މާލެ- މާޗް 14، 2021: ކޮވިޑް ވެކްސިން ޖަހަން ސޯޝަލް ސެންޓަރު ބޭރުގައި މިއަދު ހެނދުނު އެތައް ސަތޭކަ ބަޔަކު ކިއޫގައި، ވެކްސިންގެ ފުރަތަމަ ޑޯޒް އާންމުކޮށް ޖަހައިދިނުން މާދަމާ ހުއްޓާލާތީ މިއަދުވެސް ވެކްސިން ސެންޓަރުތަކަށް ބާރު ބޮޑުވެ އެތައް ސަތޭކަ ބަަޔަކާ އެކު ކިއޫތައް ވަނީ ދަމާލާފައި--. ފޮޓޯ:ނިޝާން އަލީ/މިހާރު
27 މާޗް 2021 - 23:52
10 comments
ރާއްޖޭގައި ކޮންމެ ދުވަހަކު އަލަށް ކޮވިޑް ޖެހޭ މީހުންގެ އަދަދު މަދު ނުވެ، މިދިޔަ 24 ގަޑިއިރުގެ ތެރޭގައި ވެސް 100 އަށް ވުރެ މަތިން އެ ބައްޔަށް މީހުން ޕޮޒިޓިވްވެއްޖެ އެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން މިރޭ އާއްމުކުރި ހިސާބުތަކުން ދެއްކި ގޮތުގައި އިއްޔެ ހަވީރު 6:00 އިން މިއަދު ހަވީރު 6:00 އަށް 166 މީހަކު އަލަށް ކޮވިޑަށް ޕޮޒިޓިވްވި އެވެ. އެއީ މާލެ ސަރަަހައްދުން 91 މީހަކާއި އެހެން ރަށްތަކުން 52 މީހެއް އަދި ސަފާރީތަކުން 11 މީހަކާއި ސިނާއީ ރަށްތަކުން އެކެކެވެ.
މިދިޔަ 24 ގަޑިއިރުގެ ތެރޭގައި މި އަދަދަށް ޕޮޒިޓިވް ކޭސްތައް ފެނުނީ 4،283 ސާމްޕަލް ޓެސްޓު ކޮށްގެންނެވެ.
ކޮވިޑް ޖެހިގެން ހޮސްޕިޓަލްތަކުގައި ފަރުވާދެމުން އަންނަ މީހުންގެ އަދަދަކީ މިހާރު 98 އެވެ. މިއާއެކު ރާއްޖޭން މިހާތަނަށް ކޮވިޑް ޖެހުނު މީހުންގެ ޖުމުލަ އަދަދަކީ މިހާރު 23،04 އެވެ.
މީގެ ކުރިން މާލެ ސަރަހައްދު ފިޔަވައި އެހެން ރަށްތަކުގައި ކޮވިޑް ފެތުރޭ ވަރު މަދު ނަމަވެސް މިހާރު އެ އަދަދު ދަނީ މަތިވަމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލުތުފީ
28 March 2021
ދެންވެސް ވާނީ އިތުރު. ފަރުދީ ޒިންމާ އަދާނުކުރެވުނީމަ ވާނެގޮތްމިވަނީ.
ފަރުދީ
28 March 2021
ފަރުދީޒިންމާ އަދާކުރި ކިތައް މީހުންނަށް މި ބަލި ޖެހިއްޖެ؟ ކިތައް ޑޮކްޓަރުންނާ ނަރުހުންނަށް ބަލިޖެހިއްޖެ؟ ފަރުދީ ޒިންމާއޭ ނުކިޔައި ބަލީގެ ހަގީގަތް ގަބޫލުކުރުން މާ ރަގަޅުވާނެ.
