އީސީގެ އޮފިޝަލުން ރިސޯޓްތަކަށް ވޯޓު ފޮއްޓާ އެކު ދާން އެދުމުން، ފަސް ދުވަސް ކުރިން ލިޔުމަކުން ހޯދަން ޖެހޭ ކަމަށް ރިސޯޓްތަކުން ބުނޭ. މިއީ އީސީ އަށް ކުރިމަތިވެފައިވާ ބޮޑު ގޮންޖެހުމެއް.
އިލެކްޝަންސް ކޮމިޝަންގެ ބައެއް މެމްބަރުން ބައްދަލުވުމެއްގައި: ބައެއް ރިސޯޓްތަކަށް އީސީގެ އޮފިޝަލުން އަރުވަން ދެކޮޅު ހަދާ
08 އެޕްރީލް 2021 - 14:01
28 comments
އަންނަ ހޮނިހިރު ދުވަހު ބާއްވާ ލޯކަލް ކައުންސިލް އިންތިހާބުގައި ވޯޓު ފޮށި ބަހައްޓަން އިލެކްޝަންސް ކޮމިޝަން (އީސީ) އިން ރިސޯޓްތަކަށް ދާ އޮފިޝަލުންނަށް މައްސަލަތަކާ ކުރިމަތިވެއްޖެ އެވެ.
"ބައެއް ރިސޯޓްތަކަށް އަޅުގަނޑުމެން ނާރުވައިގެން މި އުޅެނީ،" އީސީގެ އޮފިޝަލަކު މިއަދު ވިދާޅުވި އެވެ.
އޭނާ ވިދާޅުވި ގޮތުގައި، ބައެއް އޮފިޝަލުން ރިސޯޓްތަކަށް އަރުވަން ދެކޮޅު ހަދަނީ، އެޗްްޕީއޭގެ ގައިޑްލައިންގައިވާ ގޮތަށް ފަސް ދުވަސްކުރިން އީސީން ހުއްދަ ނަގާފައި ނުވާތީ އެވެ. އެކަމަކު އީސީގެ އޮފިޝަލް ވިދާޅުވި ގޮތުގައި، ވޯޓު ފޮށިތައް ބަހައްޓަން އެއްވެސް ރިސޯޓަކަށް ވެސް އަދި ރަށަކަށް ދާން ވެސް ހުއްދައެއް ހޯދަން އެޗްޕީއޭ އިން އަންގައިފައެއް ނުވެ އެވެ.
"އަޅުގަނޑުމެން މިދަނީ އެ މީހުންގެ ހައްގެއް ހޯދައިދޭން. އެކަމަކު އެ ހައްގު ބޭނުން ނޫނިއްޔާ އެ ހައްގު ދެވޭނެ ގޮތެއް ނެތް. އެގޮތަށް ވަންޏާ އޮފިޝަލުން ޖެހޭނީ އަނބުރާ އަންނަން. ވޯޓު ފޮއްޓެއް ނުއެއް ބެހެއްޓޭނެ،" އޭނާ ވިދާޅުވި އެވެ.
މި މައްސަލައިގައި ބައެއް ރިސޯޓްތަކާ އީސީން މިހާރު ވާހަކަ ދައްކަމުން އަންނަ ކަމަށް ވެސް އޭނާ ވިދާޅުވި އެވެ. އަދި މި މައްސަލަ ދިމާވަމުން އަންނަ ރިސޯޓްތަކުގެ އަދަދު މަދު ނޫން ކަމަށް އޭނާ ވިދާޅުވި އެވެ.
އީސީގެ ރައީސް އަހުމަދު ޝަރީފް ކުރެއްވި ޓުވީޓެއްގައި ވިދާޅުވީ، އަންސާނާ ވެލާވަރު ރިސޯޓަށް އެ ކޮމިޝަންގެ އޮފިޝަލުން އެރުމުގެ ހުއްދަ ނުދިނުމުން އެ މީހުން ކައިރި ރަށަކަށް ފޮނުވާފައިވާ ކަމަށެވެ. އަދި އެ ރިސޯޓުގައި ވޯޓުލާން ރަޖިސްޓަރީ ކޮށްފައިވާ 61 މީހުންނަށް ވޯޓުލުމުގެ ހައްގު ހޯދައި ދިނުމަށް މަސައްކަތް ކުރާ ކަމަށް ޝަރީފް ވިދާޅުވި އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ނަލަބެ
09 April 2021
ރިސޯޓްތަކުގެ މުއައްޒަފުންގެ ވޯޓާމެދު މިފަހސރު ޝައްކު. ހީވަނީ ބޮޑުތަނުން ބަލިވާނެތީ ކުރިކަމެއްހެން.
ނަޝީދު.
09 April 2021
އެހެން ވިއްޔާ ޖެހޭނީ ތި ރިސޯޓުތައް ރާއްޖެއިން ބޭރަށް ބަދަލުކުރަން. ރާއްޖޭގެ ފަސްގަނޑުގަ ކަން ހިނގާނީ ރާއްޖޭގެ މެޖޯރިޓީ ބޭނުންވާގޮތައް އަބަދުވެސް. އޮޅިގެން ނޫޅުއްވާ.
ކުދުބެއްޔާ
08 April 2021
ދެން ވިދާޅުވޭ...5ދުވަސް ކުރިން ހުއްދަ ހޯދާކަށް ނުޖެހޭނެޔޭ!!!!! އެހިސާބުން އެ ހުއްދަވީ!!!!!!
