ވެކްސިން ޖެހުމަށް މާލެ ސަރަހައްދުގައި ގާއިމްކޮށްފައިވާ އެންމެ ބޮޑު ސެންޓަރު، ސޯޝަލް ސެންޓަރު މިއަދު ހުހަށް: ވީހާ ވެސް އަވަހަކަށް ވެކްސިން ޖެހުމަށް އެޗްއީއޯސީން ބާރުއަޅާ.-
23 ފެބުރުއަރީ 2021 - 11:17
35 comments
ކޮވިޑް-19 އިން ދިފާއުވުމަށް ރާއްޖޭގައި ވެކްސިން ޖަހަން ފެށި ފުރަތަމަ ދުވަސްކޮޅު ސެންޓަރުތައް ފުރިފައި އޮތް ނަމަވެސް ތިން ވަނަ ހަފުތާ އަށް އެޅިއިރު ވެކްސިން ޖަހާ މީހުންގެ އަދަދު ދަށްވާން ފަށައިފި އެވެ.
މި މަހުގެ 1 ވަނަ ދުވަހު ވެކްސިނޭޝަން ޕްރޮގްރާމް ފެށި ފަހުން މާލެ އާއި ހުޅުމާލެ އަދި ވިލިމާލޭގައި އެއް ދުވަހެއްގައި ވެކްސިން ޖެހި މީހުންގެ އަދަދު 5،000 އިން މައްޗަށް ވެސް އެރި އެވެ. ނަމަވެސް ތިން ވަނަ ހަފުތާ އަށް އެރި އިރު އެއް ދުވަހެއްގެ ތެރޭގައި ވެކްސިން ޖެހި މީހުންގެ އަދަދުތައް ހުރީ 3،000 ގަ އެވެ.
އެންމެ ފުރަތަމަ ވެކްސިން ޖަހަން ފެށީ ސިއްހީ ހިދުމަތްތެރިންނާއި ހައި ރިސްކު ކެޓަގަރީގައި ހިމެނޭ އުމުރުން 70 އަހަރުން މަތީގެ މީހުންނަށެވެ. އޭގެ ފަހުން އުމުރު ދަށް ކުރަމުން މިހާރު ވެކްސިން ދެމުން އަންނަނީ 30 އަހަރުން މަތީގެ މީހުންގެ އިތުރުން 18-30 އަހަރުގެ ހައި ރިސްކް މީހުންނަށެވެ. އެކަމަކު އުމުރު ދަށްކުރަން ފެށުމާއެކު ވެކްސިން ސެންޓަރުތައް ފަޅުވާން ފަށާފައި ވެ އެވެ.
ކޮވިޑް ވެކްސިން ޖަހައިދޭން ފެށި ފުރަތަމަ ދުވަސްކޮޅު، ވެކްސިން ޖަހަން ސޯޝަލް ސެންޓަރަށް ދިޔަ ބަޔަކު މަޑުކޮށްލައިގެން.
ވެކްސިން ޖެހުމަށް މާލެ ސަރަހައްދުގައި ގާއިމު ކޮށްފައިވާ އެންމެ ބޮޑު ސެންޓަރު، ސޯޝަލް ސެންޓަރުގައި މަސައްކަތްކުރާ މީހަކު ބުނީ ވެކްސިން ޖަހަން ދާ މީހުންގެ އަދަދު އާދިއްތަ ދުވަހުން ބުދަ ދުވަހާ ހަމައަށް ވަރަށް މަދުވެއްޖެ ކަމަށެވެ. އެ ސެންޓަރަށް މިހާރު އެންމެ ބާރު ބޮޑުވަނީ ބުރާސްފަތި ދުވަހު ކަމަށް އޭނާ ބުންޏެވެ.
ސޯޝަލް ސެންޓަރުގައި ގާއިމްކޮށްފައިވާ ވެކްސިނޭޝަން ސެންޓަރު އިއްޔެ ހުހަށް.-
"ވެކްސިން ޖެހީމަ ސައިޑް އިފެކްޓްސް އަންނާތީ އޮފީސްތަކުން ބޮޑަށް ބާރުއަޅަނީ ބުރާސްފަތި ދުވަހު ވެކްސިން ޖަހަން ދާން ކަމަށް އަޑުއެހީ. އޭރުން ހުކުރާއި ހޮނިހިރު ދުވަސް އެބަ ލިބޭ ރިކަވާއަށް،" އޭނާ ބުންޏެވެ.
ސައިޑް އިފެކްޓްސްގެ ގޮތުގައި ބޮލުގައި ރިއްސުމާއި ހުން އައުން އަދި ގައިގައި ރިއްސުން ފިޔަވައި މާ ބޮޑު ކަމެއް ދިމާވެފައިނުވާ ކަމަށް ހެލްތު އިމަޖެންސީ އޮޕަރޭޝަން ސެންޓަރު (އެޗްއީއޯސީ) އިން ވެސް ބުނެ އެވެ. އެހެންވެ، ވީހާ ވެސް އަވަހަކަށް ވެކްސިން ޖެހުމަށް އެ ސެންޓަރުން ބާރުއަޅަ އެވެ.
