އަދިވެސް މައުލޫމާތު ފޯމު ހުށަނާޅާ ގިނަ ބަޔަކު ތިބިއިރު، އޭގެ ތެރޭގައި ޕޯޓަލްގައި އެކައުންޓް ރަޖިސްޓަރީ ކުރުމަށް ފަހު މައުލޫމާތު ފޯމު ހުށަނާޅާ މީހުން ވެސް ހިމެނޭ.
ހުޅުމާލެ- ޖުލައި 14، 2021: ދިގު އިންތިޒާރަކަށް ފަހު ހިޔާ މަޝްރޫއުގެ 25 ބުރީގެ 16 ޓަވަރުން ފްލެޓް ލިބުނު މީހުންނާ އެކު އެއްބަސްވުމުގައި ސޮއިކޮށް ތަޅުދަނޑި ހަވާލުކުރަން ފެށުން--. ފޮޓޯ: ނިޝާން އަލީ/މިހާރު
28 އޯގަސްޓް 2021 - 12:02
13 comments
ހިޔާ ފްލެޓުގެ އެއްބަސްވުންތަކުގައި ސޮއިކުރުމަށް ހިޔާ ޕޯޓަލްގައި ރަޖިސްޓްރީ ނުކުރާ އަދި އެއްބަސްވުމުގައި ސޮއިކުރަން ބޭނުންވާ މައުލޫމާތު ނުދޭ 100 އަށް ވުރެ ގިނަ މީހުން އެބަތިބި ކަމަށް އެޗްޑީސީން ބުނެފި އެވެ.
ހިޔާ ފްލެޓް ޓަވަރުތަކުގެ ފެނުގެ މަސައްކަތްތަކެއް ކުރުމަށް، މިއަދުގެ އެކި ވަގުތުތަކުގައި އެތަނުން ފެނުގެ ހިދުމަތް މެދުކަނޑާލާނެކަން އެންގުމަށް އިއްޔެ އެޗްޑީސީން ކުރި އިއުލާނެއްގައި ބުނީ، އެއްބަސްވުން ހެދުމަށް ޕޯޓަލްގައި ރަޖިސްޓްރީވެފައި ނުވާ މީހުންނާއި އަދި އެއްވެސް ގޮތަކަށް މައުލޫމާތު ފޯމު ހުށަނާޅާ 107 މީހަކު އަދިވެސް އެބަތިބި ކަމަށެވެ.
މައުލޫމާތު ފޯމު ހުށަނާޅާ މީހުންގެ ލިސްޓު ވެސް މި އިއުލާނާ އެކު އެޗްޑީސީން ވަނީ އާންމުކޮށްފަ އެވެ.
ޓަވަރުތަކުގެ ފެނުގެ މަސައްކަތެއް މިއަދު ކުރިއަށް ދާތީ، ފްލެޓް ހަވާލުކުރުމުގެ އެއްބަސްވުމުގައި ސޮކުރުން ވެސް މިއަދު ނޯންނާނެ ކަމަށް އެޗްޑީސީން ވަނީ ބުނެފަ އެވެ. އެ ކޯޕަރޭޝަނުން ބުނީ މިއަދު އެއްބަސްވުމުގައި ސޮއިކުރަން ތާވަލުކޮށްފައި ވަނީ ފްލެޓް އެއްބަސްވުން ތައްޔާރުކުރަން ކޮންމެހެން ބޭނުންވާ މައުލޫމާތު ފުރިހަމަކޮށް، ފޯމު ހުށަހަޅާފައިވާ މީހުންގެ ތެރެއިން މައުލޫމާތު ކަށަވަރުކޮށް ނިމިފައިވާ މީހުން ކަމަށެވެ.
އަދިވެސް މައުލޫމާތު ފޯމު ހުށަނާޅާ ގިނަ ބަޔަކު ތިބިއިރު، އޭގެ ތެރޭގައި ޕޯޓަލްގައި އެކައުންޓް ރަޖިސްޓަރީ ކުރުމަށް ފަހު މައުލޫމާތު ފޯމު ހުށަނާޅާ މީހުން ވެސް ހިމެނެ އެވެ.
