ރައީސް ޔާމީން ހައްޔަރުކުރި މައްސަލައިގައި އަމީން ފައިސަލަށް ޓެރަރިޒަމްގެ ދައުވާ ކޮށްފި

އަމީން ފައިސަލް (ވ-2): އޭނާއަކީ ރައީސް ޔާމީން ހައްޔަރު ކުރި އިރު އޭރުގެ ޑިފެންސް މިނިސްޓަރު. -- ފޮޓޯ: ޖާވިދު ނަސީމް

މުއިއްޒު އިބްރާހިމް، މިހާރު

15 ނޮވެމްބަރ 2016 - 10:48

ކުރީގެ ރައީސް މުހައްމަދު ނަޝީދުގެ ސަރުކާރުގައި ޑިފެންސް މިނިސްޓަރު ކަން ކުރެއްވި އަމީން ފައިސަލްގެ މައްޗަށް ޓެރަރިޒަމްގެ ދައުވާ ކޮށް ކްރިމިނަލް ކޯޓަށް ފޮނުވައިފި އެވެ.

ނަޝީދުގެ ވެރިކަމުގައި ޑިފެންސް މިނިސްޓަރު ކަމާއި ގައުމީ ސަލާމަތާ ބެހޭ އެޑްވައިޒަރުގެ މަގާމު އަދާ ކުރެއްވި އަމީންގެ މައްޗަށް ދައުވާ ކުރަނީ ކޮން މައްސަލައަކާ ގުޅިގެން ކަމެއް ސާފެއް ނުވެ އެވެ.

އެކަމަކު ޖުލައި، 2010 ގައި ރައީސް ޔާމީން ހައްޔަރު ކޮށް، ސިފައިންގެ ބެލުމުގެ ދަށުން ކ. އާރަށުގައި ބަންދުކޮށްފައި ބެހެއްޓި މައްސަލައިގައި މީގެ ދުވަސްކޮޅެއް ކުރިން އަމީން ފުލުހަށް ހާޒިރުކޮށް، ސުވާލު ކޮށްފައިވެ އެވެ. އެ މައްސަލައިގައި ވެސް ފުލުހުން އަމީނާ ސުވާލު ކުރީ ޓެރަރިޒަމްގެ ތުހުމަތު ކޮށްފަ އެވެ.

އަމީނަށް ކުރާ އެ ދައުވާގެ ފުރަތަމަ އަޑުއެހުން މިއަދު ބާއްވަން ތާވަލު ކުރިޔަސް އަޑުއެހުން މިހާރު ވަނީ ކެންސަލް ކޮށްފަ އެވެ.

ރައީސް ޔާމީން އޭރު ހައްޔަރު ކުރީ ސަރުކާރު ވައްޓާލަން ރޭވިކަމުގެ ތުހުމަތުގަ އެވެ. އެ މައްސަލައިގައި ސިފައިންގެ ބެލުމުގެ ދަށަށް އެ މަނިކުފާނު ގެންދިޔައީ ފުލުހުން އެ މަނިކުފާނު ހައްޔަރު ކުރުމުން އެ މަނިކުފާނު ދޫކޮށްލަން ސުޕްރީމް ކޯޓުން އަމުރު ނެރުމުންނެވެ.

އެ މައްސަލާގައި ރައީސް ޔާމީނަށް ގެއްލުމުގެ ބަދަލު ދޭން ސިވިލް ކޯޓުން އޮތީ ހުކުމް ކޮށްފަ އެވެ. އެކަމަކު އެ މަނިކުފާނު ވެރިކަމަށް ވަޑައިގެން ވަނީ ގެއްލުމުގެ ބަދަލުގެ ގޮތުން ނަގައިދޭން ކޯޓުން ކަނޑައެޅި މިންވަރު ބޭނުންފުޅު ނުވާ ކަމަށް ވިދާޅުވެފަ އެވެ.

އެ މައްސަލާގައި އޭރުގެ ޗީފް އޮފް ޑިފެންސް ފޯސް މޫސާ އަލީ ޖަލީލު ވެސް ފުލުހަށް ހާޒިރުކޮށް، ސުވާލު ކުރި އެވެ. އެކަމަކު އޭނާގެ މައްޗަށް ދައުވާ ކުރަން ފޮނުވި ކަމެއް ސާފެއް ނުވެ އެވެ.

ޓެރަރިޒަމް ކްރިމިނަލް ކޯޓް އަމީން ފައިސަލް ރައީސް އަބްދުﷲ ޔާމީން

19 ކޮމެންޓް, 97 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

އިބޫ

15 November 2016

މިމައްސލައިގައި ފަހުން ހުންނެވި އޭޖީ އާޒިމާ ވަނީ، ސިފައިން ކަންތައް ކޮށްފައިވަނީ ރަނގަޅަށް ކަމަށް ދައުލަތަށް ސާބިތު ކޮށްދީފަ، ދެން ކޮން ޓެރަރިޒމެއް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަބުރާ ( ދޮންބެ)

