ހިއުމަން ރައިޓްސް ކޮމިޝަންގެ މެންބަރުން: ރޭޕް މައްސަލަ ދައުލަތުން މޮނީޓާ ކުރާގޮތް ބަލާނެ ކަމަށް ބުނި--ފޮޓޯ/އެޗްއާރްސީއެމް
26 މާޗް 2021 - 19:49
14 comments
އުތުރުގެ ރަށެއްގައި އުމުރުން 18 އަހަރު ނުފުރޭ ކުއްޖަކު ރޭޕްކުރި ކަމަށް ތުހުމަތު ކުރެވޭ މައްސަލަ، ދައުލަތުގެ މުއައްސަސާތަކުން ތަހުގީގު ކުރަމުންދާ ގޮތް، ހިއުމަން ރައިޓްސް ކޮމިޝަން (އެޗްއާރުސީއެމް) އިން ބަލަމުންދާނެ ކަމަށް އެ ކޮމިޝަނުން މިއަދު ބުނެފި އެވެ.
އާއިލާ އިން ތުހުމަތުކުރާ ގޮތުގައި، ގްރޭޑް އަށެއްގައި ކިޔަވަމުންދާ ކުއްޖާ ރޭޕް ކުރީ، އެ ރަށު ސްކޫލުގެ ޓީޗަރެކެވެ. އެކަން ކުރީ ސްކޫލު ކައިރީގައި ހުންނަ ގެސްޓް ހައުސްއަކަށް ގެންގޮސްގެން ކަމަށާއި އެ ވާހަކަ ބުނެފި ނަމަ މަރައިލާ ނެކަމުގެ އިންޒާރު ވެސް ދިން ކަމަށް އާއިލާ އިން ތުހުމަތު ކުރެ އެވެ.
މި މައްސަލައާ ގުޅިގެން މިހާތަނަށް މީހަކު އަދި ހައްޔަރެއް ނުކުރެ އެވެ. ފުލުހުން ބުނާ ގޮތުން، މީހަކު ހައްޔަރު ކުރެވޭ ވަރަށް އެކަމާ ގުޅޭ ހެއްކެއް އަދިއެއް ނުލިބެ އެވެ.
އެޗްއާރުސީއެމުން މިއަދު ބުނީ މި މައްސަލައިގައި ދައުލަތުގެ މުއަައްސަސާތަކުން މަސައްކަތް ކުރަމުންދާ ގޮތް އެ ކޮމިޝަނުން ބެލުމަށްޓަކައި، އެކަމާ ގުޅުން ހުރި މައުލޫމާތު ހޯދައި، މޮނީޓާ ކުރަމުންދާ ކަމަށެވެ.
ކޮމިޝަނުން އެތަނުން ދެކޭ ގޮތުގައި، މި ފަދަ ހާދިސާތައް ހުއްޓުވުމަށް، އިޖުތިމާއީ ރައްކާތެރިކަމުގެ ނިޒާމު ހަރަދަނާ ކުރަން ޖެހެ އެވެ. އެއާއެކު ދައުލަތުގެ މުއައްސަސާތަކުން، ގާނޫނާއި ގަވާއިދާ އެއްގޮތަށް އަމަލުކުރަމުން ގެންދިއުމަކީ މުހިންމު ކަމެއް ކަމަށް ވެސް ބުންޏެވެ.
އެޗްއާރުސީއެމުން ބުނީ އެކަމާ ގުޅޭގޮތުން ނިޒާމަށް ގެންނަންޖެހޭ ބަދަލުތައް ދެނެގަނެ، އެ ބަދަލުތައް އެންމެ އަވަހަށް ގެނައުމަށް، ދައުލަތުގެ މުއައްސަސާތަކަށް ލަފާދީ އެކަންކަން ތަންފީޒު ވަމުންދާ މިންވަރު ދެނެގަތުމަށް މަސައްކަތް ކުރާނެ ކަމަށެވެ.
