ދައުލަތުގެ ދަރަނި އަދި ރިޒާވްތައް މިހާރު ހުރި މިންވަރުގައި ދެމެހެއްޓޭނެ، ފިޗް އިން މި ފަަހަރު ވެސް ދިނީ "ބީ ޕްލަސް"

މަރުކަޒީ ބޭންކް: މިއީ ފިޗް އިން ރާއްޖެ އަށް "ބީ ޕްލަސް" ރޭޓިން ދިން ދެ ވަނަ ފަހަރު.

އަލީ ޝިނާން، މިހާރު

17 މެއި 2018 - 01:50

ދުނިޔޭގެ އެންމެ ބޮޑު އެއް ކްރެޑިޓް ރޭޓިން އެޖެންސީ، ހޮންކޮންގްގެ ފިޗް ރޭޓިންސް އިން މިދިޔަ އަހަރު ރާއްޖެ އަށް ދިން "ބީ ޕްލަސް" ރޭޓިން މި އަހަރު ވެސް ދެމެހެއްޓުމަށް ނިންމައިފި އެވެ.

"ބީ ޕްލަސް" ރޭޓިން ދެމެހެއްޓީ ފިޗްގެ އޮފިޝަލުން ރާއްޖެ އައިސް، ސަރުކާރުގެ ކަމާ ގުޅޭ އިދާރާތަކުގެ އިތުރުން އަމިއްލަ ވިޔަފާރިތައް ހިންގާ ފަރާތްތަކާ އެކު ބޭއްވި މަޝްވަރާތަކަށް ބެލުމަށް ފަހު އެވެ.

ފިޗް އިން ބުނީ ރާއްޖޭގެ ކްރެޑިޓް ރޭޓިން ދެމެހެއްޓީ، އިގްތިސާދީ ދުވެލީގެ ތަސައްވުރު ރަނގަޅު ވުމާއި ބާރު ދުވެލީގައި ޓޫރިޒަމް އިންޑަސްޓްރީ ކުރިއަރަމުން ދިއުން އަދި ދައުލަތުގެ އާމްދަނީ އިތުރު ކުރުމުގެ ގާބިލްކަން ލިބިފައި ވާތީ ކަމަށެވެ.

ފިޗް އިން ގަބޫލުކުރާ ގޮތުގައި އާމްދަނީ އިތުރު ކުރުމުގެ ގާބިލްކަން ލިބިފައި ވުމުން، ދައުލަތުގެ ދަރަނި އަދި ރިޒާވްތައް މިހާރު ހުރި މިންވަރުގައި ދެމެހެއްޓޭނެ އެވެ.

ރާއްޖެ އަށް ދެ ވަނަ ފަހަރަށް "ބީ ޕްލަސް" ރޭޓިން ލިބުނުއިރު، ފިޗް އިން އެ ރޭޓިން ދެނީ، ގޮންޖެހުންތަކެއް ހުއްޓަސް ދަރަންޏާއި މާލީ ގޮތުން އަދާކުރަންޖެހޭ އެހެން ޒިންމާތައް އަދާކުރުމުގެ ގާބިލްކަން ލިބިފައިވާ ގައުމުތަކަށެވެ.

ފިނޭންސް މިނިސްޓްރީން ބުނީ ފިޗް ރޭޓިން ކުރިއެކޭ އެއްގޮތަށް ދެމެހެއްޓުމަކީ ސަރުކާރުގެ އިގްތިސާދީ އެޖެންޑާ އަށް ލިބުނު ބޮޑު ކާމިޔާބީއެއް ކަމަށެވެ. އަދި އެއިން ދައްކުވައި ދެނީ ސަރުކާރުގެ ސިޔާސަތު ތަކަކީ ވިޔަފާރިތަކަށް މަގުފަހި ކޮށްދީ، އިގްތިސާދީ ފުރުސަތުތަކަށް ހުރި ދޮރުތައް ހުޅުވާލައިދޭ ސިޔާސަތުތައް ކަމަށް ވެސް އެ މިނިސްޓްރީން ނެރުނު ބަޔާނުގައުި ވެ އެވެ.

