މޫސުމަށް އަންނަ ބަދަލުތަކާ ބެހޭ ގާނޫނުގެ ބިލަށް ހިޔާލުހޯދުމުގެ ފޯރަމް ގައި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވާހަކަދައްކަވަނީ. އެމަނިކުފާނު ވިދާޅުވީ ބިން ނުހިއްކައި އެއާޕޯޓްވެސް އެޅޭނެކަމަށް. ފޮޓޯ: ރައްޔިތުންގެ މަޖިލީހުގެ އިދާރާ.
18 މާޗް 2021 - 12:53
22 comments
މޫދުގައި ދިރިއުޅެވޭނެ އެތައް ގޮތެއް މިހާރު އެބަހުރި ކަަމަށާއި ބިން ނުހިއްކައި އެއާޕޯޓު ވެސް އެޅޭނެ ކަމަށް ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު މިއަދު ވިދާޅުވެއްޖެ އެވެ.
މޫސުމަށް އަންނަ ބަދަލުތަކާ ބެހޭ ގާނޫނުގެ ބިލަށް އާއްމުންގެ ހިޔާލު ހޯދަން ރައްޔިތުންގެ މަޖިލީހުގެ އެންވަޔަރްމެންޓް އެންޑް ކްލައިމެޓް ޗޭންޖް ކޮމިޓީން، ބޭއްވި ފޯރަމްގައި އެ މަނިކުފާނު ވިދާޅުވީ މޫދުގައި ދިރިއުޅެވޭ އެތައް ޓެކްނޮލޮޖީއެއް މިހާރު އެބަހުރި ކަމަށާއި އެފަދަ ޓެކްނޮލޮޖީ އެކި ގައުމުތަކުގައި މިހާރު ބޭނުން ވެސް ކުރަމުން އަންނަ ކަމަށެވެ.
"ބަނދަރު ހެދެން ވެސް އެބަހުރި އެއްވެސް ތަނަކާ ނުބެހި. އަދި ދިރިއުޅެވެން ވެސް އެބަ އޮތް ނުހިއްކައި ފްލޯޓިން ޓެކްނޮލޮޖީ އަޅުގަނޑުމެންގެ ތެރޭގައި ވަރަަށް ކަށަވަރުކަމާ އެކީގައި މިހާރު ނުކުންނަމުން އެބަދޭ،" ރައްޔިތުންގެ މަޖިލީހުގެ އިދާރާގައި ބޭއްވި ފޯރަމްގައި ނަޝީދު ވިދާޅުވި އެވެ.
އެ މަނިކުފާނު ވިދާޅުވިގޮތުގައި، ޑެންމާކާއި ހޮލެންޑް ފަދަ ގައުމުތަކުގައި އެ ޓެކްނޮލީ ކާމިޔާބުކަމާ އެކު ބޭނުންކުރެ އެވެ. އެހެންވެ، ދިވެހިން ވެސް އެ ކަންކަން ތަޖުރިބާކުރަން ބިރުގަނެގެން ނުވާނެ ނަޝީދު ވިދާޅުވި އެވެ. ރާއްޖޭގަައި ކުރެވޭނެ ކަމަކީ ހަމަ އެކަނި ކުރިއްސުރެ އެނގޭ ކަންތައްތައް ކަމަށް ބަލައިގެން ތިބެގެން ރާއްޖެ ސަލާމަތެއް ނުކުރެވޭނެ ކަމަށް ވެސް ވިދާޅުވި އެވެ. މިހާރު ރާއްޖެ އަށް ވެފައި އޮތީ ވެސް ހިނގާ ކަމެއް އެ ހިނގާ ގޮތަކަށް ހިންގަން ތިބުމުން ވެގެން އުޅޭ ގޮތެއް ކަމަށް އެ މަނިކުފާނު ވިދާޅުވި އެވެ.
"ބިން ނުހިއްކައި، ފަރު ނުހިއްކައި އެއާޕޯޓް ވެސް އެޅެން އެބަހުރި. އަދި އެ މަަަސައްކަތް ވެސް އަޅުގަނޑުމެން އެ ދިމާލަށް މިސްރާބު ގެންދާން ޖެހޭނެ. ބިރު ގަނެގެނެއް ނުވާނެ،" ނަޝީދު ވިދާޅުވި އެވެ.
