ޕީޕީއެމްގެ ފަސްވަނަ އަހަރީ ދުވަހާ ގުޅުވައިގެން މައުމޫން ބޭއްވެވި ކޭކު ފެޅުމުގެ ރަސްމިއްޔާތުގައި ދުންޔާ (ކ-2) ބައިވެރިވެވަޑައިގަންނަވަނީ.-- ފައިލް ފޮޓޯ: މިހާރު
05 ޖެނުއަރީ 2017 - 17:59
26 comments
ސަރުކާރުގެ އެންމެ ނުފޫޒު ގަދަ އެއް މަގާމު ކަމަށް ވާ ފޮރިން މިނިސްޓަރުގެ މަގާމުން ދުންޔާ މައުމޫން ވަކިވެވަޑައިގަތީ ރައީސް އަބްދުﷲ ޔާމީންގެ ބައެއް ސިޔާސަތުތަކާ މެދު ހިތަޕުޅުހަމަޖެހިވަޑައިނުގެންނެވެ. އޭގެ ހަ މަސް ފަހުން، ހެލްތުގެ ސްޓޭޓް މިނިސްޓަރުކަން ގަބޫލުކުރައްވައި އަނެއްކާ ވެސް ދުންޔާ މި ވަނީ ސަރުކާރާ ގުޅިވަޑައިގެންފަ އެވެ.
ދުންޔާގެ މި ނިންމެވުމުން އެތައް ބަޔަކަށް ލިބުނީ ބޮޑު ހައިރާން ކަމެކެވެ؛ ޕީޕީއެމް ދެ ފަޅިވެ، ބޮޑުބޭބޭފުޅު ރައީސް ޔާމީނާއި ބައްޕާފުޅު، ކުރީގެ ރައީސް މައުމޫން އަބްދުލްގައްޔޫމާ ދެމެދު އުފެދިފައިވާ މައްސަލަތައް ހައްލުވުމުގެ ކޮޅުމަތި އަދި އެއްގޮތަކަށް ވެސް ނުފެނެ އެވެ. ރައީސް ޔާމީންގެ ނިންމެވުންތަކަށް ފުލުފުލުގައި މައުމޫން ގެންދަވަނީ ފާޑުވިދާޅުވަމުންނެވެ. މި ކޯޅުންގަނޑުގެ ތެރޭގައި، ދުންޔާ ވިސްނުން ބަދަލުކުރެއްވި ސަބަބަކީ ކޮބައި ހެއްޔެވެ؟ ފޮރިން މިނިސްޓަރުގެ މަގާމު ފުރުއްވުމަށް ފަހު، އެ އަށް ވުރެ ދަށް މަގާމަކަށް ވަޑައިގަތީ ކީއްވެ ހެއްޔެވެ؟
މި ސުވާލުތަކާ އެކު ސޯޝަލް މީޑީއާގައި އޭނާ އަށް އަމާޒުކޮށްފައިވާ ފާޑުކިއުންތަކަށް ޓުވިޓާ މެދުވެރިކުރައްވައި ދުންޔާ ދެއްވީ ވަރަށް "ފިނި ޖަވާބެކެ"ވެ.
ސަރުކާރާ އަލުން ގުޅިވަޑައިގަތީ، ދުންޔާ ވިދާޅުވި ގޮތުގައި، "ރައްޔިތުންނަށް ހިދުމަތް ކުރެއްވުމަށެ"ވެ. އެކަމަކު، ދުންޔާގެ މި ވާހަކަ އަށް ގިނަ ބަޔަކު ދަނީ ނުރުހުން ފާޅުކުރަމުންނެވެ.
މައުމޫންގެ ފެކްޝަނުން ބޭއްވި ކައުންސިލްގެ ބައްދަލުވުމެއްގައި ދުންޔާ (ވ) ބައިވެރިވެވަޑައިގަންނަވަނީ.
