ފިނޭންސް މިނިސްޓްރީގެ އިމާރާތް. ދަރަނި ނެގުމަށް ކުރިއަށް އޮތް ދުވަސްތަކު ރާއްޖެއަށް އުނދަގޫވާނެ ކަމަށް މޫޑީސް އިން ލަފާކުރޭ--ފޮޓޯ:މިހާރު
26 މެއި 2021 - 12:59
20 comments
މި ވަގުތު ރާއްޖޭގެ ދަރަނި އިންތިހާ އަށް މައްޗަށް ދިއުމުގެ ސަބަބުން ކުރިއަށް އޮތް އަހަރުތަކުގައި މާލީ އިދާރާތަކުން ލޯނު ހޯދަން އުނދަގޫ ވާނެ ކަމަށް ކްރެޑިޓް ރޭޓިން އޭޖެންސީ، މޫޑީސް އިން ބުނެފި އެވެ.
މޫޑީސްގެ ކުއާޓާލީ ރިވިއުގައި ވަނީ ރާއްޖޭގެ އިގްތިސާދުގެ ވަކިވަކި ކަންކަން ރޭޓްކޮށްފަ އެވެ. އެގޮތުން ރާއްޖޭގެ "ފިސްކަލް ސްޓްރެންތް" ނުވަތަ މާލީ ގާބިލުކަމަށް މޫޑީސް އިން ދީފައިވަނީ "ބީ1" އެވެ. މޫޑީސް އިން ބުނީ މާލީ ގާބިލުކަމަށް "ބީ1" ރޭޓިން ދިނީ ރާއްޖޭގެ ދަރަނި އިންތިހާއަށް އުފުލެމުން ދިއުމުގެ ސަބަބުން ކުރިއަށް ހުރި އަހަރުތަކުގައި އިތުރު ދަރަނި ނުވަތަ ލޯނު ހޯދަން އުނދަގޫވާނެތީ އެވެ. ކޮވިޑާ ގުޅިގެން ރާއްޖޭގެ އިގްތިސާދު ހަމަޔަކަށް އަޅުވަން ސަރުކާރުން ވަނީ މާލީ އިދާރާތަކުން ބޮޑެތި އަދަދުތަކުން ލޯނު ނަގަމުންނެވެ. ފިނޭންސް މިނިސްޓްރީގެ ތަފާސްހިސާބުތަކުން ދައްކާ ގޮތުން ކޮވިޑާ ގުޅިގެން މާލީ އެކި އިދާރާތަކުން 500 މިލިއަން ޑޮލަރު (7.7 ބިލިއަން ރުފިޔާ) ބޭރުގެ މާލީ އިދާރާތަކުން ހޯދާފައިވެ އެވެ.
މިދިޔަ އަހަރު ނިމުނު އިރު ދައުލަތުގެ ދަރަނި ވަނީ 86 ބިލިއަން ރުފިޔާ އަށް އަރައިފަ އެވެ. މިއީ ޖީޑީޕީގެ ނިސްބަތުން ގާތްގަނޑަކަށް 150 ޕަސެންޓެވެ.
ރާއްޖޭގެ އިގްތިސާދީ ހާލަތަށް މޫޑީސް އިން ދީފައިވަނީ "ބީއޭ3" ރޭޓިންނެވެ. މި ރޭޓިން ހިމެނެނީ އިންވެސްޓްކުރުމަށް އެންގެ ރަނގަޅު ނޫން ރޭޓިންގެ ތެރޭގަ އެވެ. ރާއްޖެ އަށް މި ރޭޓިން ދިނީ އިގްތިސާދު ޓޫރިޒަމަށް ބަރޯސާވެފައި އޮތުމާއި ގުދުރަތީ ކާރިސާތަކާއި މޫސުމަށް އަންނަ ބަދަލުތަކުގެ ސަބަބުން ގައުމަށް ގެއްލުންތަކާ ކުރިމަތިވުމުގެ ފުރުސަތު ބޮޑުކަމުންނެވެ.
އެންމެ ފަހުން ރާއްޖެ އަށް އޯވަރޯލް ރޭޓިންއެއް މޫޑީސް އިން ދީފައި ވަނީ މި އަހަރުގެ މާޗް މަހު އެވެ. އެމަހު ރާއްޖެ އަށް ދިނީ މިދިޔަ އަހަރު ކޮވިޑްގެ ހާލަތުގައި ވެސް ދީފައިވާ "ބީ3" ރޭޓިން އެވެ.
