މަރުވި ޔުކްރެއިން މީހާގެ ހަށިގަނޑު އާއިލާއާ ހަވާލުކޮށްފި

ހުޅުމާލޭގައި ހޯމަ ދުވަހު ބަސް އެކްސިޑެންޓުވި ސަރަހައްދު ފުލުހުން ބަންދުކޮށްފައި: މި އެކްސިޑެންޓުގައި މަރުވި މީހާގެ ހަށިގަނޑު އަދިވެސް އޮތީ މޯޗަރީގަ .---ފޮޓޯ: މިހާރު

ލަމްޔާ އަބްދުﷲ، މިހާރު

09 މެއި 2019 - 13:16

7 comments

ހުޅުމާލޭގައި މިދިޔަ ހޯމަ ދުވަހު ހިނގި ބަސް އެކްސިޑެންޓުގައި މަރުވި ޔުކްރެއިން މީހާގެ ހަށިގަނޑު އޭނާގެ އާއިލާއާ ހަވާލުކޮށްފި އެވެ.

ހަށިގަނޑު އާއިލާއާ ހަވާލުކުރުމުން މިހާރު ވަނީ ޔުކްރެއިނަށް ގެންދިއުމުގެ މަސައްކަތް ފަށާފައި ކަމަށް އެމްޓީސީސީގެ ސީއީއޯ ހުސެއިން ޝާހު "މިހާރު" އަށް ވިދާޅުވި އެވެ. އޭނާ ވިދާޅުވީ ހަށިގަނޑު ގެންދިއުމަށް، އިންޑިއާގެ ނިއު ދިއްލީގައި ހުންނަ ޔުކްރެއިން އެމްބަސީން ހުއްދަތައް ހޯދަން އާއިލާ އިން މިހާރު ވަނީ ދިއްލީ އަށް ގޮސްފައި ކަމަށެވެ.

އެކްސިޑެންޓުގައި މަރުވި 31 އަހަރުގެ އަންހެން މީހާގެ ހަށިގަނޑު ޔުކްރެއިނަށް ގެންދަން އޭނާގެ މަންމަ ވަނީ ރާއްޖެ އައިސްފަ އެވެ. ހަށިގަނޑު ގެންދެވެންދެން ބާއްވާފައި އޮތީ މާލޭގައި ހުންނަ މޯޗަރީގަ އެވެ.

Bus accident gai maruvi meeha ge hashigandu gendhan mamma athuvejje

The most trusted news source in the Maldives

Mihaaru

ހެނދުނު ޖޮގިން އަށް ނުކުމެ އުޅެނިކޮށް އަންހެންމީހާ މަރުވީ ޑްރައިވަރު ނިދިޖެހިފައި އިނދެފައި ސިއްސައިގެން ގޮސް ސްޕީޑް ބާރުކޮށްލެވި ކޮންޓްރޯލުން ނެއްޓި އަންހެން މީހާގެ ގައިމަތިން ބަސް ދިއުމުންނެވެ. މި އެކްސިޑެންޓާ ގުޅިގެން ޑްރައިވަރު ވަނީ ހައްޔަރުކޮށްފަ އެވެ.

މަރުވި މީހާގެ އާއިލާ ރާއްޖޭގައި ތިބުމާއި ހަށިގަނޑު ޔުކްރެއިނަށް ގެންދިއުމުގެ ހަރަދު ހަމަޖައްސާނީ އެމްޓީސީސީންނެވެ.

އެކްސިޑެންޓް ހުޅުމާލެ އެމްޓީސީސީ ޔުކްރެއިން

7 ކޮމެންޓް, 40 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ހެހެހެ

09 May 2019

އެމްޑީޕީ އިދިކޮޅުގައި އޮތްނަމަ މިކަން މޮޅުގޮތަކަށް ސިޔާސީ ކޮށްލާނެ ކަމަށް ބެލެވޭ.ޕީއެމްވެސް އެބަޖެހޭ ދިވެހިން ގަޅިހައްދަން ދަސްކުރަން

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ފޮނިކަލޯ

09 May 2019

އެމް. ޕީ. އެލް ގެ ބަސް ޑުރައިވަރުންވެސް ސިނަމާލެ ބުރިޖާއި އަދި ގުޅިފައިވާ މަގުތަކުގައި މިހާރުވެސް ދުށްވަނީ ޓްރަންސްޕޯޓް އޮތޯރިޓީން ކަނޑައަޅައިފައިވާ ޤަވައިދާއި ޚިލާފައް މިކަންވެސް ބަލާނީ ބަޔަކައް އަނިޔާއެއް ލިބުނީމަ!