ހިޔާ ފްލެޓްތަކުގެ ކުލިކުޑަކުރަން ގޮވާލައި މުޒާހަރާ ކުރަނީ
13 އޯގަސްޓް 2021 - 19:13
103 comments
ހިޔާ މަޝްރޫއުގެ ދަށުން އަޅާފައިވާ ފްލެޓްތަކުގެ ކުލި ކުޑަކޮށްދޭން ގޮވާލައި އެ ފްލެޓްތަކުގެ ކައިރީގައި މިއަދު ހަވީރު މުޒާހަރާކޮށްފި އެވެ.
ހިޔާ ފްލެޓް ލިބުނު މީހުން ހިންގާ "ހިޔާ ޔޫނިއަން" އިން އިންތިޒާމްކޮށްގެން ބޭއްވި މުޒާހަރާ ކުރިއަށް ގެންދިޔައީ ވަރަށް ހިމޭންކޮށް، ސުލްހަވެރިކަމާ އެކުގަ އެވެ. ފްލެޓް ލިބުނު މީހުން ސަރުކާރަށް ކުރާ ޑިމާންޑްތައް އިއްވަން ބޭނުންކުރީ ލިޔެފައިވާ ބޯޑުތަކެކެވެ. ބޯޑުތައް ހިފައިގެން އެ މީހުން މަގުމަތީ ތިބީ އެވެ.
ހިޔާ ފްލެޓްތަކުގެ ކުލިކުޑަކުރަން ގޮވާލައި މުޒާހަރާކުރަނީ
މުޒާހަރާގެ ބައިވެރިން ގެންގުޅުނު ބޯޑުތަކުގައި ލިޔެފައިވާ ގޮތުގައި ފްލެޓަކަށް މަހަކު ދައްކަން ސަރުކާރުން ކަނޑައަޅާފައިވާ 7،500ރ. ގެ ކުއްޔާއި ސާވިސް ފީގެ ގޮތުގައި މަހަކު ދައްކަން ޖެހޭ 1،000ރ. އަކީ ފްލެޓް ލިބުނު އާއިލާތަކަށް ލިބޭ އާމްދަނީން ދެކޮޅު ޖެއްސޭ ވަރަށް ވުރެ ބޮޑު އަދަދެކެވެ. އެހެންވެ ފްލެޓްގެ އަގުގެ ގޮތުގައި މަހަކު ދައްކަން ޖެހޭ 7،500ރ. ގެ ބަދަލުގައި 5،000ރ. އަދި ސާވިސް ފީގެ ގޮތުގައި ދައްކަން ޖެހޭ 1،000ރ. ގެ ބަދަލުގައި 600ރ. ނަގާ ގޮތަށް ބަދަލުކުރަން މުޒާހަރާގެ ބައިވެެރިން ގޮވައިލި އެވެ.
މުޒާހަރާގައި ގެންގުޅުނު ބޯޑުތަކުގެ އެއް ފަރާތުގައި އަގު ކުޑަކުރަން ގޮވާލައި މެސެޖްތައް ލިޔެފައި އޮތް އިރު އަނެއް ފަރާތުގައި ލިޔެފައިވާ އޮތީ "މި ނިކުތީ" އަދި " މިއީ ފެށުމެއް" ފަދަ އިބާރާތްތަކެވެ.
މުޒާހަރާ އިންތިޒާމްކުރި ހިޔާ ޔޫނިއަނުން ބުނި ގޮތުގައި ސަރުކާރުން މިހާރު ކަނޑައަޅާފައިވާ އަގުތަކަކީ ފްލެޓްތަކުގެ ސައިޒާ ވެސް އެކަށީގެން ނުވާ އަދި ސޯޝަލް ހައުސިން ސްކީމަކަށް އެކަށީގެންވާ އަގުތަކެއް ނޫނެވެ.
ހިޔާ މަޝްރޫއުގެ ދަށުން އިމާރާތްކުރި 6،720 ފްލެޓް ލިބުނު މީހުން އަންނަނީ މިދިޔަ މަހުގެ 14 އިން ފެށިގެން އެއްބަސްވުމުގައި ސޮއިކުރަމުންނެވެ. ފްލެޓް ލިބުނު މީހުން މުޒާހަރާ އަށް ނުކުތީ ކުލީގެ މައްސަލާގައި ގިނަ ބައެއްގެ ސޮޔާ އެކު ރައީސް އޮފީހަށް ޕެޓިޝަނެއް ވެސް ހުށަހެޅުމަށް ފަހުގަ އެވެ.
ސަރުކާރުން ވަނީ ފްލެޓުގެ ފިނިޝިން މަސައްކަތް ނިންމުމަށް ޓަކައި، ޑިސެމްބަރު މަހާ ހަމައަށް ކުލި ނުނަގަން ނިންމައިފަ އެވެ. ނަމަވެސް ކުލި ކުޑަކުރާނެ ކަމުގެ އިޝާރާތެއް އަދި ނުވެ އެވެ.