ބައެއް މީހުން ބުނެފައިވާ ގޮތުގައި، ޕީޕީއެމްގައި އަދާކުރެއްވި ހުރިހާ ޒިންމާތަކެއް ނަންގަވައި ބައްޕާފުޅާ މެދު ރައީސް ޔާމީން އަމަލުކުރެއްވި ގޮތަށް ވެސް ނުބައްލަވައި، ދުންޔާ އިސްކުރެއްވީ އަމިއްލަ މަސްލަހަތެވެ. ރަނގަޅު ކުރަން ޖެހޭ އެތައް ކަމެއް ސަރުކާރުގައި ހުރި ކަމަށް އަމިއްލަ އަށް ވެސް ވިދާޅުވުމަށް ފަހު، ކުއްލި ގޮތަކަށް ސަރުކާރާ އަލުން ގުޅިވަޑައިގަތީ، ސަރުކާރުގެ ގޯސް ހުރިހާ ކަމެއް ރަނގަޅުވުމުންތޯ ވެސް ބައެއް މީހުން ސުވާލު އުފައްދާފައިވެ އެވެ.
I have chosen to accept the position of State Minister at the Ministry of Health. Look forward to serve the citizens of Maldives.
— Dunya Maumoon (@dunyamaumoon) January 5, 2017
މަގާމާ ހަވާލުވެވަޑައިގަތް ސަބަބާ ގުޅޭ ގޮތުން ދުންޔާ ކުރެއްވި ޓުވީޓް.
އަނެއް ބަޔަކު ސިފަކުރާ ގޮތުގައި ދުންޔާގެ ނިންމެވުމަކީ ވެސް "މައުމޫން އިސްވެ ހުންނަވައި ކުޅުއްވާ ޑްރާމާ"ގެ އެޕިސޯޑެކެވެ. ކުރި އަށް އޮތް ތަނުގައި މި ފަދަ އެތައް ކަމެއް ފެންނާނެ ކަމަށް ވެސް ބައެއް މީހުން ބުނެފައިވެ އެވެ.
@SpokespersonMV @MoH_mv Very good. A perfect example of the dhivehi saying "landayaa vaanee landayaa'.
— Vasee Mohamed (@VaseemaM) January 5, 2017
ދުންޔާ އަށް ފާޑުކިޔުން އަމާޒުކޮށް މީހަކު ދީފައިވާ ރައްދެއް.
@dunyamaumoon mee siyaasee gothunn kulhemunn dhaa game siyaasee idhikolhu faraaithahh balikashi kurann masahhkaii kuramunn midhany pic.twitter.com/AJpXD0wrDW
— MDPKumundhoo (@gaakolhu) January 5, 2017
ދުންޔާގެ ނިންމުމާ ގުޅޭ ގޮތުން މީހަކު ކޮށްފައިވާ ޓުވީޓެއް.
@maumoonagayoom Amillafulhu nimmevumeh. Emme ragalhu. Ekamu migoiy alhugadakah kamaku nudhey. V ladhuvethi dhoh thoa.
— Mohamed Shaxmyn (@Shaxmyn) January 5, 2017
ސޯޝަލް މީޑިއާގައި މީހަކު ކޮށްފައިވާ ޓުވީޓެއް.
މިދިޔަ ޖުލައި 5 ގައި ދުންޔާ ސަރުކާރުން އިސްތިއުފާ ދެއްވީ، މަރުގެ އަދަބު ތަންފީޒުކުރަން ފެށުމާ މެދު ސަރުކާރާ ހިޔާލުތަފާތުވެގެންނެވެ. ރާއްޖެ އޮތް ހާލަތާއި ޝަރުއީ ނިޒާމްގައި ހުރި މައްސަލަތަކާ އެކު މަރުގެ އަދަބު ތަންފީޒުކުރުމަކީ އޭގެ ސަބަބުން ރާއްޖޭގެ ތަސައްވުރަށް ބައިނަލްއަގުވާމީ މައިދާނުގައި ކިލަނބު ކަމެއް އަންނާނެ ކަމެއް އޭރު އޭނާ ވިދާޅުވެފައިވެ އެވެ.
