ކިންގް ސަލްމާން މިސްކިތް އެޅުމަށް ޓާމެކްސް ކުންފުންޏާ ހަވާލުކުރީ 500 ދުވަސް ތެރޭގައި ނިންމަން ޖެހޭ ގޮތަށް. ޓާމެކްސް އަކީ ހުޅުމާލޭގައި ޓްރީ ޓޮޕް ހޮސްޕިޓަލް އިމާރާތް ކުރާ ކުންފުނި. އެ ހޮސްޕިޓަލްގެ ބޮޑު ބައެއް ނިމި މި އަހަރު ހުޅުވަން ވަނީ ތައްޔާރުވެފައި.
ކިންގް ސަލްމާން މިސްކިތުގެ މަސައްކަތް ތުރުކީގެ ޓާމެކްސް ކުންފުންޏާ ހަވާލުކުރުމުގެ އެއްބަސްވުމުގައި ހައުސިން މިނިސްޓަރު މުއިއްޒު (ކ) މިއަދު ސޮއިކުރައްވަނީ: މި މިސްކިތް 500 ދުވަސް ތެރޭގައި ނިންމަން ޖެހޭ.--- ފޮޓޯ: ހުސެއިން ވަހީދު/ މިހާރު
28 ފެބުރުއަރީ 2017 - 19:09
14 comments
ސައޫދީ ސަރުކާރުގެ ހިލޭ އެހީގެ ދަށުން މާލޭގެ އުތުރު ފަރާތުގައި އިމާރާތްކުރާ "ކިންގް ސަލްމާން" މިސްކިތުގެ މަސައްކަތް 24 މިލިއަން ޑޮލަރަށް (370 މިލިއަން ރުފިޔާ) ތުރުކީގެ ޓާމެކްސް ކުންފުންޏާ މިއަދު ހަވާލުކޮށްފި އެވެ. މިއީ ހުޅުމާލޭގައި ޓްރީ ޓޮޕް ހޮސްޕިޓަލް އިމާރާތް ކުރަމުން އަންނަ ކުންފުނި ވެސް މެ އެވެ.
ހައުސިން މިނިސްޓްރީގައި ބޭއްވި ނޫސްވެރިންގެ ބައްދަލުވުމުގައި މިނިސްޓަރު ޑރ. މުހައްމަދު މުއިއްޒު ވިދާޅުވީ ރާއްޖޭގައި މިހާތަނަށް އިމާރާތްކުރާ އެންމެ ބޮޑު މިސްކިތް އަންނަ އަހަރުގެ އޮގަސްޓްމަހު ނިންމާލެވޭނެ ކަމަށް އުންމީދު ކުރައްވާ ކަމަށެވެ.
އެ މިސްކިތުގެ އެތެރޭގައި އެއްފަހަރާ 6،000 މީހުންނަށް ނަމާދު ކުރެވެ އެވެ. ނަމަވެސް ބޭރުގައި ނަމާދު ކުރެވޭ ގޮތަށް މާބުލް ޖެހުމުން ޖުމްލަ 10،000 މީހުންނަށް ނަމާދު ކުރެވޭނެ ކަމަށް މުއިއްޒު ވިދާޅުވި އެވެ.
މިނިސްޓަރު ފާހަގަކުރެއްވި ގޮތުގައި އިސްލާމީ މަރުކަޒެއްގައި ހުންނަންޖެހޭ ވަރަށް ގިނަ ކަންކަން ކިންގް ސަލްމާން މިސްކިތުގައި ހިމެނޭނެ އެވެ.
ކިންގް ސަލްމާން މިސްކިތް އިމާރާތް ކުރުމުގެ މަސައްކަތް ތުރުކީގެ ކުންފުންޏާ ހަވާލުކުރުމަށް މިއަދު ހަވީރު ބޭއްވި ރަސްމިއްޔާތުގައި މިނިސްޓަރު މުއިއްޒު ވާހަކަ ދައްކަވަނީ. ޓާމެކްސް ކުންފުންޏަކީ މި މަސައްކަތަށް ގާބިލް ކުންފުންޏެއް ކަމަށް އޭނާ ވިދާޅުވި.--- ފޮޓޯ: ހުސެއިން ވަހީދު/ މިހާރު
މުއިއްޒު ވިދާޅުވީ ރާއްޖޭގައި އިސްލާމްދީން ކުރިއަރުވައި، ދީނީ ވަހުދަތު ވަރުގަދަ ކުރަން ބޭނުން ކުރެވޭނެ ހުރިހާ ވަސީލަތްތައް މި މިސްކިތުގައި ގާއިމު ކުރާނެ ކަމަށެވެ.