ފްލެޓް އެއްބަސްވުންތަކުގައި ސޮއިކުރުން މިހާރު ކުރިއަށް ދަނީ، އެކި ސަބަބުތަކާ ހުރެ، ކުރިން އެ އެއްބަސްވުންތަކުގައި ސޮއިނުކުރެވި ތިބި މީހުންނާ އެކު އެވެ.
އެޗްޑީސީން ކުރިން ބުނެފައިވާ ގޮތުގައި، ފްލެޓްތަކުގެ ފިނިޝިން މަސައްކަތް ނިންމަން ކުލި ނުހިނގާ ގޮތަށް ދޭ ހަތަރު މަސް އަންނަ މަހުން ފެށިގެން ގުނަން ފަށާނެ އެވެ. އެ ހިސާބަށް ދާއިރު އެއްބަސްވުމުގައި ސޮއި ނުކޮށް އޮތް ނަމަވެސް މަގުބޫލު ސަބަބެއް ނެތި އެއްބަސްވުމުގައި ސޮއި ނުކޮށް އޮތް ނަމަ ފިނިޝިން މަސައްކަތަށް ކުއްޔާ ނުލައި އިތުރު މުއްދަތެއް ނުދެވޭނެ ކަމަށް ވަނީ ބުނެފަ އެވެ.
އެޗްޑީސީން އަމާޒު ހިފާފައި އޮތީ އެއްބަސްވުމުގައި ސޮއިކުރުމުގެ ފުރަތަމަ ބުރު މި މަހުގެ 18 އަށް ނިންމާލައި ދެ ވަނަ ބުރެއް ފެށުމަށް ފަހު މި މަހުގެ ނިޔަލަށް އެއްކޮށް ނިންމާލާށެވެ.
ހިޔާ ފުލެޓުގެ ދަޅުދަނޑި ހަވާލުކުރުމަށް ފުލެޓް ލިބުނު މީހުންނާ އެކު އެއްބަސްވުމުގައި ސޮއިކުރުން ކުރިއަށްދަނީ.-- ފޮޓޯ: ނިޝާން އަލީ / މިހާރު
އެޗްޑީސީން ބުނީ ތަފާތު ސަބަބުތަކާ ހެދި ފޯމު ހުށަނޭޅި ތިބި މީހުންނަށް އެ ފުރުސަތު ދިނުމުގެ ގޮތުން މާދަމާ ހެނދުނު 8:00 އިން މެންދުރު 1:00 އަށް، ހުޅުމާލެ ހުރަވީ ސްކޫލްގެ ހޯލުގައި ފޯމު ފުރުމުގައި އެހީތެރިވެދިނުމާއި ފޯމު ބަލައިގަތުމުގެ އިންތިޒާމު ހަޖައްސާފައިވާ ކަމަށެވެ.
ހިޔާ ފްލެޓް ލިބުނު މީހުންނާ އެކު އެއްބަސްވުންތަކުގައި ސޮއިކުރަން ފެށީ މިދިޔަ މަހުގެ 14 ވަނަ ދުވަހު އެވެ. ތަފާތު ސަބަބުތަކާ ހުރެ، އެކި ފަހަރު މަތިން މި އެއްބަސްވުންތަކުގައި ސޮއިކުރުން މެދުކަނޑާލާފައިވެ އެވެ. މި އެއްބަސްވުމުގައި ސޮއިކުރުން ލަސްކުރި ނަމަވެސް، ފިނިޝަން އަށް ދީފައިވާ މުއްދަތު އިތުރުނުކޮށްދޭނެ ކަމަށް އެޗްޑީސީން ވަނީ ކުރިން ބުނެފަ އެވެ.
ފްލެޓު އެއްބަސްވުމުގައި ސޮއިކުރަން ފެށުމުގެ ކުރިން އެޗްޑީސީން ވަނީ އެއްބަސްވުމުގައި ސޮއިކުރުމުގެ ކަންކަން ފަސޭހަ އަދި ލުއި ގޮތެއްގައި ކުރިއަށް ގެންދިއުމަށް "ހިޔާ 7000" ގެ ނަމުގައި ޕޯޓަލެއް ހަދައި، އެ ޕޯޓަލް މެދުވެރިކޮށް އެއްބަސްވުމުގައި ސޮއިކުރުމާ ގުޅޭ ލިޔެކިޔުންތައް ހުށަހަޅަން އެދިފަ އެވެ.