އިއްޔެ ވެކްސިން ޖެހި މީހުންގެ އަދަދު ވަނީ 3،054 އަށް ވެއްޓިފަ އެވެ. އޭގެ ކުރީ ދުވަހު، [މިދިޔަ އާދިއްތަ ދުވަސް] 3،310 މީހުން އަދި މިދިޔަ ހޮނިހިރު ދުވަހު 3،755 މީހުން ވެކްސިން ޖަހާފައި ވެ އެވެ. މިދިޔަ ބުރާސްފަތި ދުވަހު މަލެ ސަރަހައްދުން އެކަނި ވެސް 5،998 މީހުން އަދި އޭގެ ކުރީ ހަފުތާގެ ބުރާސްފަތި ދުވަހު މާލެ އާއި ހުޅުމާލެ އަދި ވިލިމާލެ އިން 4،257 މީހުން ވެކްސިން ޖަހާފައި ވެ އެވެ.
ރެއާ ހަމައަށް ގާތްގަނޑަކަށް 80،000 މީހުންނަށް ރާއްޖެ އިން ކޮވިޑު ވެކްސިން ދީފައި ވެ އެވެ. މާލެ ސަރަހައްދުން އެކަނި ވެސް 59،000 އަށް ވުރެ ގިނަ މީހުން ވެކްސިން ޖަހާފައި ވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ދާނަން
23 February 2021
ފައިޒާ ވެކުސިން ޖަހަންފެށީމަ ދާނަން
އަލީބަލީ
24 February 2021
ހަލީމާ ޖެހިޔަސް ނުދާތި
ކެކެކެ
24 February 2021
މަވެސް ދާނަން އޭރުން.
ތަމެންދޯ
23 February 2021
ތިޔާ ޖަހާ ވެކްސިން އާއި މެދު އޮތް ގެރެންޓީ އަކީ ކޮބައިތޭ ތިޔާ ވެކްސިން ޖެހި ދެ މީހުންނަށް ކޮވިޑް ޖެހުމުން އެމެން ވީ މަރޭ ތިޔާ ވެކްސިނާއި މެދު މަމެން އިތުބާރެއް ނުކުރަމޭ ފައިޒާ ވެކްސިން ގެންނާށޭ އިންޑިއާ އިން ގެނައި ވެކްސިން ގަންނަން ސަރުކާރުން ކުރި ޚަރަދު ސަރުކާރުން އެބަޖެހޭ ހާމަ ކުރަން މަމެންނަށް އެނގިފައިވާ ގޮތުގައި 100 މިލިއަން ޑޮލަރު މިހާތަނަށް ވަނީ ދައުލަތުގެ ބަޖެޓުން ޚަރަދުކޮށްފައި ވެކްސިން އިންޑިއާ އިން ގަންނަން...
ހުއްބުލް ވަތަން
23 February 2021
ދިވެހިރާއްޖެ ނޫނީ ހުރިހާ ޤަޢުމުތަކެއްގަވެސް ވެކްސިނަކީ އުއްމީދީ އެއްޗެއް. ރާއްޖޭގަ ސަރުކާރުން އެއްކޮޅުން ވިސްނަދެނީ މިއީ ހޯޕްލެސް އެއްޗެއްކަމަށް އަނެއްކޮޅުން ބުނަނީ ވެކްސިންޖަހާށޭ. ހަމައެއްނުޖެހޭ ދައްކާ ވާހަކައެއް. މިހެންވީމަ ރަށްޔިތުން އިތުބާރު ނުކުރަނީ. އިތުބާރު ހިފޭވަރުގެ ވެކްސިންއެއްގެނެސް ޖަހަން ގޮވާލަބަލަ، ކިއުގެ ކޮޅު ފެނޭތޯ....
އައްޔަ ބޮޑޭ
23 February 2021
މަވެސް ތިޔަ އެއްޗެއް ޖެހިން ހިޔެއްނުވޭ ޖެހިހެންވެސް !ފެންބޯއިރުވެސް ބައެއްފަހަރު މާއުނދަގޫ ވޭ.
ކޮވިޑް ބިޒްނަސް
23 February 2021
ރައްޔިތުން ވެކްސިންނަށް އިތުބާރު ގެއްލުނީ އެޗްޕީއޭގެ ސަބަބުން. ކޮންމެ ރެއަކު އަރާ ވެކްސިންއަކީ ހައްލެއްނޫނޭ ކިޔަންޏާ ތިޖެހުމުގެ ބޭނުމެއްނެތް! އަނެއްކާ ޖެހިޔަކަސް ލިބޭ ލުޔެއްވެސް ނެތް! ދެން ކީއްކުރަން ޖަހާއެއްޗެއް. މިހާރުވެސް ތިޖަހައިގެން ކަރަންޓީނުނުވެ ރަށްރަށަށް ދެވޭނެއޭ ބުނެފިއްޔާ ގިނަ މީހުން ޖަހާނެ! އެއިރުން ޕީސީއާރު ވިޔަފާރިއަށް ކޮށްމެސްވަރަކަށް ބުރޫއަރާނެ!