ކޮވިޑްގެ ހާލަތު އައުމުގެ ކުރިން މޫޑީސް އިން ރާއްޖެ އަށް ދީފައިވަނީ "ބީ2" ރޭޓިން އެވެ. އޭރު ރޭޓިން ދަށްކުރީ ރާއްޖޭގެ ޓޫރިޒަމް ދާއިރާ ހުއްޓުމަކަށް އައިސް، އިގްތިސާދީ ހަރަކާތްތައް ދަށަށް ދިއުމުންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ބޮޑުމީހާ
26 May 2021
ހުރިހާ ކަމެއް ރަގަޅުވާނީ ރައްޔިތުން ރަގަޅުވެގެން. ކެމްޕޭނުތަކުގައި ވައުދުވީމަ އަތްތިލަބަޑި ނުޖަހާ ސުވާލުކުރަންވީ ފަންޑު ހޯދާނެގޮތަކާއި އެކަންކުރާނެ ގޮތުގެ ޕްލޭންނަކީ ކޮބާތޯ! އަދި ކިހާ ފީސިބަލް ކަމެއްތޯ! ޕާޓީ މީހާވީމަ ހަދަށް ގެންދާނަމޭ ބުންޏަސް މިތެބެނީ ހެވިދިލިިފަ
އަބުދުލް ޤާދިރު
26 May 2021
"އެއް ވެސް ޙާލެއްގައި އަޅުގަނޑަކީ ރައްޔިތުންގެ ބޮލުގައި ދަރަނި އަޅުވާނެ މީހެއްނޫން" ދަރަންޏެއް ނާޅުވާތާ.
ވިސްނާލަ ބަލަ
26 May 2021
ހެޔޮނުވާނެ މިހާރުއޮތް އަޑިގަޑުން އަރައިގަންނަންދެން ޚާއްސަކޮށް ލޯނުނަގައިގެން ހިންގަން ރާވާފައިވާ ޕްރޮޑަކްޓިވް ނޫން ޕްރޮޖެކްތައް މިސާލަކަށް މާލޭގެ ހުޅަނގު ފަރާތު ބްރިޖް، ކައިރިކައިރީގައި އަޅާ އެއަރޕޯޓްތައް ފަދަކަންކަން މަޑުޖައްސާލަ ބަލަ! ހުޅަނގު ފަރާތު ބްރިޖަކީވެސް ކުރިއަށް އޮތް 10 އަހަރުވެސް އެދިމާލުގައި 500،000،000.00 ޑޮލަރު ހޭދަކޮށްގެން ވާރތް ވާނެ ވަރުގެ އިކޮނޮމިކް އެކްވިޓީއެއް ނުހިނގާނެ ދިމާލެއް! މީގެ އިރުތުން ސިޔާސީ މީހުންނާ މަޖްލިސް މެންބަރުންގެ މުސާރަ މިދުވަސްކޮޅަށް ކެނޑިދާނެ! މީގެ އިތުރުން ސިވިލް ސާވިސް، އެހެން ދާއިރާތައް، މިނިވަން މުއައްސަސާތަކުގެ މުސާރަވެސް ނިސްބަތުން ކެނޑިދާނެ!
ެއެލޯ
26 May 2021
އަހަރެމެންގެ ފިނޭސް މިނިސްޓަރު މާ މޮޅުވާނެ, މޫޑީސް ޑޯންޓް ވޮރީ, ވޯލްޑް ކްލާސް އިކޮނޮމިސްޓް އަމީރު ވިލް ސޭވް އަސް
ޑައިރީ
26 May 2021
ދެސަރުކާރުގަ ވެސް ފިޒްކަލް ޕޮލިސީއަކާ ސަރުކާރުގެ އާމްދަނީ ކުޑަކޮއް ހަރަދުތަ އިތުރުކުރުން. ނަތީޖާއަކީ ބޭރުން ބޮޑު ލޯނުތަ ނަގަން މަޖުބޫރުވުން. ލޯނު ދައްކަނީ ލޯނު ނަގައިގެން. މިކަން ނިމޭނީ ވަރަށް ހިތިކޮއް. ނުދެއްކޭ ހިސާބަ ދިޔައީމަ އަތައް ގޮވާނެ. މީ ހަމަ ޓައިމް ބޮމެއް.
