ހައި ކޯޓުން އެންމެ ގިނަ މައްސަލަ ނިންމީ މިދިޔަ މަހު

ހައި ކޯޓު: އެ ކޯޓު މިހާރު އޮތީ ރިސެސްގައި.---މިހާރު ފޮޓޯ

02 ޑިސެމްބަރ 2016 - 17:40

ހައި ކޯޓުން މިދިޔަ މަހު ރެކޯޑް އަދަދަކަށް މައްސަލަ ނިންމުމަށް ފަހު ރިސެސް އަށް ހިނގައްޖެ އެވެ.

މިވަގުތު ހަތަރު ފަނޑިޔާރުން މަސައްކަތް ކުރައްވާ ހައި ކޯޓުން މިދިޔަ ނޮމެވްބަރު މަހު 69 މައްސަލައެއް ނިންމިއިރު، އެއީ އެ ކޯޓުގެ ތާރީޚުގައި އެންމެ ގިނައިން މައްސަލަ ނިމުނު މަހެވެ. އޭގެ ތެރޭގައި ޖިނާއީ އަދި މަދަނީ ބޮޑެތި މައްސަލަތައް ހިމެނެ އެވެ.

އިއްޔެ އިން ފެށިގެން ރިސެސް އަށް ގޮސްފައިވާ ހައި ކޯޓުން ދެން ޝަރީއަތްތައް ފަށާނީ އަންނަ ޖެނުއަރީ މަހުގަ އެވެ. ޝަރީއަތްތައް ނުފެށިޔަސް ކޮންމެހެން ބާއްވަންޖެހޭ ޝަރީއަތްތައް ބޭއްވުމާއި މައްސަލަތައް ދިރާސާ ކުރުމާއި މައްސަލަ ބަލައިގަތުމާއި އިދާރީ މަސައްކަތްތައް ރިސެސް މުއްދަތުގައި ވެސް ކުރިއަށް ގެންދާނެ އެވެ.

ހައި ކޯޓެކޭ އެއްގޮތަށް މާލޭގެ އެހެން ކޯޓުތަކުން ވެސް އިއްޔެ ވަނީ ރިސެސް އަށް ގޮސްފަ އެވެ.

ހައި ކޯޓް ކޯޓް ކޯޓް މައްސަލަތައް ޖުޑީޝަރީ

1 ކޮމެންޓް, 12 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

GAN Island

02 December 2016

އަދަދު މުހިންމުވަނީ އެ އަދަދުން ފައިދާކުރުވަނިވިގޮތަށް ކޮށްފައިވާ ކަންކަމުގައި. މިސާލަކަށް ހަމަ އެކަނި ޕަންޗުއަލް ރަނގަޅު ކުރުމަށް ނުވަތަ ކަން ދެއްކުމަށް 5 ވަގުތު މިސްކިތަށް ވަދެ އުޅުމަކީ ތަޤުވާވެރިކަމާއި އެކު ފަސްވަގުތު ނަމާދު ކުރާ މީހާއާއި އެއްވަރުވުން ކަމުގައި ބަލާނީ ކިހިނެތް ؟؟ . . ރާއްޖޭގެ ކޯޓް ތަކުން ފަހަކަށް އައިސް ނިންމާފައިވާ މައްސަލަތަކާއި އެފަދަ މައްސަލަތައް ހިގާފައިވާ ގޮތް އަދި ބައެއް މައްސަލަތައް ކޯޓް ތެރޭގައި ތާށިވެފައިވާ ގޮތަށާއި އަދި ބައެއްފަހަރަށް ކޯޓަށް މައްސަލަ ހުށަނާޅަނީސް ވެސް މައްސަލައިގެ ތެރެއަށް ''ކޯޓް ވަންނަ ގޮތަށް'' އަދި ބާރު ހުރި ބައެއް ފަރާތް ތަކުގެ މައްސަލަ ނިމޭ ގޮތަށް ބަލާ އިރު ގިނަ މައްސަލަ ތައް ނިންމި ކަމުގެ ހަބަރަކީ ''ރައްޔިތުންނަށް އެހާ އުފާވެރި ޙަބަރު ތަކެއްކަމަކަށް ނުދެކެން''