ކާނަލް ނަޝީދަށް ހަމަލަދީ ޒަހަމްކޮށްލައިފި

ޕީޕީއެމުން ބޭއްވި ޖަލްސާއެއްގައި ނަޝީދު (ވ) ބައިވެރިވެވަޑައިގަންނަވަނީ. - ފޮޓޯ: މިހާރު

މުހައްމަދު ޔާމީން، މިހާރު

17 ނޮވެމްބަރ 2018 - 15:37

ޑީއާރުޕީގެ ލީޑަރު އަދި ރާއްޖެ އިން ތައިލެންޑަށް ކަނޑައަޅާފައި ހުންނަވާ ސަފީރު މުހައްމަދު ނަޝީދު (ކާނަލް) އަށް ހަމަލާދީ މިއަދު ޒަހަމްކޮށްލައިފި އެވެ.

"މިހާރު" އަށް ދެއްވި އިންޓަވިއުއެއްގައި ނަޝީދު ވިދާޅުވީ އޭނާ އަށް ހަމަލަދިނީ ޒިޔާރަތްދޮށުގެ ކައިރިން ރައްޓެއްސަކާއެކު ހިންގަވާފައި ވަޑައިގަންނަވަނިކޮށް، ކެފޭއެއްގައި ތިބި ބަޔަކު ކަމަށެވެ. ކެފޭގައި ތިބި ބަޔަކު، ނުކުމެ ފުޅި އާއި ތަށިތައް އުކައި އޭނާ އަށް ހަމަލާދިން ކަމަށް ނަޝީދު ވިދާޅުވި އެވެ.

"އަޅުގަނޑު ގައިގައި ގޮނޑިއަކުން ޖަހައި، ކުޅު ވެސް ޖަހައި ހެދި. ކަކޫ ކުޑަކޮށް ހުރީ ދުޅަވެފައި. އަދި އަޅުގަނޑު މަރާލާނެ ކަމުގެ އިންޒާރު ވެސް އެމީހުން ވަނީ ދީފައި،" ނަޝީދު ވިދާޅުވި އެވެ.

ނަޝީދު ވިދާޅުވި ގޮތުގައި، އޭނާ އަށް ލިބުނު ޒަހަމްތަކަށް މިހާރު ވަނީ ފަރުވާ ހޯއްދަވައިފަ އެވެ. އެކަމަކު، ހަމަލާ ދިން މީހުން ކުރީ ފިނޑި އަމަލެއްގެ ގޮތުގައި އޭނާ ސިފަ ކުރެއްވި އެވެ.

"މިފަދަ ކަމެއް ކުރުމަކީ ވަރަށް ދަށު ދަރަޖައިގެ ކަމެއްގެ ގޮތުގައި އަޅުގަނޑު ދެކެނީ. ބައިނަލްއަގުވާމީ ފަރާތްތަކުން ވެސް މިކަންކަން ބަލަން އެބަޖެހޭ،" ނަޝީދު ވިދާޅުވި އެވެ.

ނަޝީދު ވަނީ މަލްޓި ޕާޓީ ސިސްޓަމެއް ރާޢްޖޭގައި އޮންނައިރު، ހުރިހާ ސިޔާސީ ޕާޓީތަކަށް ވެސް މިނިވަންކަމާއެކު މަސައްކަތް ކުރެވޭނެ މަގުފަހިވެފައި އޮންނަން ޖެހޭ ކަމަށެވެ.

އިންތިހާބީ ރައީސް އިބްރާހިމް މުހައްމަދު ސޯލިހް (އިބޫ) ގެ ސަރުކާރުގައި އެފަދަ މާހައުލެއް އޮންނާނެ ކަމަށް އުންމީދު ކުރައްވާ ކަމަށް ވެސް ނަޝީދު ވިދާޅުވި އެވެ.

ހަމަނުޖެހުން ޑީއާރުޕީ ކުށްކުރުން

26 ކޮމެންޓް, 104 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޓްރަމްޕް

18 November 2018

ތިމައްސަލަ ތަހުގީގުކުރަން އެފްބީއައި އެބަފޮނުވަން.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޖަރީމާރާއްޖެ

17 November 2018

ތިޔައީ ޖަރީމާ ރާއްޖޭގެ އުފާފާޅުކުރުމުގެ ޙަރަކާތެއް. އަދި މިއުޅެނީ ގަޑިއެއްހާއިރުވެސް ނުވެ. ދެން އަދި ކުޅިވަރުތައްއޮތީ ކުރިޔަށް. ރައީސް ކަމަށް އައީވެސް ބާރާއިއެކު އަބުރުގެ ޤާނޫނުވެސް އުވާލާފައި. ދެން އެހެންވީމަ ފާޅުގަ ކިތަންމެ ކުޅިވަރެއްވެސް ކުޅެވޭނެ. އަދިވެސް އެތަށް ޤާނޫނެއް ހުންނާނެ އުވައިލަން ކުޅިވަރު ކުޅެވޭ ގޮތަށް. ސާބަސް އިބޫއަށް. ޖަރީމާރާއްޖެ ޖަރީމާ ހިންގުމާއިގެން ކުރިޔަށް.