ފޮރިން މިނިސްޓަރުކަމުން އިސްތިއުފާ ދެއްވުމަށް ފަހު، ސަރުކާރުގެ ބައެއް ސިޔާސަތުތަކަށް ފާޅުގައި ދުންޔާ ފާޑުވިދާޅުވި އެވެ.
ހާއްސަކޮށް ބައްޕާފުޅު މައުމޫނާއި ބޮޑުބޭބޭފުޅު ޔާމީންގެ ސިޔާސީ ކޯޅުމުގެ ތެރޭގައި ވެސް، ސަރުކާރުގައި ހުރި ނުރަނގަޅު ގިނަ ކަންކަން ޓުވީޓުތަކުން އާއްމުންނަށް ތިލަކޮށް ދެއްވި އެވެ. އެކަމަކު، މައުމޫންގެ އެހެން ބޭފުޅުންނާ އަޅާ ބަލާއިރު، ސަރުކާރުގެ ސިޔާސަތުތަކަށް ފާޑުވިދާޅުވުމުގައި ދުންޔާ ގެންގުޅުއްވީ މަޑުމައިތިރި ސިޔާސަތެއްކަން ފާހަގަކުރެވެ އެވެ.
Saddened, not surprised to hear of the reversal of the decision by @maumoonagayoom in 1985 to join the Commonwealth @PScotlandCSG @WMutunga
— Dunya Maumoon (@dunyamaumoon) October 13, 2016
ކޮމަންވެލްތުން ރާއްޖެ ވަކިވުމުން ދުންޔާ ކުރެއްވި ޓުވީޓެއް.
ދުންޔާ ވިދާޅުވެފައި ވަނީ ގައުމުގެ ކަންކަން ހަމަ އަށް އެޅުވުމަށް ރަނގަޅު ކުރަން ޖެހޭ އެތައް ކަމެއް އެބަހުރި ކަމަށެވެ. އާ އުސްމިންތަކަކަށް ދިއުމަށް އަދި ބާއްޖަވެރި މުސްތަގުބަލަކަށް ވާސިލްވާން، ވަތަން އެދޭ އަދި ރައްޔިތުން އެދޭ ބަދަލު އައުން މުހިއްމު ކަމަށް ވެސް އޭނާ ވަނީ ކުރިން ވިދާޅުވެފަ އެވެ.
ރާއްޖެ ކޮމަންވެލްތުން ވަކިވުމުން، އެކަމާ ހިތާމަކުރައްވާ ކަމަށާއި ޑިމޮކްރަސީ ހަރުދަނާ ކުރުމަށާއި އިންސާނީ ހައްގުތައް ކުރިއެރުވުމުގެ ދާއިރާ އިން ކޮމަންވެލްތުގެ ގައުމުތަކުގެ ކިބައިން އެތައް ކަމެއް ދަސްކުރަން ޖެހޭ ކަމަށް ވެސް ދުންޔާ ވިދާޅުވެފައިވެ އެވެ.
3 years of PPM Government; time for an honest analysis of achievements & challenges. Much more work to be done! Sad to see status of PPM!
— Dunya Maumoon (@dunyamaumoon) November 18, 2016
ސަރުކާރަށް ތިން އަހަރު ފުރުމާ ގުޅިގެން ދުންޔާ ކުރެއްވި ޓުވީޓެއް.