ކިންގް ސަލްމާން މިސްކިތުގައި ހިމެނޭނެ ބައެއް ތަންތަން:
- މަލްޓި ޕާޕަސް ހޯލެއް ހުންނާނެ
- އޮޑިޓޯރިއަމެއް ހުންނާނެ
- ގުރުއާނާ ބެހޭ މަރުކަޒު މިސްކިތަށް ބަދަލުކުރެވޭނެ
- ދުނިޔޭގެ ފެންވަރުގެ ލައިބްރެރީއެއް ހުންނާނެ
- ސެމިނާތަކާއި ކްލާސްރޫމްތައް ހުންނާނެ
ކިންގް ސަލްމާން މިސްކިތުގެ މަސައްކަތް ހަވާލުކުރީ ރާއްޖޭގައި އިމާރާތް ކުރުމުގައި ތަޖުރިބާ ކުރަމުން އަންނަ ކުންފުންޏެއް ކަން ފާހަގަކުރައްވަމުން މުއިއްޒު ވިދާޅުވީ، އޭގެ ނަތީޖާ އަކީ ސަލްމާން މިސްކިތުގެ އަމަލީ މަސައްކަތް ފަސޭހައިން ފަށައި، ކުރިއަށް ގެންދެވުން ކަމަށެވެ.
"ކުންފުނިތަކަށް ދައުވަތު ދީގެން ބޭއްވި ބިޑިން ޕްރޮސެސްގައި އެންމެ ރަނގަޅު ހުށަހެޅުމެއްގެ ގޮތުގައި ހުށަހެޅީމަ އެ މަސައްކަތް [ޓާމެކްސްއާ] ހަވާލުކުރީ،" މުއިއްޒު ވިދާޅުވި އެވެ.
ކިންގް ސަލްމާން މިސްކިތުގެ ކުރެހުން
މިނިސްޓަރު ވިދާޅުވި ގޮތުގައި މިސްކިތް ބިނާ ކުރުމަށް ހަމަޖެހިފައިވަނީ އާޓިފިޝަލް ބީޗުގެ އުތުރަށް އޮތް ބިމު ގަ އެވެ. އެ ބިމުގައި ހުރި ވެހިކަލްތަކާއި ތަކެތި ނެގުމުގެ މަސައްކަތް ކުރަމުން އަންނަ ކަމަށް އޭނާ ވިދާޅުވި އެވެ. އަދި މާލޭގެ ހުޅަނގު ފަރާތެކޭ އެއްގޮތަށް އުތުރު ފަރާތަކީ އެއަށް ވުރެ ބޮޑަށް ތަރައްގީވެފައި އޮތް ސަރަހައްދަކަށް ހަދާނެ ކަމަށް ވެސް މިނިސްޓަރު ވިދާޅުވި އެވެ.
ކިންގް ސަލްމާން މިސްކިތް އެޅުމަށް 24 މިލިއަން ޑޮލަރަށް ތުރުކީ ބަޔަކަށް ދީފައި މިވަނީ ރަސްމީ ދަތުރުފުޅެއްގައި ސައުދީ ރަސްގެފާނު ސަލްމާން ބިން އަބްދުލްއަޒީޒް ރާއްޖެ އަށް ވަޑައިގެންނެވުމަށް ނިންމަވާފައިވަނިކޮށެވެ. އެމަނިކުފާނު ރާއްޖެ ވަޑައިގަންނަވާނީ އެނގިފައިވާ ގޮތުގައި އަންނަ މަހުގެ 18 ހިސާބުގަ އެވެ.
އިތުރު ލިޔުންތައް
މަގްބޫލް ލިޔުންތައް
Mihaaru Print Edition
Download Mihaaru News App
Offline Alerts
SMS 'sub mihaaru' to 5454
ކޮމެންޓްތައް
ހާސިމު
01 March 2017
މިސްކިއްތައް އެޅުމަކީ ވަރަށް ރަގަޅު އަދި އަހަރެމެން ތާއީދުވެސް ކުރާކަމެކެވެ ނަމަވެސް މީގަ ސާފުކޮށްލަން ބޭނުމީ ކިހާވަރެއްގެ ކަޓެއް ނަގާފަތޯ މިސްކިއް އަޅަން ތިޔަ ހަވާލުކިރެއްވީ؟
ޕޮކަންޑި
01 March 2017
ބޮޑެތި ރީތި މިސްކިތްތައް އެޅިއަސް ހިތާމައަކީ ނަމާދުތަކުގައި 02 ސަފު ވެސް ރަނގަޅަށް ނުފުރޭތީ. މިޤައުމުގެ މީހުންނަށް ނަމާދުކުރަންޖެހޭކަން އެނގެނީ ހުކުރު ދުވަހުއާއި، ޢީދުދުވަހުއާއި އަދި ކޮންމެ ރަމަޟާން މަހެއްގެ ފުރަތަމަ ހަފްތާއާއި ފަހު ދިހައެއްގެ ބައެއް އޮނަހިރި ރޭރޭ އެކަނި. އެހެންވީމާ ބޮޑު ޚަރަދުކޮށް މިސްކިތްތައް އެޅުމުގެ ބަދަލުގައި މިދެންނެވި ދުވަސްތަކުގައި އަޅާފައި ރޫޅާލާ ކަހަލަ ޓެންޓް މިސްކިތްތަކެއް ހޯދަންވީ. ހިތާމަ ހުރި ކަމެއް.
