ޑަބްލިއުއެޗްއޯއާ އެމެރިކާ އިން ގުޅުން ކަނޑާލައިފި

ވައިޓް ހައުސްގެ ރޯޒް ގާޑަންގައި ޓްރަމްޕް ވާހަކަ ދައްކަވަނީ. --ފޮޓޯ:އޭއެފްޕީ

ހަސަން އާމިރު، މިހާރު

30 މެއި 2020 - 12:53

ވޮޝިންޓަން (މެއި 30) - ދުނިޔޭގެ ސިއްހަތު ޖަމިއްޔާ، ޑަބްލިއުއެޗްއޯއާ އެމެރިކާ އިން ގުޅުން ކަނޑާލިކަން ރައީސް ޑޮނަލްޑް ޓްރަމްޕް އިއުލާން ކުރައްވައިފި އެވެ.

ކޮރޯނާވައިރަސް ފެތުރުމުގައި ޗައިނާގެ އިހުމާލަށް ފިޔަވަޅު އެޅުމަށް ޑަބްލިއުއެޗްއޯ ނުކުޅެދިފައިވާ ކަމަށް ޓްރަމްޕް ވަނީ ތުހުމަތު ކުރައްވައިފަ އެވެ.

"ޑަބްލިއުއެޗްއޯގެ މައްޗަށް ޗައިނާގެ ފުރިހަމަ ކޮންޓްރޯލް އޮވޭ،" ބެއިޖިންއާ ދެކޮޅަށް އަޅާ ފިޔަވަޅުތައް އިއުލާން ކުރައްވަމުން ޓްރަމްޕް ވިދާޅުވި އެވެ. "ދުނިޔެ މި ހާލަށް ދިޔައީ ޗައިނާގެ ސަބަބުން."

ވައިޓްހައުސްގެ ރޯޒް ގާޑަންގައި ނޫސްވެރިންނާ ވާހަކަ ދައްކަވަމުން ޓްރަމްޕް ވިދާޅުވީ ޑަބްލިއުއެޗްއޯ އަށް އެމެރިކާ އިން ދޭ ފައިސާ ދެން ޚަރަދު ކުރާނީ އެހެން ޗެރިޓީތަކަށް ކަމަށެވެ. ޑަބްލިއުއެޗްއޯ އަށް އެންމެ ބޮޑު އެހީއެއް ދެނީ އެމެރިކާ އިންނެވެ. އެ ގައުމުން މިދިޔަ އަހަރު ވަނީ 400 މިލިއަން ޑޮލަރު ޑަބްލިއުއެޗްއޯ އަށް ދީފަ އެވެ.

އެމެރިކާގެ ރައީސްކަމުގެ ދެ ވަނަ ދައުރު ކާމިޔާބު ކުރައްވަން ކެމްޕޭން ކުރައްވަމުން ގެންދަވާ ޓްރަމްޕް ވަނީ ކޮރޯނާވައިރަސް ފެތުރުން ޗައިނާ އިން ސިއްރުކޮށްފައިވާ ކަމަށް ތުހުމަތު ކުރައްވައިފަ އެވެ.

އެމެރިކާ އިން ކޮރޯނާވައިރަހަށް 1,793,530 މީހުން ޕޮޒިޓިވްވެ 104,542 މީހުންގެ ފުރާނަ ވަނީ ގެއްލިފަ އެވެ.

WHO akee China ge puppet eh: Trump

The most trusted news source in the Maldives

Mihaaru

ކޮރޯނާވައިރަސް ކޮންޓްރޯލް ކުރުމުގައި ޑަބްލިއުއެޗްއޯ އިން ފިޔަވަޅު އެޅުމުގައި ނުކުޅެދިފައިވާ ކަމަށް ވިދާޅުވެ ޓްރަމްޕް ފާޑު ވިދާޅުވާން ފައްޓަވާފައި ވަނީ މިދިޔަ މަހުން ފެށިގެންނެވެ. ޑަބްލިއުއެޗްއޯގެ ޑިރެކްޓަރު ޖެނެރަލް ޓެޑްރޯސް އަދަނޮމް ގެބްރެޔެސުސް އަށް މި މަހު 18 ވަނަ ދުވަހު ޓްރަމްޕް ފޮނުއްވި ސިޓީއެއްގައި ވަނީ އެ ޖަމާއަތުގެ ކަންކަން ރަނގަޅު ކުރުމަށް 30 ދުވަހުގެ މުހުލަތެއް ދެއްވައިފަ އެވެ. ނޫން ނަމަ އެމެރިކާ އިން ދޭ އެހީ ދާއިމަށް ހުއްޓާލަން ޖެހިދާނެކަމުގެ އިންޒާރު ދީފައިވެ އެވެ. އެ ސިޓީގައި ޓްރަމްޕް ވަނީ ޑަބްލިއުއެޗްއޯ އަކީ ޗައިނާގެ ޕަޕެޓެއް ކަމަށް ވިދާޅުވެފަ އެވެ.