ޕީޕީއެމްގެ ރައީސް މައުމޫން ފެކްޝަނުގެ ބައެއް އިސް ބޭފުޅުން ވިދާޅުވި ގޮތުގައި، ދުންޔާ އެނބުރި ސަރުކާރާ ގުޅިވަޑައިގެންނެވި ސަބަބެއް ނޭނގެ އެވެ. އެ ނިންމެވުމާ ގުޅޭ ގޮތުން އެއްވެސް ވާހަކައެއް ހިއްސާކުރައްވައި ނުވަތަ ހިޔާލު ވެސް ހޯއްދަވާފައި ނުވާ ކަމަށްވެ އެވެ.
"ވަރަށް ދެރަ ނިންމެވުމެއް. ހުރިހާ ކަމެއް އެނގިވަޑައިގެން ހުންނަވައި، ސަރުކާރުގެ ކަންކަން ދަނީ ގޯސްކޮށް ކަމަށް ވިދާޅުވުމަށް ފަހު އެ ފަދަ ފިޔަވަޅެއް އެޅުއްވުމުން ހިތާމަކުރަން،" މައުމޫންގެ ފެކްޝަނުގެ އިސް ބޭފުޅަކު ވިދާޅުވި އެވެ.
Congratulations Sir @maumoonagayoom on the opening of the office of the PPM president @ppm_official pic.twitter.com/tMh8WuDNo7
— Dunya Maumoon (@dunyamaumoon) November 17, 2016
މައުމޫންގެ ބާރުތަކާއި އޮފީސް އަތުލުމާ ގުޅިގެން އެ މަނިކުފާނު އާ އޮފީހެއް ހުޅުއްވުމުން މަރުހަބާ ވިދާޅުވެ ދުންޔާ ކުރެއްވި ޓުވީޓެއް.
ދުންޔާ ސަރުކާރާ ގުޅިވަޑައިގަތުމުން މައުމޫނަށް އަމާޒުކޮށްފައިވާ ތުހުމަތުތައް ދިފާއުކުރައްވައި އެ މަނިކުފާނު ކުރެއްވި ޓުވީޓެއްގައި ވިދާޅުވީ "ދުންޔާގެ ނިންމެވުމަކީ އަމިއްލަ ނިންމެވުމެއް" ކަމަށެވެ. އެ ކަމަށް "އަޅުގަނޑު ތާއީދެއް ނުކުރަން" ކަމަށް މައުމޫން ވިދާޅުވި އެވެ.
Dunya an'buraa sarukaarah dhiyumakee eynaage amilla nimmumeh. Alhugan'du ekamakah thaaeedheh nukuran.
— Maumoon Abdul Gayoom (@maumoonagayoom) January 5, 2017
ދުންޔާގެެ ނިންމެވުމާ ގުޅޭ ގޮތުން މައުމޫން ކުރެއްވި ޓުވީޓް.
މައުމޫންގެ ފެކްޝަންގައި އިސް ދައުރެއް އަދާކުރައްވާ ކުރީގެ ހޯމް މިނިސްޓަރު އުމަރު ނަސީރު ވިދާޅުވީ ދުންޔާ އަލުން ސަރުކާރަށް ވަޑައިގަތުމަކީ ލިބިވަޑައިގެންނެވި ޝޮކެއް ކަމަށެވެ. ދުންޔާ އެ ގޮތަށް ނިންމެވި ނަމަވެސް ފަސްއެނބުރި ބެލުމެއް، ހުއްޓުމެއް ނެތި ކުރި އަށް ދިއުމަށް އޭނާ ވަނީ ގޮވާލައްވައިފަ އެވެ.
Dhunya sarukarah alun vadai gathumee libunu shock eh. Ekamu, fas eburi belumeh neh, huttumeh neh. THEDHUVERI kama dhimalah march kuravvaa.
— Umar Naseer (@UmarNaseerPPM) January 5, 2017
އުމަރުގެ ޓުވީޓް.
