ސަން އައިލެންޑް ރިސޯޓް. އެ ރިސޯޓުގައި ރާއްޖޭގައި މިހާތަނަށް ހުޅުވި އެންމެ ބޮޑު ކޮވިޑް ޓެސްޓް ލެބު ވަނީ ހުޅުވައިފަ--
23 މެއި 2021 - 18:56
24 comments
ރާއްޖޭގެ އެންމެ ބޮޑު ކޮވިޑް ޓެސްޓް ލެބް ސަން އައިލެންޑް ރިސޯޓުގައި ހުޅުވައިފި އެވެ.
މަޝްހޫރު ވިޔަފާރިވެރިޔާ ގާސިމް އިބްރާހިމްގެ ސަން އައިލެންޑް ރިސޯޓުން މިއަދު ބުނީ، އެ ލެބް އިއްޔެ ހުޅުވައި ހިދުމަތް ދޭން ފަށާފައިވާ ކަމަށެވެ. އެއީ އެންމެ ބޮޑު ކޮވިޑް ޓެސްޓް ލެބް ކަމަށް ސަން އައިލެންޑުން ބުންޏަސް އެތަނުން އެއްފަހަރާ ޓެސްޓް ކުރެވޭ ވަރެއް ނުބުނެ އެވެ.
ރާއްޖޭގައި ކޮވިޑް ވަރަށް ހަލުވިކަމާ އެކު ފެތުރެމުންދާއިރު، ކޮވިޑް ޓެސްޓް ހެދުމަށް އަމިއްލަ ގިނަ ކްލިނިކްތަކަކުން ވެސް ލެބްތައް އަންނަނީ ހުޅުުވަމުންނެވެ.
އޭގެ ތެރެއިން އެއް ތަނަކީ ހެޕީ މާކެޓްގެ ހިއްސާދާރުން އިސްވެ އުފައްދާފައިވާ އެލީޓް މެޑިކަލް ސެންޓަރެވެ.
އެ ކްލިނިކުން ވަނީ ކުރިއަށް އޮތް ހަފުތާއެެއްގެ ތެރޭގައި ކޮވިޑް ޓެސްޓް ލެބެއް ހުޅުވަން ތައްޔާރުވެފަ އެވެ.
އެލީޓް މެޑިކަލް ސެންޓަރުގެ މެނޭޖިން ޑިރެކްޓަރު އަދި ހެޕީ މާކެޓުގެ ވެސް މެނޭޖިން ޑިރެކްޓަރު އަލީ އިހުސާނު މިއަދު ވިދާޅުވީ، ލެބަށް ބޭނުންވާ ހުރިހާ ސާމާނެއް މިހާރު ގެނެސްފައިވާ ކަމަށެވެ. މިހާރު ކުރިއަށް ގެންދަނީ އޭނާ ވިދާޅުވިގޮތުގައި، ލެބަށް ބޭނުންވާ ހުއްދަތައް ހޯދުމެވެ.
މި ވަގުތު ރާއްޖޭގައި ކޮވިޑަށް ޕޮޒިޓިވް 22،000 މީހުން އެބަ ތިއްބެވެ. މިހާތަނަށް ރާއްޖެ އިން 54،000 މީހުންނަށް ކޮވިޑް ޖެހިފައިވެ އެވެ. ރާއްޖޭގައި ކޮވިޑް ވެކްސިން ޖެހި ތިން ލައްކަ އަށް ވުރެ ގިނަ މީހުން އެބަތިއްބެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ވަހުތާން
25 May 2021
ތި ލެބުން ޓެސްޓްކުރާނީ، ކުރެވޭނީ ކޮންބައެއް! އެ މަނިކުފާނުގެ އަހުލުންނާއި ވަހުލުންނަށް އެކަނިތޯ؟
1828
24 May 2021
އަތުގައި ކިރިޔާވެސް ފައިސާ ފޮއްޗެއް އޮތް މީހެއްވިއްޔަ ކޮވިޑްއަށް ޓެސްޓްކުރާ ލެބެއް ހުޅުވާނެ. އެއީ މިލަޔަން ޑޮލަރޭ.
ޙަސަން އަޙްމަދު
24 May 2021
މަށަށް ހީވަނީ ތިޔަ ލެބްތައް ހުޅުވަންވީ ސާންޕަލްތަކަށް ފަސޭހައިން ވާސިލްވެވޭނެ ތަންތަހެން. ހުވަދޫ ކަނޑު މެދުގަ ލެބު ހުޅުވައިގެން ސާންޕަލްގެ ނަތީޖާ ލިބޭނީ ކޮން އިރަކުންބާ
ބާނުވާ
24 May 2021
އެމަނިކުފާނު ކޮވިޑަށް ފިއްލަވައިގެން ހުންނެވީވެސް ހަމަ އެރިޒޯޓްގައިތަ؟ އެހެންނަމަ ތިއީ ވަރަށް ހަމަޖެހޭ ޚަބަރެއް. ކޮވިޑްޖެހުން ކައިރިވަމުންދާއިރު ކައިރީގަ ތިބި އެންމެން ޓެސްޓްކޮށްގެން އަދި ތިމާވެސް 2 އިރަށް ޓެސްޓްކޮށްގެންތާ ކޮވިޑަށް ފިލާ ހުރެވޭނީ.