މޫސުމަށް އަންނަ ބަދަލުތަކާ ބެހޭ ގާނޫނުގެ ބިލަށް ހިޔާލުހޯދުމުގެ ފޯރަމް ގައި އެންޔަރްްމެންޓް މިނިސްޓަރު ޑރ. ހުސައިން ރަޝީދު ހަސަން ވާހަކަދައްކަވަނީ. ފޮޓޯ: ރައްޔިތުންގެ މަޖިލީހުގެ އިދާރާ.
ސަރުކާރުން މަޖިލީހަށް ހުށަހެޅި، މޫސުމަށް އަންނަ ބަދަލުތަކާ ބެހޭ ބިލް އެންވަޔަރްމެންޓް ކޮމިޓީން ދިރާސާކުރުމަށް ފަހު މިހާރު ނިންމާފައި އޮތީ ރާއްޖޭގެ "ކްލައިމެޓް އިމަޖެންސީ ގާނޫނު" ގެ ނަމަ އެ ބިލުގެ ނަން ވެސް ބަދަލުކުރާށެވެ. އެ ބިލާ ބެހޭ ގޮތުން މިއަދުގެ ފޯރަމްގައި އާއްމުން ޚިޔާލުފާޅުކުރުމުގެ ކުރިން ވާހަކަފުޅު ދައްކަވަމުން ނަޝީދު ވިދާޅުވީ ފޮސިލް ފިއުލް ނާންދައި، ގެދަބުޅި ނުފަތުރައި ވެސް ކަރަންޓް އުފެއްދެން އޮތް އިރު އެ ހަކަތަ އަށް ބަދަލުވާން ޖެހޭ ކަމަށެވެ. އެ މަނިކުފާނު ވިދާޅުވިގޮތުގައި ބިލް އަމާޒު ކުރަންވީ އެ މިސްރާބަށެވެ.
ކާބަން މަދުކޮށް ތިމާވެއްޓަށް ގެެއްލުން ކުޑަކޮށް ކުރާ މަސައްކަތްތަތަކީ އިގުތިސާދީ ގޮތުން ވެސް ބޮޑު ނަފައެއް ހޯދެން އޮތް ކަމެއް ކަމަށް ވެސް އެ މަނިކުފާނު ވިދާޅުވި އެވެ.
މިއަދުގެ ބައްދަލުވުމުގައި އެންވަޔަަރްމެންޓް މިނިސްޓަރު ޑރ. ހުސައިން ރަޝީދު ހަސަން ވިދާޅުވީ ތަރައްގީ އަށް ހުރަސް ނޭޅި ދުނިޔޭގެ ވެށި ވެސް ހަލާކުނުކޮށް ކުރިއަށް ދެވޭނެ ގޮތްތައް ހޯދަން ޖެހޭ ކަމަށެވެ. އެ ބިލުން އެކަމަށް މަގެއް ފެނުމަކީ އެންމެ އެދޭ ގޮތް ކަަމަށް ވެސް އޭނާ ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލައިލާ އަލީ
18 March 2021
ތިޔަ ބިލުގައި އޮތީ މިޤައުމުގެ ކުރިއެރުން ހުއްޓުވާނެ ކަންތައްތަކުގެ ވާހަކަ. އެއްވެސް ރިއަލިސްޓިކް މި ޤައުމުގައި ތަންފީޒު ކުރެވޭނެ ކަމެއްގެ ވާހަކަ ނެތް. ތީ ހަމަ ޚިޔާލީ ފޮލާއެއް. ތީ މަޖިލީހުގައި ސަލީމު މަވަރު މީހަކު ނެތި ރޯނު އެދުރުހެދިގެން އިނގިރޭސި ވިލާތުގެ އެއްޗެއް ކޮޕީކޮށްގެން މި ޤައުމަށް އެކަށީގެން ނުވާ ގޮތަށް ހަދާފައިވާ ތާކުން ތާކު ނުޖެހޭ ބިލެއް. 2030 އަންނަން 9 އަހަރު. ކޮން ނެޓްޒީރޯއެއް ވެވޭނީ. މި އުޅެނީ އަނގަޔާ އަތާދިމާނުވެގެން.