ހިޔާ މަޝްރޫއުގެ ދަށުން އަޅާފައިވާ 25 ބުރީގެ 16 ޓަވަރުގައި 30،000 އަށް ވުރެ ގިނަ މީހުން އުޅޭނެ ކަމަށް ބެލެވެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ލަބީބު
14 August 2021
އެއްވެސް ސަރުކާރަކުން ރައްޔިތުންނަށް ކޮއްދެވެން އޮތް ކަމެށް ނުކޮއްދީ ސަރުކާރުގެ ޕޮޕިއުލަރިޓީ ގެއްލޭކަށް ބޭނުމެށް ނުވާނެ. ސަރުކާރުން ފްލެޓްގެ ކުލި -/8500ރ ކަމަށް އިއުލާނު ކޮށް، ފްލެޓް ލިބުނު މިހުން ލައްވާ ސޮައި ކުރަމުން ދާއިރު ސޮއިކުރާ ހިސާބުން ފެށިގެން އެ އެއްބަސް ވެވުނީ އެވަރަށް ކުލި ދައްކަން. ކިތަންމެ ކުލި ކުޑަ ކުރިޔަސް، ގިނަ މީހުން ތިތަންތަން ދޭނީ ހަމަ ކުއްޔައް.
ކުލިކުޑަނުކުރޭ
14 August 2021
މިރާއްޖޭގައި ތިބީ ހަމައެކަނި ހިޔާ ފުލެޓްތައް ލިބުނު 25 ހާސް ރައްޔިތުންނެއް ނޫން. ބަޔަކު ނުއަގުގައި ހަދާފައިހުރި 7 ހާސް ފުލެޓު ސަބްސިޑައިޒުކޮށްފަ ދައުލަތަށް އެތައް ބިލިޔަން ރުފިޔާ ގެއްލުންވާގޮތަށް އަދި ބާކީތިބި 4 ލައްކަ 75 ހާސް ރައްޔިތުންގެ ހައްގުތައް ގެއްލޭގޮތަށް ކަންތައް ކުރުމަށް ގޮވާލައި މުޒާހަރާކުރުމަކީ ހަމަޖެހޭކަމެއް ނޫން. ފުލެޓު ލިބުނު މީހުންނަށް އެތަން ކަމުނުދަންޏާ ދޫކޮށްލާފަ އެހެން ތަނަކުން ފުލެޓް ހޯދަން މަޑުކޮށްލީމަ ވީނު.
މަބުނީ
14 August 2021
/100% ތާޢިދު.
ގެދޮރު ނެތް މާލޭމީހާ
14 August 2021
ގަބޫލު ކުރިއަސް ނުކުރިއަސް, ފުރަތަމަ ކަމަކީ, ފްލެޓް ލިބުނު މީހުންގެ ތެރޭގައި ފްލެޓް ހައްގު ނޫން މީހުން ގިނަ އަދަދަކަށް އެބަތިބި. ޢެއީ މާލޭގަ, ވިލިމާލޭގަ ނޫނީ ހުޅުމާލޭގަ ފްލެޓް ނޫނީ ބިން އޮތް މީހުން. އަގުބޮޑޭ އެންމެ ގިނައިން ގޮވަނީ އެމީހުން. އެއީ ކުޔަށް ދީގެން ލިބޭ މަންފާ ކުޑަވާނެތީ. ތެދު ވާހަކަ އެއް, 6500 މީހުންނަށް ފްލެޓް ލިބުނުއިރު 8500 ރުފިޔާ ކުލީގެ ގޮތުގަ ދައްކަން ދަތިވެދާނެ ގިނަބަޔަކު ތިބުމަކީ ހަމަ އެކަށީގެން ވާ ކަމެއް. އެހެން ވީމާ އެފަދަ ފަރާތްތައް ދެނެގަނެ, ސަބްސިޑީ ދިނުން ހަމަ ވަރަށް ރަނގަޅު ކަމަށް އަޅުގަނޑު ދެކެން. ހަމަ އެއާ އެކު, ފްލެޓް ލިބުނު މީހުންގެ ތެރެއިން އެތާގަ ދިރި ނޫޅޭ މީހުން އަތުން ފްލެޓް އަތުނުލާންވީ ސަބަބެއް އޮތް ކަމަކަށްވެސަ އަޅުގަނޑު ނުދެކެން. ޚިޔާލަކީ ވަރަށް ތަފާތު އެއްޗެއް. ވަރަށް ސަލާމް
ހާސަރު
14 August 2021
ތިޔަ ބޯޑްތައް ހިފައިގެން ދާންވީ ދޫވެހި ކައިރިއަށް އެތަނުގައި އުޅޭނެ ކޮންމެ ފްލެޓަކުން ފަނަރަ ހާސް ޑޮލަރ ބޮޑުކޮށް ތިތަންހެއްދި މީހާ, އެކަމުގެ ސަބަބުން އަގުބޮޑުވީ. އެހެންވީމަ ފްލެޓް ލިބުނު ކޮންމެމީހަކަށް އޭނާއަތުން 15 ހާސް ޑޮލަރ ހޯދަން ނުކުންނަންވީ.