ހިޔާގެ ބައެއް ޓަވަރުތަކަށް ކަރަންޓުދީފައި ވާތީ ފްލެޓް ތަޅުދަނޑި ލިބުނު ބައެއް މީހުން މިހާރު ވަނީ އެތަނުގެ ފިނިޝިން މަސައްކަތް ވެސް ފަށައިފަ އެވެ. ހިޔާ މަޝްރޫއުގެ ދަށުން ފްލެޓް ލިބުނު މީހުންނަށް ތަޅުދަނޑި ހަވާލުކުރުމުގެ މަސައްކަތް އަދިވެސް ކުރަމުން އަންނައިރު އެ ފްލެޓް ނިންމުމަށް ކުލި ނުނަގާ ގޮތަށް ދީފައިވާ މުއްދަތަކީ ޑިސެމްބަރުގެ ނިޔަލެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ޢައިމިނަ
29 August 2021
ބޭނުންނުވާ މީހުންނަށް ދީފަހުރީމަ ވާނެގޮތްތީ
ޢިންސާފުކޮބާ
28 August 2021
މިއަންނަމަހު ގްރޭސްޕީރިއަޑް 4 މަސް ގުނަން ފަށާއިރު، ބައެއް ޓަވަރުތަކަށް ކަރަންޓު ލިބި ފިނިޝިންގ މަސައްކަތްދަނީ ކުރަމުން، ނަމަވެސް ބައެއް ޓަވަރުތަކަށް އަދިވެސް ކަރަންޓު ނުލިބޭތީ ފިނިޝިންގ މަސައްކަތް ވަނީ ނުކުރެވިފަ. ވީމާ، އެއް ބަޔަކަށް އިތުރު ދުވަސްތަކެއް އެބަ ލިބޭ. ގްރޭސް ޕީރިއަޑް ގުނަން ފަށަންވާނީ ކަރަންޓު ލިބޭ ދުވަހުން ފެށިގެން.
ގުދުގުދާބެއްޔާ
28 August 2021
މައުލޫމާތު ނުދެވޭނެތާ! މުޅިންވެސް މާލޭގައި ނުއުޅޭ ދޮގުހަދައިގެން ފުލެޓް ލިބިފަ ތިބިމީހުން ތިޔައީ!
އެމެރިކާ
28 August 2021
އެމްޑީޕީ ސަރުކާރުން 3 އަހަރުދުވަސް ވަދެން ފްލެޓުތައް ހިސޯރުކޮއްގެންވެސް ކަރަންޓު ދިންނަމަ ކިހާރަންގަޅުވީސް.
ހާނިމް
28 August 2021
އޭގެ ތެރޭގައި ނިޔާވެފައިމީހުން ތިބި އަދަދު ވެސް ދަންނަވާލި ނަމަ
އައްޗީޑީ ސީ
28 August 2021
މައުލޫމާތު ނުދޭ 100 މީހުން ތިބީމަ އެވާހަކަތަ މީޑިއާއަށް އެޗްޑީސީން ކިޔަނީ. ކޮބާތާ މައުޅޫމާތު ދިން 6400 މީހުންނަށް އެޗްޑީސީން ކޮށްދެވުނުކަމަކީ. އެެއްފަރާތަށް ޖެހިނހުސަވެފަ އޮތް އެގްރީމެންޓެއްގަ ގަދަކަމުން ސޮއިކުރެވުނުކަން އެކަނި. ކަރަންޓެއް، ފެނެއް، ނުދެވި، މަގުތަށްވެސް ނުހެދި، އެންމެ ކުޑަމިނުުން ތަކެތި އަރުވަން ލިފްޓް ބަލާލާއިރު އެއިންވެސް ހުންނަނީ އަބަދު ކަރަންޓު ކަނޑާލާފަ. ނުވަންޏާ ނިކަމެތިންގެ ބޮލަށް ކަންކަން ނުކަނޑާ އިސްތިފާ ދީ.