އޮނަރަބްލް އަފީފު ދީދީ
18 March 2021
ތިކަންކަންއިގޭތީ އެމްޑީޕީގެ ސުޕަރމެޖޯރިޓީއޮތް މަޖިލީހުން ޤާނޫނުއަސާސީއަށް ބަދަލުގެނެސް ޤއ ގައި އަމުރުކޮށްފައިވާގޮތަށް "ލާމަރުކަޒީއުސޫލުން ޤައުމުހިންގުމަށްޓަކާ" އިދާރީ ޤާނޫނީ 3 ރީޖަނަކަށް ނުވަތަ ޕްރޮވިންސރާއްޖެ ބަހާލަންޖެހޭކަމަށް މިބުނަނީ. # މިގޮތުން ތިލަދުންމަތިން ފާދިއްޕޮޅަށް ނޯތު، ކ.އަތޮޅުން(މާލެއާއި އެކު) ދާލަށް ސެންޓްރަލް، އަދި ކޮޅުމަޑުލުން އައްޑުއަށް ސަދާން ކަމުގައި ކަޑައަޅާ މަޖިލީހުގެ ގޮނޑިވެސް 3 ރީޖަނުގެމައްޗަށް ހަމަހަމައަށް ބަހާލަންޖެހޭ.
ބޯގޯސް އަފީފު ދީދީ
18 March 2021
ހޯހޯ ކޮންމެހެން ކޮޅުމަޑުލާ ހައްދުންމައްޗާ ތިޔައް ވައްދަން އުޅޭނިކަމެއް ނެތް. އަހަރުމެން ތިމީހުންގެ ވައްތަރު ދަންނަން. ދެން ތިބުނަނީ ކޮޅު މަޑުލުގަ ހުންނަމީހާ ބަލިވީމައި ދާންވީ ބޮޑު ދެކަނޑު ހުރަސްކޮށް 6 ގަޑިއިރުން ހިތަދޫއަށޭތަ؟؟؟ މާލެއަށް 3 ގަޑިއިރުން ދެވެން އޮށްވަ؟ ވަކިވެގަތުމުގެ ވިސްނުން ތިހިރީ އަފީފު ދީދީ ކައިރިން ރަނގަޅަށް އަށަގެންފަ. ކޮންމެހެން އެހެން އަތޮޅުތައް ބައިވެރިކުރާނެކަމެއް ނެތް.
ގުރައިދޫ
18 March 2021
ހެޔޮނުވާނެ. މީނައަށް ގުރައިދޫގެ ކައުންސިލަރުކަންދީފަ އެރަށށް ފޮނުވާލަ ދީފިއްޔާ ހާދަރަގަޅޭ. ރަގަޅުވާނެ އިންތިޚާބު ނުބާއްވާ މަޖިލިސްގަރާރަކުން ހަވާލުކޮށްލިޔަސް. ގުރައިދޫގަ ހުންނަންޖެހޭމީހެއް މިގޮތަށް މާލެތެރެއަށް ދޫކޮށްހުރުމުން ދިމާވާމައްސަލަތައްމިއީ
ހަސަނު1
18 March 2021
ގުރައިދޫ ކައުންސިލަރަކީ ހަމަ ހެޔޮވިސްނޭ ހެޔޮ ލަފާ މީހެއް. ތިއުޅެނީ 80 ގެ އަހަރުތަކުގަ އަދިވެސް.