ރޭޕްގެ މައްސަލައިގައި މިހާތަނަށް މީހަކު ހައްޔަރު ނުކުރާތީ، މަޑުއްވަރީގައި އިއްޔެ ވަނީ ބަޔަކު މުޒާހަރާ ކޮށްފަ އެވެ. އެ މުޒާހަރާގެ ތެރެއިން، ފުލުހުންނަށާއި އެ ރަށުގައި ހުންނަ ޕޮލިސް ސްޓޭޝަންގެ ތަކެއްޗަށް ގެއްލުން ދިން ކަމަށް ބުނެ ދިހަ މީހަކު ވަނީ ހައްޔަރުކޮށްފަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޙަޤީޤާ
31 March 2021
ޙަޤީޤަތަކީ އެރަށުގައި ހަމަނުޖެހުން ހިންގާފާއިވަނީ ރޭޕް ކޭސްއާ ގުޅިގެންނޫންކަމެވެ. އެއީ މަސްތުވާތަކެތީގެ ބޮޑުންތަކެއް ރެޑްހޭންޑުކޮށް އަތުލައިގަތުމުން އެކޭސްއާ ގުޅުވައިގެން ހަމަނުޖެހުން ހިންގީކަމެވެ. ރޭޕް ކޭސްއާ އެއްވެސް ގުޅުމެއްނެތް މަސްތުވާތަކެތި ވިއްކާ ވިޔަފާރުިކުރާ ބޮޑުންތަކެއް ޕޮލިސް ސްޓޭޝަނަށް ރޭޕްކޭސްގެ މަޢުލޫމާތު ހޯދަންށޭކަމަށްބުނެ ދިޔުމުންވެސް ސުވާލު އުފެދެވެ. ސަބަބަކީ ފުލުހުން ދިޔައީ ކުއްޖާގެ ޢާއިލާއަށް ކޭސްގެ އަޕްޑޭޓް ދެމުން ކަމަށްވާތީއވ
ޝިޔާމް
27 March 2021
މިކަހަލަ ކިތައް ކޭސް މޮނިޓާރ ކޮއްފި؟؟؟
ބުންޏޭ ބުންޏޭ ބުނަން ބަޔަކު
27 March 2021
ބަލަތޯ ބަލަންބަޔަކު މުސާރަ ނަގައިތޯ ބަލަން ބަޔަކު
ޙަބީބު.
26 March 2021
ތިންއަހަރު ވާއިރު އަދިވެސް ނުބެލޭތަ މަށައް ފެނޭ މޮނިޓަރ ކުރާގޮތް ސަރުކާރު ބޮޑެއްވިއްޔާ ދަނީ ވަލުދޮރުން ފުރައިގެން ހޯމްމިނިސްޓަރު ބުނަނީ އެއީ އާންމުތާކުވެސް ހިނގާފާނެ އާދައިގެ ކަމެކޭ ނޫސްވެރިން މާކަންތައް ބޮޑުކުރަނީ މީނުންތަ ވާގޮތް
ގުއްބުއްދީން ޙިކްމަތްޔާރް
26 March 2021
ތީ މިހާރުންމިހާރަށް އުވާލަންޖެހޭތަނެއް.
ނުހާދު
26 March 2021
ފުރަތަމަ މުވައްޒަފުންގެ ހައްގުތައް
ދޮންފުތުކުޑޭ
26 March 2021
ފުލުހުން ބުނާ ގޮތުން، މީހަކު ހައްޔަރު ކުރެވޭ ވަރަށް އެކަމާ ގުޅޭ ހެއްކެއް އަދިއެއް ނުލިބެ އެވެ. ހެކިފެންނާނެ ދުވަސް އަންނާނެ. އެދުވަހުން ނުބުނެވޭނެ ނުލިބެއޭ ނުފެނެއޭ
ކޮރަލް
26 March 2021
ބަލަން ނުހުރެ އެކުއްޖާ އާ ބައްދަލު ކޮށް ކަން ވީގޮތް ބަލާލަ ބަލާށެވެ. މުސާރަ ލިބެނީ ރައްޔިތުން ގެ ޓެކްސް ފައިސާ އިންނެވެ. ދެން .....
ވިލާދު
26 March 2021
އަލީވަހީދު މައްސަލައިގައިވެސް ބަޔަކު ބުނި ފާރަލާ ބެލުމޭއޮތީ..އެޗްއާރސީއެމްއިން ތިޔަށް ވުރެ ރަނގަޅުވާނެ އެއްޗެއް ނުބުނެ ތިބުންވެސް..ރައްޔިތުންވެސް ދަނީ މޮނީޓަރ ކުރަމުން.
އައްޑޫ މީހާ
27 March 2021
ވަފީފާއާ ބެހޭ ޤާނޫނައި ޚިލާފަށް ރިސޯޓްތަކުން މުވައްޒަފުން ކަނޑަމުންޑާއިރު އެޗްއާރުސީއެމްއިން ހަނު ހުންނަނީ. ވިޔަވާރި ވެރިން އަތްދޮށުވެފަ އޮތްތަނެއް ތީ
ނަދާއިބްރާހިމް
26 March 2021
އެޗްއާރުސީއެމާ ޗިލްޑްރަންސް އޮމްބަޑްސްޕަރސަންގެ އޮފީހުގެ ދައުރު އޮޅޭ ވަރުވެއްޖެ. ޢެއް ކަމަކަށް ދެ އޮފީސް ހަދައިގެން ދައުލަތުގެ ފައިސާ އިސްރާފުކުރަނީ ޑo
ވަގުތުންވަގުތަށް
27 March 2021
މި ދެ އޮފީހުން އެއް މަސައްކަތެއްކުރަންޏާ އުވާލަންޖެހޭ