15 November 2016

ޔާމީންގެ ވެރިކަމުގައި އޭނާއަށް ލިބިވަޑައިގެންނެވި އެންމެމަތީ އެވޯޑަކީ އެންމެގިނަ ރައްޔިތުންނަށް އެއްވެސް ތާކުންތާކުނުޖެހޭ މައްސަލަތަކުގައި ބޮޑެތި ޓެރަރިޒަމްގެ ދަޢުވާކޮށް ރާއްޖޭގެ ގިނަރައްޔިތުން ޓެރަރިސްޓުންނަށް ހަދައި ދައުވާކޮށް ހުކުމްކޮށް ޖަލަށްލުމުގެ އެވޯޑް މިއެވޯޑާއި ޙަވާލުވުމުގެ ރަސްމިއްޔާތު ދިވެހި ރައްޔިތުން 2018 ގައި ޔާމީނަށް އަރުވާނެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

15 November 2016

ޓެރެރިޒަމަކީ ވަރަށް ބޮޑު ކަމެއް. މިސާލަކަށް ބޮޑު ހަމަލާއެއް ދީ ބަޔަކު މަރާލުން. މީ ޓެރެރިޒަމް. އަމީން ފައިސަލް މީހަކު މެރީއެއްނޫން. އެެހެންވީމާ ޓެރެރިޒަމަށްވުރެ ކުރި އަމަލަށް ފެތޭ ހުކުމަކަށް ދައުވާކުރުން އިންސާފުކަމުގައި އަޅުގަނޑު ދެކެނީ. ހަމަ މިއުސޫލުން ޝެއިހް އިމްރާނުވެސް މައިކަކުން ވާހަކަ ދެއްކީމާ ޓެރެރިސްޓަކަށް ވާނެކަމަކަށް އަޅުގަނޑު ގަބޫލެއް ނުކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޢަބްދުﷲނާފިޒު

15 November 2016

މީ ހާދަ ބިރުވެރި ތނަކަށް ވެއްޖެޔޭ، ނިސްބަތުން ހާދަ ޓެރަރިސްޓުން ގިނަ ޤައުމަކަށް މިތަން ވެއްޖެޔޭ، މިރާއްޖޭގަ ޓެރަރިސްޓުން އުޅޭވާހަކަ ކުރީގެ ރައީސަކު ބުނުމުން އެކަމަށް ފާޑު ކީމީހުން މިހާރު ތިބޭނެ އަނގަ އައްޕަތެއްހެން ހަދައިގެން، ކިހާ ރީތި ވެއްޖެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފަލަކު

15 November 2016

17 އަހަރަށް ޓެރަރިޒަމްގެ ކުށުގައި ޖަލަށް ލުން ހުކުމު ކުރުން ރަނގަޅު. ރައީސުލްޖުމުހޫރިއްޔާއަށް ވާން ތައްޔާރު ވެފައިހުރި ބޭފުޅަކު ހައްޔަރޔ ކުރުމަކީ ކުޑަކަމެއްނޫން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޝަރީޔަތް

15 November 2016

ހިންގާލަމާތޯއެވެ. ގޭގައި ކުރިކަމަކުންތތޯ ގެންދިޔައީ، ނޫނީ ޕިކަޕެއްގައި ލައުޑްހިފައިގެން ދެއްކިވާހަކަޔަކުން ތޯ؟ ނުނީ އަޅުންމިނިވަންކުރަން އުޅުމުގެ ތެރޭގެ މައްސަލައެއްތޯ؟؟ތިޝަރީޔަތް ސިއްރުކޮށް ހުކުން ވެސް ސިއްރުކޮށްލުމަފަހު ޖަލަށްލުމަށް އަޅުގަޑަށްފެނޭ.... އަދި މައްސަލަބެލި ޤާޒީ ޔާ މައްސަލަބެލި ދައުލަތް ވެސް ގަޒިއްޔާލިޔުނު ޤަލަމާއެއްކޮށް ސިއްރުކޮށްލަންވާނެ މިފަހަރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރާގޮޑި ރާޖާ

15 November 2016

މިސަރުކާރު ބަދަލުވާ ދުވަހު ތިކުޅިގަނޑު(ޓެރެރިސްޓުން) ކުޅެން ވާނެ، ފުދޭވަރަކައްގިނަ ޓެރަރިސްޓުން ފެނިގެން ދާނެހެން ހީވަނީ. ބާރުގަ ތިބެގެން ނުބައި ނުލަފާކަން ދައްކާ މީހުނައް އެކަމުގަހުރި އަސަރު ދައްކާލަން ވަަނެ ކޮންމެސް ދުވަހަކުން މި ބައިމީހުން ބަލިކަށި ވިޔަސް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަވޭ

15 November 2016

ކޮބާ ހީވޭ ރަންރީނދޫ ކުދިންނޭ. ދެން ވެސް ތަމެން މައިތިރި ވެ މަމެންގެ ބަސް އަހާބަލަ ހެޔޮނުވާނެ މަގޭ ދަރިންނޭ. މަމެން ތިކުދިންނާއި ރުޅިއެއް ނޫނޭ އެއްގޮތަކަށް ވެސް އަދި ވާކަށް ވެސް ބޭނުމެއްނޫނޭ. ޔޫ ގޮޓް އަވޭ ފްރޮމް އަސް.