އިނަފް
14 August 2021
ޔަގީނޭ ތިޔައީމުޅިން ސިޔާސީކަމެކޭ. ކުލިކުޑަކުރާށޭ ކިޔާފައި މުޒާހަރާކުރާއިރު ބޯޑްތަކުގައި އެބަހުރި "ފްލެޓްނުލިބި ލަސްވީމައި ޒިންމާނަގަންޖެހޭނެ" ކަމަށްވެސް. ފްލެޓްލިބި ހުރިހާކަމަކަށް އެއްބަސްވެ ސޮއިކޮއްފައި ދެންްތިޔަހެން ނުކުތުމަކީ ސިޔާސީކަމެއްކަން އެނގޭ އެންްމެންނަށްވެސް..
ރިލޭސް
14 August 2021
އަދި ދެއްކިދާނެކަމަށް އެބުނާ ވަރަކީވެސް ޕީޕީއެމް ސަރުކާރުން ފްލެޓްތައް ދޭނަމޭ ބުނާވަރު.
އިބްރާހީމްދ
14 August 2021
ތިތަނަކީ ރައްޔިތުންގެ ފައިސާ ޚަރަދުކޮށްގެން ހާދާފަހުރި ތަނެއް. ކިތަންމެ މުޒާހަރާއެއް ކުރިއަސް ކިހިނެއް ހިލޭދޭނީ.
އަގުބޮޑު
14 August 2021
އަގު ބޮޑިއްޔާ ފްލެޓް ދޫކޮށްލަންވީނު؟ އެއަގަށް ނާގާނެ މީހުން އެބަތިބިދޯ؟
ލަތީ
14 August 2021
މުޒާހަރާކުރި މީހުންއަތުން ފްލެޓްތައް އަތުލާވާހަކަ ގޮވާލާއިރަށް ބުނާނެ ތިމަންމެން އެކަންކުރީ ޔޫނިއަނުން ބުނެހެނޭ.
ކޮށްދޭނަމޭ
14 August 2021
ނިދާފައި އޮންނަ ސަރުކާރަށް ރައްޔިތުންގެ ރުއިމާއި ކެކުޅުމުގެ އަޑު ނީވޭނެއޭ މިހާރު މިއޮތް ވެރިކަމަކީ އެއީ މިނިސްޓަރުންނާއި ރައީސް ފިލާތިބެގެން ސިވިލް ސާރވެންޓުން ކުރިއަށް ނެރެގެން ރޯ ބުހުތާނު ދޮގު ރައްޔިތުންނަށް ހަދަމުންދާ ސަރުކާރެކޭ މަމެން ބުނަން ނެތީމޭ މިސަރުކާރުން ހިޔާ ފްލެޓްސް ތަކުގެ ކުލި ކުޑަ ނުކުރާނެެއޭ މަމެން ޕިންކީން ވެރިކަމަށް އަންނަ ފުރަތަމަ ދުވަހު ހިޔާ ފްލެޓްސް ތަކުގެ ކުލި އެއްކޮށް މާފުކޮށްދޭނަމޭ އިނގޭތޭ...
ވަހީދާ
14 August 2021
ކުލި ބޮޑެއްނޫން. 2 ކޮޓަރި އާއި ސިޓިންގްރޫމްގެ ކުލި މާލޭގައި އުޅެނީ 15،000 އާއި 18،000 ދެމެދު. ބޭކާރު މުޒާހަރާތައް ކުރާނެ ކަމެއްނެތް މިފަދަ ބަލިމަޑުކަމެއްގެ ތެރޭގައި.
ނޭނގު
14 August 2021
ވަހީދާމެން ތި އަގުގަ ތަންތަން ކުއްޔައް ދިނަސް ބަޔަކު ނެގިޔަދް މިއީ ނިކަމެތިންނަށްށޭ ކިޔާފަ ދޭ ސޯޝިއަލް ހައުސިންގ އޭ. ބަޔަކު ބޮޑުއަގުގަ ގެ ކުއްޔައްދިނޭ ކިޔާފަ ދައުލަތުން ރައްޔިތުން ނިކަމެޔި ނުކުރެވޭނެ. ޢެއްޗެއް އެގިގެން ކޮމެންޓުކޮެްލާ
ރ ސޯލިހް
14 August 2021
ބަލަ މިހާރު ކުލި ބޮޑީތޯ 6000ރ، ދެންދޭނީ ހިލޭ