ހައި ކޯޓް: ފެނަކައަށް 17 މިލިއަން ދެއްކުމުގައި ޝަރޫގެ ޑިރެކްޓަރުން ޒިންމާވާން ޖެހޭނެ ކަމަށް ވަނީ ހުކުމް ކޮށްފައި --- ފޮޓޯ/މިހާރު
21 މާޗް 2021 - 17:27
23 comments
ފެނަކަ ކޯޕަރޭޝަނަށް އެއް މިލިއަން ޑޮލަރު ގަތުމަށް ޝަރޫ ލޯންޗް ސާވިސް އަށް ދިން 17 މިލިއަން ރުފިޔާ އަނބުރާ ދެއްކުމުގެ ޒިންމާ އެ ކުންފުނީގެ ޑިރެކްޓަރުން ފަރުދީ ގޮތުން އުފުލަން ޖެހޭނެ ކަމަށް ހައި ކޯޓުން މިއަދު ހުކުމްކޮށްފި އެވެ.
އެއް މިލިއަން ޑޮލަރު ގަންނަން ފެނަކަ އިން ޝަރޫ އަށް 17.8 މިލިއަން ރުފިޔާ ދެއްކިޔަސް، ޝަރޫ އިން ފެނަކަ އަށް ދިން ޑޮލަރު ޗެކްތައް ވަނީ ބައުންސްވެފަ އެވެ. އެ ފައިސާ ހޯދަން ފެނަކަ އިން ސިވިލް ކޯޓުގައި ދައުވާކުރީ ޝަރޫ ކުންފުންޏާއި އެ ކުންފުނީގެ ޑިރެކްޓަރުންގެ މައްޗަށެވެ. އެ ފައިސާ އަނބުރާ ފެނަކަ އަށް ދައްކަން ޝަރޫގެ މައްޗަށް ސިވިލް ކޯޓުން 2017 ގައި ހުކުމް ކުރިޔަސް، އެ ކޯޓުން ނިންމާފައި އޮތީ ޝަރޫގެ ޑިރެކްޓަރުން އެކަމަށް ފަރުދީ ގޮތުން ޒިންމާ އުފުލަން ނުޖެހޭނެ ކަމަށެވެ.
ޝަރޫގެ ޑިރެކްޓަރުން ފަރުދީ ގޮތުން ޒިންމާ އުފުލަން ނުޖެހޭނެ ކަމަށް ކަނޑައެޅި ބައި ފެނަކަ އިން އިސްތިއުނާފު ކުރުމުން ހައި ކޯޓުން މިއަދު ކުރި ހުކުމުގައިވަނީ ކުންފުނިތަކަކީ ޑިރެކްޓަރުންނާ ވަކިން އޮންނަ ވަކި ގާނޫނީ ޝަހްސަކަށް ވިޔަސް، ކުންފުނިތައް ނިވައި ފަތްގަނޑަކަށް ބޭނުން ކޮށްގެން ކުރާ ކަންކަމަށް ޑިރެކްޓަރުން ފަރުދީ ގޮތުން ޒިންމާ ކުރުވިދާނެ ކަމަށް ކުންފުންޏާ ބެހޭ ގާނޫނުގައިވާ ކަމަށެވެ. ޝަރޫއަކީ ބޭރު ފައިސާ ގަނެ، ވިއްކުމުގެ ހުއްދަ ނެތް ކުންފުންޏަކަށް ވާއިރު، ޑޮލަރު ވިއްކުމަށްޓަކައި ފައިސާ ނެގުމަށް ފަހު، ޑޮލަރު ނުލިބި އަދި ދިވެހި ފައިސާ ވެސް އަނބުރާ ފެނަކަ އަށް ނުލިބުމުގެ ޒިންމާ އެ ކުންފުނީގެ ޑިރެކްޓަރުން ފަރުދީ ގޮތުން އުފުލަން ޖެހޭނެ ކަމަށް ހައި ކޯޓުގެ ހުކުމުގައިވެ އެވެ.
އެ ކޯޓުގެ ތިން ފަނޑިޔާރުން އިއްތިފާގުން ކުރެއްވި ހުކުމުގައިވަނީ ފެނަކަ އަށް ޝަރޫ އިން ދައްކަންޖެހޭ 17.8 މިލިއަން ރުފިޔާ ދެއްކުމުގެ ޒިންމާ ޝަރޫ ކުންފުނީގެ އިތުރުން އޭރު އެ ކުންފުނީގެ ޑިރެކްޓަރުންގެ ގޮތުގައި ތިބިި ސަބާހް އަހުމަދާއި މުހައްމަދު މުޝްތާގުގެ އިތުރުން ޝަރުމީލާ ޒުބައިރު އުފުލަން ޖެހޭނެ ކަމަށެވެ. އެހެންވެ، އެ ފައިސާ ތިން މަސް ތެރޭގައި ކޯޓަށް ދައްކަން ޝަރޫ ކުންފުންޏާއި އެ ތިން މީހުންނަށް އަންގާ ކަމަށް އެ ހުކުމުގައިވެ އެވެ.
