ގުޅިފަޅު މަޝްރޫއު ހުއްޓުވަން ކުރި ދައުވާ ޝަރީއަތަށް

ތަރައްގީކޮށް ނިމޭއިރު ގުޅިފަޅު އޮންނާނެ ގޮތުގެ ކުރެހުމެއް: އެ މަޝްރޫއު ހުއްޓުވަން ވަނީ ދައުވާކޮށްފައި --

ނަޖާހް މަސްއޫދު، މިހާރު

12 އޮކްޓޯބަރ 2021 - 15:20

ގުޅިފަޅު ހިއްކައިގެން އެތަން ތަރައްގީ ކުރުމުގެ މަޝްރޫއުގެ ސަބަބުން ތިމާވެއްޓަށް ގެއްލުން ލިބޭތީ އެ މަޝްރޫއު ހުއްޓުވަން އަމިއްލަ ފަރާތަކުން ސިވިލް ކޯޓުގައި ދައުވާކުރި މައްސަލަ ޝަރީއަތުގެ މަރުހަލާއަށް ގޮސްފި އެވެ.

ގުޅިފަޅު މަޝްރޫއު ހުއްޓުވަން ޕްލޭނިން މިނިސްޓްރީ އާއި އީޕީއޭ އަދި އެންވަޔަރަމެންޓް މިނިސްޓްރީގެ މައްޗަށް އަމިއްލަ ހައިސިއްޔަތުން ދައުވާކުރީ ތިމާވެށި ހިމާޔަތްކުރަން ވަކާލާތުކުރާ ސޭވް މޯލްޑިވްސް ކެމްޕެއިންގެ އިސް ވޮލެންޓިއަރެއް ކަމަށްވާ ހުމެއިދާ އަބްދުލްޣަފޫރު (ހުމޭ) އެވެ.

އެ މައްސަލައިގެ ޑިސްޕިއުޓް ރިޒޮލޫޝަން މަރުހަލާގައި ބޭއްވީ ތިން އަޑުއެހުމެކެވެ. ފުރަތަމަ އަޑުއެހުމުގައި ދައުލަތަށް ލިޔުންތައް ދިރާސާ ކުރަން ފުރުސަތު ދިނުމުން ދެވަނަ އަޑުއެހުމަށް ވެސް ތައްޔާރު ނުވެވި އައުމުން އިތުރު ފުރުސަތެއް ދިނެވެ. ލިޔުންތައް ދިރާސާ ކުރުމަށް ފަހު ދައުލަތުން އެދޭ ގޮތް ބުނީ މިއަދު ހެނދުނު ބޭއްވި ތިން ވަނަ އަޑުއެހުމުގަ އެވެ.

އެ އަޑުއެހުމުގައި ދައުލަތުން ބުނެފައި ވަނީ މައްސަލައިގެ ބާވަތުން ޑިސްޕިއުޓް ރިޒޮލޫޝަން މަރުހަލާގައި ގޮތެއް ނިންމެން ނެތް ކަމަށެވެ. އަދި އެެދިފައި ވަނީ މައްސަލަ ޝަރީއަތުގެ މަރުހަލާއަށް ގެންދިޔުމަށެވެ. ދައުވާކުރާ ފަރާތުން ވެސް އެދުނީ މައްސަލަ ޝަރީއަތުގެ މަރުހަލާއަށް ގެންދާށެވެ.

އެހެންވެ މިއަދު ވަނީ ޑިސްޕިއުޓް ރިޒޮލޫޝަން މަރުހަލާ ނިންމާލައިފަ އެވެ. އެ މަރުހަލާގައި 19 ދުވަސް ހޭދަވި އެވެ. ދެން އޮންނާނީ ޝަރީއަތުގެ މަރުހަލާ އެވެ.