ޝުކުރިއްޔާ
08 April 2021
އަންސާނާ ވެލާވަރަށް ތިކަން ތިޔަށްވުރެ ޕޮރޮފެޝަނަލްކޮށް ގެންދެވޭނެ، ކޮއްމެއަކަސް ވޯޓްލާން ރެޖިސްޓްރީވެފައި ތިބީވެސް ހަމަ އެރިސޯރޓްގެ މުވައްޒަފުން. ފޮލޯ ކުރަނީ އެޗްޕީގެ ގަވާއިދޭ ބުނީމަ ކޮއްމެވެސް ވަރަކަށް ހިނިވެސް އާދޭ.
ކޮސްވެއްޖެ
08 April 2021
މިފަހަރު މީ ވަރަށް ތަކުލީފު. ފަތިހު 5 ޖަހާއިރު 3ނަންބަރަށް ދާން ބުނި. ފުރުން އިރު 7 ޖަހައިފި. އނަގަޔަށްލާނެ ފެންފޮދެއްހާ ހަމަވެސް ނުލިބޭ 12 ޖެހި އިރުވެސް. ރިސޯޓަށް ދެވުނީ ސައި.ގަޑި ނިމުންފަހުން . އެހެންވެ ރިސޯޓުގައި މެންދުރު ވަންދެން ހުސް ބަނޑާއި.. މެންދުރު ކާން ދިޔައީ މުވައްޒަފުން ކެންޓީނަށް . އެތާނގެ ހާލު ވަެށް ނާޒުކު.
1828
08 April 2021
ކޮންމެހެން ނުޖެހޭ ގެސްޓުން ކާ ރެސްޓޯރެންޓްތަކުން އޮފިޝަލުންނަށް ކާންދޭކަށް.
ކުދުބެއްޔާ
09 April 2021
އެތާނގެ ހާލު ވަެށް ނާޒުކު ކަމަށް ބުނުމަކީ ގެސްޓުންކާ ރެސްޓޯރެންޓުން ކާންދޭށެކޭނޫން. އޭގެން ދޭހަވަނީ ސްޓާފުންގެ ކެއުމުގެ ފެންވަރު.!!!!!! ވަރަށް ވެދުން
ސުމެއްގެބައެއްމިފަހަރުތުބީ
09 April 2021
މިފަހަރު އިލެކްޝަން ކޮމިޝަން ގެ ކަކަންކަން ެޭވިފަހުރީ ވަރަށް ދީދިޔާކޮށް. ޓްރޭނިންގް ވެސް ހަމަ ސުމެއް.
ޖައުހަރީ
08 April 2021
ރިސޯޓު މުވައްޒަފުން ނުޅޭ މިސަރުކާރައް އިތުރު ބަރެއް އަލުން ދޭކައް ހުރިހާ ބާރެއްދިނީމަވެސް ލިބުނީ އަނިޔާ
ޢިލެކްޝަން ކަންތަކާ އުޅެންޖެހޭ އޮފިޝަލެއް
08 April 2021
އިލެކްޝަނުން ކޮންމެހެން ރިޒޯޓްތައް ބްލޭމް ކުރާނެ ކަމެެއްނެއް އަހަރެމެންނަށް ފުރަތަމަ އެންގީ ފުރަންޖެހެނީ ހުކުރުދުވަހުކަމަށް. ރޭ ރޭގަނޑު 10ގައި ގުޅާފަ އެންގީ ފަތިހު 5 ޖަހަންވާއިރަށް ރިސޯޓަށްދާން ފުރަން އަންނަން. 5ގައި އައި ގޮތައް ނުކައިނުބޮވެ ތިބެންޖެހުނު 9 ޖަހަންދެން. ލޯންޗަށް އެންމެން ފިތައިއަރުވައި ފޮނުވިއިރު ކޮބާ އެޗްޕީއޭ ގައިޑުލައިން؟ 5އިން ނުކައި ތިބެ ދެވުނު އިރު މެނދުރު 1 ޖަހަނީ. އީސީން ބޯނެ ފެންފޮދެއްވެސް ނުދޭ. އަޅުމަސައްކަތްތޯ ތިކުރުވަނީ؟
އަނގަގެ
08 April 2021
އީސީގެ އިންތިޒާމުތައް ވަރަށް ސަކަރާތް މިފަހަރު. ޓްރެނިންގ ސްލަިޑްތައްވެސް އަޕްޑޭޓުނުވޭ. ސުމެއްގެ ބަޔެއް މިފަހަރު ތިބީ. ޙަމަ އަނގައިން ހިފަހައްޓަނީ.
އޭލިއެން
08 April 2021
ރިޒޯޓުތަކަށް އޭލިއަންސް އަރާ ދުވަހެއް. ރިޒޯޓު ތަކުން ހެދީ ރަގަޅަށް. މުވަޒަފުން ދޭތެރޭ ސަރުކާރުން ކަންތައް ކުރަނީ ހިތުހުރި ގޮތަކަށް ރަށު ބަންދުގައި ބައިތިއްބައިގެން. ރިޒޯޓު މުވަޒަފުންނަށް އަދި ސަރުކާރު މަސައްކަތްތެރިން ނަށް ހިގަން ޖެހެނީ އެއްގަވައިދެއް! ހުދަ އާއެކު އަރަންޖެހޭނީ!
ވަހީދު
08 April 2021
އެންމެ މީހުން ހުން އަޔަސް މުޅި ރިސޯޓު ބަންދު ކުރާނެ، މިލިޔަން ޑޮލަރުން ގެއްލުން.