ޕޮކަންޑި މޭން
01 March 2017
ކޮންފަދަ އުފާވެރި ޒަމާނެއްތޯ؟ ކޮންފަދަ ހިންގުންތެރި ހިކުމަތްތެރި ވެެރިކަމެއްތޯ މިއީ؟ ދިވެހި ޤައުމުގައި ދިރިއުޅެން މިއަށްވުރެ ވަކި އުފާވެރި އެހެން ދުވަސްވަރެއް ދިޔަތޯ؟
ރޯޅި
01 March 2017
ތި މިސްކިތުގެ ޑިޒައިން ބަލާބެލުމަށް އެހާ ރީއްޗެއް ނޫނެވެ. ދެން ތިއީ ވާރޭ ގަދައަށް ވެހޭ ގައުމެއްގެ ރާޅުޖަހާ ސަރަހައްދެއްގެ ކައިރީގައި ހަދާ މިސްކިތެއްވީމަ ބާލިދީ މިސްކިތަކަށް ނުވެއްޖެއްޔާ ކިތަންމެހާވެސް ރަނގަޅެވެ.
ޒާ
01 March 2017
ކޮބައިތަ އެއްކަލަ އިނގިރޭސިވިލާތުގައި ހަދައިގެން އުޅޭ އަތާލަތާއި އެމްޑީޕީ ގުޅިގެން ހެދި ޖަމާޢަތުގެ ބަސް މިކަމުގައި. ހުއްޓުވަން ބަޔާނެއް ނުނެރޭތަ؟ މިކަމަށްވެސް ދެކޮޅުވެރިވާންޖެހޭނެ. އޭރުން ތިމާމެންގެ ހިތުގައި އިސްލާމް ދީނަށް އޮތް ލޯބިވެސް ކޮންމެވެސް ސިފައެއްގައި ހާމަ ކޮށްލެވޭނީ. މިހާރުވެސް އެފަދަ ކޮމެންޓްތައް އެބަހުރި. އެފަދަ މީހުންނަށް ރަނގަޅު ހަމަ އެއްކަމެއްވެސް ނޯންނާނެ. ގެއަށް ވަދެފައި އަނބިމީހާއާށްވެސް އެއްޗެހި ގޮވާނެ ކައްކާފައި ހުރި އެއްޗެއްގެ ރަހަ ގޯސްވެގެން.
ސސ
01 March 2017
ރަސްގެފާނު އަންނަންވާއިރަށް ހުރިހާކަމެއް އެބަފަށާ އަނެއްކާ ކިހިނެއްވެގެންބާ މިއުލެނީ !
ލަވްލީ
01 March 2017
ކޮބާ ކޯލިޝަނެއް ހަދަމާ ތިކަމާ ދެކޮޅުހަދަން...
ބޮޑު ބޮޑު ކަރަންޓު ބިލް
28 February 2017
ކޮންދުވަހަކުން ތަ މަގުމަތީގައި ހަމަނޭވާއެއްލެވޭނީ. ހުރިހާ ޕްލޭންއެވެސް ހަމަ ސުމެއް. ސޯސަންމަގު ތައްޖެހި ގުޑާނުލާ 20 މިނެޓް ތިބެހންޖެހޭ، ސްކޫލްގަޑީ ހޭވީ ވެހިކަލްތައް. ހައްލެއް ބޭނުން ހަމަ ޕާޓީ ބޭއްވިއަކަސް ނުވާނެ
ކަނުއަނދިރި
28 February 2017
ތިތާހުރި ހުރިހާ ކާރުތަށް ނެގީމަ ދެން ކޮންތާކުތަ ޕާކުކުރެވޭނީ މިހާރުވެސް މިއުޅެނީ ޕާކުކުރާނެ ތަންކޮޅެއް ނުލިބިގެން ނުދުއްވާ ހަލާކުވެފަ ހުރި ތަކެތި އަވަސް މުސްތަގުބަލެއްގަ ތިލަފުއްޓަށް ނަމަވެސް ލައިދީބަލަ އޭރުން ކޮންމެސް ވަރެއްގެ ހައްލެއް ލިބޭނެ
ސޫޓަބަލް
28 February 2017
ތި މިސްކިތަށް ކިޔަން އެންމެ ރަނގަޅު ނަމަކީ ޕްރެސިޑެންޓް ޔާމީން މަސްޖިދް