ހުމޭ މީގެ ކުރިން ވިދާޅުވެފައި ވަނީ ގުޅިފަޅު ހިއްކުމުގެ މަޝްރޫއުއަކީ ތިމާވެށީގެ ގޮތުންނާއި، އިޖްތިމާއީ ގޮތުންނާއި، އިގްތިސާދީ ގޮތުންނާއި އަދި އެހެނިހެން ގޮތްގޮތުން ވެސް ދިވެހި ރައްޔިތުންނަށާއި ރާއްޖެއަށް ބޮޑެތި ގެއްލުންތަކެއް ލިބިގެންދާނެ މަޝްރޫއެއް ކަމަށެވެ. އޭނާ ވިދާޅުވީ، ފައިސާއިން އަގުނުކުރެވޭ ގުދުރަތީ މުއްސަނދިކަން ސަރުކާރުން ތަރައްގީގެ ނަމުގައި ފަނާ ކުރުމަކީ އެކަމުގެ ނޭދެވޭ އަސަރުތައް ޖީލުތަކަކަށް ތަހައްމަލުކުރަން ޖެހޭ ފަދަ އިހުމާލެއް ކަމަށެވެ.

އެ މަޝްރޫއަކީ ވަގުތާއި ހާލަތާއި ގެއްލުމާއި ފައިދާ އެކަށީގެންވާ މިންވަރަށް މިނެކިރުމެއް ނެތި ކުރަމުންގެންދާ، ރާއްޖޭގެ ގާނޫނުއަސާސީއާ ވެސް ހިލާފު މަޝްރޫއެއް ކަމަށް ވެސް އޭނާ ވިދާޅުވެފައިވެ އެވެ.

މަޝްރޫއުގެ ސަބަބުން ގުޅިފަޅު ފަރުގައި 1995 އިން ފެށިގެން ހިމާޔަތްކޮށްފައިވާ ކަނޑުއަޑީގެ ދިރުންތަކުގެ މުއްސަނދި ސަރަހައްދެއް ކަމަށްވާ "ހާންސްހާސް ޕްލޭސް" ނުވަތަ "ކިކި ރީފް" ނެތިގެންދާނެކަން ވެސް ހުމޭ ފާހަގަ ކުރައްވަ އެވެ.

Thimaavettah gellunvaathy Gulhifalhu mashroou huttuvan civil court ah!

The most trusted news source in the Maldives

Mihaaru

ތިމާވެށި ސިވިލް ކޯޓް ގުޅިފަޅު

13 ކޮމެންޓް, 5 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

މެހި

13 October 2021

ބޭނުންހައި ކަމެއްކުރެވެން އޮތީއެންމެމީހަކައް އެމީހާ ެކަންކުރާނީ އެންމެންގެ އަނގަފަހާފަ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އޮނަރަބްލް އަފީފު ދީދީ

12 October 2021

ހުޅުމާލެ އާއި ގުޅިފަޅާއި ތިލަފަޅާއި އޭގެ ފަހުން މިހާރު ފުށިދިއްގަރު ކިޔާ ފަޅެއް ހިއްކަން އުޅުމުގެ ބޭނުމަކީ ކ.އަތޮޅު މާލެ ނޫން ސަރަޙައްދަކަށް އިޤްތިސޯދީ އެއްވެސް ޙަރަކާތެއް ނުގެންދިއުން. # ކީއްވެގެންތޯ ދައުލަތް ދަރަނިކޮށް ނަގާ 800މ ޑޮލަރުގެ ލޯނުން ހަދާންއުޅޭ ސީޕޯޓް ބަނދަރު މުޅިރާއްޖެއަށް މަންފާހުރި އަދި ބައިނަލްއަޤުވާމީ ޗެނަލްތަކާއި އެންމެ ކައިރި ސަރަހައްދުގައިއޮތް އައްޑޫސިޓީ، ހުވަދޫ ނޫންނަމަ ލާމް އަތޮޅުގައި ހަދަން ސަރުކާރުން ބޭނުން ނުވަނީ؟!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދުގުދާބެއްޔާ

12 October 2021

ތިޔަ ވާހަކަ ނުދަައްކާ! އަހަރުމެންގެ މާލޭ ރައީސް ޔާމީނުގެ ސިޔާސަތުގެދަށުން ހުޅުމާލެ ދެވަނަ ފޭސްގައި 25 ބުރީގެ ޓަވަރ އަޅާ ރަށްރަށުގެ މީހުން މިސަރަހައްދައް ޖަމާކޮށް 25 އަހަރު ދުވަހުގެ ފުލެޓް ކުލީގެ އަޅުންނަށް ހަދާފައިމިވަނީ މާލެސަރަހައްދު ތަރައްޤީ ކުރުމުގެ ދުރުވިސްނުމުގެސިޔާސަތުގެދަށުން! ދެން 25އަހަރުވަންދެން 8500ރ ދައްކާފައި ލިބޭހުރިހާފައިސާއެއް މާލެ/ހުޅުމާލެއަށް ޚަރަދުކޮއްލަކޮއްލާތިބޭ!ދެން ރަށްތަރައްޤީ ނުވާވާހަކަ ނުދައްކާތި!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒަސް

13 October 2021

ކަލޯ ތިހެން ކަލަ ގޮވާއިރު އައްޑޫ ހިއްކަން ދިވެހި ރައްޔިތުންގެ ބޮލުގައި 300 މިލިއަން ޑޮލަރު ލޯނެއް އެޅުވި ވާހަކަވެސް ބުނެލަބަލަ. ކޮން ބޭނުމެއްގަ ހިއްކާ ތަނެއްތަ އެއީ؟ ކޮން ފައިދާއެއްވާ ތަނެއްތަ އެއީ؟ ސަރުކާރުން ބޭނުވަންވަނީ އެހެން ރައްތައް ހާލުގައި ޖައްސާފައިވެސް އައްޑޫގައި ބިންހިއްކަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަހަންމާ44

13 October 2021

ހުރިހާ މޮޅެއް ނުލިބޭނެ. މާލޭއަށް އަންނަ އިރު ކޮންމެ މީހަކަށް މާލޭގައި ފްލެޓްތައްވެސް ހުންނަށް ޖެހޭ. ރަށަށް ދިޔައީމަ ރަށުގަ ސިޓީ ފެންވަރުގެ ހިދުމަތްތައްވެސް ލިބެންޖެހޭ. ކޮންމެވެސް އެއް އަނގަޔަކުން ވާހަކަތައް ދައްކައިގެން ރަށްތައް ތަރައްގީ ކުރަން އުޅެންވީ. މާލެ ދޫކޮށްލަންވީ މާލޭގެ ރައްޔިތުންނަށް. އަހަރުމެން ވީ އަހަރުމެންގެ ރަށްތަކަށް ބަޖެޓްތައް ގެންނަށް މަސައްކަތްކުރަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގުދޯގުދޯ44

13 October 2021

ކުލި އަޅުންނޭ ކިޔާނެ ކަމެއްނެތް، ތިޔަ އީ ހަމަ އަމިއްލެޔަށް މާމޮޅު ކަމެއްކަމަށް ލިވިގަތް ކަންތައް. މާލެއިން ފްލެޓް ރަށުގަ ގެސްޓް ހައުސް ތޯ؟ ތިޔަ ހުރިހާ މޮޅެއް ނުވާނެ. ކޮންމެވެސް އެއްގޮތެއް ވިސްނާ. ރަށްތައް ރަރަށްގީ ކުރަން ބޭނުމިއްޔާ އެކަމާ އުޅޭ. ދެ ކޮޅުން ކާން އުޅުނީމަ ވާނީތިޔަހެން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ހަސަނުު