ޗައިނާ އިން ބުނެފައި ވަނީ އެމެރިކާ އިން ކޮރޯނާވައިރަސް ކޮންޓްރޯލް ކުރުމުގައި ނާކާމިޔާބުވުމުން އެކަމުގެ ޒިންމާ އެހެން ގައުމުތަކުގެ ބޮލުގައި އަޅުވަނީ ކަމަށެވެ. ޗައިނާގެ ފޮރިން މިނިސްޓްރީގެ ތަރުޖަމާން ޒައޯ ލިޖިއަން ވިދާޅުވީ ޓްރަމްޕް ގެންދަވަނީ އެމެރިކާގެ ރައްޔިތުންނަށް ވެސް އޮޅުވާލައްވަމުން ކަމަށެވެ.

ކޮރޯނާވައިރަހަށް ފިޔަވަޅު އެޅި ގޮތުގެ މިނިވަން ތަހުގީގެއް ހިންގުމަށް ޑަބްލިއުއެޗްއޯގެ މެންބަރު ގައުމުތަކުން ވަނީ އެއްބަސްވެފަ އެވެ.

ޑަބްލިއުއެޗްއޯ އެމެރިކާ ޑޮނަލްޑް ޓްރަމްޕް

8 ކޮމެންޓް, 44 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ޒިންދަގީ

30 May 2020

ގޯހެއްނޫން.. ޑަބްލިއުއެޗްއޯއަށްވެސް ޓްރަމްޕަށްވެސް އަދި ބިލްގޭޓްސްއަށްވެސް ކޮވިޑުގަ އެނގޭއެއްޗެއްވެސް ނޭނގޭއެއްޗެއްވެސް ނެތް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަސި

30 May 2020

ކޮވިޑް19 އެންމެ ރަގަޅަށް އިނގޭނީ އެމެރިކާ ރައީސް، ބުރެޒިލްގެ ރައިސް އަދި މިރާއްޖޭގެ މަޖލިސް ރައީސްއަށް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިސްމާލުކަލޭފާނު

30 May 2020

ދެން މިގައުމުގެ ޓުރަންޕު ނުގޮވާނެބާ ޑަބްލިއުއެޗްއޯއާ ގުޅުންކަނޑާލާން. ސަހާދެއް ބޯހަލާކު.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ގިޔާސް

30 May 2020

ބޯވެސް ބޮއެވެސް ހަލާކުވާނެ މިވަރުން ދަންޏާ، ދެން އަހަރުންވެސް ކޮންމެވެސް މީހެއްގެ ބޮލުގަ އެކަން އަޅުވާފަ ނޫސްބަޔާނެއް ނެރުނީމަ އެދެން ނިމުނީނު، އެއީނު މިކަން ހިނގާގޮތަކީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

23.ހ

30 May 2020

މިދެން ކުކުޅަށްވުރެ ބިސްދޮށިވެގެން އުޅޭ ފިރިހެނެއް.. ފިސާރި ވަރަކުން ދާނެހެން ހީވޭ މިކަލޭގެ.. އެކަމކު މީނަގެ ސަޕޯރޓަރުންވެސް ހަމަ މިވަރެއް ނެތިގެން ތެޅި އަރުވައޭދޯ، ދިވެހިރާއްޖެ ގޮތަށް..

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޑާޑާ

30 May 2020

ތީހަމަ ރަނގަޅު ވާހަކައެއް، ވަކި މިތަނެއް އެތަނެއް އެމީހެއް މިމީހެއް ކިޔާނެ ކަމެއް ނެތް، ތީ ދުނިޔޭގެ އާދަ، އިންސާނީ ތަބީޢަތް.......

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ނިރު

30 May 2020

ސަރުކާރެއް ހިންގުން ފެއިލްވެއްޖެނަމަ އެހެން ބައެއްގެ ބޮލަށް ކަޑާލެވޭތޯ ވަރަށް މަސަތްކަތް ކުރާނެ.. އެމެރިކާ އިންނާ މިޤައުމުން ފެންނަނީ އެންމަންޒަރު ތަކެއް .. މިކުޑަކުޑަ ޤައުމުގަ އެއުޅެނީ ތިބި ބަންގާޅިންތަށް ކޮންޓްރޯލް ނުކުރެވުމުގެ ސަބަބުން މިބަލިމަޑު ކަންމުން ސަލާމަތް ނުކުރެވިގެން އުޅޭތަން .... ޤަވާއިދާ ހިލާފަށް އުޅޭ އެތަށް ހާހެއްހާ މީހުންގެ ތެރެއިން 200 މީހުން ފޮނުވާލާފަ ބައެއްގެ ލޮލުގަ އެދުން އެޅުވޭތޯ ބަލަނީ