އަނަންތަރާ ދިގު މޯލްޑިވްސް ރިސޯޓް.--
18 އޮކްޓޯބަރ 2021 - 12:21
1 comments
މާލެ އަތޮޅު އަނަންތަރާ ދިގު މޯލްޑިވްސް ރިސޯޓުގެ އަތިރިމަތީގައި ދެކުނު ކޮރެއާގެ ޓޫރިސްޓަކު މަރުވެފައި އޮއްވައި އިއްޔެ ފެނިއްޖެ އެވެ.
ފުލުހުން މިއަދު ބުނީ، އުމުރުން 35 އަހަރުގެ އެ ފިރިހެންމީހާގެ މަރުގެ ރިޕޯޓު ލިބުނީ އިއްޔެގެ މެންދުރު އެކެއް ޖަހާކަންހާއިރު ކަމަށާއި އެ މަރާ ގުޅިގެން ބަލަން ޖެހޭ ކަންކަން ބަލަމުން އަންނަ ކަމަށެވެ.
އޭނާ މަރުވި ގޮތެއް އަދި ޔަގީނެއް ނުވެ އެވެ.
ރާއްޖެ އަށް ވަރަށް ބޮޑަށް މި ދުވަސްވަރު މޫސުން ގޯސްވެ، މިދިޔަ ތިން ވަރަކަށް ދުވަހުގެ ތެރޭގައި ހިނގި ހާދިސާތަކުގައި ވަނީ ދެ މީހަކު މަރުވެ، އެކަކު ގެއްލިފަ އެވެ. މަރުވެފައި ވަނީ މާލެ އިން ވ. އަތޮޅަށް ދަތުރު ކުރި ލޯންޗެއްގައި ރާޅެއް ޖެހި ހިނގި ކަނޑުމަތީގެ ހާދިސާގައި ކަނޑަށް ވެއްޓުނު އަންހެނެކެވެ. މި ހާދިސާގައި އޭނާގެ ހަގު ދަރިފުޅު ވަނީ ގެއްލިފަ އެވެ. އެ ކުއްޖާ އަދިވެސް ނުފެނެ އެވެ.
ދެވަނަ އަށް މަރުވީ މިއަދު ހެނދުނު މާލޭގެ ރަސްމީ ފާލަން ކައިރިން ބޭރު ތޮށިގަނޑުމަތީގައި މަސް ބާނަން ހުރި ދިވެއްސެކެވެ. އެ ފިރިހެންމީހާ މަރުވީ ވައި ބާރުވެ، މޫދަށް ވެއްޓިގެންނެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
1828
18 October 2021
ދެން ފެންނާނީ މުވައްޒަފުން މަރުވެފައި އޮތްވައި. ސަރުކާރުން ކަނޑެޅި މިންގަނޑަށް ވެކްސިން ޖެހީމައިވެސް ގިނަ ރިސޯޓްތަކުން ވަނީ މުވައްޒަފުން ރަހީނުކޮށްފައި. ޤާނޫނު އަސާސީގެ 02 ވަނަ ބާބުގެ 41 ވަނަ މާއްދާގެ ހ ގައި ލިބިދީފައިވާ އަސާސީ ހައްޤު ގިނަ ރިސޯޓްތަކުންވަނީ ނިގުޅައިގަނެފައި. އެވަރުންވެސް ރިސޯޓްތަކާމެދު އެޅޭނެ ފިޔަވަޅެއް ނެތް. މިއީ ވާޤަމެއް.