ޕުރޯޖެބް
23 February 2021
މިހާރުގަ އާޓިކަލްގަ ލިޔަން ނޭގުނީތޯ ތިވެކްސިން ޖަހައިގެން އެއްވެސް ސައިޑްއިފެކްޓް ނާނަމީހުންގިނަކަން ފާހަގަ ކުރިނަމަ ރަގަޅެެއްނު، މަވެސް ޖެހިން އެއްވެސް އުދަގުލެއް ނުވޭ ކަށިހެރިތަން ކުޑަކޮށް ރިއްސާލާކަން.
ޙަބީބު.
23 February 2021
މަޖަހާނީ ފައިޒާ ވެކް ސިން
ޣޮމަބަދި
23 February 2021
ނުލިބޭނެ އެޖަހާކަށް އާއްމު ކެޓަގަރީ އަކަށް. އެނގޭތީ މިބުނަނީ.
ބާރޯގު
23 February 2021
ވެކްސިން ޖަހާ ސެންޓަރުތައް ފަޅަށް ހުރީއޭ ކިޔައިގެން އަނގަ ނުތެޅިއްޔާ ރަނގަޅުވާނީ!!! ތިޔޮއްހަރަ ޢިއުލާނު ކުރާ ކެޓަގަރީ ތަކެއް ދޯ!! ފަހަރަކު ކެޓަގަރީއެއް އަދި އެހާ ލަހުން!! ނިކަން މިހާރުވެސް ރަޖިސްޓްރީ ކުރުމަކާ ނުލާ ސިއްހަތު ރަނގަޅު ސަމައްތަރު ހެޔޮ މީހުންގެ އާބާދީއަށް އެއްފަހަރާ ގޮވާލަބަލަ!! ތިޔަކަހަލަ ސަތޭކަ ސެންޓަރު ފުރޭކަށް އެންމެ ސިކުންތެއްވެސް ނުނަގާނެ!! މަށަށް ޔަގީން ދިވެހި އާބާދީގެ ބޮޑު އިންސައްތައަކީ ސަމައްތަރު ހެޔޮ ޒުވާނުންކަން!!
ވެކްސިން
23 February 2021
މިދުވަސްކޮޅު ވެކްސިން ޖަހައިފިނަމަ، ދެވަނަ ޖެބް ޖަހަންޖެހޭ 8 ވަރަކަށް ހަފުތާ ފަސް ފޯލްވާނީ ރޯދަމަހު ކުރީކޮޅަށް! މީވެސް ގިނަ ބަޔަކު ވިސްނާނެކަމެއް! އަނެއްކާ، ކޮވިޝީލްޑްގެ އެފިކަސީ އުޅެނީ 66 ޕަސެންޓުގައި! ސައިނޯފާމް ގެ އެފިކަސީ 85 ޕަސެންޓް އިރު އަދި އޭގެ ފަންސާސް ހާސް މިހާރުވެސް ރާއްޖޭގައި ހުރިއިރު، އެ ވައްތަރު ޖަހަން ބޭނުންވާ މީހުން ވެސް އުޅޭނެތާ؟ އަނެއްކާ ހެލްތު މިނިސްޓަރ ވިދާޅުވި ވެކްސިންގެ އެންމެ ރަނގަޅު ވައްތަރު ފައިޒާ ވެސް ރާއްޖެ ގެންނަ ވާހަކަ!
ޙަމް8
23 February 2021
ސައިނޮފާރމް ވެކްސިނަކީ މައުލޫމާތު ވެސް ނެތް ވެކްސިނެއް އަދި. ކޮން ދޮގެއް ހަދާކަށް
ފައިޒާ ގެނަޔަސް ނުލިބޭނެ
23 February 2021
ފައިޒާ ގެނައިމަ ޖަހަން ތިބި މީހުންނަށް ވަރަށް ސަލާމް. ވެކްސިނޭޝަން އަށް ކަނޑައަޅައިފަ ހުރި ޕްރޮޓޮކޯލްސް ތަކާ އެއްޗެހި އަލުން ކިޔުން އެދެން. ކަނޑުގުރުވަ ނޫނީ ނުކާން ނުތިބެ މައުލުމާތު ހޯދާ ލބިގަނޭ
ދޮންރިހަ
23 February 2021
ތިޖެހުނީ އަނެއްކާ ވެކްސިން ޖަހަން ސަރުކާރު އޮފީސްތައް އެއްމަސްދުވަހަށް ބަންދުކުރަން.. ހެނދުނު ލަހުން ހޭލެވިގެން ސައިޑްއެފެކްޓް އަންނަވަރުން އޮފީހަށް ސަލާމްބުނަންޖެހޭ ބަޔަކަށް ވެކްސިން ޖަހައިގެން ހިފަހަށްޓައެއް ނުލެވޭނެތާ..