ނުދައްކާ ވާހަކަ
18 March 2021
މި ކަމުން ނަޝީދަށް އެއްވެސް އަމިއްލަ މަންފާއެއް ކުރާނެ ތޯ އާއި އަދި މިސްރާބުހުރީ ކޮރަޕްޝަނާ ދިމާލަށްތޯ ވިސްނާލުން މުހިންމު. އެހާމެ އަގު ބޮޑު ޕްރޮޖެކްޓެއް، ޔާމީން ވައްކަން ކުރިއްޔާ ވަކި މިސަރުކާރުން ނުކުރާނެ ކަމަށް، މިކަންކަމަށް ނުވިސްނާ ތިއްބާ ތިމާވެށި ހިމާޔަތްކުރުމުގެ ނަމުގައި ޤައުމުގެ ޚަޒާނާ އިން ވައްކަން ކުރުމުގެ ފެހި ތިމާވެއްޓާ ރައްޓެސް، 2023 ގެ އިންތިޚާބަށް ޙަރަދު ކުރުމަށް އެކަށީގެންވާ ވަރުގެ ބޮޑު ޕްލޭނެއްބާ؟
ބޮޑުމީހާ
18 March 2021
ބަލަ ހޮލެންޑް ޑެންމާކުކަ ރައްޔިތުންނަށް ހުރި ފަސޭހަތަކާއި އިނާޔަތުގެ ވާހަކަވެސް ދައްކަންވީނުން! ސަރުކާރުތަކުން ރައްޔިތުންނަށް ދޭ ގެދޮރު، ބޭސްފަރުވާ، ސޯޝަލް ސާރވިސްގެ ވާހަކަވެސް ދައްކާ! ތިއުޅެނީ ހިއްކާފަ އޮތް ތަނެއްގަ ފްލެޓެއް ނޭޅިގެން، ކޮތަރުކޮށިން ދިވެހިން މިންޖުނުވެގެން. މަނިކްފާނު ގަޑުވަރެއްގަ އުޅުނަސް، ރައްޔިތުން އުޅޭ ހާލެއް ނޭގޭނެ
ހަސަނު1
18 March 2021
މިގައުމުގައި މިއުޅެނީ ރަށްރަށުގައި ތިމާވެށްޓަށް ގެއްލުން ނުވާގޮތަށް ގަލޯހާޖަތަށް ދާނެ ނަރުދަމާ ނިޒާމުގަނޑެއްވެސް ނޭޅިގެން. ފައިސާ ނެތިގެންނޯ. ބޭފުޅާ އެކަމަކު ތިބުނަނީ ދުނިޔޭގައި މިހާތަނަށް އެއްވެސް ގައުމަކަށް ކުރެވިފައި ނުވާކަމެއް މިވަރު ގައުމަކުން ޚަރަދު ކޮށްގެން ކުރަން؟؟! ކިހާވަރެއް ލިބޭތޯ ޑަޗް ޑޮކްލޭންޑުން.. އެމީހުންކައިރި އަހާބަލަ ދުވަހަކުވެސް އެއަރޕޯޓެއް އެޅީންތޯ؟
ރިހޭބް
18 March 2021
ހަނދުގައި ހޮޓާއަޅައި ވިޔަފާރި ކުރެވެން އެބަހުރި..ހަނދަށް މީހުން އުފުލަން ފެރީ އުޅަނދު ތައްޔާރުކުރެވެން އެބަހުރި..މިހެން ލައްކަ ވާހަކަ ދެއްކިދާނެ..ވޯޓާއި ދިމާކޮށް ލައްކަ ވާހަކަ ދައްކާފައިވެސް އެބަހުރި..ދުވަހަކު ކަމެއް ކުރިތަ..ހުސް އަނގަ ތަޅާފަހުރީ މިވީތަނަށް..ހުރިހާ ބާރެއްއޮވެ ކަމެއްނުވާ ބައެއް އެމްޑީޕީ.
މުލޭ
18 March 2021
ތިކަން އެނގޭ އަހަރެމެންނަށް.
ލައްޗޭ
18 March 2021
ދެން އަޅަންވީނު
ދިފްލީން
18 March 2021
އަނެއްކާ ކަނޑުގަ ތިއަޅާ ފްލެޓުވެސް ލިބޭނީ އެމްޑީޕީ ރައްޔިތުންނަށް ލިބިފަ ބާކީ އޮތިއްޔާ ބާ؟؟؟؟ ކައުންސިލް އިންހާބު ކުރިމަތީގަ އޮތީމަ ރައްޔިތުން ހައްދަން ހާދަ ވަރެކޭ ތިއަރުވަނީ. ބާކީ އޮތް 2 އަހަރު ތެރޭ ކަނޑާ ފަޒާގަ އެޅޭތޯ ބަލަ އެޅޭވަރަކަށް. އެޅުނު އެއްޗެއް 2023 ގަ އަންނަ ސަރުކާރުން ރޫލާތަން ދެކެން މިތިބީ.