"ފާއިތުވި އަހަރު ތަކުގައި މި ސަރުކާރުން ވަނީ ރާއްޖޭގެ އިގްތިސާދު ކުރިއެރުވުމަށާއި، ރާއްޖޭގެ އިގްތިސާދީ ވަސީލަތްތައް ތަރައްގީ ކުރުމަށް ބޮޑު ހޭދައެއް ކޮށްފަ އެވެ. މީގެ ނަތީޖާ އަކީ ރާއްޖޭގެ އިގްތިސާދު ފުޅާވެ، އިގްތިސާދީ ހަރަކާތްތައް އިތުރުވެ އޭގެ މަންފާ ހުރިހާ ރައްޔިތުންނަށް ވެސް ލިބިގެން ދިއުމެވެ." ފިނޭންސް މިނިސްޓްރީން މިދިޔަ އަންގާރަ ދުވަހު ނެރުނު ބަޔާނުގައި ބުންޏެވެ.

ރާއްޖޭގެ އިގްތިސާދަށް ހުރި ގޮންޖެހުންތައް ވެސް ފިޗްގެ ރިޕޯޓުގައި ފާހަގަ ކޮށްފައި ވެ އެވެ. އެގޮތުން، ދަރަނި އިތުރުވުމާއި އެއް ސިނާއަތަކަށް އިގްތިސޯދު ބިނާވެފައި ވާ ކަން އެ ރިޕޯޓުގައި ފާހަގަ ކޮށްފައި ވެއެވެ.

ފިނޭންސް މިނިސްޓްރީން ބުނިގޮތުގައި އެއީ ސަރުކާރުން ވެސް ފާހަގަކޮށް، ފިޔަވަޅުތައް އަޅަމުން އަންނަ ކަންތައްތަކެވެ. އެގޮތުން، ރާއްޖޭ އިގްތިސާދު ފުޅާކޮށް، ޑައިވާސިފައި ކުރުމަކީ ފޮރިން އިންވެސްޓްމަންޓް ތަކާއި ވިޔަފާރިތަކުގެ އިތުރުން އުމްރާނީ ތަރައްގީގެ ސިޔާސަތުގެ ތެރެއިން ސަރުކާރުން ވަރަށް ބޮޑަށް އިސްކަމެއް ދީގެން ކުރަމުން އަންނަ މަސައްކަތެއް ކަމަށް ވެސް ފިނޭންސް މިނިސްޓްރީން ބުނެ އެވެ.

"ދައުލަތުގެ ދަރަނި އިތުރުވުމުން ދިމާވެދާނެ ރިސްކުތައް ކުޑަކުރުމަށް 2017 ވަނަ އަހަރުން ފެށިގެން ސޮވަރިން ޑިވެލޮޕްމަންޓް ފަންޑެއް އެކުލަވާލައި މި ފަންޑަށް ދަނީ ފައިސާ ޖަމާކޮށް، ފަންޑް ފުޅާކުރަމުންނެވެ،" ރާއްޖޭގެ އިގްތިސޯދީ ހާލަތު ރަނގަޅު ކުރުމަށް ކުރާ ކަންކަމާ ގުޅޭ ގޮތުން ފިނޭންސުން ބުންޏެވެ.

ފިޗްގެ ރިޕޯޓުގައި ފާހަގަ ކޮށްފައިވާ ގޮންޖެހުންތަކަކީ ތަރައްގީ ވަމުން އަންނައިރު ކޮންމެ ގައުމަކުން ވެސް ކުރިމަތިލާން ޖެހޭ ކަންތައްތައް ކަމަށް ވެސް ފިނޭންސް މިނިސްޓްރީން ވަނީ ބުނެފަ އެވެ. އަދި ފިޗްގެ ރިޕޯޓަކީ، ސަރުކާރުގެ އިގްތިސާދީ އެޖެންޑާ ކުރިއަށް ދިއުމަށް ލިބުނު އިތުރު ބާރެއް ކަމަށް ވެސް އެ މިނިސްޓްރީން ބުންޏެވެ.

ރާއްޖެ އަށް ފުރަތަމަ ކްރެޑިޓް ރޭޓިން އެއް ދީފައި ވަނީ ދުނިޔޭގެ އެންމެ ބޮޑު ކްރެޑިޓް ރޭޓިން އެޖެންސީގެ ތެރޭގައި ހިމެނޭ މޫޑީސް އިންވެސްޓާސް ސާވިސް އިން 2016 ވަނަ އަހަރު އެވެ. މޫޑީސް އިން ރާއްޖެ އަށް ދީފައި ވަނީ "ބީ2" ރޭޓިން އެކެވެ. އެއީ ފިޗްގެ "ބީ ޕްލަސް" ރޭޓިންއާ ގާތްގަނޑަކަށް އެއް ވަރެއްގެ ރޭޓިން އެކެވެ. ފިޗް އިން ރާއްޖެ އަށް ރޭޓު ކުރަން ފެށީ މިދިޔަ އަހަރު އެވެ.