ފެނަކައިގެ ވެރިން ވެސް ޒިންމާ ކުރުވަންޖެހޭ
އެ މައްސަލަ ބެއްލެވި ބެންޗުގައި ދެން ހިމެނިވަޑައިގަތް ފަނޑިޔާރު މުހައްމަދު ނިޔާޒްގެ ރައުޔުގައި އިތުރަށް ވިދާޅުވެފައިވަނީ ޝަރޫ އަކީ ބޭރު ފައިސާ ގަނެ، ވިއްކުމުގެ ހުއްދަ ނެތް ކުންފުންޏެއް ކަން އެނގި ތިބެ ފެނަކަ ކޯޕަރޭޝަނުން އެ ކުންފުންޏަށް ފައިސާ ދޫކުރީ ބަލަންޖެހޭ މިންވަރަށް ބެލުމެއް ނެތި ކަމަށެވެ. އެހެންވެ، އެކަމުގައި ބައިވެރިވި ފެނަކަ ކޯޕަރޭޝަންގެ އޭރުގެ ޑިރެކްޓަރުންނާއި އެކަމުގައި އުޅުނު ބަޔަކު ވެސް އޭގެ ޒިންމާ އުފުލަން ޖެހޭނެ ކަމަށް ފަނޑިޔާރު ނިޔާޒް ވިދާޅުވެފައިވެ އެވެ.
"މި ބާވަތުގެ އަމަލުތަކަށް ދެން ތިބީންނަށް އިބުރަތަކަށް ވާ ފަދަ ފިޔަވަޅުތަކެއް އެޅި، އެ ބަޔަކު ޒިންމާ ނުކުރެވި ދޫވެގެންދާ ގޮތަކަށް އޮވެއްޖެ ނަމަ މި ބާވަތުގެ ކަންކަން އަބަދުވެސް ދާނީ ދައުރުވަމުންދާ ވިޔަފާރިއަކަށެވެ. އެއީ ހުއްޓުވަން ޖެހޭ އަދި ޒިންމާ ކުރުވަންޖެހޭނެ ކަންކަމެވެ. އެހެނީ އާޚިރުގައި މިކަންކަމުގެ ހަގީގީ ގެއްލުމާއި ބުރަ ތަހައްމަލުކުރާ ބަޔަކަށް ވެގެންދާނީ ޓެކްސް ދައްކަންޖެހޭ ރައްޔިތުންނެވެ." ފަނޑިޔާރު ނިޔާޒް ލިޔުއްވާފައިވެ އެވެ.
ފަނޑިޔާރު ނިޔާޒްގެ އިތުރުން އެ މައްސަލަ ބެއްލެވި ބެންޗުގައި ދެން ތިއްބެވީ ފަނޑިޔާރު އަބްދުއްރައޫފް އިބްރާހިމާއި ފަނޑިޔާރު ޝުއައިބު ހުސައިން ޒަކަރިއްޔާ އެވެ. ރިޔާސަތު ބެލެހެއްޓެވީ ފަނޑިޔާރު ރައޫފެވެ.
ފެނަކައިގެ އިތުރުން ސްޓެލްކޯއަށް ޑޮލަރު ވިއްކުމަށް ވެސް ޝަރޫއިން ތިން މިލިއަން ރުފިޔާ އޭރު ހޯދި އެވެ. އެ ފައިސާ ވެސް އަނބުރާ ދައްކަން ސިވިލް ކޯޓުން އޭރު އޮތީ ހުކުމްކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޑރ ޝުޢައިބު
22 March 2021
މުހައްމަދު ނިޔާޒްގެ ރައުޔަށް، ދިވެހި ޤައުމަށް އެޔޮއެދޭ މީހެއްގެ ޙައިސިއްޔަތުން ސާބަސް ރައްދުކުރަން. ޤައުމަށް ގެއްލުންވާ ގޮތަށް ހިނގާ ކޮންމެ މައްސަލައެއްގައި އެތަންތަނުގެ ވެރިން ޒިންމާ ކުރުވިފައި ތިބޭއިރު އެޒިންމާ ނުއުފުލޭތީ ނުވަތަ ނުއުފުލާތީ ޚިޔާނާތާ ވައްކަން ކުރަމުން އެގެންދެނީ. މިޙުކުމަށް %100 ދެން.