Happy 123
24 May 2021
މި ދަނޑިވަޅުގައި ވިޔަފާރި ނުކޮށް ކޮވިޑް ފެސިލިޓީއެއް ހަދާލިނަމަ ތަންތަންފުރިގެން ބަންޑުންވަނީ?
ބްލަޑް
24 May 2021
ލަދުގަންނަނީ މިޒާތުގެ ޚަބަރު ކިޔާފަ. ރިސޯރޓް ވިޔަފާރިވެރިންނަށް މޮޅުކަމެއް ނޫން ތިކުރެވެނީ ރައްޔިތުން މަރަށް ތެޅޭ އިރު، ބޮޑެތި ލެބް ހުޅުވާ އަމިއްލަ ފައިދާއަށް މަސައްކަތް ކުރުން. ކޮންމެ ރިސޯރޓަކުން ވެންޓިލޭޓަރެއް ހަދިޔާކޮށްބަލަ، ނޫނީ ކޮވިޝީލްޑް ވެސިން ކޮޅެއް ގެނެސް ދީބަލަ.
އައްނޯ
24 May 2021
ޓެސްޓް ނުކުރެވިގެން މިއުޅެނީ، ޓެސްޓް ކުރާށޯ ޓެސްޓް ކުރާށޯ އެއީ އޭ ބަލިން އަރާގަތުމަށް ކުރެވެން އޮތް އެއްމެ މުހިއްމު ކަމަކީ އެއީ މިބަލި ގެ ޗެއިން ބްރޭކް ކުރަން ކޮބާ ލަދު ނޭގެ ކޮމެންޓް ކުރާއިރު
ބަގުޑި
24 May 2021
ވިޔަފާރި ޕާޓީ ސަރުކާރު އެލިގަނެގެން އޮވެ ފައިދާ ވަރަށް ރަނގަޅަށް ނަގާ. ކޮވިޑް ގައި ވަޒީފާ ގެއްލި 5000ރ. އެންމެ ގިނައިން ލިބުނީ ވިލާ ކުންފުނީގެ މުއަޒިފުންނަށް. މިހާރު އެއުޅެނީ ސަރުކާރަށް އަގުނަގައިގެން ކޮވިޑް ޓެސްޓް ހަދައިދޭން. ކުރިޔާލާ ސަރުކާރުގެ ނިންމުންތަށް އެނގޭތީވެ ރަނގަޅަށް ތަށްޔާރުވާން މީނައަށް އެނގޭ. ކޮންމެ މިނިސްޓްރީ އެއްގައިވެސް ޕޮލިސީ ލެވެލްގައި ވިޔަފާރި ޕާޓީގެ މީހުން ތިބޭ.
ކަކުނިބޯ
24 May 2021
ޢީޒީ މަނީ ދޯ ސޭޓޫ
މުއްސަދި ފަޤީރުކޮއި
24 May 2021
މުއްސަދިވުމަށް ކޮށްފަ ނުކުރާނެ ކަމެއް ނޯންނާނެ. ހަމައެކަނި ނުވާނީ ތިމާގެ މުވައްޡަފުންނަށް ބަރާބަރަށް މުސާރަދިނުން
މީހާތާ
24 May 2021
ދެން ވެރިކަން.
1828
24 May 2021
ސަރވިސް ޗަރޖް ޓޫ
މަޒް
23 May 2021
ބަލަ މިތިބީ ކޮވިޑް ވެކްސިން ދެވަނަ ޑޯޒް ނުޖެހިފައި.. އަޅެ އިހުމާލެއް ނޫންތަމީ؟
އަރުތަ
24 May 2021
ވެކްސިން އެންމެ ގިނައިން އުފައްދާ ޤައުމުވެސް ވެކްސިނަށް ޖެހިފަ، ދެން އަހަރުމެނަށް ޖެހޭނީ ކޮން ހާލެއް..........
ހުސެންް
24 May 2021
އަމިއްލަ ކުންފުންޏެއް އިންވެސްޓްކޮށް ލެބެއްހެދީމަ ކޮބާ އިހުމާލަކީ. މަޒް ވެސް ލެބެއްހަދާބަލަ.