ސީދިބެ
28 August 2021
މުދާ ހިފައިގެން އަރުވަން ބަލާއިރު ލިފްޓް ތައް މަސައްކަތެއް ނުކުރޭ! ތިން ދުވަސް ވާއިރުވެސް މުދާ ކޮޅު ކައިރީ ޑިޔުޓީގައި ތިބެން މިޖެހެނީ!ޢެވަރުން ދެން ތިދޭ ހަތަރުމަހު މަސައްކަތް ކުރާނެ ގޮތެއް އެޗްޑީސީން ބުނެދީބަލަ! ގަނަ ތެޅުވުން ނޫންކަމެއް އެބައޮތްތޯ!
ގުދުގުދާބެއްޔާ
28 August 2021
ތިޔަވަރު ގޯހެއްނޫން! އަދި ތިޔަތަނައް މީހުން ވަދެލީމަ ވާނެ ގޮތް ބަލަންތިބޭ! ހެނދުނުގަޑީގައި ލިފްޓުން ފައިބަން ތިބޭ މީހުން 30 ހުން ސާޅީހުން ތިބޭނެ! ބިންމައްޗައް ފައިބަން 25 މިނެޓް. އަދި ލިފްޓް މެއިންޓަނަންސް ނުވަތަ ލިފްޓް މަސައްކަތް ނުކޮއް ހުއްޓިއްޖެއްޔާ ވާނެ ގޮތް ހިތައް ގެނެސްބަލަ! 25 ބުރީގެ ފުލެޓް ސޯސަލް ސިކީމްއަށް އަޅަން ހެޔޮނުވާނެ! ދިހަބުރި ނަމަވެސް އޯކޭ!
ރާއްޖެ
28 August 2021
މައުލޫމާތު ދީފަ އެއްބަސްވުން ހަދާފަ ހުރި މީހުންނަށް އެޗްޑީސީން ދުއްޕާން ނުކޮއް މަސައްކަތް ކުރެވޭނެ ގޮތެއް ހަދަންވީ. ކަރަންޓެއް ފެނެއް ލިފްޓެއް މަސައްކަތް ކުރަނީ އެއް ނޫން. އެންމެ ކުޑަމިނުން މަގު މަތީގަ މަގުބައްތިއެއްވެސް ދިއްލާ ނުލެވޭ. ކީއްކުރާ އެޗްޑީސީއެއް ތިއީ.
ސްކިޕަރ
28 August 2021
ފޯމު ލީ އިރު ހުންނާނީ ހުރިހާ މައުލޫމާތެއް ދީފައި. އިތުރަށް މައުލޫމާތު ކަށަވަރު ކުރަންވެސް ފޯމުލީ ހުރިހާމީހުންގެ ގެޔަށް ދިޔަ. އަނެއްކާ މިކިޔަނީ މައުލޫމާތު ދޭށޭ. ކިހާ ބޮޑު ކަމެއް ދެން މިއީ. ދެން 1 އަހަރު ފަހުން އަނެއްކާ ބުނާނެ ފްލެޓަށް ވަނީ ދިވެހީންކަން ކަށަވަރު ކުރަން އިތުރު ފޯމެއް ފުރާފަ ލާށޭ. ދެން ބުނާނެ ފައިސާ ދައްކާކަން ކަށަވަރުކުރަން ބޭންކް ސްޓޭޓްމަންޓް ފޮނުވާށޭ. އުމުރުން ދުވަސްވެފައިތިބި މުސްކުޅިންނަށް ވެސް ކިހާ ބޮޑު އުނދަގުލެއް މިޖައްސަނީ!
ބިރާދު
28 August 2021
ކުރިން ތަޅުދަނޑި ހަވާލުކުރި މީހުނާއި ފަހުން ހަވާލުކުރި މީހުނާއި އަދި ހަވާލު ނުކުރާ މީހުނާ ތަފާތު ގޮތަކަށް މުއްދަތު ލިބުމަކީ އިންސާފެއްނޫން...ކަރަންޓް ފެންވެސް އެކި ޓަވަރ ތަކަށް އެކި މުއްދަތުގައި ލިބެނީ..