އެޗްއީއޯސީގެ ނިއުސް ކޮންފަރެންސެއްގައި މޫސަ ބައިވެރިވެވަޑައިގަންނަވަނީ: ބަލި މީހުންގެ އިތުރުވެ، ސިއްހީ ޚިދުމަތްތެރިން ވަރުބަލި ވަމުންދާ ކަމަށް ވިދާޅުވި --- ފޮޓޯ/މިހާރު
08 މާޗް 2021 - 08:30
30 comments
ކޮވިޑް-19 އަށް ޕޮޒިޓިވްވާ މީހުންގެ އަދަދު އިތުރުވަމުންދާއިރު، ސިއްހީ ޚިދުމަތްތެރިންގެ އަދަދު މަދުވެ، އެ މީހުން ވަރުބަލި ވަމުންދާ ކަމަށް ހެލްތް އިމަޖެންސީ އޮޕަރޭޝަން ސެންޓަރު (އެޗްއޯއީސީ) އިން ރޭ ބުނެފި އެވެ.
އެޗްއޯއީސީގައި ރޭ ބޭއްވި ނޫސްވެރިންގެ ބައްދަލުވުމެއްގައި ޑރ. މޫސާ ހުސައިން ވިދާޅުވީ މިދިޔަ އަހަރު ކޮވިޑް-19 ގެ ހާލަތު އައުމާ އެކު، ބޭރުގައި ކިޔަވަން ތިބި ގިނަ އަދަދެއްގެ ސިއްހީ ޚިދުމަތްތެރިން ރާއްޖެއަށް އައިސް އެހީތެރިވަމުންދިޔަ ކަމަށެވެ. އެކަމަކު މިހާރު ގިނަ ގައުމުތަކުގެ ކޮލެޖްތަކާއި ޔުނިވާސިޓީތަކުގެ ކިޔެވުން ފެށުމާ އެކު، އެފަދަ ގިނަ ޑޮކްޓަރުން އެނބުރި ގޮސްފައި ވާތީ ސިއްހީ ޚިދުމަތްތެރިންގެ އަދަދު މަދު ވިޔަސް، ބަލި ޖެހޭ މީހުންގެ އަދަދު އިތުރުވަމުންދާތީ ޚިދުމަތްތެރިން ތިބީ ވަރުބަލި ވެފައި ކަމަށް އޭނާ ވިދާޅުވި އެވެ.
"އަޅުގަނޑުމެންނަށް މި އައި ބާޑެން. ޕޮޒިޓިވްވާ މީހުންނާއި ބަލިވާ މީހުންގެ އަދަދު ވަކި މަދެއް ނުވޭ. އެހެންވީމަ ސިއްހީ ޚިދުމަތްތެރިންނާއި އަދި މިކަމުގައި މި އުޅޭ އެހެން ބޭފުޅުން ވެސް މިހާރު ވަނީ ވަރަށް ވަރުބަލިވެފައި." މޫސަ ވިދާޅުވި އެވެ.
މޫސަ ވިދާޅުވީ ކޮވިޑް-19 އަށް ޕޮޒިޓިވްވާ މީހުންގެ ތެރެއިން އުމުރުން ދުވަސްވީ މީހުން ނޫނަސް، ބައެއް މީހުންގެ ފުއްޕާމެއިން ނިއުމޯނިއާގެ އަސަރު މިހާރަކަށް އައިސް ފެންނަމުންދާ ކަމަށެވެ. އަދި ބޮޑެތި މީހުން ވީހާ ވެސް އަވަހަކަށް އެ ވެކްސިން ޖެހުން މުހިންމު ކަމަށާއި އެ ބަލި ޖެހުމުން ކުރިމަތިވާ ބޮޑެތި ނުރައްކާތައް ވެކްސިންގެ ސަބަބުން ކުޑަވެގެންދާ ކަމަށް އޭނާ ވިދާޅުވި އެވެ.
"ހައިރިސްކް މީހުން ބޮޑަށް ސީރިއަސް ވެގެން މިދަނީ. އެކަމަކު ވެކްސިން ޖެހީމަ މި ބައި ވަރަށް ބޮޑަށް ކުޑަވެގެން އެބަދޭ." އޭނާ ވިދާޅުވި އެވެ.
އޭނާ ވިދާޅުވީ ކޮވިޑް-19 ގެ އާ ވޭރިއެންޓްތަކެއް އުފެދެމުން އަންނާނެ ކަމަށާއި އެއަށް ރައްކާތެރިކަން ލިބޭނީ ވެކްސިނުން ކަމަށެވެ. އަދި ވަރަށް އަވަހަށް ރާއްޖެއިން ވެކްސިން ލިބުމަކީ ވަރަށް ބޮޑު ނަސީބެއް ކަމަށް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ފުރަތަމަ ޤައުމު
15 March 2021
އެހެންމީހުންވެސް ވަރުބަލިވޭ އަހަރުމެންވެސް މި އުޅެނީ ތިޔަ މަސައްކަތުގަ ކަލޭމެން އެކަންޏެއް ނޫން ތިކަމުގަ މި އުޅެނީ ވަރުބަލިވާނެ އިންސާނެއްވިއްޔާ ކަލޭމެންނަށް ތިޔަ ލިބޭ އެލަވަންސްތަކެއްވެސް އަހަރުމެންނަކަށް ނުލިބޭ އަދި ނުވެސް އުޅެން ހޯދާކަށްވެސް އަހަރުމެން މިތިބީ ޤައުމީ ޚިދުމަތުގަ ޤައުމެއްގަ ވިއްޔާ ބަސްއަހާ މީހުންނާއި ބަސް ނާހާ މީހުން އުޅޭނެކަން ކަލޭމެންނަށް ނޭންގުނީތީ މަ ހަމަ ހައިރާންވެއްޖެ.