އިގްތިސާދު ފިނޭންސް މިނިސްޓްރީ އެމްއެމްއޭ ކްރެޑިޓް ރޭޓިން ރާއްޖޭގެ އިގްތިސާދު

16 ކޮމެންޓް, 39 ރިއެކްޝަންސް

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކޮމެންޓްތައް

އެންމެ ފަސް މަގުބޫލް

ދެމެހެއްޓެނިވި

17 May 2018

އެތެރޭގެ ދަރަނި ކިހާ ވަރެއް. ބޭރުގެ ދަރަނި ކިހާވަރެއް. ދުވަސްވީ މީހުންގެ ޕެންޝަނަށްވުރެ ދަށުން މުސާރަ ލިބޭ ވަޒީފާ އެބަހުރި. މުސާރަ އިތުރުވީ ކިހާ ވަރަކަށް. ކުލި އިތުރުވީ ކިހާވަރަކަށް. ސަބްސިޑީ ކަނޑާލައިފި. ބަންގާޅުން/ޕިލިޕީންސް ދޮން ކުދިން މުޅި ގައުމުގައި. މާލޭގެ މަގުމަތި ކުރިއަށްވުރެ އުނދަގޫ. ރޭޓިންގ އަކުން ވީ ކަމެއް ބުނެބަލަ؟

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އިކޮނޮމިސްޓް ކޭ

17 May 2018

ތި ފިޗް އިން ޓްރިޕްލް އޭ ރޭޓިން ދީފައިވާ އެމެރިކާގެ ފަސްޓް ކްލާސް ބޭންކްތަށް ފެއިލްވެ ބަނގުރޫޓް ވިކަން ނޭގޭ ބަޔަކު ނެތް. ތީ ފައިސާ ކޮޅެއް ހޯދަން އެމީހުން ކުރާ ކަމެއް. ޕެންޝަން ފަންޑުގައި ހުރި ފައިސާގެ އަށްޑިހަަ ޕަސެންޓް ސަރުކާރުން ނަގާފައި. ދެނޯ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސަނާމާ

17 May 2018

އަދިވެސް ނެރޭނެ މި ނޫސްތަކުން ފާޑު ފާޑުގެ ރިޕޯޓުތަށް އެމްއެމްއޭ ޔޭ ޑެފިސިޓޭ ދަރަންޏޭ ދެންވެސް ހިޔާލީ ފޮލާކައްކާ ކޮންމެވެސް ސިޔާސީ ހިތެއްގެ ތަސައްލީއަށް ނިކަން މިފަދަ އިލްމީ ދިރާސާއެއްކޮށް ގޮތްފާޑު ކިޔާލަބަލަ

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ކެމެލް

17 May 2018

ފިޗުން ދޭނީ ކްރެޑިޓްރޭޓިނގް އެއް.. އަނިޔާވެރިކަމާއި ކޮރަޕްޝަންއާއި ބެހޭގޮތުން ރިޕޯރޓް ނެރޭބަޔަކު ނެރުނީމާ ރާއްޖޭގެ ހަގީގިތް ފުރިހަމަވާނީ!

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ސޯފީ

17 May 2018

ހަބޭސް އުފާވެރިހަބަރެއްތީ..... މަރުހަބާ ސަރުކާރު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

އުދުހޭ

17 May 2018

ރާއްޖެއާ އެއްގޮތަށް ބީ ޕްލަސް ލިބުން އެހެން ބައެއް ތައުމުތަށްކަމުގައިވާ ރުވާންޑާ، ޔުގެންޑާ، ކެމްބޯޑިޔާ ފަދަ ގައުމުތަކަކީ އެފްރިކާގެ ފަގީރު ގައުމުތަކަށްވީމާ މިއީ ވަރަށްބޮޑު ނާކާމިޔާބީއެއްކަމަށް އަޅުގަނޑު ދެކެނީ.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ޒުލޭ

17 May 2018

ނަމަށް ބަލާފަ ނޫނީ ބަރަށް ބަލާފަ ކުރާކަމެއްނޫން މީކީ.. ކަލެއް އެނގޭތަ އިތިއޮޕިއާއަކީ އެފަރިކާގެ އެމްމެ ކުރިއަރާފަ އޮތް ގައުމު