ދުންޔާގެ ނިންމެވުމަށް މައުމޫން ތާއީދު ނުކުރެއްވިޔަސް އަދި އިދިކޮޅު ފަރާތްތަކުގެ ފާޑުކިޔުންތައް އަމާޒުވެފައި ވިޔަސް، ސަރުކާރުގެ އިސް ބޭފުޅުން ގެންދަވަނީ އޭނާ އަށް ތައުރީފް ކުރައްވަމުންނެވެ. އަދި ދުންޔާ ނެންގެވި ފިޔަވަޅަކީ "އެންމެ ފުރަތަމަ ގައުމު" އަމާޒަކަށް ހައްދަވައި އެޅުއްވި ފިޔަވަޅެއް ކަމަށް ވެސް ރައީސް ޔާމީންގެ ފެކްޝަނުގެ ބޭފުޅުން ގެންދަވަނީ ވިދާޅުވަމުންނެވެ.
Thats Called " Nation First " Thank You Mme @dunyamaumoon Ahead with Nation. https://t.co/GjCt1El7az
— Ahmed Nihan (@ahmed_nihan) January 5, 2017
ދުންޔާ އަށް މަރުހަބާ ވިދާޅުވެ ޕީޕީއެމްގެ ޕާލިމެންޓްރީ ގްރޫޕުގެ ލީޑަރު ނިހާން ކުރެއްވި ޓުވީޓެއް.
ދުންޔާގެ ކުއްލި ނިންމެވުމާ އެކު ސިޔާސީ މައިދާނުން އަނެއްކާ ވެސް ބޮޑެތި ބަދަލުތަކެއް ފެނުން އެކަށީގެންވެ އެވެ. އެއީ، ދުންޔާ ސަރުކާރާ ގުޅިވަޑައިގަތުމާ އެކު، މައުމޫންގެ އާއިލާ ވެސް ގާތްގަނޑަކަށް މިހާރު ދެ ފަޅިވެފައިވާތީ އެވެ. މައުމޫންގެ ދަރިކަލުން ފާރިސް މައުމޫނާއި ޔުމްނާ މައުމޫން ބައްޕާފުޅާ އެކު ތިއްބެވި އިރު، ދުންޔާ އާއި ގައްސާން ތިއްބެވީ ރައީސް ޔާމީންގެ ފަޅީގަ އެވެ. އެހެންވެ، ކުރިއަށް އޮތް ތަނުގައި ޕީޕީއެމްގެ ކޯޅުން އިތުރަށް ޝައުގުވެރިވާނެ ކަމަށް ގިނަ ބަޔަކު ދެކެ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ރައީސް ޔާމީން ފޭން
07 January 2017
ރައީސް ޔާމީން މި ޤައުމަށް ކޮށްދެއްވާ ރަނގަޅު ކަންތައްތައް ފެނިފައި ހުރިހާ ބޭފުޅުންވެސް އެނބުރި ރައީސް ޔާމީން ކޮޅައް ޖެހޭނެ. އުމަރުވެސް، ޔުމްނާވެސް ހުދު މައުމޫންވެސް. އިންޝާ ﷲ
އުމަރު
06 January 2017