12 October 2021

ކީއްވެ ގުޅީފަޅު މަޝްރޫޫޢު އެކަނި؟؟ ރާއްޖޭގައި ހިންގާ ހުރިހާ ހިއްކުމުގެ މަޝްރޫޢެއް ހުއްޓުވަން ލިނަމަ. އެހެން ފަރުތަކަށް ނުވާ ގެއްލުމެއް ގުޅީފަޅު ފަރަށް ލިބެނީތޯ؟ ގުޅީފަޅު މަޝްރޫޢު ހުއްޓުވައިފިނަމަ ބްރިޖް މަޝްރޫޢުވެސް ހުއްޓޭނެ. އެއީ ބްރިޖް މަޝްރޫޢު ކުރިއަށް ގެންދެވޭނީ ގުޅިފަޅު ހިއްކިބައި ލައިގެން ކަމަށް ވާތީ. ހުމޭ ވާސަސް ދިވެހި ރައްޔިތުން... އެނގިދާނެތާ: ރައްޔިތުންގެ ބޭނުންތައްތޯ މޮޅުވަނީ ނޫނީ އެކްޓިވިސްޓެއްގެ ވެޓް ޑްރީމެއްތޯ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

މުޙައްމަދު.

12 October 2021

ގުޅިފަޅުގެ މަސައްކަތް ހުއްޓުވަން ޖެހެނީ މިސަރަހައްދުގައި އެތައް ރިސޯޓަކަށް އިންވެސްޓް ކޮށްގެން ތިބިމީހުނަށް އެތައް ގެއްލުން ލިބޭނެތީ އާއި މުޅި ސަރަޙައްދުގެ ދިރުންތައް ނެތިގެން ދާނެތީވެ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ާަްއަލީ

12 October 2021

ރައްޔިތުންނަކީ މިވަގުތު ދުނިޔޭގައި ދިރި ތިބި މީހިން އެކަނި އެއް ނޫން! ކަލެ ތިބުނާ ޒާތަކަށް ނުވިޔަސް އަންނަން އޮތް ޖީލުތަކުގެ ރައުސްމާލު ވެސް ބޭކާރު ވިޔަ ނުދެވޭނެ! ޤާނޫން އަސާސީގެ 22 ވަނަ މާްއްދާ އިން ރައްތިތުންނަކަށް ވެސް ބޭނުންހާ ކަމެއް ނުކުރެވޭނެ ކަން އޮތީ ބަޔާން ކޮށްފަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ރޯޒަސް

12 October 2021

އަލީ ތިބުނާ ގޮތުންނަމަ ކޮން ޖީލަކުންތޯ ކަންކަން ނިންމާނީ؟ މިޖީލުން ނުނިންމަންޏާ ދެން އަން ޖީލަކުން ކަންކަން ނިންމައިގެން ނުވާނެދޯ؟ އަބަދުވެސް ފަހުގެ ޖީލައް ބާއްވަންޏާ އެއްވެސް މީހަކަކަށް ރާއްޖޭގެ އެއްވެސް ތަނެއްގަ އެއްވެސް އިރެއްގައި އަތެއް ނުލެވޭނެދޯ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިންތިޒާމު.

12 October 2021

ބަރާބަރު ތިކަން ހުއްޓުވަންޖެހޭ. ކީއްކުރަމް ތިތަން ހިއްކާންވީ. މުޅި ތިމާވެށި ހަލާކު ކޮށްފި.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަދަން

12 October 2021

އަލަށްތަ މި ގައުމުގަ ތަނެއް ހިއްކަން މި އުޅެނީ. ކޮންމެ ކަމެއް ސިޔާސީ ކޮށްގެން އޭގެން އަމިއްލަ ފައިދާއެއް ހޯދަން މި އުޅެނީ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އަސްމާ.

12 October 2021

ތިކަމުގެ އަޑީޣައިތިބި އަސްލަންޓޭ މެންވެސް ބޭނުންވަނީ މާލެ ސަރަޙައްދުގެ ތިމާވެށި ހަލާކުކޮށްލަން. ބޭނުމަކީ އޭނާގެ އަތޮޅު ކުރިއަށްއޮތް ތަނުގައި އެންމެ ބޮޑު ފަތުރުވެރިކަމުގެ ސަރަހައްދަށް ހެދުން.