22 މާޗް 2021 - 07:51
ފަނަރަ ވަނަ ގަރުނުގައި ޗައިނާގައި ގެންގުޅުނު ބޯތައްޓެއް ބައި މިލިއަން ޑޮލަރަށް ވިއްކައިލަން ނީލަމަކަށްލުމުން އެއަށް ވުރެ މާ ބޮޑު އަގަކަށް ވިކިއްޖެ އެވެ.
އެމެރިކާގެ ކަނެކްޓިކްގައި މިދިޔަ އަހަރު ބޭއްވި މަގުމަތީ ބާޒާރެއްގައި މީހަކު 35 ޑޮލަރު ދީފައި ގަތް ބޯތަށި ސޮދަބީޒް އޮކްޝަނުން ނީލަމުގައި ވިއްކައިލަން ހުޅުވާލީ 500،000 ޑޮލަރަށް ނަމަވެސް އެއަށް ވަނީ 721،800 ޑޮލަރު ލިބިފަ އެވެ.
ބޯތަށި ވިއްކާލީ ސޮދަބީޒް އިން އިންތިޒާމުކޮށްގެން މި މަހުގެ 17 ގައި ނިއު ޔޯކްގައި "އޭޝިއާ ވީކް" ނީލަމުގަ އެވެ.
އުންމީދު ނުކުރާ ވަރުގެ ބޮޑު އަގެއް ބޯތައްޓަށް ލިބުމާ ގުޅިގެން އެއާ ބެހޭ މައުލޫމާތު ހޯދުމުގައި އިސް ދައުރެއް އަދާކުރެއްވި ޗައިނީޒް އާޓް ޑިޕާޓްމަންޓްގެ ހެޑް އެންޖެލާ މެކެޓީރް ވިދާޅުވީ މިކަމުން ދައްކުވައި ދެނީ ތާރީހީ ގަދީމީ އެއްޗިއްސަށް މިހާރު ވެސް މީހުންގެ ސަމާލުކަންދޭ މިންވަރު ކަމަށެވެ.
#AuctionUpdate: The discovery of a lifetime: moments ago in our NY salesroom, a Ming dynasty, Yongle period exceptional & rare blue and white 'floral' bowl, originally purchased for $35 at a Connecticut yard sale last year, reached $721,800 - surpassing its $500,000 high estimate pic.twitter.com/nxBl2VLYQU
— Sotheby's (@Sothebys) March 17, 2021
"މިއިން ދައްކުވައި ދެނީ ތާރީހީ އެއްޗެހީގެ އަގުހުރި ކަމަށާއ އެފަދަ އެެއްޗެހި ކުރިއަށް ޖީލުތަކާ ހަމައަށް ގެންދަން ރައްކާތެރިކޮށް ހިމާޔަތް ވެސް ކުރަން މީހުން އަދިވެސް ހާއްސަ ސަމާލުކަން ބަހައްޓާކަން،" އެންޖެލާ ވިދާޅުވި އެވެ.
ބޭރާއި އެތެރޭގައި ގަދަ ނުލާއި ކަޅު ކުލައިގެ ކުރެހުންތަކެއް ހިމެނޭ ހުދު ކުލައިގެ ބޯތައްޓާ ބެހޭ މައުލޫމާތު އެއްކުރި މީހުން ބުނެފައިވާ ގޮތުގައި މިހާރު ދުނިޔޭގައި އޮތީ އޭގެ ހަތަރު ތައްޓެވެ. އަދި އެ ތަކެތި ހުރީ ހާއްސަ ތަންތަނުގައި ރައްކާކުރެވިފަ އެވެ.
އޭގެ ތެރޭގައި ޓައިޕޭގެ ނެޝަނަލް ޕެލަސް މިއުޒިއަމާއި ބްރިޓިޝް މިއުޒިއަމް އަދި ލަންޑަންގެ ވިކްޓޯރިއާ އެންޑް އަލްބަޓް މިއުޒިއަމް ހިމެނެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