ސަރުކާރުގެ ވަޒީފާތަކަކީ ފީސަބީލިއްލާހިއަށް ރައީސުލް ޖުމްހޫރިއްޔާއަށް އެއްވެސް ޤާނޫނީ ހުރަހެއްނެތި ދީފައިވާ ބާރެއްގެ ތެރެއިން އުފައްދާ ވަޒީފާތަކެއް، ކޮންމެ ވަޒީފާއަކީ 50000 ވަރަކަށް ރުފިޔާ އަދި އޭގެ އިތުރުން ކޮންޓްރެކްޓްތަކުން ކަމިޝަނާއި، އިތުރު އިނާޔަތްތަކައި ސަރުކާރުގެ މަގާމު ބޭނުންކޮށްގެން ހޯދާ އިތުރު އާމްދަނީ އަދި ސަރުކާރުގެ ތެރެއިން ފުލެޓްތަކާއި ދަރިންނަށް ސްކޯލާޝިޕްތަކާއި އަދި އޭނާގެ އާއިލާތަށް މަގާމުތަކެއް، އެހެންކަމުން ދިވެހި ރާއްޖޭގެ ބައިތުލްމާލު އެއީ ރައީސުލް ޖުމްހޫރިއްޔާ ބޭނުންހާގޮތަކަށް މޮޑެން އޮތް ފުތްގަނޑެއް، ދެން ހުރިހައި ޒުވާނުންތިބީ ވަޒީފާނުލިބި، އަދި ކިޔަވައިގެން އަންނަ މީހުންނަށްވެސް ހަމައެކަނި އެނގޭހާ މަސައްކަތަކީ ސަރުކާރުގެ ވަޒީފާ އެނޫން މަސައްކަތަކެއް ނެއެނގޭ، ދެން ދުންޏާވެސް އައްސާނުވެސް ހަމަދާނީ މަގާމުތަކަށް އަދި ފައިސާއަށް، މިއަދު ރާއްޖޭގެ ސަރުކާރުގެ ތެރޭގައި ހިންގާ ހުރިހައި ކޮރަޕްޝަނެއް ހިންގެނީ މިގޮތަށް ރައީސުލް ޖުމްހޫރިއްޔާއަށް ދެވިފައިވާ އެއްވެސްކޮންޓްރޯލްތަކެއްނެއް ބާރުތަކުގެ ސަބަބުން އަދި ބާރާއި އެކުގައި ދިވެހި ދައުލަތުގެ މާލިއްޔަތު ހިތުހުރިގޮތަކަށް ބޭނުންކުރުމުގެ ބާރުވެސް ދެވިފައިވާތީ މިއަދު ރައީސުލް ޖުމްހޫރިއްޔާ އެގެންދަނީ އެބާރުގެ ބޭނުން ނަހަމަގޮތުގައި ބޭނުންކުރަމުން ޤައުމުގެ މުސްތަގްބަލަށް ނުބައްލަވައި
އިޙްސާންތެރިޔާ
06 January 2017
މައުމޫނުގެ އާއިލާ ބައިބައިވަނީބާ؟ އެއް ފޮޓޮޔަކުން މައުމޫނާއި ނަސްރީނާ އަދި ހަތަރު ދަރިން ދެން ފެންނާނެހެނެއް ހިޔެއްނުވެއެވެ. ނުލާހިކު ގުޅިގެން އުޅުނު އާއިލާއެއް ރޫޅާލި މޭސްތިރިޔަކީ ކާކުބާ؟ ދުންޔާ އަށް ރައީސް ޔާމީނާ ދެކޮޅަށް ބުނެވުނުބަސްތައް އެއީ ހުވަފެނެއްގަ ބުނެވުނު ބަސްތަކެއްތޯ؟ ރައްޔިތުން ނިކަން ހޭލާބަލަ. ޔާމީނަކަށް އަންނިއަކަށް މައުމޫނަކަށް އުމަރަކަށް ގާސިމަކަށް ދެން ތާއީދު ކުރާނެކަމެއް ނެތް. ވަފާތެރިޔަކު އެހެން ދިމާލަކުން ހޯދުން މިއަށްވުރެ ރަގަޅުވާނެ އިންޝާﷲ..