އިފްރީން
22 March 2021
ދުނިޔޭގެ އެއްވެސް ގައުމެއްގައި ކޯޓު އަމުރު ޖޯކަަކަށް ހަދައި، ކޯޓަށް ގޮންޖަހާފައެއް ނޫޅެވޭ. ރާއްޖެ ފިޔަވައެވެ. ސިވިލް ކޯޓުން ކުރި ހުކުމާ އެއްގޮތަށް ފައިސާ ނުދެއްކުމުން، އަޑުއެހުމެއް ބާއްވަން މިދިޔަ ހަފުތާގައި ސިވިލް ކޯޓުން ތާވަލް ކުރި، އެކަމަކު މައްސަލަ ރައްދުވާފަރާތުން ޗިޓާވެސް ހަވާލު ނުވި، ބުނީ ތިމަންނަމެންނަކީ ކުންފުނީގެ ހިއްސާދާރުންނެއް ނޫނޭ. މިއަށްވުރެ ފާޅުކޮށް ކޯޓު ހުކުމަށް ގޮންޖެނޭނެބާ
އަޒް
22 March 2021
ކުންފުންޏާ ބެހޭ ޤާނުނު އެބަޖެހޭ ވަރުގަދަވާން އެއްވެސް ދައުރެއްގަ މިކަން ކުރާކަށް ނުކެރޭ. މީ ކީއްވެބާ؟ ވަރަށް ވާހަކަ. މިގާނުނު އޮތްގޮތައް ބާއްވައިގެން ވައްކަން މިކުރަނީ ދެން ކުންފުނިތައް މިހަދަނީ ހެޓަކަށް ކުރާކަމަކީ ވައްކަން އެން ބޮޑެތި ކޮރަޕްޝަން ހުރިހާ މިނިސްޓަރުން ، މަޖިލިސް މެމްބަރުން ސީޔާސީ އެންމެން މިކުޅިގަ ޓެކްޕޭކުރާ ރައްޔިތުން ހަމަ ވޯޓު ދީފަ މިމީހުން ގެ ވައްކަން ކުރީމަ ލާރިދައްކަން . ރީތި ގޮތުގަ ވައްކަމާއި ކޮރަޕްޝަަން ހިންގޭނެ މަގެއް މީ
ތުނިޔަ
22 March 2021
ބަލަތިމީހުން ޖަލައްލާކަށްނުޖެހޭތަ އެއީވެސް ވައްކަމެއްނުންތަ ވަކިމީހަކުތަޖަލަށްލާންޖެެހެނީ އިންސާފުކޮބައިތޯ މީހަމަސަދޫމުގެފަޑިޔާރުންގެ ގޮތް ފަޑިޔާރުން ވިސްނަންޖެހޭނެ ހިސާބުބައްލަވާދުވަހެއްވާކަމާ ނަރަކަޔާ ސުވަރުގެ ވާކަން
ޢަދުލު
22 March 2021
ބުއްދިޤަބޫލުކުރެވޭ، އަދި ފިލާވަޅަކަށްވާވަރުގެ އިންސާފުވެރި ނިންމުމެއް.
ރަމީޒް
22 March 2021
ތިޔަ ކުންފުނީގެ ޝަރުމީލާ މިހާރުވެސް އޭރުވެސް ހުންނެވީ ރައީސް ޔާމީންގެ ފަހަތުގައި އަތުކުރި އޮޅާލައިގެން ، މިހާރުވެސް ރައީސް ޔާމީން ދޫކުރުމަށް ގޮވަމުންދާ ފަރާތެއްގެ މަޖުލިސް ކެންޕޭންގައި ރަށު މީހުންނަށް ގުޅައިގެން ވޯޓް ހޯދުމަށް މަސައްކަތްކޮށް މިހާރުވެސް އާދޭސްކުރަމުންދަނީ ވޯޓް ހޯދުމަށް ، ލަޑަޔާއި ވާނީ ލަޑަޔާއޭ ބުނަނީ މިހެންވެގެންތާ ، ރަގަޅަށް ވިއްޔާ މުޅި އާއިލާ އޮންނާނީ ރައީސް ޔާމީންގެ ފަހަތަށް ވައްދާފައި ..