ސަމަންދަރޯސަމަންދަރޯ
26 May 2021
ދެން މުގުރިހަޕާޓީކުދިންނަށް ނުބައިވާނީ މޫޑީސް.
މިސަރުކާރަށް ދިމާލަށް ކިޔާ އެއްޗެހި ސެންސަރެޑް
26 May 2021
2008 ވަނަ އަހަރުގެ ސަރުކާރުން ރާއްޖެ މިގޮތަށް ދަރުވާލާ ޔާމިނުގެ ސަރުކާރުގައި ދަރަނީގެ އަދަދު ދަށްކޮށް ހަމައަކަށް އެޅުނީމާ ރައްޔިތުންނަށް ޔާމީން ސަރުކާރަށް ވުރެ ނުބައި ސަރުކާރެއް ނުވި. ދަރަނި ހަމައަކަށް އެޅީމާ ޔާމީނު ވީ ވަގަކަށް. އެކަމަކު މިސަރުކާރުން ފުރަތަމަވެސް މަޖްލީހުގެ ރައީސަކަށް ރާއްޖެ ދަރުވާލި ބޮޑުވަގު. މިނިސްޓްރީތަކަށް އެމްޕީއާރުސީ ވަގުންނާއި ވެންޓިލޭޓަރު ވަގުންނާއި ޖިންސީ ގޯނާ ކުރާ މީހުން. އަދިވެސް ވައްކަން ކުރާ މީހަކަށް މިވަނީ ޔާމިނު.
އަރުތަ
26 May 2021
ޔާމީނެއްކަމަކު ވައްކަން ކުރީމަ ރައްޔިތުން ބުނާނީ ނޫނެކޭދޯ، މިވެރިންވެސް ވައްކަން ކުރީމަ ރައްޔިތުން ނޫނެކޭ ބުނާނެ، ބަލަން ހުރެބަލަ.......
ސީޒަން ޖެކުހަން
26 May 2021
މިގައުމުގާ ނޫޅޭނެ އިންޒާރަށް ބަލާމީހަކު. އެމީހަކާ އެމީހެއް އޮންނާނީ. ވެހޭތާ ނެގުނުވަރަކަށް ފެންނަގާފާ ނުލިބޭތާންގާ ޖަހައިގަނެގެންނަމަވެސް މިލްކުކުރާއުސޫލު އޮންނާނީ.
ރެފްރީ
26 May 2021
ނުވާނެތިހެންނެއް .. ލޯނުލިބޭނެ ލޯނުހޯދާނެ ލޯނުދޭނެ ..... ލޯނުނުލިބިއްޖެއްޔާ ބުނިވަރަކަށްއިންޑިއާއިން ފައިސާދޭނެ. އިންޑިއާއޮތީ ދިވެހިސަރުކާރު ވާވައްދާފަ. މަޖިލީހުންބޭނުންވަރަކަށް ރުފިޔާޗާޕުކުރަން ރުހިގަބޫލުވާނެ ! ދެންކޮންކަމަކާ ހާސްވާންވީ ؟ ބޮޑުވަޒީރުއެހުރީ މޮޅުމޭކަޕެއްކޮށްގެންގޮސް ފައިސާޗާޕުކުރުވަން!!
އަރުތަ
26 May 2021
ރެފްރީ އަށް އެހެންވީމަ އޯކޭތަ، ފައިސާ ޗާޕުކޮށްގެންވެސް ކަންކޮށްފިއްޔާ، ޔާމީނު ދަވާލިވަރަށްވުރެ ގިނައިން މިމީހުން ދަވާލިއަސް ހަމަ އޯކޭދޯ.
ނިރު
26 May 2021
މޫޑިސް އަކަށް އިތުބާރެއް ނުނުރެވޭ ރައީސް ރޭގަ އެވިދާޅުވީ އިގްސިސާދު ކުރިއަރަމުން އަންނަ ވާހަކަޔާ ކުރިއަށް އޮތް އިތުރަށް ކުރިއަރާނެ ވާހަކަ އެހެންވީމަ ހެސްކިޔާފަ އިންވެސްޓަރުން އަންނާނެ. މިހާރުވެސް އޮބިނޯވެގެން މިއުޅެނީ .... ރައީސް ސޯލިހް އަށްވުރެ މި މޫޑިސް މާމޮޅުވެގެން ތަ މިއުޅެނީ