސް ހޯދަން. ދިވެހިން މުއްސަދިވާ އެންމެ ކުރު މަގަކީ ދައުލަތުން ބަދަލު ހޯދުން.
އައްޔުބޭގެ ކާފަ
23 January 2021
ބަލަ އައްޔުބޭ. ހުކުމް ރަނގަޅަށް ކިޔާބަލަ. ޖޫރިމަނާ އާއި ގެއްލުމުގެ ބަދަލަކީ ދޭއްޗެކެވެ.
އޮނަރަބްލް އަފީފު ދީދީ
22 January 2021
މަދަނީ ޙައްޤު ތަކުގައި އެތައްސަތޭކަ ޖީލަކަށް ދެމިގެންދާނެ ދަރަނީގެ ހުކުމް މިގޮތަށް އިއްވުމުގެ ބަދަލުގައި ދައުވާ ލިބޭމީހާ ނުވަތަ ފަރާތުގެ މިލްކިއްޔާތު ނަގާ ޙައްޤު އަދާކުރާން ޙުކުމް ނުކުރާންވީ ކީއްވެ؟ މިފަދަ ކަންކަމުގައި އަދި ދައުލަތުން ކޮށްފައިވާ ވައްކަން ތަކުގައި މުދާ ހިފައިގެން ނަމަވެސް ވަގުތުން ވަގުތަށް ޙައްޤު ޤާއިމް ކޮށްނުދޭނަމަ ޢިންސާފު ލިބުނުކަމަކަށް ބެލޭނެ ހަމައެއް ނޯންނާނެ.
އަލީލީ
22 January 2021
ބަދަލުގެ ގޮތުގަ ދައުލަތުން ދައްކަން ޖެހިފަހުންނަ ބަދަލުތަކަކީވެސް ހަމަ ތިކަހަލަ ގޮތަކައް ނިމޭކަންތައްތަކެއް. ބަދަލުދޭންޖެހޭއިރު ބަޔަކައްވީ ގެއްލުމެއްނޯވޭ ގެއްލުންލިބުނިކަމައް ދައުވާކުރާފަރާތުން ކުރި އިންވެސްޓެއްފެންނާކައްނޯވޭ.
އައްޔުބޭ
22 January 2021
ރަގަޅު، ހަމަ މިފަދައިން މަތީ ކޯޓްތަކަށް އެޕީލްނުކޮށް ބިގް ކިޔާ ކުންފުޏަކާ އެމް.އެން.ބީ.ސީ އާ މެދު ހެދި މާރކެޓިންގ އެގްރިމެންޓެއް (އެވެސް އޮޑިޓަރ ޖެނެރަލް ގެ ލަފައާ ދެކޮޅަށް) ހަދާ ވެރިކަން ބަދަލުވެ އުފެދުނު މައްސަލަ ގަނޑުގެ ތެރޭގައި 5 މިލިއަން ހޯދުމަށް ބިގުން ސިވިލް ކޯޓަށް ހުށަހަޅާ 5 މިލއަން އާއި ފައިން ގެ ގޮތުގައި ދޭން ހުކުމްކުރި 78 މިލިއަން ޓެކްސްޕޭޔަރ ބިގަށް ދޭންޖެހިގެން ނުވާނެ.
ރަދުން
22 January 2021
ބޭންތަކަށްވީމަ ކީއްވެތަ ދީން އެއްފަރާތް ތިކުރަނީ.ޕްރިންސިޕަލް އެމައުންޓްގެ 100 ގުނަވެސް ބޭންކަށް ނަގައިދޭ.މީ އިސްލާމްދީން އަށް އަމަލްކުރާ ގައުމެއްނޫން.
ރަދުންގެ އެޑްވައިޒަރ
22 January 2021
ރަހުނު ކުރެވިފައިވާނަމަ އަދަދު ތަފާތުވާނެ. ރަހުނު ކުރެވޭ އެތީގެ ވެލިއު ބޮޑު ވެދާނެ
ޝަފީރު
23 January 2021
ދެރަނުވެ. ދެން ނުކެރޭނެ ތިހެނެއް ހަދާލާކަށް . އެމީހެއްގެ އަތުގައި ނެތްވަރަށް ޖޫރިމާނާ ކުރާނަމަ އޮންނަނީ އިފްލާސް ކުރުން. އެހިސާބުން މައްސަލަ ނިމެންވާނީ. ކަމެއް ހަމަޔަށް އެޅޭނީ ހިމާޔަތެއް ހޯދާދޭނޭކަހަލަ މައްސަލައެއް ހިނގާގަތީމާ.