ކެރެދި ބެއްޔާ
08 March 2021
މުސަބޭ ކީއްތޯ ކުރާނީ މިކުދިން ބޯހަރުކަމުން ބޭނުންވަނީ އަބަދު ކޮފީގައިތިބުމާއި ބޭރު ތެރޭ އުޅުން.. ދެން ބޮޑުގެރި ބޭރަށް ހިންގާހެން އަބަދު މިކުދިން ތިބޭނީ ފައްސިވެފަ ނޫންތޯ. މަނިކުފާނުމެން ހުރިހާ ޑަކްތަރުން ތިޔާ ކުރާ ހިއްވަރަށް ސާބަސް !
ކަލޯގެ
08 March 2021
ޓެކްސް ދައްކާ މީހުން ވެސް ވަރުބަލި ވެއްޖެ..
ބަރުބާދު
08 March 2021
ވަރުބަލިވެފަ ތިބިމީހުން ފެނުނީމަ އެގޭނެ، އެމީހުންނަކައް ވަގުތެއްނުވާނެ މޭކަޕްކޮއްފަ ސްޕައިކްޖައްސާފަ ކެމެރާކުރިމަތީގަ ރެސްޓްމޯޑުގަ ބައިސާކަނޑަން ތިބޭކައް.
އަހަންމާ ކަލޯ.
08 March 2021
މިދިޔަ މަހުވެސް ޑިޕްލަމާ ނަރުހަކަށް ތޭވީސް ހާސް ރުފިޔާ ލިބުނުކަމަށް ވަނީ. ޑަކްޓަރެއް ވިއްޔަ ލައްކައަކުން ހަމަވާނީ. އެހެންވީމާ ވަރުބަލިވާނެ. ﷲ އައްޓަކާ ހިލޭ ސާބަހަށް ކޮށްދޭ ކަމެއްވިއްޔަ.
ބޮސްގެ ބޮސް
08 March 2021
ކީކޭ ކިޔަން ތިއުޅެނީ؟
ބަރުބާދު
08 March 2021
އޯވަރ ޓައިމް އަދި ރިސްކް އެލަވަންސް އަދި މުސާރަ ނަގާނަގާ ވަރުބައްޔެއް ނުވޭތޯ؟. މޮޅެތި ޑައިލޯގުގަ ހުސް ގޭމްޖެއްސުން ، އަދަދުތައް އިތުރުކޮއްލަންވީމަ ޓެސްޓު އިތުރުކޮއްލާފަ އަދަދު މަދުކޮއްލަންވީމަ ޓެސްޓް މަދުކޮއްލާފަ !!!!!!!!.
ދަކުތަރު
08 March 2021
އެލަވަންސް ބޮޑުކޮށްލާ އޭރުން ވަރުބަލި ފިލާނެ
ޑރ ރައްޔިތުމީހާ
08 March 2021
ރައްޔިތުން ސީރިއަސް އެއް ނޫން. ދެން ކަލޭމެން ކޮން ވަރުބައްޔެއް ވާކަށް. ރައްޔިތުން ތިބީ ގަދަކޮށް. މައިމޫނާ އާއި ނަޒްލާ އާއި ތިކިޔާ ސިއްހީ ހިދުމަތްތެރިން ހިތަށް އަރާނެ ދުވަހަކުވެސް މި ކޮމިޑް ރަނގަޅު ނުވާނެ ނަމައޭ. އެއީ އެބައިމީހުންގެ އެލަވަންސާއި، އެބައި މީހުން ޓީވީ އަށް އަރާ ދައްކާ ފޮނި ނުދެއްކޭނެތީ
އިޙްސާސް
08 March 2021
ސިއްޙީ ޙިދުމަތްތެރިން ކޮށްދެއްވާ މަސައްކަތަށް ހަމަ ސާބަސް. އެކަމަކު ތިބޭފުޅުންނަށް މުސާރަޔާ އެކި އަލަވަންސްތައް ލިބުނަސް އަހަރުމެން އާންމު ރައްޔިތުމީހުންނަކަށް ނުލިބޭ އިނގޭތޯ.
ޑރ. ނޯއިޓްއޯލް
08 March 2021
ބައެއް ނަރުހުންނާއި ލެބް ޓެކްނީޝަނުންނާއި ޖޫނިއަރ ޑޮކްޓަރުން ވަރަށް ބުރަކޮށް އުޅޭ ކަމަށް ޤަބޫލުކުރަން އެހެން ދިމާވަނީ ހިންގަން ތިބި އިސް ޑޮކްޓަރުން އެއްވެސް ކަމެއް ނުކޮށް ހިނި ގަނޑު ޖަހާ ރައްޔިތުންނަށް މަލާމާތް ކުރަން ތިބޭތީ. ހުރިހާ ކޮންސަލްޓަންޓުން ވެސް މަސައްކަތް ކުރާ ނަމަ ވަރު ބައްޔެއް ނުވާނެ. 200 މީހުން އެޑްމިޓް ކުރާ އިރަށް ވަރު ބަލިވާނަމަ އެއީ ބޮޑު ޖޯކެއް. 200 މީހުންގެ ތެރޭން އަބަދު އެޓެންޝަން ދޭންޖެހޭނީ 20 އަކަށް މީހުންނަށް.