ސައިމާ
28 March 2021
އިސްތިއުފާދެއްވި ރައީސް ކޯފާވެވަޑައިގެންފާނެތީވެ ގަންނާކުރައްވާ ބިރުން އެޗްޕީއޭއަށް ދޫދޭން މަޖުބޫރުވިއްޔާ. ވަރިހަމަތާ ރައްޔިތުން ކޮންމެ ހާލެއްގައި އުޅުނަސް. ސަރުކާރުގެ އިސްވެރިންނަށް ސިންގަޕޫރާއި އެހެނިހެންވެސް ގައުމުތަކުން ރައްޔިތުންގެ ޓެކްސް ފައިސާއިން ބޭސްފަރުވާކުރެވޭ. ގާނޫނުގެ ދިގުއަތްވެސް އެބޭފުޅުންނާހަމައަށް ނުފޯރާ. ދެންތިބީ ވިޔަފާރިވެރިންނާއި ދީނީ ޝޭޚުން. އެއީ އަދި އެހެން ލެވެލްއެއްގައި އުޅުއްވާ ގުރޫޕްތަކެއް.
އަހު
28 March 2021
ކޮވިޑް ކޭސް މަދެއްނުވާނެ... ކުރަންވީ ކަމަކީ ވެކްސިންޖަހަންވީ. ވެކްސިން ޖެހީމަ ހޮސްޕިޓަލުގައި އެނދުމަތިކުރާ މިންވަރު ދަށްވާނީ.
1828
28 March 2021
ރިސޯޓް މުވައްޒަފުން ރިސޯޓް ބަންދުގައި ގެންގުޅުނީމައި ދެން ކީއްވެ ކޮވިޑް ފެތުރެންވީ؟ ގައިމު ކޮވިޑް އޮއްތީ ރިސޯޓްގައި ބަންދުކޮށްފައި.
ޖަނާބު އަންޖާމު
28 March 2021
އަނެއްކާ ރައްޔިތުމީހާ ބަންދުކުރާގަޑިޖެހުނީ.
ކީއްކުރާނި
28 March 2021
ޓެސްޓްތައް އަވަހަށް ހެދޭނަމަ ތި ޢަދަދު މައްޗަށް އަރާނެ މިހާރުވެސް 2 ނުވަތަ 3 ދުވަސްވެފައިހުރި ސާމްޕަލްތައް ބައިވަރު އެބަހުރި ލެބުގައި. ލަފާކުރެވޭގޮތުގައި މިދުވަސްކޮޅު އިންތިހާބު ބާއްވައިފިނަމަ ވަރަށް ގިނަ ޢަދަދެއްގެ މީހުން ޕޮޒިޓިވްވާނެ. ނުބާއްވަ ވާކަށްވެސްނެތް ޕްރިންސިޕަލް ވަނީ ހޯމްވޯކް ދީފަ ނުހަދައިފިއްޔާ ޕްރިންސިޕަލް ކޯފާވާނެ.
ސްކޫލްް
28 March 2021
ތައް ހުޅުވަން ވާނެ ކޮންމެ ހެންވެސް
ނައު77
28 March 2021
ނުހުޅުވަ ތިބެގެން ބަޔަކަށް ދިރިއުޅެވުނަސް އެންމެންނަކަށް ނޫޅެވޭނެ.
ސިކްސް
28 March 2021
ހުރިހާ ތަނެއްވެސް ހުޅުވަންވީ. ބަލައިގެން އެމީހަކަށް ވެވުނު ވަރަކަށް ރައްކާތެރިވެގެން އުޅެ މާތްﷲއަށް ވަކީލްކޮށްގެން ދިރިއުޅުން ކުރިއަށް ގެންދަންވީ. އަބަދު ގޭގަ ފިލާ ނުތިބެވޭނެ. ކުރަންޖެހޭ ކަންކަމަށް ނިކުމެ އުޅެންޖެހޭނެ. ކޮވިޑަކީ ދިގުމުއްދަތަކަށް އައި އެއްޗެއް. މުޅި ދުނިޔެއަށް ފެތުރެން އައި އެއްޗެއް. ކޮވިޑް ހުއްޓުވާނީ އަހަރެންނޭ ބުނެ ޝިއާރު ހެދިއަސް އަހަރުމެންނަކަށް ކޮވިޑެއް ނުހުއްޓުވޭނެ. އެކަމު ކޮވިޑަށް އަހަރުމެންގެ އެތައް ކަމެއް ހުއްޓުވޭނެ.