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްއިޒް

17 May 2018

ބީ ޕްލަސް މައްޗަށް ޖައްސާލެވޭނެ ސަރުކާރުގެ އިކޮނޮމިކް ކައުންސިލުން ކޮޕީ ޕޭސްޓް ޔާރާ ދިލްދާާރާ ލަވަ ދިވެހި ލަވަކިޔުންތެރިން ކިޔާ އުސޫލުން ނުކިޔާ އިނޮވޭޓިވް ބައި ވާރކް މިއުސޫލުން ރާއްޖޭގެ އިގްތިސާދުގެ އެޕްލިކޭޝަންސް އިންޖިނިއަރިންގް ހަަދައިގެން އެކަން ކޮށްފިނަމަ. ރާއްޖޭގެ އިގްތިސާދުގެ ހިތަކީ އެއީ މާލެ ސަރަހައްދެވެ. މާލެ ސަރަހައްދުގައި ހުރި ޕޮޓެންޝަލް ބިޒްނެސް ޕަވަރ ސަރުކާރުގެ އިކޮނޮމިކް ކައުންސިލަށް ވެސް އިނގޭނެއެވެ. މާލެ ސަރަހައްދުގައި ތިލަފުއްޓާއި ގުޅިފަޅު ހިއްކާލާ މާލެ އާއި ވިލިގިލި އާއި ގުޅިފަޅާއި އަދި ތިލަފުއްޓާއި ދެމެދު ބްރިޖް އެޅިއްޖެނަމަ މާލޭގައި ވިޔަފާރި ކުރާ އަމިއްލަ ކުންފުނި ތައް ގުޅިފަޅަށް ބަދަލުވާނެއެވެ. އަދި ބާޒާރުމައްޗާއި އަދި މާލެ އަށް އަންނަ ދަތުރުވެރިން ވެސް އެއިރުން ދާނީ ގުޅިފަޅަށެވެ. މީގެ ސަބަބުން އިންފްލޭޝަން ދަށްވެ ތަކެތީގެ އަގު ހެޔޮވާނެއެވެ. ނަތީޖާ ވިޔަފާރި ތައް ކުރިއަރައިގަތުން އިންވެސްޓް ކުރާނެ ފައިސާ ހުރުން އެމެން އަތުގައި ކެޕެކްސް އަށް.

The name is already taken The name is available. Register?

ކޮމެންޓުކުރުމުގެ ގައިޑްލައިންއަށް އެއްބަސްވަމެވެ.

ދިސްވޭއޭ

17 May 2018

ފިޗް އިން މި ފަަހަރު ވެސް ދިނީ "ބީ ޕްލަސް" ނަމަ އެއީ މަމެން އުފާ ކުރާ ކަމެކެވެ. ބީޕްލަސް އަކީ މަމެން އެކްސްޕެކްޓް ކުރާ ރޭޓިންގް އެއް ނޫނެވެ. މަމެން އެކްސްޕެކްޓް ކުރަނީ އޭ ޕްލަސް އެވެ. އެހޯދުމަށް ޓަކައި ސަރުކާރުން އެބަޖެހޭ ދައުލަތަށް ރެވެނިއު ކޮންޓިނުއަސް ކޮށް ލިބޭނެ އުސޫލުން ވިސްނަން. އެގޮތުން ބަލާއިރު އެބަޖެހޭ މާލެ ސަރަހައްދުގައި އޮތް ތިލަފުށި އަދި ގުޅިފަޅު ހިއްކާ އެތަންތަނުން ހިއްކާ ބިންތައް ކުއްޔަށް ދޭން މަހަކު އަކަފޫޓަކަށް 1 ރުފިޔާގެ ރޭޓުން 100 ބިލިއަން އަކަފޫޓް ކުއްޔަށް ދެވެން ދެން. 100 ބިލިއަން އަކަފޫޓް ކުއްޔަށް ދެވުމުން ދެން ދައުލަތަށް މަަހަކު ލިބޭނެ ނޫންތޭ 100 ބިލިއަން ރުފިޔާ. އެފައިސާ ދައުލަތަށް ލިބޭނަމަ ޖީއެސްޓީ އުވާލާ ޓީޖީއެސްޓީ އުވާލާ ބީޕީޓީ އުވާލާ ހަމަ އެކަނި ކަސްޓަމްސް ޑިއުޓީ ހުރިހާ ބާވަތަކުން %10 ނެގުމުން ހުންނާނީ ރަނގަޅަށެވެ. އޭގެ ތެރޭގައި ސިއްހަތަށް ގެއްލުން ހުރި ތަކެތި ހިމެނިގެން ނުވާނެއެވެ. މިހެން ވެއްޖެނަމަ އިންވެސްޓަރުން ދުނިޔޭގެ އެތަން މިތަނުން ފްލަޑްވާނެއެވެ.