ސޮބާ މުސްތާގު
22 March 2021
މި ބުނީ މި ޑިރެކްޓަރުންގެ މީސްމީހުން މާލޭ މަގުމަތީގަ ހަމަ ހަބޭހަށް ވިޔާފާރި ކުރުމުގަ އަތް އަނބުރާފަ މިހާރުވެސް ހަމަ އުޅެމުން އެދަނީ! ކީކޭ އަޅެ ފަހެ ބުނާނީ! އެކަމުގަ އެމްސީބީ ގެ ހުރި ވަރަށް ސީނިޔަރު ދިވެއްސެއްގެ ކެރިޔަރުވެސް އެ ސޮރު ބޮލަށް އެރިގެން ލޯންޗު ދުއްވަން ދީގެން ވަނީ ހަލާކު ކޮށްލާފަ ކަމަށް ވަނީ! މި ފަދަ މީސްމީހުން ހައްޔަރު ނުކުރެވިގެން އުޅެނީ ކީއްވެހޭ މި ބުނީ އެނގިއްޖެ!
ޑީޖޭ އައްޔަ
22 March 2021
އެ ސޮރުވެސް މީސްމީހުންނަށް ލަނޑުދީގެން މައްސަލަތައް ކޯޓުގަ، އެމް.ޑީ.ޕީ މާރިޔާގެ ކޮއްކޮއަކަށް ވީމަ ހިޔެއްނުވޭ ކަމެއްވާނެހެން. އަހަރުމެން ނިކަމެތިންނަމަ ތިބޭނީ ޖަލުގަ.
ނަޝީދު.
22 March 2021
އޭރުން ކުންފުނީގެ ގާނޫނުގެ ފުރަތަމަ މާއްދާއާވެސް ހިލާފުވީދެއްތޯ. ކުންފުނި ނުވިދެއްތޯ ވަކި ޝަހުސަކަށް؟ ކުންފުނި ހިންގުމާ ހަވާލުވެ ހުރި މެނޭޖިން ޑިރެކްޓަރު ޒިންމާ ކުރުވުން ބުއްދި ގަބޫލުކުރޭ. އެކަމަކު ހުރިހާ ހިއްސާދާރުން އެއަށް ޒިންމާވާންޖެހެއޭ ބުނީމަ މުޅި ކުންފުނި ގާނޫނު އޮވާލުން ކަހަލަ ދެއްތޯ ...
އަޒް
22 March 2021
މީގަ އޮތީ ޑިރެކަޓަރުން ޒިންމާދާރުވާން ޖެހޭ ކަމަށް ހިއްސާ ދާރުންނެއްނޫ. އެމީހުން އަމިއްލަޔަށް ޑިރެކަޓަރުކަމުގެ ޒިންމާ ނަގާނަމަ އެފަދަ ކަންތައްތަށް ޒިންމާ ވާންޖެހޭނެ. ވީމާ ކުންފުނި އަކީ ވަކި ޝަހުސެއް އަދި އެތާގަ ޑިރެކްޓަރުންނަކީ އެމަސައްކަތް ކުރާ އަދި ޒިންމާ އުފުލާ މީހުންނަކީ.
އައްޔަ ބޮޑޭ
21 March 2021
ބޭރުފައިސާ ގަނެވިއްކުމުގެ ހުއްދަ ނެތް ބަޔަކައް ބޭރުފައިސާ ގަންނަން ރުފިޔާ ދިނީ ހަމަހޭގަ ތިބެގެންތޯ ވެސްބަލަންޖެހޭ,
ފަހުމީލޯޔަރު
21 March 2021
އަހަރެން ދަންނަ ބައެއް، ފަރީދީ މަގުގައި ހުރި ރެސްޓޯރަންޓެއް ވިއްކާލީ ހިސާބުތައް އޮޅުވާލާފައި. ގަތް ފަރާތުން ކޯޓަށް ދިޔައީމަ، ކޯޓުން ހުކުމް ކުރީ މަކަރާ ހީލަތުން ރެސްޓޯރަންޓް ވިއްކާލިކަމަށާއި، މަކަރު ހަދައިގެން ހޯދި ފައިސާ އަނބުރާ ދިނުމަށް. އެމީހުން ފައިސާއެއް ނުދިން. ކޯޓު އަމުރު ހެދީ ޖޯކަކަށް. މިހާރު ކޯޓުން ގުޅީމާ ޗިޓާވެސް ހަވާލު ނުވޭ، ބުނީ ތިމަންނަމެންނަކީ މިހާރު އެކުންފުނީގެ ހިއްސާދާރުންނެއް ނޫނޭ. ކޯޓު ހުކުމް ޖޯކަކަށް ހެދީމަވެސް އަދަބުނުދޭ