ާަަައަލް ޖިހާދު
06 January 2017
ދިވެހި ރައްޔިތުންނެވެ! އެެއްވެސް ސިޔާސީ މީހެއްގެ ފަހަތުން ޖަހާހަ ސަކާރަތަށް އަޅާ ނުލާ ހުންނާށެވެ. މިވީ ހުރިހާ ދުވަހަކު ރައްޔިތަކައް ލިބުނު ކުރި އެރުމެއް ނެތެވެ. ނުވިތާކު ލިބެނީ އުނދަގުލާއި އަނދިރި ކަމެވެ. ހާލިގުވަންތަ ވެރިފަރާތަށް ކިޔަމަންވެެ، ލިބިފައިވާ ސިކުނޑީގެ ބޭނުން އިސްލާމީ އަހުލާގުގެ ތެރެއިން ވިސްނައި ފިކުރު ކުރާށެވެ. ސާފުސީދާ މަގު ދައްކަވާނެތެވެ. ޙުރިހާ ރައްޔިތުން ކަންކަމުގައި ވިސްނާ، ހެޔު އަދުލްވެރި ވެރިޔަކު ހޯދުމުގައި މަސަކަައޔް ކުރާށެވެ. ކާމިޔާބު ލިބުން އޮތީ ވަރަށް ގާތުގައެވެ.
ސައްޕު
05 January 2017
މަޝްހޫރު ފުޓްބޯޅަ ތަރިން އަނިލް، ކުޑަމޫސަ، ދޮންބިލެތް މެންކަހަލަ މީހުން ކެރިއަރ ފެއްޓީ ވިކްޓަރީ ސްޕޯޓްސްކުލަބުންނެވެ. ނަމަވެސް ދޭތެރެއަކުން އެންމެ ވާދަ ވެރި ކުލަބްތަކަށް ބަދަލުވުމަށް ފަހު ކެރިއަރ ނިންމާލީ ހަމަ ވިކްޓަރީ ސްޕޯޓްސް ކުލަބުންނެވެ! އަލީ ވަހީދު ޢަބްދުއްލާ ޝާހިދު ޢަލީ ޢާޒިމް އަލްހާނު ...........................................................
ާަެެަަާަަްއެޑަމް
05 January 2017
ޢަންނަނީ ހިނި
އަބްދުއްލާ އަލީ
05 January 2017
ދުންޔާ އަކީ ޕްރައިމަރީން ޔާމީން އިންތިހާބު ކުރަން އެންމެ މަސައްކަތް ކުރެއްވި ބޭފުޅާ ، މެޑަމް ދަންނަ ބަޔަކު އޭރަކު ނޫޅޭ ވީމާ މަގާމް ދުންޔާ އަށް ހައްގުވާނެ.
ކޮމަންމޭން
05 January 2017
މިވަރުންވެސް ދިވެހި ރައްޔިތުންނަށް ވިސްނެންވެއްޖެ ކާމިނީ އާއިލާއަކީ ދިވެހި ރައްޔިތުންނަށް ހެވެއް އެދިގެން އުޅޭބައެއްނޫންކަން. އެއާއިލާއަށް ދިވެހިންގވެރިކަން ހިބަކޮށްދޭން ދނޑިމާރު އަޅާ މީހުންނަށް މިކަންވިސްނޭނީ ކޮންދުވަހަކުންބާއޭ ހިތަށްއަރާ.
އަޅުގަޑު
05 January 2017
ހެލްތް މިނިސްޓަރު އިސްތިއުފާ ދެއްވައިފިނަމަ ދެން އެމަގާމް "ލިބޭނީ" ކޮން ބޭފުޅަކަށްބާ؟؟؟؟
ޙޮންޑާ
05 January 2017
ތިއީ ނިގޫ ފިތުނީމާ ވާގޮތް. ފިރިކަލުންގެ ވިޔަފާރިޔަށް ކުރާ އަސަރު މިފެންނަނީ. ގައްސާނާއި ޝާހަކީ މިސަރުކާރުގެ އެތައް ޕްރޮޖެކްޓަކުން ނަފާލިބޭ ބައެއް. މިވަގުތު މައުމޫނު ފަޅިން މީހަކު ލިބުމަކީ ޔާމީނުގެ ބާރު ގަދަވާނެ ކަމެއް. އެހެންވީމަ ނިގުލަށް ފިއްތާލުމުން ބޯޖެހިތާގައި ނިގޫޖެހުންނޫން ދެން ކުރެވޭނެ ކަމެއްނެތް.